وزراتِ صحت کا کہنا ہے کہ پاکستان میں کورونا وائرس سے ہوئی اموات کی تعداد تصدیق شدہ ہے۔عالمی ادارۂ صحت (ڈبلیو ایچ او) کے ماہرین کے پینل کی جانب سے کورونا وائرس سے اضافی اموات کے حوالے سے سامنے آنے والے بیان پر وزراتِ صحت نے اعلامیے کے ذریعے ردِ عمل کا اظہار کیا ہے۔ اعلامیے میں وزراتِ صحت کا کہنا ہے کہ پاکستان میں کورونا وائرس سے ہوئی اموات کے اعداد و شمار کو عالمی سطح پر تسلیم کیا گیا، پاکستان میں اموات کی رپورٹنگ کے نظام کے لیے متعدد مراحل موجود ہیں۔
وزراتِ صحت کا اعلامیے میں کہنا ہے کہ قبرستانوں میں رپورٹ ہونے والی اضافی اموات کورونا سے ملتی جلتی ہو سکتی ہیں، اموات کو رپورٹ کرنے کا کوئی بھی نظام مکمل طور پر درست نہیں ہو سکتا، کورونا اموات سے متعلق پاکستان کی رپورٹ کردہ تعداد، اصل تعداد کے قریب تر ہے۔ اعلامیے میں وزراتِ صحت نے کہا ہے کہ کورونا کی وباء کے دوران اموات میں اضافہ ہوا اور پاکستان متاثر ہوا، تاہم 2 سال میں مجموعی اموات کے اعداد و شمار میں غیر معمولی اضافہ نہیں دکھایا، پاکستان نے کورونا سے اموات کا پہلے ضلعی، پھر صوبائی سطح پر ریکارڈ مربوط کیا۔
وزراتِ صحت نے اعلامیے میں کہا ہے کہ باقاعدہ ہیلتھ کیئر سسٹم کے تحت ڈیٹا صوبائی اور قومی سطح پر جاری کیا جاتا، پاکستان میں 97 فیصد مسلم آبادی ہے جہاں کورونا سے ہوئی اموات کی تدفین کی گئی۔ اعلامیے میں کہا گیا ہے کہ کورونا وائرس سے جاں بحق افراد کی اکثریت کی مخصوص قبرستانوں میں تدفین کا ریکارڈ ہے، پاکستان میں اکثریت کی تدفین کی جاتی ہے۔ وزراتِ صحت نے اعلامیے میں کہا ہے قبرستانوں میں تدفین کرنے والوں کی تاریخ، وقت اور لوکیشن کا مکمل ریکارڈ ہوتا ہے، کورونا میں پاکستان ڈیٹا اور تجزیات کا استعمال کرتے ہوئے فیصلہ سازی میں آگے رہا ہے۔
اعلامیے میں مزید کہا گیا ہے کہ گزشتہ 3 سال کے دوران ماہانہ بنیادوں پر ہونے والی اموات کا تقابلی جائزہ لیا گیا، اموات کا آڈٹ این سی او سی نے بڑے شہروں کے قبرستانوں کے ڈیٹا دیکھ کر کیا، قبرستانوں کے اعداو و شمار سرکاری طور جاری کورونا اموات کے ڈیٹا سے زیادہ نہیں۔وزراتِ صحت کا اپنے اعلامیے میں یہ بھی کہنا ہے کہ متعدی بیماریوں کی درست ماڈلنگ کے لیےزمینی حقائق کی مکمل تفہیم کی ضرورت ہوتی ہے، محض غیر حقیقی مفروضوں کے اعداد و شمار انتہائی گمراہ کن ہو سکتے ہیں۔
عوامی رابطہ مہم: مریم نواز کے جلسوں کیلئے شیڈول جاری
لاہور: پارٹی کی نائب صدر مریم نواز کے جلسوں کے لیے مسلم لیگ (ن) نے تیاریاں شروع کردیں، عوامی رابطہ مہم کے تحت پنجاب اور خیبرپختونخوا میں جلسوں کا شیڈول جاری کردیا۔ ذرائع کے مطابق مریم نواز مئی کے آخری ہفتے میں بہاولپور میں بڑا جلسہ کریں گی، مریم نواز 6 مئی کو اٹک، 8 مئی کو اوکاڑہ اور 11 مئی کو صوابی میں جلسے کریں گی۔
انہوں نے بتایا کہ مریم نواز سینٹرل پنجاب، جنوبی پنجاب اور کے پی کے میں جلسے اور مریم نواز عید کے بعد عوامی رابطہ مہم کی قیادت کریں گی۔ذرائع کے مطابق مسلم لیگ (ن) کی عوامی رابطہ مہم عید الفطر کے فوری بعد شروع کی جائے گی، پاکستان مسلم لیگ (ن) کا عوامی رابطہ مہم شروع کرنے کا فیصلہ کیا ہے۔
امت مسلمہ کے مفادات کا فروغ پاکستان کی خارجہ پالیسی ہے: وزیراعظم
اسلام آباد: وزیراعظم نے کہا ہے کہ امت مسلمہ کے مفادات کا فروغ پاکستان کی خارجہ پالیسی کا بنیادی ستون ہے۔ وزیراعظم شہبازشریف سے اسلامی تعاون تنظیم (او آئی سی) کے سیکرٹری جنرل حسین ابراہیم طحہٰ نے ملاقات کی۔وزیراعظم نے تنازعہ جموں و کشمیر پر او آئی سی کی دو ٹوک اور مسلسل حمایت پر سیکرٹری جنرل او آئی سی کا شکریہ ادا کیا۔شہباز شریف نے تنظیم پر زور دیا کہ اقوام متحدہ کی سلامتی کونسل کی قراردادوں اور کشمیری عوام کی امنگوں کے
مطابق تنازعہ جموں و کشمیر کے پرامن اور پائیدار حل کیلئے سفارتی کوششوں کی قیادت کرے۔وزیراعظم نے اپنی حکومت کے اس عزم کا اعادہ کیا کہ امت مسلمہ کے مفادات کا فروغ پاکستان کی خارجہ پالیسی کا بنیادی ستون ہے۔شہبازشریف نے کہا کہ او آئی سی وزراءخارجہ کونسل کے موجودہ چیئرمین کی حیثیت سے پاکستان او آئی سی کے رکن ممالک کی دلچسپی اور ان کی تشویش سے متعلقہ امور میں فعال کردار ادا کرنے کا خواہاں ہے۔
وزیراعظم نے زور دیا کہ اسرائیل کو مقدس ومبارک مسجد اقصی کو مختلف عقائد رکھنے والے لوگوں کے درمیان عارضی یا مقامی طور پر تقسیم کرنے کی اجازت نہ دی جائے۔وزیراعظم شہبازشریف نے افغانستان کے عوام کے لئے فوری انسانی مدد کی فراہمی کی ضرورت پر زور دیا اور کہا کہ کہ عالمی سطح پر اسلامو فوبیا کے بڑھتے ہوئے مسئلے سے نمٹنے کے لئے او آئی سی کو اپنی کوششیں تیز کرنی چاہئیں۔وزیراعظم شہبازشریف نے سیکریٹری جنرل کو دورہ پاکستان کی دعوت دی جسے سیکریٹری جنرل نے قبول کرلیا۔
ملاقات میں سیکریٹری جنرل نے وزیراعظم شہبازشریف کو منصب سنبھالنے پر مبارکباد پیش کرتے ہوئے او آئی سی کے بانی رکن کے طور پر پاکستان کے فعال اور اہم کردار کو اجاگر کیا۔سیکریٹری جنرل نے اقوام متحدہ کی سلامتی کونسل کی قراردادوں کے مطابق تنازعہ جموں وکشمیر کے پرامن اور منصفانہ حل کے لئے او آئی سی کی حمایت کا اعادہ کیا۔سیکرٹری جنرل حسین ابراہیم طحہٰ نے امت مسلمہ کو درپیش کلیدی مسائل بالخصوص فلسطین، افغانستان اور اسلاموفوبیا پر پاکستان کے ساتھ مل کر کام کرنے کے عزم کا اظہار کیا۔
نوازشریف عمران خان کو سیاست سے باہر پھینک دیگا: مریم نواز
لاہور جمعرات 28 اپريل 2022: مسلم لیگ (ن) کی نائب صدر مریم نواز نے سابق وزیر اعظم عمران خان کو مخاطب کرکے کہا ہے کہ ابھی نواز شریف نے تمھیں وزیراعظم ہاؤس سے باہر پھینکا اب تمہیں سیاست سے بھی بے دخل کردے گا۔ کھوکھر پیلس میں کارکنوں سے خطاب کے دوران انہوں نے کہا کہ عزت بھی اللہ کے ہاتھ میں ہے ذلت بھی اللہ کے ہاتھ میں ہے، تہتر سال میں پہلا وزیر اعظم تھا جس کو ووٹ اور عوام نے باہر پھینکا دیا۔
انہوں نے کارکنوں کو مخاطب کرکے کہا کہ مجھے یاد ہے جب ان کی چادر چاردیواری کو پامال کیا گیا تھا، آپ سب کے جذبے اور ہمت، استحکام ، کھوکھر پیلس کی وفاداری کو سلام پیش کرتی ہوں۔مریم نواز نے کہا کہ کارکنوں نے نواز شریف کا ساتھ نہ چھوڑا اسی کا نتیجہ ہے کہ عمران خان سے جان چھٹ گئی ہے، ابھی نواز شریف نے تمھیں وزیراعظم ہاؤس سے باہر پھینکا ابھی تمھاری سیاست بھی ختم کردے گا۔ انہوں نے کہا کہ عمران خان نے جھوٹ بول بول کر ناک میں دم کردیا ہے اور ہمیں کہتا رہا کہ گھبرانا نہیں ہے اور خود جب سے اقتدار گیا ہے دھاڑے مار مار کر روتا ہے۔
انہوں نے کہا کہ ہمیں کہتا تھا 50 لاکھ گھر دوں گا ایک ہی گھر مکمل ہوا وہ زمان پارک کا گھر تھا، جب آخری گیند کا وقت آیا تھا میدان چھوڑ کر بھاگ گیا، بڑا معصوم ہوکر کہتا ہے میرے لیے 12 بجے عدالتیں کیوں کھلی تم نے خودکش حملہ کیا تھا۔مریم نواز نے کہا صدر، گورنر پنجاب، اسپیکر، ڈپٹی اسپیکر قومی اسمبلی عمران خان کے ملازم بن گئے تھے، حمزہ شہباز حلف اٹھا کر رہے گا۔
روزنامہ "لائلپورپوسٹ" خبروں اور حالات حاضرہ سے متعلق پاکستان کی ایک بڑی اوربہت زیادہ وزٹ کی جانے والی گلوبل ویب سائٹ ہے۔ اس ویب سائٹ پر شائع شدہ تمام مواد کے جملہ حقوق بحق روزنامہ "لائلپورپوسٹ" محفوظ ہیں۔