معروف اداکارہ مایا علی کا کہنا ہے کہ اُن کو یقین ہے کہ انشاء اللہ بہت جلد تمام مسلمان ایک ساتھ اکٹھے ہوکر دوبارہ مسجد میں نماز پڑھیں گے۔
گزشتہ روز پاکستان شوبز انڈسٹری سے تعلق رکھنے والی معروف اداکارہ مایا علی نے تصویر اور ویڈیو شیئرنگ ایپ انسٹاگرام پر اپنی ایک تصویر شیئر کی، مایا علی کی جانب سے شیئر کی جانے والی تصویر میں دیکھا جاسکتا ہے کہ اداکارہ اسلا م آباد کی فیصل مسجد میں موجود ہیں۔
مایا علی نے اپنی اِس پوسٹ کے کیپشن میں لکھا کہ ’یہ تصویر کچھ دن پہلے کی ہے جب سب مسلمان ایک ساتھ مسجد میں نماز پڑھتے تھے۔‘ اداکارہ نے لکھا کہ ’مجھے یقین ہے کہ انشااللّہ یہ دن بہت جلد واپس آجائیں گے کہ جب تمام مسلمان اکٹھے ہوکر نماز پڑھیں گے۔
اداکارہ نے مزید لکھا کہ ’براہ مہربانی اپنی صحت کی خاطر اور دوسروں کی زندگیوں کی خاطر اپنے گھروں میں رہیں۔‘ واضح رہے کہ کورونا وائرس کے پھیلاؤ کو روکنے کے لیے حکومت پاکستان نے ملک بھر کی مساجد میں اکٹھے ہو کر نماز ادا کرنے پر بھی پابندی لگا دی ہے۔
