اداکارہ صبا قمر نے کہا ہے کہ جب کوئی ایسا شخص ملا جس کے ساتھ وہ ساری زندگی گزار سکیں تو شادی کر لیں گی۔
میڈیا رپورٹ کے مطابق اداکارہ نے حال ہی میں اپنے مداحوں کیساتھ سوشل میڈیا پر سوال وجواب کا سیشن کیا جس میں ان کا کہنا تھا کہ وہ بہت جلد اپنا یوٹیوب چینل بھی متعارف کرائیں گی اور ایک ویب سیریز بنانے کا بھی ارادہ ہے۔
انہوں نے اپنی زندگی کا اہم واقعہ بتاتے ہوئے کہا کہ لاہور میں ایک ڈرامے کی شوٹنگ کے دوران مٹی کے گھر میں بزرگ خاتون کی بے بسی دیکھ کر احساس ہوا کہ ہم رب کی نعمتوں سے کتنے مالامال ہیں۔
واضح رہے کہ صبا قمر کو ڈرامہ سیرل “داستان” سے شہرت ملی، جس کے بعد وہ ترقی کی منزلیں طے کرتی چلی گئیں، انہوں نے متعدد ڈرامہ اور فلم ایوارڈ بھی اپنے نام کئے ہیں۔
