سعودی عرب : عمرہ زائرین کیلیے اہم ہدایات جاری
مکہ مکرمہ : سعودی وزارت حج و عمرہ نے عمرہ زائرین کے لئے اہم ہدایت جاری کرتے ہوئے کہا ہے کہ وہ پرمٹ میں درج تاریخ اور وقت کی پابندی کریں۔ سعودی ذرائع ابلاغ کی رپورٹ کے مطابق وزارت حج و عمرہ نے سماجی رابطے کی ویب سائٹ ایکس پر اپنے پیغام میں عمرہ زائرین سے امید ظاہرکی ہے کہ وہ عمرہ پرمٹ میں درج مقررہ تاریخ اور وقت کی پابندی کریں جس پر وہ عمرہ زائرین کے شکر گزار ہوں گے۔
ترجمان وزارت حج و عمرہ نے کہا کہ ہم دعا گو ہیں کہ اللہ تعالی ان تمام زائرین کا عمرہ قبول فرمائے۔ واضح رہے عمرہ کی ادائیگی کے لیے پرمٹ کی شرط پر ہنوز عمل درآمد جاری ہے۔ یاد رہے کہ اس سے قبل سعودی وزارت حج و عمرہ نے خواتین زائرین عمرہ کے لیے ڈریس کوڈ جاری کیا تھا۔ سعودی وزارت حج وعمرہ جس کے مطابق خواتین عمرے کے لیے غیر آرائشی لباس کا انتخاب کریں۔ لباس ڈھیلا ہونا چاہیے جو جسم کے کسی بھی حصے کو ظاہر نہ کرے۔
