Daily "Layalpur Post"

خلوی تجزیاتی ٹیکنالوجی سے تپ دق کو شکست دینے میں مدد مل سکتی ہے

نیویارک ۔25جولائی2021: جدید ترین طریقہ علاج کے باوجود ہم تپِ دق (ٹی بی) سے کئی محاذ پر شکست کھارہے ہیں۔ اس ضمن میں ایک نئی خلوی تجزیاتی ٹیکنالوجی وضع کی گئی ہے جس کی بدولت اس مرض کو قابو کرنے اور معالجے میں مدد مل سکتی ہے۔ کورنیل یونیورسٹی میں خردحیاتیات اور امیونولوجی کے ماہر ڈاکٹر ڈیوڈ رسل اور ان کے ساتھیوں نے انفرادی امنیاتی خلیات اور ٹی بی بیکٹیریا کے درمیان تعلق کو دریافت کیا ہے ۔ اس تحقیق سے ایک جانب تو ٹی بی کے مؤثر علاج میں مدد ملے گی اور دوم ٹی بی ویکسن کا کام بھی آگے بڑھے گا۔ کئی برس سے ڈاکٹر ڈیوڈ اور ان کے ساتھی جاننے کی کوشش کررہے ہیں کہ آخر ٹی بی کا بیکٹیریا، یعنی مائیکوبیکٹیریئم ٹیوبرکلوسِس (ایم ٹی بی) ایسے خلیات میں کیوں جا بیٹھتا ہے جو عام طور پر امنیاتی خلیات یعنی میکروفیجز ہوتے ہیں؟

اس ضمن میں نئی ٹیکنالوجی وضع کی گئی ہے جو بیکٹیریا اور اس کے میزبان (خلئے) کے درمیان تعلق سمجھنے میں مدد دیتی ہے۔ پہلے طریقے میں آر این اے سیکوینسنگ اور سنگل سیل آر این اے سیکوینسنگ سے مدد لی گئی۔ دوسرے طریقے میں ایم ٹی بی بیکٹیریئم کو اس طرح تبدیل کیا گیا کہ وہ مختلف ماحول میں مختلف قسم کی روشنی خارج کرتا ہے اور اس تبدیل شدہ بیکٹیریئم کو رپورٹر بیکٹریئم کا نام دیا گیا ہے۔ پھر رپورٹر بیکٹیریئم سے چوہوں کو ٹی بی کی بیماری دی گئی۔ اس کے بعد چوہے کے پھیپھڑے سے کئی متاثرہ میکروفیجز نکالے گئے۔ پھر ہر خلئے کو دیکھ کر اندازہ لگایا گیا کہ کون ٹی بی کے رپورٹر جراثیم سے زیادہ متاثر ہے اور کون کم متاثر ہورہا ہے۔ اس کا ادراک خارج ہونے والی روشنی کی بنا پر کیا گیا۔

اگلے مرحلے میں ان کا آراین اے تجزیہ کیا گیا تاکہ ہر انفرادی میزبان خلیے کی جینیاتی ترکیب سامنے آسکے۔ معلوم ہوا کہ ایک خلئے کے جین نے بیکٹیریا کو بڑھایا تو دوسرے خلیے کے جین نے بیکٹیریا کی نشوونما روکنے میں اپنا کردار ادا کیا۔ بلاشبہ یہ ایک بہت اہم دریافت ہے۔ اس طرح ٹی بی کے پھیلاؤ کو سمجھنے میں مدد ملے گی اور ان خلیات پر کئی مرکبات آزما کر ہم جلد یا بدیر ٹی بی ویکسین تک پہنچ سکتے ہیں۔

ہارٹ اٹیک میں دل کے حصوں کو مرنے سے بچانے والا مکڑی کا زہر

کوئنزلینڈ.17جولائی2021: آسٹریلیا میں عام پائی جانے والی ایک مکڑی کے زہر میں ایسے جزو کا انکشاف ہوا ہے جس سے دل کے دورے میں مریض کو فائدہ ہوسکتا ہے۔ اس سے قبل اسی فنل ویب نامی مکڑی کے زہر کو جلد کے سرطان اور فالج کے حملے کے خلاف مؤثر پایا گیا ہے۔ اب اس میں ایک سالمہ(مالیکیول) پایا گیا ہے جو ہارٹ اٹیک کے بعد ’موت کے سگنل‘ کو روک سکتا ہے اور مریض کو ابتدائی طبی مدد فراہم کرسکتا ہے۔ یونیورسٹی آف کوئنزلینڈ کے ماہرین نے پچھلی تحقیق پردوبارہ نظر ڈالتے ہوئے فنل ویب مکڑی کے زہر میں ایک چھوٹا سالمہ دیکھا ہے۔ اسے فالج زدہ چوہوں پر آزمایا گیا تو اس نے دماغی تباہی کو بہت حد تک روکا یہاں تک کہ فالج کے حملے کے کئ گھنٹوں بعد بھی اس کی شفائی تاثیر نمایاں رہی۔

جامعہ سے وابستہ پروفیسر گلین کنگ کہتے ہیں کہ اس پروٹین کا نام ’ایچ آئی ون اے‘ ہے، اگر فالج کے آٹھ گھنٹے بعد بھی اس کا ٹیکہ لگایا جائے تو حیرت انگیز طور پر بہت فائدہ ہوتا ہے اور دماغ تباہی سے بچ جاتا ہے۔ پھراسی سالمے کو دل کے دورے کے لیے بھی آزمایا گیا۔ سائنسدانوں نے انسانی قلب کے دھڑکتے ہوئے خلیات لیے اور ان پر بیرونی طور پر ہارٹ اٹیک جیسا دباؤ ڈالا۔ لیکن اس کےبعد جیسے ہی دل پر یہ سالمہ ڈالا گیا تو دل کے خلیات میں تیزی سے پھیلنے والے ’ڈیتھ سگنل‘ رک گئے۔ دل کے دورے میں یہ سگنل دل میں ہر خلئے تک پھیل کر دل کو نقصان پہنچاسکتے ہیں۔

’ دل کے دورے کے بعد قلب تک خون کی فراہمی متاثر ہوتی ہے جس سے آکسیجن بھی کم ہوجاتا ہے۔ اس طرح دل کے پٹھوں کے خلیات تیزابی ہوجاتے ہیں اور سب مل کر دل کے خلیات کو ’مرجانے کا پیغام‘ دیتے ہیں،‘ تحقیق میں شامل ایک اور سائنسداں ناتھن پلپنت نے کہا۔ تحقیق سے معلوم ہوا کہ ایچ آئی ون اے نے دل کے آئن چینل میں تیزاب شناخت کرنے کی قوت سلب کرلی اور موت کا سگنل ایک مقام پر رک گیا اور جب دل کے خلیات تک یہ سگنل نہیں پہنچا تو وہ سلامت اور زندہ رہے۔ اب تک دل کے خلیات کو فنائیت کا سگنل  روکنے کا کوئی طریقہ دریافت نہیں ہوسکا ۔ اس طرح ہارٹ اٹیک سے دل کے نقصان کو بچانے میں مدد مل سکے گی۔ ماہرین کے مطابق جس طرح انجائنا کے علاج میں ایک گولی زبان کے نیچے رکھی جاتی ہے عین اسی طرح دل کے بڑے دورے میں اس سالمے کو پہلی طبی امداد کے طور پر دیا جاسکے گا۔

ایسٹرا زینیکا ویکسین کے حوالے سے ایک اور تحقیق

لندن۔ 10جولائی 2021: آکسفورڈ یونیورسٹی کی ایسٹرا زینیکا کووڈ ویکسین کے حوالے سے ایک اور تحقیق سامنے آگئی جس نے کرونا وائرس سے بچاؤ کے امکانات میں اضافہ کردیا۔بین الاقوامی میڈیا کے مطابق حال ہی میں کی جانے والی ایک تحقیق میں کہا گیا ہے کہ ایسٹرا زینیکا کووڈ ویکسین کا مدافعتی ردعمل دونوں خوراکوں کے درمیان طویل وقفے سے زیادہ بہتر ہوتا ہے۔آکسفورڈ یونیورسٹی کی اس تحقیق میں بتایا گیا کہ پہلی اور دوسری خوراک کے درمیان 45 ہفتے یا 10 ماہ تک کا وقفہ بیماری سے تحفظ فراہم کرنے والی اینٹی باڈیز کی سطح کو بڑھا دیتا ہے۔

تحقیق میں پہلی بار یہ ثابت کیا گیا کہ تیسرا یا بوسٹر ڈوز مدافعتی ردعمل کو مضبوط بنانے کے ساتھ کرونا کی نئی اقسام کے خلاف سرگرمیوں کو بڑھاتا ہے۔کووڈ ویکسین سپلائی میں کمی کا سامنا دنیا بھر میں متعدد ممالک کو ہے جس کے باعث پہلی اور دوسری خوراک کے درمیان وقفہ زیادہ ہونے کے حوالے سے بیماری سے تحفظ پر خدشات سامنے آرہے ہیں بالخصوص نئی اقسام کے ابھرنے پر۔بیشتر ممالک میں ایسٹرازینیکا ویکسین کی 2 خوراکوں کے درمیان 4 سے 12 ہفتوں کا وقفہ دیا گیا ہے۔

اسی کو مدنظر رکھتے ہوئے اس نئی تحقیق میں دیکھا گیا تھا کہ دونوں خوراکوں کے درمیان زیادہ وقفہ دینا بیماری سے تحفظ میں کتنا مددگار ہے یا کتنا خطرہ بڑھا دیتا ہے۔آکسفورڈ ویکسین ٹرائلز کے سربراہ اینڈریو پولارڈ نے بتایا کہ یہ سب تیاری کا حصہ ہے، ڈیٹا سے ثابت ہوتا ہے کہ ہم لوگوں کو ایسٹرازینیکا ویکسین کا اضافی ڈوز دے کر مدافعتی ردعمل کو بڑھا سکتے ہیں جو بہت زیادہ اہمیت رکھتا ہے۔تحقیق میں یہ بھی دریافت کیا گیا کہ ایک خوراک استعمال کرنے والے افراد کو ایک سال بعد بھی بیماری کے خلاف کسی حد تک تحفظ حاصل تھا۔ایک خوراک استعمال کرنے والے 180 دن بعد اینٹی باڈی کی سطح نصف رہ گئی جو 28 دن میں عروج پر پہنچ گئئی تھی، جبکہ دوسری خوراک کے ایک ماہ بعد اینٹی باڈی کی سطح میں 4 سے 18 گنا تک بڑھ گئی۔

اس تحقیق میں شامل رضاکاروں میں وہ افراد تھے جو گزشتہ سال آکسفورڈ کی تیار کردہ اس ویکسین کے ابتدائی اور آخری مرحلے کے ٹرائلز شامل تھے۔ان میں سے 30 افراد کو ٹرائل کے دوران صرف ایک خوراک دی گئی تھی اور دوسری خوراک 10 ماہ بعد دی گئی۔ 90 افراد ایسے تھے جو پہلے ہی 2 خوراکیں استعمال کرچکے تھے اور اس تحقیق میں انہیں تیسرا ڈوز دیا گیا۔تمام رضا کاروں کی عمریں 18 سے 55 سال کے درمیان تھیں۔تحقیق میں تیسری خوراک استعمال کرنے والے افراد میں کرونا وائرس کی اقسام ایلفا، بیٹا اور ڈیلٹا کو ناکارہ بنانے والی اینٹی باڈیز کی زیادہ سطح کو دریافت کیا گیا۔ نتائج سے اس خیال کو تقویت ملتی ہے کہ وائرل ویکٹر ویکسینز کو بوسٹرز کے طور پر بھی استعمال کیا جاسکتا ہے۔

 نرسوں کی تعلیم و تربیت کو بین الاقوامی معیار سے ہم آہنگ بنایا جائے: صدر مملکت 

کراچی۔20جون2021 (اے پی پی):صدر ڈاکٹر عارف علوی نے وژن 2030 کے مطابق ملک میں صحت کی سہولیات کا معیار بلند کرنے کی خاطرنرسنگ کے شعبہ میں بین الاقوامی معیار سے ہم آہنگ تعلیم و تربیت پر زور دیتے ہوئے کہا ہے کہ نرسوں کے لئے ماسٹر ٹرینرز کی خدمات حاصل کی جائیں۔ ہفتہ کو گورنر ہائوس میں ینگ نرسز ایسوسی ایشن (وائی این اے) سندھ کے وفد سے ملاقات میں صدرمملکت نے نرسنگ کے پیشہ کی اہمیت کو اجاگر کرتے ہوئے کہا کہ ہیومن ڈویلپمنٹ انڈیکس اور وژن 2030 کے اہداف کے حصول کے ضمن میں یہ شعبہ انتہائی اہمیت کا حامل ہے۔ انہوں نے پاکستان نرسنگ کونسل (پی این سی) پر زور دیا کہ نرسوں کو معیاری تعلیم اور نرسنگ کے بہترین اصولوں پر عملدرآمد کے لئے ماسٹر ٹرینرز کی خدمات حاصل کی جائیں۔

صدر مملکت نے پی این سی کے مقاصد کی تکمیل میں حائل رکاوٹوں کو دور کرنے کی یقین دہانی بھی کرائی۔ انہوں نے کہا کہ ملک میں بڑھتی ہوئی آبادی کے تناسب سے نرسوں کی اضافی طلب کو پورا کرنے کے لئے ہر سال90 ہزار مزید نرسوں کو شامل کیا جانا چاہئیے جس سے ملک میں طبی سہولیات کا معیار بلند ہوگا۔وائی این اے کے عہدیداروں نے صدرمملکت کو میڈیکل کالجوں سے وابستگی سے متعلق آگاہی دی اور بتایا کہ ایک نرسنگ اسکول قائم کرنے کے لئے کم سے کم 200 بستر اور 50 طلبا کی ضرورت ہے ، ایسوسی ایشن نرسوں کی بڑھتی ہوئی طلب کو پورا کرنے کے لئے نجی شعبے کے ساتھ تعاون کرے گی۔ صدر نے کہا کہ یہ نرسنگ ایسوسی ایشن کی ذمہ داری ہے کہ وہ نرسنگ اسکولوں کی کارکردگی اور معیار کی نگرانی کریں اور یہ یقینی بنائیں کہ وہ مقامی معیار پر پورا اتر رہے ہیں۔ صدر ڈاکٹر عارف علوی نے ڈائریکٹر جنرل ہیلتھ کو نرسنگ ایسوسی ایشن کے ساتھ رابطے کی ہدایت کی تاکہ ان کے حقیقی مسائل حل ہوسکیں۔

چین کی کورونا ویکسین برطانوی وائرس کے خلاف بھی مؤثر ہے: وزیر صحت پنجاب

لاہور: صوبائی وزیر صحت ڈاکٹریاسمین راشد کا کہنا ہے کہ چین سے آنے والی ویکسین برطانوی قسم کے وائرس سے بچاؤ کیلیے مؤثر ہے۔

لاہور-2021: صوبائی وزیر صحت ڈاکٹریاسمین راشد کا کہنا ہے کہ چین سے آنے والی ویکسین برطانوی قسم کے وائرس سے بچاؤ کیلیے مؤثر ہے۔لاہور میں پریس کانفرنس کرتے ہوئے پنجاب کی وزیر صحت ڈاکٹر یاسمین راشد کا کہنا تھا کہ لاہور انتظامیہ ایس اوپیز پرعملدرآمد کرانے میں مبارکباد کی مستحق ہے،  شہر کے30 علاقوں میں اسمارٹ لاک ڈاوَن نافذ ہے اور مثبت کیسز کی شرح میں کمی آئی ہے، لاہور میں ہمارا لاک ڈاؤن سب سے موثررہا ہے۔ ڈاکٹر یاسمین نے کہا کہ ابھی تک صرف ایک مریض میں برازیل اور ایک میں ساؤتھ افریقہ کا وائرس پایا گیا ہے، ہم نے جو ویکسین منگوائی ہیں تمام موثر ہیں، موجودہ کورونا وائرس برطانوی قسم کا ہے، چین سے آنے والی ویکسین برطانوی قسم کے وائرس سے بچاؤ کیلیے مؤثر ہے۔

صوبائی وزیر کا کہنا تھا کہ 8 فیصدسےزائد مثبت کیسزوالےشہروں میں تمام ایس او پیزپرعمل ہوگا، افطاری کے بعد سحری تک سب کچھ بندکرنےکا بہت بڑافائدہ ہواہے،  صوبے میں ہر قسم کے اجتماعات پر پابندی عائد ہے، رمضان بازارسمیت مارکیٹس صبح 9 سے شام 6 بجےتک کھلے ہیں، ڈی ایچ کیو اسپتالوں میں تمام سہولیات مہیا کی گئی ہیں، سرکاری اسپتالوں میں 758 اور نجی اسپتالوں میں 391 مریض ہیں، آج 81 فیصد وینٹی لیٹرز پر مریض موجود ہیں، گوجرانوالہ میں100 فیصد وینٹی لیٹرز زیر استعمال ہیں اور آج مزید 5 وینٹی لیٹرز بھیج رہے ہیں، ملتان اور گجرات میں 88 فیصد اور سرگودھا میں80 فیصد مریض وینٹی لیٹرز پر ہیں، نجی اسپتال بھی کورونا سے نمٹنے کیلئے صوبائی حکومت کی مدد کررہے ہیں، نجی اسپتالوں سے3 سو بیڈز بھی فری کورونا مریضوں کیلئے مل گئے ہیں۔

یاسمین راشد نے کہا کہ پنجاب ویکسین لگانے میں تمام صوبوں سےآگے ہے، ہمارے پاس 21 لاکھ ڈوز آئی تھیں، 8 لاکھ 33 ہزار ویکسین موجود ہے 2 لاکھ 19 ہزار ہیلتھ ورکرز کو ویکسین لگ چکی ہے، نجی اسپتالوں کے ہیلتھ کیئر ورکرز کی بھی ویکسین کر رہے ہیں، ہر اسپتال میں ہیلتھ کیئرورکرز کے لئے ویکسین موجود ہے، مجموعی طور پر 78 ہزارلوگوں کو کورونا ویکسین لگائی گئی ہے، ہوم ویکسی نیشن پنجاب کے علاوہ کہیں نہیں ہو رہی، صحافیوں کی ویکسی نیشن کے لئے ہم کام کر رہے ہیں، 50 سال سے زائدعمر کے افراد کی بھی واک ان ویکسینیشن شروع کردی ہے

گزشتہ ہفتے ایوریج 55 ہزار روزانہ ویکسین لگائی گئی، ویکسین کی تین کروڑ ڈوزز کا آرڈر ہوچکا ہے وہ ساتھ ساتھ ملتی رہیں گی،  ہمیں اس مہینے میں بیس لاکھ مزید ویکسین مل جائے گی، این سی او سی نے ہمیں روزانہ 80 ہزار ویکسینیشن کا ہدف دیا ہے، ایکسپو سینٹر میں بیک اپ کیلئے 280 ایچ یو ڈی بیڈ فعال کر دیے ہیں، آکسیجن ڈیمانڈ کا اس وقت کوئی پرابلم نہیں، کابینہ کمیٹی نے اجازت دی ہے کہ اسپتالوں میں آکسیجن جنریٹرلگا سکتے ہیں،

بھارت میں ڈبل میوٹینٹ کے بعد ’ٹرپل میوٹینٹ‘ کورونا وائرس کا حملہ

نئی دہلی: اس وقت جبکہ بھارت میں کورونا وائرس کی حالیہ خوفناک وبا میں دو تبدیلیوں والے ’ڈبل میوٹینٹ‘‘ کووِڈ 19 وائرس کو ذمہ دار قرار دیا جارہا ہے،

نئی دہلی-26اپریل2021: اس وقت جبکہ بھارت میں کورونا وائرس کی حالیہ خوفناک وبا میں دو تبدیلیوں والے ’ڈبل میوٹینٹ‘‘ کووِڈ 19 وائرس کو ذمہ دار قرار دیا جارہا ہے، وہاں اسی وائرس کی تین تبدیلیوں والی نئی قسم ’ٹرپل میوٹینٹ‘ نے سر اٹھانا شروع کردیا ہے۔ کچھ روز پہلے بھارتی ریاست بنگال سے ٹرپل میوٹینٹ کورونا وائرس کی دریافت کے بعد ماہرین میں تشویش کی ایک نئی لہر دوڑ گئی ہے تاہم ابھی یہ جاننا باقی ہے کہ وائرس کی نئی قسم زیادہ خطرناک اور ہلاکت خیز ہے یا نہیں۔ ٹرپل میوٹینٹ، جسے ’’بنگال اسٹرین‘‘ کا نام بھی دیا گیا ہے، اب تک مغربی بنگال کے علاوہ دہلی، مہاراشٹر اور چھتیس گڑھ کی ریاستوں کے کورونا مریضوں میں سامنے آچکا ہے۔

بھارتی وبائی ماہرین نے خدشہ ظاہر کیا ہے کہ ٹرپل میوٹینٹ ایک نیا دردِ سر بن سکتا ہے کیونکہ اس میں ایک ساتھ دریافت ہونے والے تین تغیرات (میوٹیشنز) ممکنہ طور پر اس کا پھیلاؤ تیز رفتار بنانے میں مددگار محسوس ہوتے ہیں۔ یہی نہیں بلکہ ان ہی تغیرات کی بدولت یہ وائرس خود کو جسمانی مدافعتی نظام (امیون سسٹم) کی نظروں سے اوجھل رکھتا ہے جبکہ ویکسین لینے اور وائرس کے سابقہ حملے میں صحت یاب ہوجانے والے افراد کو بھی دوبارہ بیمار ڈال سکتا ہے۔ یہ خیال بھی ہے کہ ڈبل میوٹینٹ کے مقابلے میں ٹرپل میوٹینٹ کا پھیلاؤ زیادہ تیز رفتار ہوسکتا ہے جبکہ بہت ممکن ہے کہ کورونا وائرس کی موجودہ ویکسینز بھی اسی ٹرپل میوٹینٹ کے خلاف ناکارہ ثابت ہوجائیں۔

وائرس کے بھارتی ماہرین کا کہنا ہے کہ ڈبل میوٹینٹ میں نمایاں تبدیلیوں اور ارتقاء پذیری کے نتیجے میں ٹرپل میوٹینٹ کا وجود میں آنا ایک ایسا امکان ہے جسے بالکل بھی نظرانداز نہیں کیا جاسکتا۔ بھارت کے نیشنل انسٹی ٹیوٹ آف بایومیڈیکل جینومکس کے ڈاکٹر سریدھر چنّاسوامی کا کہنا ہے کہ ٹرپل میوٹینٹ میں ایک خاص تغیر (E484K) ایسا بھی ہے جو اس سے پہلے جنوبی افریقہ اور برازیل سے سامنے آنے والی کورونا وائرس کی اقسام میں دیکھا گیا تھا۔ یہ تبدیلی وائرس کو دوبارہ حملہ آور ہونے میں مدد دینے کے علاوہ اس کے تیز رفتار پھیلاؤ اور ویکسین کی تاثیر کم کرنے میں بھی اہم کردار ادا کرتی ہے۔ اگرچہ ٹرپل میوٹینٹ کے بارے میں بہت سی باتیں ابھی تک نامعلوم ہیں لیکن یہ لاعلمی ہی اس کے بارے میں زیادہ تشویش کو جنم دے رہی ہے۔

کورونا وائرس کی عالمی وبا پر چند ماہ میں قابو پایا جاسکتا ہے:عالمی ادارہ صحت

عالمی ادارہ صحت کا کہنا ہے کہ ترقی یافتہ ممالک میں نوجوانوں کو ویکسین لگانا ترجیح ہے۔

جنیوا۔20اپریل2021 (اے پی پی):عالمی ادارہ صحت (ڈبلیو ایچ او ) نے کہا ہے کہ بنیادی وسائل کی منصفانہ تقسیم کے ذریعہ مہلک کورونا وائرس کی عالمی وبا پر چند ماہ میں قابو پایا جاسکتا ہے۔ منگل کو یورپی میڈیا رپورٹس کے مطابق عالمی ادارہ صحت (ڈبلیو ایچ او) کے سربراہ ٹیڈروس ایڈہانوم نے ایک نیوز بریفنگ میں بتایا کہ دنیا آنے والے مہینوں میں وبائی بیماری کورونا وائرس کو کنٹرول کرسکتی ہے بشرطیکہ وہ ضروری وسائل کی منصفانہ تقسیم کرے۔

عالمی ادارہ صحت کا کہنا ہے کہ ترقی یافتہ ممالک میں نوجوانوں کو ویکسین لگانا ترجیح ہے۔ انہوں نے کہا کہ ترقی پذیر ممالک میں عمر رسیدہ افراد ویکسین کے زیادہ مستحق ہیں اور ان ممالک میں ان لوگوں پر زیادہ توجہ دی جانی چاہئے۔ تاہم عالمی ادارہ صحت کے سربراہ نے کورونا وائرس کے پھیلاو کے خطرناک شرح پر بھی تشویش کا اظہار کیا جو دنیا بھر میں25 سے 59 سال کی عمر کے لوگوں میں زیادہ پھیل رہا ہے۔یہ امر قابل ذکر ہے کہ عالمی سطح پر اس وقت کورونا وائرس کے مصدقہ متاثرین کی تعداد 13 کروڑ 66 لاکھ سے زیادہ ہے جبکہ وبا سے تیس لاکھ سے زیادہ اموات ہوئی ہیں۔ کورونا وائرس سے سب سے زیادہ متاثرہ ممالک میں امریکا، برازیل اور بھارت کے علاوہ میکسیکو شامل ہیں۔

صدر مملکت ڈاکٹرعارف علوی کی زیر صدارت افراد باہم معذوری کی رجسٹریشن بارے اجلاس

صدر مملکت ڈاکٹر عارف علوی نے خصوصی افرادکی رجسٹریشن کا عمل تیز کرنے کی ضرورت پر زور دیتے ہوئے کہا ہے کہ مختلف اقسام کی معذوریوں کی درجہ بندی کے لئے طریقہ کار وضع کیا جائے۔

اسلام آباد۔16اپریل2021 (اے پی پی):صدر مملکت ڈاکٹر عارف علوی نے خصوصی افرادکی رجسٹریشن کا عمل تیز کرنے کی ضرورت پر زور دیتے ہوئے کہا ہے کہ مختلف اقسام کی معذوریوں کی درجہ بندی کے لئے طریقہ کار وضع کیا جائے، معذوری سرٹیفکیٹ سے حکومت کی احساس پروگرام جیسی سماجی تحفظ کی اسکیموں سے فائدہ اٹھا یا جا سکتا ہے، اس حوالے سے مربوط اقدامات کئے جائیں۔ وہ جمعہ کو یہاں افراد باہم معذوری کی رجسٹریشن کے بارے میں اجلاس کی صدارت کر رہے تھے۔ اجلاس میں معاون خصوصی برائے نیشنل ہیلتھ سروسز، ریگولیشنز اینڈ کوآرڈینیشن ڈاکٹر فیصل سلطان، سیکرٹری عامر اشرف خواجہ، سپیشل سیکرٹری وزارت داخلہ شیر عالم محسود، چئیرمین نادرا خالد لطیف اور دیگر اعلیٰ حکام نے شرکت کی۔ اجلاس میں صدر مملکت نے تمام متعلقہ اسٹیک ہولڈرز کو خصوصی افرادکی رجسٹریشن کا عمل تیز کرتے ہوئےمختلف اقسام کی معذوریوں کی درجہ بندی کے لئے طریقہ کار وضع کرنے کی ہدایت کی۔

انہوں نے کہا کہ خصوصی افراد کے حقوق کے تحفظ کے لئے ان کی رجسٹریشن کے عمل کو ہموار اور تیز کرنا ضروری ہے۔ صدر مملکت نے کہا کہ خصوصی افراد کے لئےمعذوری سرٹیفکیٹ بہت اہم ہے کیونکہ اس کے ذریعے حکومت کی احساس پروگرام جیسی سماجی تحفظ کی اسکیموں سے فائدہ اٹھا یا جا سکتا ہے۔ اس موقع پر صدر مملکت کو وزارت نیشنل ہیلتھ سروسز، ریگولیشنز اینڈ کوآرڈینیشن اور نادرا کی جانب سے خصوصی افراد کی رجسٹریشن کے حوالے سے کام پر پیشرفت کے بارے میں آگاہ کیا گیا۔ چیئرمین نادرا نے بریفنگ میں بتایا کہ نادرا نے جنوری 2021 ء سے اب تک 80،000 خصوصی افراد کی رجسٹریشن کی ہے جبکہ اس عمل میں مکمل تعاون جاری رکھا جائے گا۔صدر مملکت نے وزارت انسانی حقوق، وزارت نیشنل ہیلتھ سروسز، ریگولیشنز اینڈ کوآرڈینشن اور نادرا کو ہدایت کی کہ خصوصی افراد کو مستقل بنیادوں پر معذوری سرٹیفکیٹ جاری کر کے سہولت فراہم کریں۔اسی طرح متعلقہ سٹیک ہولڈرز صوبائی حکومتوں کی مدد سے خصوصی افراد کی رجسٹریشن کیلئے علاقوں کی نشاندہی کیلئے بھی اقدامات کریں۔

وزیر اعظم عمران خان نے پی ایم سی آن لائن سسٹم کا افتتاح کر دیا

-اسلام آباد: وزیر اعظم نے پی ایم سی آن لائن سسٹم کے اجراء پر ٹیم کو مبارکباد دیتے ہوئے کہا کہ اس جدید نظام سے میڈیکل کالجز کی کارکردگی بہتر کرنے میں مدد ملے گی

اسلام آباد۔15اپریل2021 (اے پی پی):وزیر اعظم عمران خان نے کہا ہے کہ پاکستان میڈیکل کمیشن آن لائن منصوبہ صحت کے نظام کے لئے ایک بڑا قدم ہوگا،پاکستان بھر میں متروکہ وقف املاک بورڈ کی اراضی رعایتی قیمت پر نجی شعبہ میں ہسپتال کی تعمیر کے لئے مہیا کی جائے گی،یونیورسل ہیلتھ کارڈ سے پاکستان میں صحت کے شعبہ میں انقلاب آئے گا۔ جمعرات کو وزیر اعظم نے پی ایم سی آن لائن سسٹم کا افتتاح کیا،وزیر اعظم کو پی ایم سی بارے بریفنگ دی گئی۔یہ نظام صحت کے شعبہ کو21صدی کے تقاضوں سے ہم آہنگ کرے گا،وزیر اعظم نے پی ایم سی آن لائن سسٹم کے اجراء پر ٹیم کو مبارکباد دیتے ہوئے کہا کہ اس جدید نظام سے میڈیکل کالجز کی کارکردگی بہتر کرنے میں مدد ملے گی۔ہماری حکومت نے صحت عامہ کے لئے ہیلتھ کارڈ کا اجراء کیا۔صحت کے شعبہ کے لئے ضروری ہے کہ ڈاکٹرزکے تعلیمی معیار کوبہتر کیا جائے۔

انہوں نے کہا کہ ماضی میں غریب آدمی کے لئے صحت کی سہولتیں مشکل تھیں۔ہم نے صحت کارڈ کا اجراء کیا،پنجاب میں رواں سال کے آخر تک ہر خاندان کو صحت کارڈ دیا جائے گا،خیبر پختونخوا میں 100 آبادی کو یہ سہولت حاصل ہے۔وزیر اعظم نے کہا کہ جمہوریت کے فروغ کے لئے میرٹ کااہم کردار تھا،جب کہ اس کے مقابلہ میں بادشاہت میرٹ نہ ہونے کی وجہ سے پیچھے رہ گئی۔ انہوں نے کہا کہ پی ایم سی نظام اکیسویں صدی میں اپنے صحت کے نظام کو لے جانے میں اہم پیشرفت ثابت ہوگی،پہلی بار ریگولیٹر کے سامنے ڈاکٹر،طالبعلم پیش کردیئے۔بدقسمتی سے پاکستان میں میڈیکل کالجز کی اب تک کی کارکردگی نیچے جا رہی ہے،بدقسمتی سے ریگولیٹر کا کام نہیں ہورہا تھا،افرادی قوت کا معیار پست ہورہا تھا۔وزیر اعظم نے کہا کہ دنیا میں پاکستان کے میڈیکل کالجز کی ایک ساکھ تھی،تاہم آہستہ آہستہ دنیا نے ہماری ڈگریاں ہی مسترد کرنا شروع کردیں،تب بڑی وجہ ریگولیٹرزکا نہ ہونا تھا،اب ریگولیٹر نے کام شروع کیا یہ ہمارے ملک کے لئے اہم قدم ہوگا،اس شعبہ کا تعلق براہ راست عوام کی زندگیوں سے ہے اس لئے اس میں کوتاہی نہیں کر سکتے،انہیں ریگولیٹ کرنا ضروری ہے۔

انہوں نے کہا کہ عمارت کو معیار زندگی دیتا ہے،یہ ایک اچھی شروعات ہیں۔حکومت اس کام کے لئے مکمل تعاون کرے گی۔اس کی کامیابی پورے صحت کے نظام کی کامیابی ہوگی۔وزیر اعظم نے کہا کہ پہلی بار ہم یونیورسل ہیلتھ کوریج کی طرف جارہے ہیں،خیبر پختونخوا میں یہ سو فیصد ہو چکی ہے، پنجاب میں اس سال کے آخر تک یہ ونیورسل کوریج ہوجائے گی جس سے پاکستان میں اس شعبہ میں انقلاب آنا شروع ہوگا۔پرائیویٹ سیکٹر میں دیہی علاقوں میں بھی اچھے ہسپتال بنیں گے۔اگر کسی متوسط طبقہ میں کوئی بیماری آجاتی تھی تو اس کے علاج سے اس کا سارا بجٹ اور جمع پونجی ختم ہونے سے وہ معاشی اعتبار سے بری طرح متاثر ہوتا تھا،اب ہیلتھ کارڈ سے ایسی 50 فیصد آبادی کا مالی تحفظ ہوگاجو علاج کے اخراجات برداشت نہیں کرسکتے تھے۔

انہوں نے کہا کہ ہسپتالوں میں استعمال ہونے والے آلات کی ڈیوٹی کے بغیر درآمد کی جاسکے گی۔متروکہ وقف املاک بورڈ کی اراضی ارزاں نرخوں پر نجی ہسپتالوں کے قیام کے لئے فروخت کی جائے گی۔پی ایم سی آن لائن ایک ایسی ریگولیٹری باڈی کی ڈیجیٹلائزیشن کی عکاسی کرتا ہے جو21ویں صدی کے جدید تقاضوں سے ہم ا ہنگ ہوگی۔پی ایم سی آن لائن ڈاکٹروں ، ڈینٹیسٹ ، طلباء اور مشیروں کو یہ سہولت فراہم کرے گاکہ وہ اپنے گھروں سے آن لائن لائسنس ، اسناد اور شناخت کے لئے درخواست دے سکتے ہیں۔ پی ایم سی آن لائن صحت کے شعبے سے وابستہ معالجین کو صحت کے حوالے سے تعلیم اور علاج معالجے کی سہولیات کی فراہمی کو بہتر بنانے کی کاوشوں میں پیشرفت کے بارے میں بھی معاونت فراہم کرے گا۔

زیادہ میٹھا کھانے سے جگر میں چکنائی بھی دگنی ہوجاتی ہے: تحقیق

زیورخ: سوئٹزرلینڈ کے سائنسدانوں نے دریافت کیا ہے کہ زیادہ میٹھا کھانے والوں میں جگر کی چکنائی بھی دگنی ہوجاتی ہے۔

زیورخ۔19مارچ2021: سوئٹزرلینڈ کے سائنسدانوں نے دریافت کیا ہے کہ زیادہ میٹھا کھانے والوں میں جگر کی چکنائی بھی دگنی ہوجاتی ہے۔ جس سے مستقبل میں انہیں صحت کے کئی مسائل کا سامنا ہوسکتا ہے۔ جگر عام حالات میں غذائی چکنائی کے علاوہ پروٹین اور کاربوہائیڈریٹس کو توڑنے کے علاوہ مختلف الاقسام چکنائیاں بناتا بھی ہے جن میں کولیسٹرول بھی شامل ہے۔ شکر کا زیادہ استعمال جگر کی کارکردگی کو متاثر کرتا ہے اور اس سے چکنائی کی پیداوار میں اضافہ کردیتا ہے۔ واضح رہے کہ عام شکر (سکروز) دو طرح کی شکریات یعنی ’’گلوکوز‘‘ اور فرکٹوز‘‘ پر مشتمل ہوتی ہے۔ ماضی میں کی گئی تحقیق سے معلوم ہوچکا ہے کہ فرکٹوز کی زیادتی سے جگر میں چکنائی کو توڑنے کی صلاحیت متاثر ہوتی ہے اور، اس کے برعکس، وہ اپنے اندر چکنائی کا ذخیرہ کرنے لگتا ہے۔ یہی تحقیق آگے بڑھاتے ہوئے سوئٹزرلینڈ میں زیورخ یونیورسٹی کے سائنسدانوں نے جگر پر فرکٹوز کے اثرات جاننے کےلیے مطالعہ کیا۔ اس مطالعے کےلیے 18 سے 30 سال کے 94 صحت مند لڑکے/ آدمی بھرتی کیے گئے جنہیں 4 گروپوں میں تقسیم کیا گیا۔ ان میں سے تین گروپوں کو چند دن تک روزانہ فرکٹوز، گلوکوز اور سکروز کی تقریباً 80 گرام مقدار استعمال کرائی گئی جو مشروبات (بالعموم سافٹ ڈرنک) میں حل تھی۔ (کولا سافٹ ڈرنک کے دو ڈبوں میں 710 ملی لیٹر مشروب ہوتا ہے جبکہ شکر کی مقدار 80 گرام کے لگ بھگ ہوتی ہے۔) چوتھے یعنی ’’کنٹرول گروپ‘‘ میں شکر کا محفوظ اور صحت مند استعمال جاری رکھا گیا۔

ہرگروپ میں شامل رضاکاروں کو پابند بنایا گیا کہ وہ پورے مطالعے کے دوران، 7 ہفتوں تک، روزانہ کم از کم 25 منٹ کی جسمانی مشقت/ ورزش کرتے رہیں۔ مطالعے کے اختتام پر معلوم ہوا کہ روزانہ صرف 80 گرام اضافی شکر (بشمول فرکٹوز اور گلوکوز) استعمال کرنے والوں کے جگر میں چربی کی مقدار، محتاط انداز سے شکر لینے والوں کے مقابلے میں دگنی تھی؛ حالانکہ وہ روزانہ 25 منٹ یا زیادہ وقت تک جسمانی مشقت/ ورزش بھی کررہے تھے۔ نتائج کا ایک اور تشویش ناک پہلو یہ بھی سامنے آیا کہ اگر غذا میں شکر کی مقدار کم کردی جائے تب بھی زیادہ شکر استعمال کرنے کے منفی اثرات لمبے عرصے تک برقرار رہتے ہیں۔آن لائن تحقیقی مجلے ’’جرنل آف ہیپاٹولوجی‘‘ کے تازہ شمارے میں شائع ہونے والی اس تحقیق میں میٹھے کا شوق رکھنے والوں کو خبردار کیا گیا ہے کہ شکر کے استعمال میں تھوڑا سا اضافہ بھی شدید اور دور رس اثرات کو جنم دیتا ہے جن سے چھٹکارا پانا مشکل ہوسکتا ہے۔ بتاتے چلیں کہ امریکن ہارٹ فاؤنڈیشن کے مطابق مردوں کو روزانہ زیادہ سے زیادہ 37.5 گرام اضافی شکر استعمال کرنی چاہیے جبکہ خواتین کےلیے یہ مقدار 25 گرام یومیہ ہے۔

پاکستان میں کورونا وائرس کیسز کی ایک دن میں مثبت شرح 7 فیصد، 58 اموات

اسلام آباد: پاکستان میں 24 گھنٹے کے دوران کورونا ٹیسٹ مثبت آنے کی شرح 7 فیصد تک جا پہنچی۔

اسلام آباد۔ 16مارچ2021: پاکستان میں 24 گھنٹے کے دوران کورونا ٹیسٹ مثبت آنے کی شرح 7 فیصد تک جا پہنچی۔ کورونا وائرس سےمزید 58 افراد جاں بحق ہوگئے۔ جبکہ 70 سال سےزائد عمر کے بزرگوں کو آج سے ملک بھر میں واک ان کورونا ویکسی نیشن کی سہولت دستیاب ہوگی۔ نیشنل کمانڈ اینڈ کنٹرول سینٹر (این سی او سی) کے اعداد و شمار کے مطابق پاکستان میں گزشتہ 24 گھنٹوں کے دوران کورونا وائرس کے مزید 2 ہزار511 کیسز سامنے آئے ہیں۔ مزید 58 افراد اس موذی وباء کے سامنے زندگی کی بازی ہار گئے۔ جبکہ اس بیماری سے1 ہزار136مریض شفایاب ہو گئے۔

ملک بھر میں کورونا وائرس سے انتقال کرنے والوں کی مجموعی تعداد 13 ہزار 595 ہو گئی ہے۔ جبکہ کُل مریضوں کی تعداد 6 لاکھ9ہزار964 ہو چکی ہے۔24 گھنٹوں میں کورونا وائرس کے مزید 35 ہزار303ٹیسٹ کیئے گئے۔ جبکہ اب تک کُل 95لاکھ65ہزار66 کورونا ٹیسٹ کیئے جا چکے ہیں۔ ملک بھر میں اسپتالوں، قرنطینہ سینٹرز اور گھروں میں کورونا وائرس کے کُل23ہزار355 مریض زیرِ علاج ہیں۔ جن میں سے 1 ہزار895مریضوں کی حالت تشویش ناک ہے۔ جبکہ 5 لاکھ 73 ہزار14مریض اب تک اس بیماری سے شفایاب ہو چکے ہیں۔

سندھ میں کورونا وائرس کے مریضوں کی تعداد دوسرے صوبوں سے زیادہ 2 لاکھ61ہزار 582 ہو چکی ہيں۔ جبکہ کُل اموات 4 ہزار461ہو گئیں۔ پنجاب میں کورونا وائرس کے اب تک 1 لاکھ 88 ہزار225مریض سامنے آئے ہیں۔ جبکہ یہاں کُل ہلاکتیں دیگر صوبوں سے زیادہ ہیں۔ جو 5 ہزار812ہو گئیں۔ خیبر پختون خوا میں کورونا وائرس کے مریضوں کی تعداد 76 ہزار379ہو چکی ہے۔ جبکہ اس سے کُل اموات 2 ہزار 169ہو گئیں۔ وفاقی دارالحکومت اسلام آباد میں 48 ہزار495کورونا وائرس سے متاثرہ مریض اب تک سامنے آئے ہیں۔ جبکہ اب تک یہاں کُل 526 افراد اس وباء سے جان کی بازی ہار چکے ہیں۔

کورونا وائرس کے بلوچستان میں 19 ہزار233 مریض اب تک رپورٹ ہوئے ہیں۔ جہاں 202 افراد اس مرض سے انتقال کر چکے ہیں۔ آزاد جموں و کشمیر میں کورونا وائرس کے اب تک 11 ہزار89 مریض رپورٹ ہوئے ہیں۔ جبکہ اس کے باعث اب تک یہاں کُل 322 مریض وفات پا چکے ہیں۔ گِلگت بلتستان میں 4 ہزار 961 کورونا وائرس کے مریض سامنے آئے ہیں۔ جبکہ اس سے اب تک 103 افراد جاں بحق ہوئے ہیں۔

گل قند کے استعمال کے صحت پر حیرت انگیز فوائد

اسلام آباد: گلاب کی پتیوں سے بننے والی میٹھی غذا گل قند کے استعمال سے صحت پر بے شمار فوائد حاصل ہوتے ہیں۔

اسلام آباد ۔16مارچ2021: گلاب کی پتیوں سے بننے والی میٹھی غذا گل قند کے استعمال سے صحت پر بے شمار فوائد حاصل ہوتے ہیں۔ جن میں بہتر نیند، قبض سے نجات، تیزابیت، اپھار جیسی بے شمار شکایات سے نجات حاصل کی جا سکتی ہے۔ جڑی بوٹیوں کے ماہرین کے مطابق گلاب کے پھول کی پتیوں سے بنی خوش ذائقہ گل قند مٹھائی کے استعمال کرنے کی متعدد وجوہات اور صحت پر بے شمار فوائد مرتب ہوتے ہیں۔ گل قند کو کھانے کے بعد بطور میٹھا کھایا جا سکتا ہے جس کے نتیجے میں انسان تیزابیت اور درد جیسی شکایات سے بچ جاتا ہے۔

گل قند تاثیر میں ٹھنڈی ہونے کے نتیجے میں اس کے استعمال سے انسان گرمیوں میں لو اور ہاب  کانچ کے ایئر ٹائٹ جار میں ان پتیوں کی ایک تہہ بچھائیں۔ اور پتیوں کے اوپر ایک تہہ چینی کی لگا دیں۔ اور اس کے اوپر دوبارہ پتیاں بچھا دیں۔ اس ایئر ٹائٹ کانچ کے جار کو روزانہ تیز دھوپ میں 6 گھنٹوں کے لیے رکھیں اور 6 گھنٹوں کے بعد چھاؤں میں محفوظ کر لیں۔ یہ عمل 25 سے 30 دن تک دہرائیں، روزانہ کی بنیاد پر گل قند کو اچھی طرح مکس بھی کریں۔

جب پھول کی پتیوں میں موجود چینی اچھی طرح سے مکس ہو کر شیرے کی شکل اختیار کر لے تو سمجھ جائیں کہ اب گل قند استعمال کے لیے تیار ہے۔ گل قند کو کیسے استعمال کیا جائے؟ مصروف اور تھکاوٹ سے بھر پور دن گزارنے کے بعد جب پر سکون نیند کی ضرورت ہو تو گل قند کا ایک چمچ یا حسب ذائقہ ایک گلاس دودھ میں ملا کر پی لی۔ گرمیوں  میں پر سکون نیند کا یہ سستا ترین حل ہے۔ گھر میں کا م کاج کے دوران یا باہر جاتے ہوئے ٹھنڈے پانی کی بوتل میں گل قند ملا لیں اوراس کا استعمال کریں۔ گل قند کے پانی سے لو لگنے یا پانی کی کمی سے بچاؤ ممکن ہوتا ہے۔

غذائی ماہرین کے مطابق گل قند کا پان کے پتے کے ساتھ استعمال کے بھی بے شمار فوائد حاصل ہوتے ہیں۔ جن میں سرفہر ست وٹامنز اور منرلز کا بہتر طریقے سے ہضم ہونا ہے۔ گل قند کا پان کے پتے کے ساتھ استعمال کے نتیجے میں آئرن کی مقدار بھی حا صل ہوتی ہے۔

کیمیائی آلودگی جسم کو 8 طرح سے نقصان پہنچاتی ہے

واشنگٹن: ہم اچھی طرح جانتے ہیں کہ کیمیائی اور فضائی آلودگی ہمارے لیے کئی طرح سے مضر ثابت ہوتی ہیں۔
واشنگٹن۔11مارچ2021: ہم اچھی طرح جانتے ہیں کہ کیمیائی اور فضائی آلودگی ہمارے لیے کئی طرح سے مضر ثابت ہوتی ہیں۔ اب تین جامعات نے مشترکہ طور پر ان آٹھ وجوہ کا پتا لگایا ہے جن کی بدولت کیمیائی ماحولیاتی آلودگیاں حیاتیاتی راہ بناکرجسم کو بیمار کرتی ہیں۔ اس طرح انہوں نے پہلی بار مفصل انداز میں بتایا ہے کہ فضا، پانی، اور زمین پر موجود کیمیائی آلودگیاں کتنی خطرناک ہوسکتی ہیں اور ان کا طریقہ واردات کس طرح کا ہوتا ہے۔ یہ تحقیق کولمبیا یونیورسٹی، لَڈوِگ میکسی میلیان یونیورسٹی اور ہاسیلٹ یونیورسٹی نے کی ہے۔ انہوں نے اپنی تحقیق کو جریدے’ سیل‘ میں شائع کیا ہے۔

یہ کام ڈاکٹر اینڈریا بیکاریلی کی سربراہی میں کیا گیا ہے۔ انہوں نے کہا کہ پہلی مرتبہ ہم نے ہوا، مٹی، پانی اور خوراک میں موجود آلودہ اجزا کا پیچیدہ حملے کو سمجھا ہے جو بہت سے انتہائی خطرناک امراض کی وجہ بن سکتا ہے۔

۔آلودہ اجزا آکسیڈیٹوو اسٹریس اور سوزش (انفلیمیشن) پیدا کرکے خلوی موت اور اعضا کو نقصان پہنچاتے ہیں۔ اسی طرح آلودگی کے کئی کیمیکل ڈی این اے کو متاثر کرتے ہیں۔ جب ڈی این اے کی سطح پر بگاڑ بڑھ جاتا ہے اور سب سے پہلے کینسر کا خطرہ بڑھ جاتا ہے۔ جین سے ہٹ کر یعنی غیرجینیاتی ( ایپی جینیٹک) تبدیلیوں سے پروٹینی تالیف متاثر ہوسکتی ہے اور یہ عمل ابتدائی عمر میں بھی دیکھا گیا ہے۔ مائٹو کونڈریائی سطح پر نقصان ہونے سے خلیات کو توانائی نہیں ملتی اور انسانی نشوونما رک سکتی ہے یا پھر دیرینہ امراض گھیر سکتے ہیں۔ ماحولیاتی گند میں موجود بعض کیمیکل اینڈوکرائن غدے کو نشانہ بناتے ہیں۔ یہ غدہ کئی طرح کے ہارمون خارج کرتا ہے جو آلودگی سے متاثر ہوتی ہے اور انسان امراض میں گِھر جاتا ہے۔ ہمارے خلیات (سیلز) کےدرمیان رابطے اور ان کی رابطوں کی صلاحیت کمزور ہوجاتی ہے۔ اس طرح اکثر دماغی امراض جنم لیتے ہیں۔

الخصوص معدے اور آنتوں میں ہزاروں اقسام کے بیکٹیریا اور خردنامئے پائے جاتے ہیں۔ آلودگی ان کا توازن خراب کرتی ہے اورہم کئی امراض کے شکار ہوسکتے ہیں۔ آلودگی کے انتہائی باریک خردبینی ذرات دماغ تک پہنچ جاتے ہیں اور پورے اعصابی (نروِس) نظام کو متاثر کرتے ہیں۔ اس طرح سیکھنے اور سمجھنے کی صلاحیت متاثر ہوتی ہے۔ تاہم سائنسدانوں کا اعتراف ہے کہ ان بڑی وجوہ کے علاوہ بھی آلودگی کے دیگر اثرات بھی ہوسکتے ہیں۔ ان میں جزوقتی اور طویل مدتی اثرات شامل ہیں۔ توقع ہے کہ اس تحقیق سے آلودگیوں کے مضر اثرات کم کرنے اور معالجے کو بڑھانے میں بہت معاونت ملے گی۔

دنیا میں، پہلی مرتبہ اے ایل ایس مرض میں مفید دوا دریافت

لائلپورسٹی: موٹرنیورون ڈیزیز بھی ہے جو اب تک لاعلاج بیماری تھا لیکن اب ایک نئے مرکب (کمپاؤنڈ) سے ہمیں امید کی نئی کرن ملی ہے۔

لائلپورسٹی۔ 1مارچ2021 (ایل۔پی۔پی):موٹرنیورون ڈیزیز بھی ہے جو اب تک لاعلاج بیماری تھا لیکن اب ایک نئے مرکب (کمپاؤنڈ) سے ہمیں امید کی نئی کرن ملی ہے۔ نارتھ ویسٹرن یونیورسٹی کے سائنسدانوں نے دنیا کا پہلا مرکب دریافت کیا ہے جو حرکت کی وجہ بننے والے اعصابی خلیات (نیورونز) کی خرابی کو روکتا ہے۔ اعصاب متاثر ہونے سے اے ایل ایس کا مرض شدت اختیار کرتا ہے اور دھیرے دھیرے مریض جامد ہوکر موت کے منہ تک پہنچ جاتا ہے۔ اے ایل ایس میں جسمانی حرکات قابو کرنے والے تمام اعصاب تنزلی کے شکار ہوجاتے ہیں اور انہیں ٹھیک کرنے کی کوئی دوا یا علاج اب تک ہمارے پاس نہیں ہے۔ اس ضمن میں جامعہ کے شریک پروفیسر ہینڈے اوزنلر کہتے ہیں کہ ’ ہم نے پہلا مرکب دریافت کیا ہے جوبیمار ہونے والے اوپری موٹرنیورون کو تندرست کرسکتا ہے۔ یہ تحقیق اب شائع بھی ہوچکی ہے۔

این یو 9 نامی ایک مرکب تجربہ گاہ میں بنایا گیا ہے۔ یہ اہم خلیات کی تشکیل کے دوران غلط قسم کی پروٹین فولڈنگ کو کم کرتا ہے۔ یہ مرکب ایک تو بے ضرر اور غیرزہریلا ہے اور دوسری جانب دماغ اور خون کی رکاوٹ (بلڈ برین بیریئر) عبور کرسکتا ہے۔ این یو 9 دو طرح سے کام کرتی ہے یعنی پروٹین کی غلط فولڈنگ کو روکتی ہے اور پروٹین کو لہو کے لوتھڑے بننے سے باز رکھتی ہے۔ ہم جانتے ہیں کہ جب پروٹین درست انداز میں مرتب نہیں ہوتے تو وہ زہریلے ہوجاتے ہیں۔ اسی طرح انسانی دماغ میں یہ شدید نقصان کی وجہ بنت ہیں۔ اس طرح ٹی ڈی پی 43 پروٹین کو متاثر کرتے ہیں۔ اے ایل ایس کے 90 فیصد معاملات میں ٹی ڈی پی 43 پروٹین متاثرہوتا ہے اور اعصابی تنزلی کی وجہ بنتا ہے۔ اس کیمیکل کوچوہوں پر استعمال کیا گیا تو ان میں متاثرہ نیورون دوبارہ صحتمند ہونے لگے اور اس کا اظہار چوہوں میں بھی دیکھا گیا ہے۔ تحقیق کے اگل مرحلے میں اس کیمیکل کے مزید پہلوؤں پر غور کیا جائے گا۔

وائٹ بریڈ اور پاسٹا کی زیادتی امراض قلب کا سبب بن سکتی ہے : طبی تحقیق

ٹورنٹو۔ایک نئی طبی تحقیق میں وائٹ بریڈ (سفید ڈبل روٹی) ، پاستا (مکرونی) اور دیگر خالص زرعی اجناس کے وافر استعمال کے سنگین خطرات سے خبردار کیا گیا ہے۔

ٹورنٹو۔28فروری2021: ایک نئی طبی تحقیق میں وائٹ بریڈ (سفید ڈبل روٹی) ، پاستا (مکرونی) اور دیگر خالص زرعی اجناس کے وافر استعمال کے سنگین خطرات سے خبردار کیا گیا ہے۔ تحقیق کے مطابق ان اشیاء کے کھانے میں زیادتی جلد اموات کا سبب بھی بن سکتی ہے۔ برطانوی اخبار  نے اس سلسلے میں کینیڈا میں ہونے والی ایک تحقیق کے نتائج کا حوالہ دیا ہے۔ کینیڈا کی McMaster University کی جانب سے کیے جانے والے تحقیقی مطالعے میں 9 سال کے دوران میں دنیا کے 21 ممالک کے 1.37 لاکھ افراد کو شامل کیا گیا۔ نتائج کے مطابق جو لوگ "خالص اجناس" (صاف کی ہوئی) کا بکثرت استعمال کرتے ہیں ان میں "پوری اجناس" (بغیر صاف کی ہوئی) استعمال کرنے والوں کے مقابلے میں دل کے دورے اور فالج کے حملے کا امکان زیادہ ہوتا ہے۔

صاف کی ہوئی اجناس کی مصنوعات میں ڈبل روٹی، غلے کی اجناس، میٹھی اشیاء اور پیسٹریز اہم ترین ہیں۔ اناج کو "مکمل" اس وقت شمار کیا جاتا ہے اگر وہ تمام تین حقیقی اجزاء بھوسی چھلکا، تخم اور جرثومہ پر مشتمل ہو۔ تاہم اگر ان تین میں سے کوئی ایک یا اس سے زیادہ اجزاء نکال دیے گئے ہوں تو پھر یہ "خالص" (چھنا ہوا) اناج بن جاتا ہے۔ امریکا میں US Full Grain Council کا کہنا ہے کہ اناج کی صفائی کے نتیجے میں اناج میں سے ایک چوتھائی پروٹین زائل ہو جاتا ہے۔ اس کے علاوہ نصف سے لے کر دو تہائی غذائی عناصر برباد ہو جاتے ہیں۔

طبی تحقیق کے مطابق جن افراد نے ایک دن میں صاف اور چھنے ہوئے اناج کے 7 سے زیادہ ٹکڑے کھائے ان میں جلد اموات کا تناسب 27% بڑھ گیا۔ اسی طرح ان افراد میں دل کے امراض کا شکار ہونے کا تناسب 33% اور فالج کے حملے کا امکان 47% زیادہ ہوتا ہے۔ تحقیق کے نتائج کی بنیاد پر محققین نے ہدایت کی ہے کہ چھنے ہوئے اناج کو دیگر دستیاب متبادل سے تبدیل کیا جائے۔ ان متبادل اشیاء میں مکمل اناج (بغیر چھنا) مثلا براؤن رائس اور جو شامل ہیں۔

ورزش سے مگرین کی شدت اور درد کم ہوسکتا ہے

واشنگٹن: ورزش کے لاتعداد فوائد سامنے آچکے ہیں اور اب جامعہ واشنگٹن سے تازہ خبر یہ ہے کہ ورزش سے مگرین کے دورے کم ہوسکتے ہیں اور ان کی شدت میں بھی کمی واقع ہوسکتی ہے۔

واشنگٹن۔27فروری2021: ورزش کے لاتعداد فوائد سامنے آچکے ہیں اور اب جامعہ واشنگٹن سے تازہ خبر یہ ہے کہ ورزش سے مگرین کے دورے کم ہوسکتے ہیں اور ان کی شدت میں بھی کمی واقع ہوسکتی ہے۔ اس سے قبل ورزش اور مگرین کے درمیان تعلق دریافت ہوچکا ہے لیکن اس پر مہرِ تصدیق مزید گہری ہوئی ہے۔ ورزش، ذہنی تناؤ، ڈپریشن، نیند کی کمی اور دیگر عوارض کا بھی خاتمہ کرتی ہے۔ اب جامعہ واشنگٹن کے ڈاکٹر میسن ڈائس کہتے ہیں: ’’اگرچہ یہ پیچیدہ معاملہ ہے لیکن ورزش سے ڈوپامائن، نوریپائن فرائن، سیروٹونِن جیسے اہم نیوروٹرانسمیٹر اور کیمیکلز کا اخراج بڑھتا ہے۔ اس سے موڈ اچھا ہوتا، طبعیت ہشاش بشاش ہوتی ہے؛ لیکن سب سے بڑھ کر دردِ سر میں کمی واقع ہوتی ہے۔‘‘

ڈاکٹر میسن کے مطابق، ورزش قلب اور فشارِ خون (بلڈ پریشر) کو بہتر رکھتی ہے لیکن اس سے مگرین بھی قابو میں رہتا ہے۔ اس کی تصدیق کےلیے 4600 افراد کو تحقیق میں شامل کیا گیا۔ ان میں سے 75 فیصد افراد کو ایک ماہ میں مگرین کے 15 یا اس سے زائد دورے پڑتے تھے اور بقیہ 25 فیصد لوگوں کو 14 یا اس سے کم تعداد میں مگرین کا شدید درد ہوتا ہے۔ شرکاء سے ہفتے میں ورزش کے معمولات معلوم کیے گئے جن میں سائیکل چلانا، دوڑنا، یا تیز قدمی سے چہل قدمی شامل تھی۔ اب شرکاء کو پانچ گروہوں میں بانٹا گیا۔ ایک گروہ نے بالکل ورزش نہیں کی اور دیگر گروہوں کو زیادہ سے زیادہ 150 منٹ فی ہفتہ کی عالمی مجوزہ ورزش کرائی گئی۔

جنہوں نے ورزش بالکل نہیں کی، ان میں 47 فیصد افراد کو ڈپریشن، 39 فیصد کو بے چینی (اینزائٹی) اور 77 فیصد کو نیند کے مسائل تھے۔ لیکن جنہوں نے ورزش کی، ان میں بے چینی کی شرح 28 فیصد اور نیند کے مسائل 61 فیصد تھی۔ اس سے صاف ظاہر ہوا کہ ورزش گھبراہٹ، بے چینی، ڈپریشن، نیند میں کمی کے ساتھ ساتھ دردِ سر کی شدت بھی کم کرتی ہے۔ ہزاروں افراد پر کیے گئے اس سروے کے بعد ماہرین نے مگرین کے مریضوں کو ورزش کا مشورہ دیا ہے جو ان کےلیے بہت مفید ثابت ہوسکتا ہے۔

دنیا بھر میں کورونا وائرس کی وبا سے24 لاکھ86 ہزار اموات، متاثرین کی تعداد 11 کروڑ22لاکھ سے متجاوز

نیویارک ۔: دنیا بھر میں کورونا وائرس کی وبا سے اموات کی تعداد24لاکھ86 ہزار تک پہنچ گئی جبکہ مختلف ملکوں میں مہلک وائرس سے متاثرہ افراد کی تعداد11کروڑ22 لاکھ سے تجاوز کرگئی ہے۔

نیویارک ۔24فروری2021 (اے پی پی): دنیا بھر میں کورونا وائرس کی وبا سے اموات کی تعداد24لاکھ86 ہزار تک پہنچ گئی جبکہ مختلف ملکوں میں مہلک وائرس سے متاثرہ افراد کی تعداد11کروڑ22 لاکھ سے تجاوز کرگئی ہے۔ منگل کوامریکی ذرائع ابلاغ کے مطابق دنیا کے مختلف ممالک میں کورونا وائرس کے مصدقہ متاثرین کی تعداد112263022ہے، وائرس سے متاثرہ ملکوں میںاب تک2486195 افراد لقمہ اجل بن چکے ہیں۔دنیا بھر میں اس وقت کورونا کے فعال متاثرین کی تعداد21988801 ہے۔ کورونا وائرس کی وبا سے امریکہ سب سے زیادہ متاثر ہوا ہے،

ملک میں کورونا وائرس کے باعث اب تک مجموعی ہلاکتوں کی تعداد دنیا میں کسی بھی دوسرے ملک سے زیادہ ہے۔ برازیل کورونا وائرس سے ہونے والی ہلاکتوں کے لحاظ سے دوسرے اور مریضوں کے حوالے سے تیسرے نمبر پر ہے جبکہ میکسیکو ہلاکتوں کے حوالے سے تیسراملک ہے۔ بھارت کورونا وائرس کے مریضوں کی تعداد کے اعتبار سے دوسرا اور ہلاکتوں کے اعدادوشمار سے چوتھا شدید متاثرہ ملک ہے۔امریکہ میں مہلک کورونا وائرس کے مریضوں کی تعداد 2 کروڑ88 لاکھ سے تجاوز کرگئی ہے جبکہ ملک میں ہلاکتوں کی تعداد پانچ لاکھ12 ہزار سے زیادہ ہے، 28826307 مصدقہ متاثرین کے ساتھ امریکہ اس وقت دنیا میں کورونا وبا کا سب سے بڑا مرکز اور متاثرہ ملک ہے۔

امریکی محکمہ صحت کے مطابق ملک میں کورونا وائرس سے اب تک 2 کروڑ88 لاکھ 26 ہزار سے زائد افراد متاثرہوئے ہیں، ملک میں کورونا وائرس کے فعال مریضوں کی تعداد9199577 ہے۔ امریکہ میں کورونا وائرس کی وبا سے اب تک مجموعی طور پر مجموعی طور پر 512590افراد لقمہ اجل بن چکے ہیں۔ لاطینی امریکی ملک برازیل میں کورونا وائرس کے مریضوں کی تعدادایک کروڑ دو لاکھ تک پہنچ گئی ہے۔

برازیل میں کورونا وائرس کی وبا سے ہلاکتوں کی تعداد مسلسل بڑھ رہی ہے، ملک میں کورونا وائرس سے اب تک 247276 افراد ہلاک ہوچکے ہیں۔ برازیل میں کورونا وائرس کے811040 فعال مریض ہیں۔ میکسیکو میں کورونا وائرس سے متاثرہ افراد کی تعداد20لاکھ43 ہزار تک پہنچ گئی ہے جبکہ ملک میں مہلک وائرس سے اب تک ایک لاکھ80 ہزار 5 سو سے زائد افراد لقمہ اجل بن چکے ہیں۔ میکسیکو میں کورونا وائرس سے2043632 افراد متاثر ہوئے ہیں۔ حکام کے مطابق میکسیکو میں کورونا وائرس سے اب تک ہونے والی ہلاکتوں کی تعدادبڑھ کر 180536 تک پہنچ گئی ہے،ملک میں اس وقت کورونا وائرس کے261072 فعال مریض ہیں۔

بھارت میں کورونا وائرس متاثرین کی تعداد ایک کروڑ10 لاکھ 15 ہزار سے بڑھ گئی ہے، ملک میں کورونا وائرس سے اب تک ایک لاکھ56 ہزار چار سو سے زائد افراد لقمہ اجل بن گئے ہیں۔ ملک میں کورونا وائرس کے متاثرین کی مجموعی تعداد 11015863 جبکہ فعال کیسز کی تعداد148882ہے۔ سرکاری اعداد وشمار کے مطابق بھارت میں کورونا وائرس سے اب تک156498افراد لقمہ اجل بن گئے ہیں۔ بھارت میں کورونا وائرس سے سب زیادہ متاثرہ ریاستوں میں مہاراشٹر کے علاوہ تامل ناڈو، کرناٹک، آندھرا پردیش اور اتر پردیش شامل ہیں۔ ریاست مہاراشٹر میں کورونا وائرس سے اب تک51 ہزار سے زائد ہلاکتیں ہوئی ہیں، جنوبی ریاست تامل ناڈو میں یہ تعداد 14 ہزار سے زیادہ ہے۔ مہلک کورونا وائرس سے دہلی اور مغربی بنگال میں مجموعی طور پر 20 ہزار افراد لقمہ اجل بن گئے ہیں۔

کووڈ کے مریضوں کے دل کو براہ راست نقصان پہنچنے کا انکشاف

لندن کالج یونیورسٹی کی اس تحقیق میں کووڈ 19 کے نتیجے میں سنگین حد تک بیمار ہوکر لندن کے 6 ہسپتال میں زیرعلاج رہنے والے 148 مریضوں کو شامل کیا گیا تھا۔

لندن۔23فروری2021: نئے کورونا وائرس سے ہونے والی بیماری کووڈ 19 کے نتیجے میں ہسپتال میں زیرعلاج رہنے والے 50 فیصد سے زیادہ افراد میں ڈسچارج کے بعد دل کو نقصان پہنچنے کا انکشاف ہوا ہے۔غیرملکی خبررساں ادارے کے مطابق یہ بات برطانیہ میں ہونے والی ایک طبی تحقیق میں دریافت کی گئی۔لندن کالج یونیورسٹی کی اس تحقیق میں کووڈ 19 کے نتیجے میں سنگین حد تک بیمار ہوکر لندن کے 6 ہسپتال میں زیرعلاج رہنے والے 148 مریضوں کو شامل کیا گیا تھا۔ان تمام مریضوں میں ایک پروٹین ٹروپونین کی سطح میں اضافے کو دیکھا گیا جو خون میں اس وقت خارج ہوتا ہے جب دل کے پٹھوں کو انجری کا سامنا ہوتا ہے۔تحقیق میں بتایا گیا کہ کووڈ 19 کے ہسپتال میں زیرعلاج رہنے والے بیشتر مریضوں میں اس وقت ٹروپونین کی سطح میں اضافے کو دیکھا گیا جب ان میں بیماری کی شدت بہت زیادہ بڑھ گئی اور جسم کی جانب سے بیماری کے خلاف مدافعتی ردعمل بہت زیادہ متحرک ہوگیا۔

ان مریضوں کے ہسپتال سے ڈسچارج ہونے کے کم از کم ایک ماہ بعد دلوں کے ایم آر آئی اسکینز کیے گئے اور معلوم ہوا کہ 54 فیصد افراد کے دلوں کو نقصان پہنچا ہے۔اس نقصان میں دل کے پٹھوں میں ورم، ان پر خراشیں یا دل کے ٹشوز کا مردہ ہونا اور دل کی جانب سے خون کی سپلائی محدود ہونا شامل تھا۔کچھ مریضوں میں تینوں اقسام کے نقصان کا امتزاج بھی دیکھنے میں آیا۔محققین کا کہنا تھا کہ ٹروپونین کی سطح میں اضافے کووڈ 19 کے مریضوں میں بدترین نتیجے سے جڑا ہوا ہے، کووڈ سے بہت زیادہ بیمار ہونے والے افراد میں اکثر پہلے سے دل کی صحت سے جڑا طبی مسئلہ بشمول ذیابیطس، بلڈ پریشر میں اضافہ اور موٹاپا موجود ہوتا ہے۔انہوں نے کہا کہ کووڈ 19 کی سنگین شدت کے دوران بھی دل براہ راست متاثر ہوتا ہے، یہ وجہ بتایا مشکل ہے کہ دل کو نقصان کس طرح پہنچتا ہے مگر دل کے ایم آر آئی اسکینز سے مختلف اقسام کی انجریز کی شناخت ہوتی ہے، جس سے ہمیں زیادہ بہتر تشخیص اور مثر علاج کو ہدف بنانے میں مدد مل سکے گی۔

تحقیق میں شامل مریضوں میں سے ایک تہائی آئی سی یو میں وینٹی لیٹر سپورٹ پر تھے۔کچھ مریضوں میں دل کے مسائل کووڈ 19 سے متاثر ہونے سے پہلے بھی موجود تھے مگر ایم آر آئی اسکینز سے ثابت ہوا کہ بیشتر میں یہ مسائل نئے اور ممکنہ طور پر کووڈ ہی اس کی وجہ تھی۔محققین نے بتایا کہ اہم بات یہ ہے کہ دل کو پہنچنے والے نقصان مختلف اقسام کا ہوتا ہے، جس سے عندیہ ملتا ہے کہ دل کو مختلف اقسام کی انجریز کا خطرہ ہوتا ہے، ہم نے دیکھا کہ دل کی انجری ایسے افراد میں بھی تھی جن کا دل اس سے قبل صحت مند تھا اور ان میں مسائل کو دیگر تیکنیکس سے پکڑا نہیں جاسکتا تھا۔انہوں نے بتایا کہ زیادہ سنگین کیسز میں یہ خطرہ بڑھتا ہے کہ یہ انجری بڑھ کر مستقبل میں ہارٹ فیلیئر کا باعث نہ بن جائے، مگر اس حوالے سے مزید تحقیقات کی ضرورت ہے۔

ایران کا روسی ویکسین سے متعلق بڑا فیصلہ

ایرانی ادارے کے ترجمان نے کہا ہے کہ ہم اسپوتنک وی ویکسین کی 20 لاکھ خوراک خریدنے کے علاوہ ویکسین کی بڑے پیمانے پر پیداوار کا ارادہ بھی رکھتے ہیں۔

تہران۔23فروری2021: ایران نے روسی کرونا ویکسین اسپوتنک  کی بڑے پیمانے پر پیداوار کا فیصلہ کر لیا۔ ایرانی میڈیا کے مطابق فوڈ اینڈ ڈرگ کے ایرانی ادارے کے ترجمان نے کہا ہے کہ ہم اسپوتنک وی ویکسین کی 20 لاکھ خوراک خریدنے کے علاوہ ویکسین کی بڑے پیمانے پر پیداوار کا ارادہ بھی رکھتے ہیں۔ وزارت صحت کے ترجمان کیانوش جہانپور نے میڈیا کے ساتھ گفتگو میں کہا Sputnik V ویکسین دنیا کی بہترین کرونا ویکسینز میں سے ایک ہے، 65 سال سے زیادہ عمر کے لوگوں کے لیے اس کی تاثیر اور مدافعتی وابستگی کا تخمینہ 92 فی صد لگایا گیا ہے۔انھوں نے کہا 70 سال سے زیادہ عمر کے لوگوں میں بھی اس ویکسین کی مدافعتی صلاحیت زیادہ ہے اور کم ویکسینز میں یہ صلاحیت ہے۔

ترجمان کا کہنا تھا کہ روسی ویکسین کی دو خوراکیں 21 دنوں کے درمیان انجکشن کی صورت میں لگائی جاتی ہیں، اس کی پہلی اور بوسٹر خوراک کے بعد پیدا شدہ اینٹی باڈی ایسی ہے کہ جسمانی نظام اسے ختم نہیں کر سکتا۔ کیانوش جہانپور نے کہا روس سے ویکسین کی براہ راست خریداری 20 لاکھ خوراک ہے اور ایران میں اس ویکسین کے لیے پروڈکشن لائن قائم کرنے کے لیے ضروری معاہدے کیے جا چکے ہیں، امید ہے ایران میں ویکسین کی مشترکہ پیداوار کے ساتھ ہم اس کی مزید لاکھوں خوراکیں تیار کر لیں گے اور اسے نئے ایرانی سال میں مارکیٹ کریں گے۔ ایران میں آنے والے ہفتوں میں نجی کمپنیوں میں سے ایک میں اس ویکسین کی پروڈکشن لائن کا قیام مکمل ہو جائے گا۔

کیا بڑھاپے کو روکنا ممکن ہے؟ سائنسدانوں کا نیا دعویٰ

مستقبل قریب میں ایسی دوا دستیاب ہوسکتی ہے جو زندگی کو طویل کرسکتی ہے۔

واشنگٹن۔20فروری2021: بڑھتی عمر کو روکنے اور طویل عمر پانے کے لیے انسان ہمیشہ سے جستجو میں رہا ہے، اب ماہرین نے دعویٰ کیا ہے کہ مستقبل قریب میں ایسی دوا دستیاب ہوسکتی ہے جو زندگی کو طویل کرسکتی ہے۔ بین الاقوامی ویب سائٹ کے مطابق جاپانی سائنس دانوں کا کہنا ہے کہ 5 سے 10 سال میں ایسی دوا ملے گی جو عمر بڑھنے کے عمل کو روکنے اور جسم کو دوبارہ زندہ کرنے میں کامیاب ہوگی۔ ٹوکیو یونیورسٹی کے ریسرچ انسٹی ٹیوٹ آف میڈیسن کے پروفیسر ماکوتو ناکانی کا کہنا ہے کہ 60 سال قبل امریکا کے ایک سائنس دان لیونارڈ بیفلک نے دریافت کیا تھا کہ انسانی جسم کے خلیات کی ایک خاص تعداد کئی بار تقسیم ہوسکتی ہے، جس کے بعد ضعیفی کا عمل آہستہ ہوجاتا ہے۔

امریکی سائنسدان کی دریافت کے مطابق بڑھتی عمر میں ایسے مضر خلیے جسم میں جمع ہوجاتے ہیں جو سوزش اور جلد کے بڑھاپے کا سبب بنتے ہیں۔ جاپانی سائنسدانوں کے مطابق اگر ان خلیوں سے چھٹکارا حاصل کرلیا جائے تو عمر بڑھنے کی علامات میں نمایاں بہتری آسکتی ہے۔ محققین کا کہنا ہے کہ عمر بڑھنے والے خلیے کے زندہ رہنے کے لیے جی ایل ایس 1 انزائم انتہائی ضروری ہے، ایک خاص روک تھام کرنے والے مادے کے استعمال سے عمر کے خلیوں سمیت سوجن کو بھڑکانے والے تمام خلیوں کو ختم کرنا ممکن ہوگا۔ جاپانی سائنس دانوں نے ایسی دوائی استعمال کرنے کا ارادہ کیا ہے جو اس وقت دستیاب ہے، یہ اس وقت چوہوں میں کلینیکل ٹرائلز کے مرحلے سے گزر رہی ہے جس میں کینسر کی کچھ اقسام کا علاج ہے اور اس کا نتیجہ مثبت ہے۔

اسٹیم سیل کی بدولت گنج پن دور کرنے میں اہم پیشرفت

جاپانی سائنسدانوں نے بالوں کی افزائش کے مسلسل دور یعنی بال اگنے اور اس کے بعد جڑ کٹ کر دوبارہ اگنے کی جینیاتی وجہ جاننے اور اسے ممکن بنانے میں اہم پیش رفت کی ہے۔

ٹوکیو۔17فروری2021: جاپانی سائنسدانوں نے بالوں کی افزائش کے مسلسل دور یعنی بال اگنے اور اس کے بعد جڑ کٹ کر دوبارہ اگنے کی جینیاتی وجہ جاننے اور اسے ممکن بنانے میں اہم پیش رفت کی ہے۔ اس کے بعد یہ طریقہ جانوروں پر آزمایا گیا ہے تاہم کورونا وبا کی وجہ سے انسانی آزمائش کا مرحلہ تاخیر سے دوچار ہے۔ تاہم اسے گنج پن کے خاتمے یا ایک حد تک علاج میں ایک اہم پیشرفت قرار دیا جارہا ہے۔ اس تحقیق کی روداد سائنٹفک رپورٹس نامی جرنل میں شائع ہوئی ہے۔ ماہرین نے انسانی جسم میں ایک طرح کے بنیادی خلیات یعنی اسٹیم سیل (خلیاتِ ساق) کے اندر ایک ایسا کیمیکل یا جزو (بایومارکر) دریافت کیا ہے جسے آئی ٹی جی بی ٹا فائیو Itgβ5 کا نام دیا گیا ہے۔ یہ بایومارکر بالوں کی افزائش کے تین اہم مراحل میں بہت اہم کردار ادا کرتا ہے اور اس کی مدد سے جانوروں میں گنج پن دور کرنے میں قریباً 80 فیصد کامیابی حاصل کی گئی ہے۔

جاپان میں بایوٹیکنالوجی پر تحقیق سے وابستہ رائکن سینٹر نے انسانی جلد میں موجود اسٹیم سیل میں ایسے بایومارکر دریافت کئے ہیں جو انسانی بال کو مسلسل افزائشی چکر سے گزارتے رہتے ہیں۔ اسے یوں سمجھئے کہ انسانی بال اگنے کے تین اہم مراحل ہوتے ہیں۔ ان میں ایناجین مرحلہ سب سے اہم ہوتا ہے جس میں بالوں کی افزائش بھرپور ہوتی ہے۔ اگر ایناجن مرحلہ ختم ہوتو بال کیٹاجن مرحلے میں داخل ہوجاتا ہے اور وہ کمزور ہونے لگتا ہے اس کے بعد ٹیلوجن مرحلہ ہوتا ہے جس میں بال ٹوٹنے لگتے ہیں۔ لیکن یہ قدرتی طور پر ہوتا ہے ۔ یہ چکر مکمل ہوتا ہے اور بال دوبارہ ایناجن مرحلے میں داخل ہوتا ہے۔ لیکن گنج پن کے شکار افراد میں بال گرنے کے بعد یہ سلسلہ رک جاتا ہے۔

اب تک گنجے افراد میں بال اگانے کے تجربات تو کئے گئے تھے لیکن ایک مرتبہ بال گرگیا تو وہ دوبارہ پیدا نہیں ہوسکا یعنی ایناجن مرحلہ شروع نہیں ہوپاتا۔ اب اسٹیم سیل میں موجود ایک کیمیل آئی ٹی جی بی فائیو کو تھوڑا تبدیل کرکے اسی وقت بالوں کے نیچے کی کھال میں داخل کیا گیا جب بال ہلکا سا نمودار ہوا تھا۔ جانوروں میں اس کے بہت اچھے اثرات دیکھے گئے ہیں اور یوں گنج پن میں کمی کی امید پیدا ہوئی ہے۔ سائنسدانوں کے مطابق بہت جلد انسانوں پر اس نئے طریقے کی آزمائش کی جائے گی۔

کینسر کے خلیات پر نینوذرات کی یلغار کا نیا طریقہ دریافت

ہیوسٹن، ٹیکساس / ٹیکساس۔10فروری2021: کینسر کے علاج کے تحت دنیا بھر میں امیونوتھراپی کا نام حال ہی میں سننے میں آیا ہے۔ اب اس ضمن میں نینوذرات کی حامل ایک نئی دوا بنائی گئی ہے جو امنیاتی نظام کو تقویت دے کر سرطان اور اس ک خلیات سے بنے پھوڑوں کا خاتمہ کرتی ہے۔ امیونوتھراپی میں جسم کے اپنے قدرتی دفاعی نظام کو اس قابل بنایا جاتا ہے کہ وہ خود سرطان کو چن چن کر ختم کرتا ہے لیکن اس میں بعض کینسر میں کامیابی حاصل ہوئی ہیں اور دوسری قسم کے کینسر میں یہ طریقہ بہت کامیاب نہ ہوسکا۔ تاہم اب امیونوتھراپی کی ایک دوا بنائی گئی ہے جس میں نینوذرات اسٹیمولیٹر آف انٹروفیرون جین (اسٹنگ) نامی پروٹین کو سرگرم کرتے ہیں۔ اور اسی پروٹین پر تحقیق ہورہی ہے جو امنیاتی نظام کا بہت اہم گوشہ بھی ہے۔

اگر اسٹنگ بیدار ہوجائے تو یہ کینسر کے ڈی این اے کو بھی پہچان کر اس سے دو دو ہاتھ کرسکتا ہے۔ اس ضمن میں یونیورسٹی آف ٹیکساس کے ہیرالڈ سمنس کینسر سینٹر کے جِن مِنگ چیاؤ اور ان کے ساتھیوں نے برسوں کی محنت کے بعد تجربہ گاہ میں ایک پالیمر بنایا جو ازخود چھوٹے نینوذرات کی شکل میں جمع ہوجاتا ہے۔ اس میں سی جی اے ایم پی نامی قدرتی چھوٹا سا سالمہ رکھ کر اس سے اسٹنگ کو سرگرم کیا جاسکتا ہے اور اس میں کامیابی حاصل کی گئی ہے۔ اس طرح نئی دوا اسٹنگ سالمے کو 48 گھنٹوں تک جگائے رکھتی ہے اور وہ اس دوران کینسر کے خلیات کو پچھاڑنے کا کام کرسکتا ہے۔ جب انہیں چوہوں پر آزمایا گیا تو اس کے بہت اچھے نتائج برآمد ہوئےاور کوئی منفی اثر بھی نہیں دیکھا گیا۔ اس کے بعد خود جسم کا اندرونی نظام اس قابل ہوگیا کہ وہ کینسر کا خاتمہ کرنےلگا۔

دنیا بھر میں کورونا کی 4 ہزار تبدیل شدہ اقسام موجود ہیں: برطانوی ماہرین

لائلپورسٹی۔ 5فروری2021(ایل پی پی): برطانوی ماہرین نے کووڈ 19 کی بدلتی ہوئی صورتحال پر اپنی تشویش بیان کرتے ہوئے کہا ہے کہ اس وقت کورونا وائرس کی 4000 تبدیل شدہ اقسام دنیا بھر میں زیرِ گردش ہیں۔ اسی لیے پہلی مرتبہ انہی برطانوی ماہرین نے ایسٹرا زنیکا اور فائزر کی ویکسین کو باہم ملاکر استعمال کرنا شروع کردیا ہے۔ برطانوی ماہرین کے مطابق اب تک بدلتے ہوئے وائرس کی ہزاروں اقسام رپورٹ ہوچکی ہیں جن میں بہت تیزی سے پھیلنے والے جنوبی افریقی، جنوبی لندن سے پھوٹنے والے برطانوی اور برازیلی وائرس بھی شامل ہیں۔

برطانوی مشیر برائے ویکسین ندیم زہاوی بھی خدشہ ظاہر کرچکےہیں کہ اس بدلتے تناظر میں ہمارے پاس موجود ویکسین ناکارہ ہوسکتی ہیں۔ زہاوی نے کہا کہ فائزر،بایو این ٹیک، ماڈرنا، آکسفورڈ ایسٹرازنیکا اور دیگر ادارے اس کوشش میں مصروف ہیں کہ کسی طرح ان کی ویکسین بدلتے وائرس کو روکنے میں مؤثر ثابت ہوسکتا ہے۔ ان میں برطانوی تبدیل شدہ وائرس براۃ، راست انسانی اے سی ای ٹو ریسپٹر پر چپک جاتا ہے اور یوں وہ بہت تیزی سے پھیلاؤ کی وجہ بن رہا ہے۔ زہاوی نے بتایا کہ برطانیہ میں انسانی جینوم (ڈی این اے کے مجموعوں) کا سب سے بڑا ذخیرہ اور ڈیٹا بیس ہے اور اب وہ بہت احتیاط سے بدلتے ہوئے کورونا وائرس کو بھی اس میں شامل کررہے ہیں۔

جمعرات کی صبح برطانیہ نے پہلی مرتبہ ایسٹرازنیکا اور فائزر ویکسین کے دو ٹیکے مختلف افراد کولگائے ہیں اور الگ سے ان کا جائزہ لیا جارہا ہے کہ آیا اب وہ اس وائرس سے محفوظ رہ سکتے ہیں یا نہیں۔ یہ اپنی نوعیت کی پہلی آزمائش ہے جس میں ایم آر این اے ویکسین مریضوں کو لگائی جارہی ہے۔ اس سے قبل دو ویکسین کا مجموعہ افریقہ میں ایبولہ وائرس اور کے خلاف مؤثر ثابت ہوچکا ہے۔

گنے کا رس صحت کیلئے بہترین قرار

اسلام آباد۔ 2فروری 2021: گنے کی فصل موسم سرما میں تیار ہوتی ہے جبکہ گنے کا استعمال اور رس سارا سال دستیاب ہوتا ہے، گنے کے رس کے استعمال  سے صحت پر کئی مثبت اثرات مرتب ہوتے ہیں۔ پاکستان میں گنے کے رس کو بے حد پسند کیا جاتا ہے اسی لیے جگہ جگہ گنے کا رس نکالنے والی مشینیں نظر آ تی ہیں اور عوام شوق سے اسے پیتے ہیں،  گنے کو اگر لذیذ قدرتی صحت بخش مشروب قرار دیا جائے تو یہ ہر گز غلط نہ ہوگا، گنے کے رس کو پاکستان کا قومی مشروب بھی قرار دیا جاتا ہے ۔ گنے کے رس کا استعمال سردیوں میں متعدد طریقوں سے کیا جاتا ہے جس میں اس کی کھیرسمیت دیگر میٹھے بنانا شامل ہے جبکہ گرمیوں میں موسم کی سختی دور کرنے کے لیے یہ ایک بہترین  آپشن ہے۔

گنے کو سپر فوڈز میں بھی شمار کیا جاتا ہے، اس کے 100 گرام میں  269 کیلوریز پائی جاتی ہیں جبکہ وٹامنز اور منرلز کے لحاظ سے گنے کی 100 گرام مقدار میں 58 ملی گرام سوڈیم ، 63 ملی گرام پوٹاشیم، 73 گرام کاربوہائیڈریٹس، 73 گرام شوگر  اور 19 فیصد کیلشیم پایا جاتا ہے۔ گنے کے رس میں مزید کوبالٹ، کاپر، کرومیم، میگنیشیم، فاسفورس، پوٹاشیم اور زنک پایا جاتاہے،  گنے کے جوس میں وٹامن اے، سی، بی ون، بی ٹو، بی تھری، بی فائیو اور بی 6 کے ساتھ پروٹین، اینٹی آکسیڈنٹس اور ڈائیٹری فائبر کی بھی بہتر  مقدار پائی جاتی ہے۔ گنے کے رس کے بے شمار طبی فوائد بھی ہیں، جن میں جِلدی امراض، نزلہ، زکام، معدے کا انفیکشن، پانی کی کمی، کینسر اور گردے کی بیماریوں سے بچاؤ شامل ہے، گنے کا رس انسانی جسم میں فوراً توانائی بحال کرتا ہے اور  قوت مدافعت مضبوط بنانے میں مدد فراہم کرتا ہے۔

گنے کے رس کے استعمال سے حاصل ہونے والے مزید فوائد مندرجہ ذیل ہیں

گنے کا رس انسانی جسم کو غدود اور چھاتی کے کینسر سے لڑنے کے قابل بناتا ہے۔ گنے کا رس گلے میں خراش، سوزش اور آدھے سرکے درد کے علاج کا بہترین گھریلو ٹوٹکا ہے۔ گنا پٹھوں کی مضبوطی کو برقرار رکھنے اور جسم کے لیے ضروری قدرتی گلوکوز کی فراہمی کا بہترین ذریعہ ہے، ورزش کرنے والے افراد کو گنے کا رس لازمی پینا چاہیے۔ بخار میں مبتلا شخص کے لیے ڈاکٹرز خود ہدایات جاری کرتے ہیں کہ اسے گنے کا رس پلایا جائے۔ یرقان کے مرض میں مبتلا مریضوں کے لیے گنے کا رس کسی اکسیر دوا سے کم نہیں کیوں کہ یہ جسم میں گلوکوز کی سطح کو مطلوبہ حد تک پہنچا کر مریض کی جلد بحالی میں اہم کردار ادا کرتا ہے۔

جسم میں الیکٹرولائٹ کی کارکردگی کو برقرار رکھنے کے لیے بےحد مفید ہے، گرمیوں میں گنے کا رس پینے سے جگر کی کارکردگی بہتر ہوجاتی ہے، پیٹ کی بیماریوں سے حفاظت ملتی ہے، گنے کے رس کا استعمال قبض کا بہترین علاج ہے۔ گنے میں ’سوکروس‘ نامی شوگر پائی ہوتا ہے جو قدرتی طور پر زخموں کو بھرنے میں معاون ثابت ہوتی ہے۔ گنے کا رس دل کے امراض سے حفاظت کا بھی ذریعہ ہے کیونکہ یہ جسم میں کولیسٹرول کی سطح کو بڑھنے نہیں دیتا۔ گنے کے رس میں چونکہ کیلشیم اور فاسفورس موجود ہوتا ہے، اس لیے یہ ہڈیوں کی مضبوطی میں اہم کردار ادا کرتا ہے۔ خون کی کمی کا شکار افراد گنے کا رس ضرور پیئیں کیونکہ اس میں آئرن کی اچھی خاصی مقدار پائی جاتی ہے۔

گنے کے رس سے بنا گڑ آئرن کے حصول کا بہترین ذریعہ ہے اور گڑ کی اسی خوبی کے باعث اس کا رنگ گہرا کتھئی ہوتا ہے، واضح رہے کہ آئرن انسانی جسم کے لیے نہایت ضروری ہے کیونکہ اس کی موجودگی سے خون کی کمی نہیں ہوتی۔ مائیکرونیوٹرنٹس انسانی جسم کی ضرورت ہوتے ہیں، جن کی وجہ سے انسان متعدد نفسیاتی افعال سرانجام دیتا ہے اور گُڑ ایسے مائیکرونیوٹرنٹس سے بھر پور ہوتا ہے۔ گنے کا رس اکثر پینے کی عادت جلد کے مسائل جیسے کیل مہاسوں کے علاج میں مددگار ثابت ہوتی ہے، اگر اکثر کیل مہاسوں کا سامنا ہوتا ہے تو اس رس کے فیس ماسک کا استعمال کرکے دیکھیں۔

کچھ مقدار میں ملتانی مٹی کو گنے کے رس میں مکس کریں اور پھر اس کو چہرے اور گلے پر لگاکر 20 منٹ کے لیے چھوڑ دیں، اس کے بعد گیلے تولیے سے چہرے اور گلے کو صاف کرلیں، یہ طریقہ ہفتے میں دو بار آزمائیں۔  گنے کا رس قدرتی طور پر میٹھا ہوتا ہے مگر یہ اضافی جسمانی وزن میں کمی لانے میں بھی مدد دیتا ہے، گنے کا رس جسم میں نقصان دہ کولیسٹرول کی سطح کم کرتا ہے جو کہ جسمانی وزن میں اضافے کی بڑی وجوہات میں سے ایک ہے، اس میں موجود فائبر بھی جسمانی وزن کو کنٹرول کرنے میں مدد دیتا ہے۔ گنے کے رس کے استعمال سے بھی گردوں کی پتھری کے امراض کے علاج میں مدد ملتی ہے جبکہ گردوں کے افعال میں بہتری آتی ہے۔ گنے کا رس ایسے منرلز سے بھرپور ہوتا ہے جو دانتوں کی کمزوری اور سانس کی بو کی روک تھام میں مدد فراہم کرتے ہیں۔

احتیاط

گنے کا رس باہر سے پیتے ہوئے ہیپاٹائیٹس جیسی بیماری سے بھی چوکنا رہیں،  اکثر ٹھیلے والے صفائی کا خیال نہیں رکھتے لہٰذا گندی مشینوں سے نکالا جانے والا رس خطرناک ہوسکتا ہے۔ بازار سے ملنے والا گنے کا رس ایک ہی گلاس میں بار بار مختلف لوگ پی رہے ہوتے ہیں، لہٰذا بیماریوں سے بچنے کے لیے اسے پارسل کروا لیں اور گھر لا کر پئیں۔ ذیابیطس کے مریض اس کا استعمال ڈاکٹر کے مشورے کے بغیر مت کریں۔ ایک دن میں گنے کے رس کے استعمال 2 گلاس سے زیادہ نہ کریں کیونکہ اس صورت میں یہ نقصان دہ بھی ثابت ہوسکتا ہے۔

کورونا ویکسین لگوانے کے بعد ایسا سائیڈ ایفیکٹ جسے نظر انداز نہیں کرنا چاہیئے

 واشنگٹن۔ 2فروری 2021: کورونا ویکسین لگوانے کے بعد کچھ ایسے مضر اثرات سامنے آتے ہیں جو عام ہیں اور اس پر فکر مند ہونے کی ضرورت نہیں تاہم کچھ سائیڈ ایفیکٹس ایسے بھی ہیں جو نمودار ہوتے ہی فوراً ڈاکٹر سے رجوع کرنا چاہیئے۔ کورونا وائرس نے دسمبر 2019 سے دنیا کا پہیہ جام کردیا ہے، تجارتی سرگرمیاں ماند، اسکول بند، اہم تقریبات ملتوی اور پروازیں معطل ہیں تاہم اب اندھیرے میں روشنی کی ایک کرن ویکسین کی شکل میں نظر آئی ہے۔ مہلک وائرس کورونا کیخلاف 6 سے زائد ویکسین آچکی ہیں اور ترقی یافتہ ممالک میں ویکسی نیشن کا آغاز بھی ہوگیا ہے تاہم بے حد ضروری ہے کہ ویکسین کے سائیڈ ایفکٹس سے متعلق بھی معلومات حاصل کرلی جائیں۔

وبائی امراض کے عالمی شہرت یافتہ امریکی ڈاکٹر انتھونی فاؤچی نے خبردار کیا ہے کہ ہر ویکسین کی طرح کورونا ویکسین کے بھی کچھ معمولی مضر اثرات ہوسکتے ہیں جنہیں نظر انداز کردینا چاہیئے۔ عام مضر اثرات دو سے تین روز میں خود ختم ہوجاتے ہیں۔ ان میں جوڑوں میں درد، پٹھوں میں کھینچاؤ، سر درد، تھکاوٹ  اور بخار شامل ہیں تاہم ایک علامت ایسی بھی ہے جسے نظر انداز نہیں کرنا چاہیئے۔ ڈاکٹر فاؤچی کے مطابق وہ خطرناک مضر اثر یا علامت جلد پر خارش، پت اچھلنا یا سوزش ہے کیوں کہ یہ علامت عمومی طور پر کسی بھی ویکسین کے لگنے کے بعد ظاہر نہیں ہوتیں۔ ماہر وبائی امراض فاؤچی کا کہنا ہے کہ جلد پر ان علامات کا مطلب ویکسین میں شامل اجزا سے الرجی ہونا ہوسکتا ہے جو کہ ایک طبی ایمرجنسی ہے اور فوری طور پر متاثر ہونے والے کو اسپتال لے جانا چاہیئے۔

بصارت کو ازخود درست کرنے والی انقلابی عینک

ٹوکیو.30جنوری2021: جو لوگ عینک لگاتے ہیں انہیں احساس ہے کہ لیزر کے بغیر ان کی بصارت ٹھیک نہیں ہوسکتی وہ اس عینک کو ضرور آزمائیں جو کسی آپریشن، دوا اور تکلیف کے بغیربصارت کو درست کردیتی ہے۔ اب جاپانی کمپنی کیوبوٹا فارماسیوٹیکلز کے شعبہ بصارت نے دعویٰ کیا ہے کہ ان کی نئی عینک کو مسلسل پہننے سے بالخصوص دور کی نظر کسی علاج کے بغیر ہمیشہ کے لیے درست ہوجاتی ہے۔ کمپنی کا دعویٰ ہے کہ عینک پہننے سے جزوی اندھا پن بھی دور ہوسکتا ہے۔ کمپنی نے اسے اپنے نام پر ’کیوبوٹا‘ گلاسِس کا نام دیا گیا ہے۔ اگرچہ یہ ابتدائی نمونے (پروٹوٹائپ) میں شامل ہے لیکن اس کی انسانوں پر آزمائش بھی کی جارہی ہے۔ اس کا سب سے بڑا فائدہ یہ ہوگا کہ اس سے دور کی نظر’میوپیا‘کو مؤثر انداز میں درست کیا جاسکے گا۔ اس عمل میں دور نظر کمزور ہوجاتی ہے جسے درست کرنے کے لیے پوری زندگی عینک لگانی پڑتی ہے۔

پہلے مرحلے میں اسمارٹ عینک ایشیا میں فروخت کی جائے گی جہاں آبادی کی بڑی تعداد میوپیا کی شکار ہے۔ کمپنی کے مطابق 20 سال تک کی عمر کے 95 فیصد جاپانی، 96 فیصد جنوبی کوریائی، 85 فیصد تائیوانیوں، اور ہانگ کانگ کے 87 فیصد افراد کو دور کی نظر کے لیے عینک کی ضرورت ہے۔ پوری دنیا میں دوارب 56 کروڑ افراد اسی بصارتی عارضے کے شکار ہیں۔ اسی بنا پر یہ کہا جاسکتا ہے کہ دنیا بھر میں لوگوں کو اس ایجاد کی ضرورت ہے تاکہ وہ اپنی بینائی کو بہتر بناسکیں۔ لیکن اب تک یہ معلوم نہیں ہوسکا کہ اسے کتنے ہفتے، ماہ یا برس تک پہننے سے مکمل افاقہ ہوگا۔ غالباً اس کا تعلق آنکھوں کے نمبروں سے ہوسکتا ہے۔ تاہم کمپنی نے عندیہ دیا ہے کہ وہ اسے مزید انسانوں پر آزمانے کی کوشش کرے گی۔ جبکہ امریکہ میں بھی 25 افراد اسے استعمال کررہے ہیں۔ یہ ایجاد اربوں افراد کے لیے فائدہ مند ہوسکتی ہے لیکن اب تک یہ معلوم نہیں ہوسکا کہ یہ آخرکسطرح کام کرتی ہے جبکہ کمپنی نے اس کی کوئی تفصیل نہیں بتائی ہے۔

دنیا بھر میں کورونا وائرس کی وبا سے21 لاکھ 68 ہزار اموات، متاثرین کی تعداد 10 کروڑ 8 لاکھ سے تجاوز کرگئی

نیویارک۔27جنوری2021 (اے پی پی):دنیا بھر میں کورونا وائرس کی وبا سے اموات کی تعداد 21لاکھ68 ہزار تک پہنچ گئی جبکہ مختلف ملکوں میں مہلک وائرس سے متاثرہ افراد کی تعداد10کروڑ8 لاکھ سے تجاوز کرگئی ہے۔ بدھ کوامریکی ذرائع ابلاغ کے مطابق دنیا کے مختلف ممالک میں کورونا وائرس کے مصدقہ متاثرین کی تعداد100881388ہے، وائرس سے متاثرہ ملکوں میں اب تک2168336 افراد لقمہ اجل بن چکے ہیں۔ دنیا بھر میں کورونا کے فعال متاثرین کی تعداد25784369 ہے، کورونا وائرس کی وبا سے امریکہ سب سے زیادہ متاثر ہوا ہے، ملک میں کورونا وائرس کے باعث اب تک مجموعی ہلاکتوں کی تعداد دنیا میں کسی بھی ملک میں سب سے زیادہ ہے۔ برازیل کورونا وائرس سے ہونے والی ہلاکتوں کے لحاظ سے دوسرے اور مریضوں کے حوالے سے تیسرے نمبر پر ہے جبکہ بھارت کورونا وائرس کے مریضوں کی تعداد کے اعتبار سے دوسرا اور ہلاکتوں کے اعدادوشمار سے تیسرا شدید متاثرہ ملک ہے۔

امریکہ میں کورونا وائرس کی وبا سے اموات کی تعداد چار لاکھ35 ہزارسے تجاوز کرگئی ہے جبکہ ملک بھر میں وائرس سے متاثرہ افراد کی تعداد2 کروڑ60 لاکھ سے زائد ہے۔ امریکہ میں کورونا وائرس کے مریضوں کی مجموعی تعداد26011222 ہے جبکہ فعال متاثرین کی تعداد9808357 ہے۔ امریکہ میں مہلک کورونا وائرس کی وبا سے اب تک 435452 افراد لقمہ اجل بن چکے ہیں۔ بھارت میں کورونا وائرس متاثرین کی تعداد ایک کروڑ 6 لاکھ 90 ہزار تک پہنچ گئی ہے جبکہ مہلک وائرس سے ہلاکتوں کی تعداد ایک لاکھ53 ہزار7 سو سے تجاوز کرگئی ہے۔ ملک بھر میں کورونا وائرس سے متاثرہ افراد کی تعداد10690279ہے۔ حکام کے مطابق بھارت میں کورونا وائرس سے اب تک153751افراد ہلاک ہوئے ہیں۔ ادھر لاطینی امریکی ملک برازیل میں مہلک کورونا وائرس سے اموات کی تعداد2 لاکھ18ہزار9 سوسے تجاوز کرگئی ہے جبکہ ملک بھر میں مریضوں کی تعداد89 لاکھ36ہزار تک پہنچ گئی۔ ملک میں کورونا وائرس کے نئے کیسز کے بعد مصدقہ مریضوں کی تعداد8936590 ہے۔

برازیل میں کورونا وائرس کی وبا سے ہلاکتوں کی تعداد218918 تک پہنچ گئی ہے۔ دریں اثناءبرطانیہ میں مہلک کورونا وائرس سے ہلاکتوںکی تعداد ایک لاکھ تک پہنچ گئی ہے جبکہ فرانس میں مہلک وائرس سے اب تک 74ہزار سے زائد افراد لقمہ اجل بن گئے ہیں۔ برطانیہ میں کورونا وائرس سے اب تک 36 لاکھ89 ہزار افراد متاثر ہوئے ہیں۔ برطانیہ میں کورونا وائرس کے نئے کیسز کے بعد مصدقہ مریضوں کی تعداد 3689746جبکہ ہلاک شدگان کی تعداد 100162 ہے، ملک میں اس وقت مہلک کورونا وائرس کے1927100 فعال مریض ہیں۔ فرانس میںکورونا وائرس متاثرین کی تعداد30لاکھ79ہزار تک پہنچ گئی ہے۔ حکام کا کہنا ہے کہ ملک میں کورونا وائرس سے متاثرہ افراد کی تعداد 3079943ہے۔ حکام کے مطابق فرانس میں کورونا وائرس سے اب تک74106 افراد ہلاک ہوئے ہیں۔

ہفتے میں آدھا پاؤ تلی ہوئی چیزیں بھی دل کےلیے خطرناک ہیں: تحقیق

بیجنگ۔23جنوری2021: چینی ماہرین نے ایک تفصیلی تحقیق کے بعد انکشاف کیا ہے کہ جو لوگ ہفتے میں صرف 4 اونس (114 گرام) تلی ہوئی چیزیں بھی کھاتے ہیں ان میں دل کے دورے کا خطرہ 12 فیصد زیادہ ہوتا ہے۔ ماضی کی طبّی تحقیقات سے تلی ہوئی چیزیں کھانے کا موٹاپے، ٹائپ 2 ذیابیطس اور ہائی بلڈ پریشر سے تعلق ثابت ہوچکا ہے، تاہم یہ پہلی تحقیق ہے جس میں تلے ہوئے کھانوں کے دل کی صحت پر اثرات کا جائزہ لیا گیا ہے۔ تحقیق کی غرض سے چینی طبّی ماہرین نے 23 وسیع مطالعات کا ڈیٹا استعمال کیا جو مجموعی طور پر 13 لاکھ سے زیادہ افراد سے حاصل کیا گیا تھا۔ ان میں سے 562,445 افراد اور دل کےلیے نقصان کا باعث بننے والے 36727 واقعات پر مشتمل 17 مطالعات کا جائزہ لے کر تلے ہوئے کھانوں اور دل کی خرابیوں میں تعلق کا جائزہ لیا گیا۔

دیگر 6 مطالعات کا ڈیٹا استعمال کرکے، تلے ہوئے کھانوں اور اموات کے مابین تعلق معلوم کرنے کی کوشش کی گئی۔ ان مطالعات میں 754,873 رضاکار شریک تھے جبکہ 85,906 اموات ریکارڈ کی گئیں۔ اس تحقیق سے معلوم ہوا کہ جو لوگ تلی ہوئی چیزیں بہت زیادہ کھاتے ہیں، ان میں ایسی چیزیں کم کھانے والوں کے مقابلے میں دل کی سنجیدہ تکالیف کا خطرہ 28 فیصد، دل اور شریانوں کے امراض کا خطرہ 22 فیصد، جبکہ دل کے دورے کا خطرہ 37 فیصد زیادہ ہوتا ہے۔اسی تجزیئے میں ماہرین نے دریافت کیا کہ پورے ہفتے کے دوران تلی ہوئی غذا کی مقدار میں ہر 4 اونس (تقریباً آدھا پاؤ) اضافے کے ساتھ حرکتِ قلب بند ہونے کے خطرے میں 12 فیصد، دل کے دورے کے خدشے میں 3 فیصد اور امراضِ قلب کے خطرے میں 2 فیصد اضافہ ہوتا ہے۔

البتہ تلی ہوئی چیزیں کھانے اور دل کی کسی بھی بیماری سے موت کے درمیان تعلق ثابت نہیں ہوسکا۔ طبّی مجلے ’’ہارٹ‘‘ کے تازہ شمارے میں شائع ہونے والی اس رپورٹ کے مصنفین نے خبردار کیا ہے کہ اس تحقیق کو حرفِ آخر نہ سمجھا جائے کیونکہ اس کا انحصار ماضی میں کیے گئے مطالعات پر تھا؛ جبکہ دورانِ تجزیہ ان پرانے مطالعات میں کئی حوالوں سے ادھورا پن بھی سامنے آیا ہے جسے مزید تحقیق میں ختم کرنے اور بہتر مطالعات ترتیب دینے کی ضرورت ہے۔

چوبیس گھنٹوں کے دوران کورونا وائرس کے 1927 کیس ، 43 اموات رپورٹ، سب سے زیادہ اموات سندھ کے بعد پنجاب میں ریکارڈ کی گئیں: نیشنل کمانڈ اینڈ آپریشن سینٹر

اسلام آباد۔23جنوری2021 (اے پی پی): گزشتہ چوبیس گھنٹوں کے دوران کورونا وائرس کے باعث سندھ کے بعد پنجاب میں سب سے زیادہ اموات ریکارڈ کی گئیں۔ ملک بھر میں گزشتہ چوبیس گھنٹوں کے دوران کورونا وائرس سے 43 اموات ہوئیں جن میں سے 28 اموات وینٹیلیٹرز پر موجود مریضوں کی تھیں۔نیشنل کمانڈ اینڈ آپریشن سینٹر کی طرف سے جاری اعدادو شمار کے مطابق گزشتہ 24 گھنٹوں کے دوران ملک بھر میں 1 ہزار 927 افراد کے کووڈ۔ 19 ٹیسٹ مثبت آئے اور 43 افراد اس وائرس سے جاں بحق ہوئے جن میں سے 40 افراد ہسپتالوں میں جبکہ 3 افراد گھروں میں قرنطینہ کے دوران جاں بحق ہوئے۔

ملک کے 4 بڑے شہروں میں وینٹیلیٹرز پر کووڈ۔ 19 کے مریضوں کے تناسب کے لحاظ سے ملتان میں 38 فیصد,لاہور میں 34 فیصد،بہاولپور میں 32 فیصد اور اسلام آباد میں 38 فیصد مریض ہیں۔اسی طرح سے ملک کے چار بڑے شہروں میں آکسیجن کی سہولیات والے بستروں پر کورونا کے مثبت کیسسز کے تناسب کے لحاظ سے پشاور میں 44 فیصد،ملتان میں 36 فیصد،کراچی میں 40 فیصد اور راولپنڈی میں 27 فیصد مریض ہیں۔گزشتہ 24 گھنٹوں کے دوران کووڈ۔19 کے 40 ہزار 403 ٹیسٹ کیے گئے جن میں سے سندھ میں 6 ہزار 760, پنجاب میں 18 ہزار 729, خیبرپختونخوا میں 6 ہزار 664, اسلام آباد میں 6 ہزار 860, بلوچستان میں 624,گلگت بلتستان میں 445, آزاد کشمیر میں 321 ٹیسٹ شامل ہیں۔

اب تک ملک بھر میں کووڈ۔19 سے صحتیاب ہونے والوں کی تعداد 4 لاکھ 84 ہزار 508 ہو چکی ہے۔ بلوچستان،گلگت بلتستان اور آزاد کشمیر میں کووڈ۔19 کا کوئی بھی مریض اس وقت وینٹیلیٹرز پر نہیں ہے جبکہ ملک بھر میں کووڈ۔19 کے لیے مختص وینٹیلیٹرز پر 301 مریض ہیں۔ ملک بھر میں کووڈ۔19 کے ایکٹو کیسز کی تعداد 35 ہزار 63 ہے۔ ملک بھر میں کورونا وائرس سے متاثرہ افراد کی تعداد 5 لاکھ 30 ہزار 818 ہے جن میں سے آزاد کشمیر میں 8 ہزار 770, بلوچستان میں 18 ہزار 715, گلگت بلتستان میں 4 ہزار 899، اسلام آباد میں 40 ہزار 629, خیبر پختونخوا میں 64 ہزار 945، پنجاب میں 1 لاکھ 52 ہزار 925 اور سندھ میں 2 لاکھ 39 ہزار 935 مریض ہیں۔

ملک بھر میں کووڈ۔19 سے جاں بحق ہونے والوں کی تعداد 11 ہزار 247 ہے جن میں سے سندھ میں 3 ہزار 875 اموات جبکہ گزشتہ چوبیس گھنٹوں کے دوران 18 مریض ہسپتالوں میں جبکہ 2 مریض گھروں میں قرنطینہ کے دوران اس وائرس سے جاں بحق ہوئے، پنجاب میں 4 ہزار 537 اموات جبکہ گزشتہ چوبیس گھنٹوں کے دوران 13 مریض ہسپتالوں میں جبکہ 1 مریض گھر میں قرنطینہ کے دوران اس وائرس سے جاں بحق ہوا،خیبر پختونخوا میں 1 ہزار 826 جبکہ گزشتہ چوبیس گھنٹوں کے دوران 3 مریض ہسپتالوں میں اس وائرس سے جاں بحق ہوئے،اسلام آباد میں کل 463 اموات جبکہ گزشتہ چوبیس گھنٹوں کے دوران 2 مریض ہسپتالوں میں اس وائرس سے جاں بحق ہوئے،بلوچستان میں 192 اموات، گلگت بلتستان میں 102 اموات، آزاد کشمیر میں اس وائرس سے 252 اموات جبکہ گزشتہ چوبیس گھنٹوں کے دوران 4 مریض ہسپتالوں میں اس وائرس سے جاں بحق ہوئے۔اب تک ملک بھر میں کووڈ۔19 کے 76 لاکھ 2 ہزار 380 ٹیسٹ کیے جا چکے ہیں۔ملک بھر میں کووڈ۔19 کے علاج کیلئے مختص 631 ہسپتالوں میں 2 ہزار 789 مریض زیر علاج ہیں۔

کراچی میں شوکت خانم میموریل ٹرسٹ ہسپتال پاکستان کا سب سے بڑا اور جدید ترین ہسپتال ہو گا: وزیراعظم عمران خان

اسلام آباد۔23جنوری2021 (اے پی پی):وزیراعظم عمران خان نے کہا ہے کہ کراچی میں شوکت خانم میموریل ٹرسٹ ہسپتال پاکستان کا سب سے بڑا اور جدید ترین ہسپتال ہو گا۔۔ ہفتہ کو ایک ٹویٹ میں انہوں نے کہا کہ کرونا بحران کے دوران سست روی کے بعد کراچی میں شوکت خانم میموریل ٹرسٹ ہسپتال کے تہہ خانے پر کام اچھی رفتار سے جاری ہے۔ وزیراعظم نے اپنے ٹویٹ میں ہسپتال کے تعمیراتی کام کی تصاویر بھی شیئر کی ہیں۔

متحدہ عرب امارات میں کورونا وائرس کے 3500نئے کیسز کی تصدیق

دبئی ۔22جنوری2021 (اے پی پی):متحدہ عرب امارات میں کورونا وائرس سے متاثرہ 3500 نئے کیسز کی تصدیق ہوئی ہے۔العریبیہ نیوز کے مطابق متحدہ عرب امارات میں گزشتہ 24 گھنٹوں کے دوران کورونا وائرس سے متاثرہ 3500 نئے کیسز کی تصدیق ہوئی ہے جبکہ 3901صحت یاب ہوئے اور 4 افراد جان کی بازی ہار گئے ہیں۔

محکمہ صحت کے مطابق اب کوروناوائرس کے کل مریضوں کی تعداد 2 لاکھ 67 ہزار 258 تک ہوچکی ہے جبکہ 3901 افراد کے صحت یاب ہونے کے بعد اب تک 2 لاکھ 39 ہزار 322 لوگ شفا پاچکے ہیں۔ محکمہ صحٹ کا کہنا ہے کہ گزشتہ 24 گھنٹوں کے دوران ایک لاکھ 63 ہزار 285 افراد کے ٹیسٹ کیے گئے ہیں جبکہ اسی دوران 84 ہزار 919 افراد کو کورونا ویکسین دی گئی اور اب تک 22 لاکھ 46 ہزار 69 افراد کورونا ویکسین لے چکے ہیں۔

امریکہ آنے والے مسافروں کو قرنطینہ میں رہنا ہوگا: امریکی صدرجوبائیڈن

واشنگٹن۔ 22جنوری2021 (اے پی پی):امریکی صدر جوبائیڈن نے کہا ہے کہ امریکہ آنے والے مسافروں کو قرنطینہ میں رہنا ہوگا۔غیر ملکی خبر رساں ادارے کے مطابق جوبائیڈن نے کہا کہ کورونا وائرس سے اموات کی تعداد اگلے ماہ 5 لاکھ سے بڑھ سکتی ہیں۔انہوں نے کہا کہ مہلک وائرس پر قابو پانے میں کچھ مہینے لگیں گے ،اس سے متعلق منصوبہ تمام امریکیوں کو مل کر کامیاب بنانا ہوگا۔

صدر نے کہا کہ بدقسمتی سے ماسک ایک گھمبیر متعصب مسئلہ بن گیا ہے لیکن پہلے 100 دن کے چیلنجوں میں سے ایک چیلنج یہ بھی ہے کہ تمام امریکی ماسک پہنیں اور احتیاطی تدابیر پر عمل کریں۔انہوں نے کہا کہ گزشتہ حکومت نے کوروناوائرس پرفوری توجہ نہ دینے اورعوام میں ہم آہنگی پیدا کرنے میں ناکام رہی۔جس کی قیمت روزانہ 3 سے 4 ہزار اموات کی شکل میں چکانا پڑرہی ہے۔

ہلاکتوں کے باوجود ناروے کا فائزر کی کورونا ویکسین کا استعمال جاری رکھنے کا فیصلہ

اوسلو۔21جنوری2021: ناروے میں امریکی دوا ساز کمپنی فائزر کی کورونا ویکسین کے ٹیکے لگنے سے 23 ہلاکتوں کے باوجود ویکسینیشن جاری رکھنے کا فیصلہ کیا گیا ہے۔عالمی خبر رساں ادارے کے مطابق ناروے نے امریکی دوا ساز کمپنی فائزر کی کورونا ویکسین لگانے کا عمل جاری رکھنے کا فیصلہ کیا ہے۔ چند روز قبل ویکسین کے ٹیکے لگنے کے بعد 23 معمر افراد نرسنگ ہومز میں انتقال کرگئے تھے۔ ناروے کے انسٹی ٹیوٹ آف پبلک ہیلتھ کی ڈائریکٹر کیملا اسٹولٹن برگ نے صحافیوں کو بتایا کہ اب تک 13 ہلاکتوں کے تفصیلی تجزیے سے ثابت ہوا ہے کہ یہ افراد معمر، کمزور اور شدید بیماریوں میں مبتلا تھے۔ ڈائریکٹر کیملا اسٹولٹن نے یاد دلایا کہ ناروے کے نرسنگ ہومز میں روزانہ کی بنیاد پر 40 سے 45 افراد ہلاک ہوجاتے ہیں اور اب تک 23 ہلاکتوں کی وجہ ویکسین کے ٹیکے لگنا ثابت نہیں ہوئے ہیں۔

کیملا اسٹولٹن برگ نے مزید بتایا کہ ان تجزیوں کی روشنی میں اموات کے بعد فائزر- بائیوٹیک کی کورونا ویکسین کے استعمال کے بارے میں ناروے نے اپنی پالیسی میں کوئی تبدیلی نہیں کی ہے تاہم طبی عملے کو معمر، کمزور اور دیگر پیچیدہ امراض میں مبتلا افراد کو ویکسین نہ لگانے کی ہدایت کی ہے۔ ناروے کے انسٹی ٹیوٹ آف پبلک ہیلتھ کی ڈائریکٹر نے کہا کہ طبی عملے کو بھی کسی شخص کو ویکسین لگانے سے قبل مکمل میڈیکل ہسٹری لینا اور کئی چیزوں کا خیال رکھنا چاہیئے، اس کے بعد ہی ویکسین لگانے یا نہ لگانے کا فیصلہ کرنا چاہیئے۔

صرف بڈھے ہی تو مر رہے ہیں: محمد وقار بھٹی

لاہور۔14جنوری2021: خواہ مخواہ ڈرا کر رکھا ہوا ہے پوری قوم کو، صرف بڈھے تو مر رہے ہیں کورونا وائرس سے پاکستان میں۔ یہ تھا استدلال اس ’دانشور‘ کا جس سے میں نے غلطی سے ایک چھوٹے کمرے میں ڈیڑھ سو سے زائد لوگوں کو اکٹھے دیکھ کر ’کوروناوائرس ایس او پیز‘ کی خلاف ورزی کا ذکر کر ڈالا۔ جی بالکل، بڈھے ہی تو مر رہے ہیں، ان کی موت سے کسی کو کیا فرق پڑتا ہے، آج نہیں تو کل تو انہوں نے مر ہی جانا تھا، اچھا ہوا جلدی جان چھوٹ رہی ہے ان سے۔ ہر وقت کی کھانسی، جوڑوں میں درد، کمر میں تکلیف، بیمار اور مریل بڈھے اور بڈھیاں، کام کے نا کاج کے، دشمن اناج اور چین و آرام کے۔

لو جی اماں اسی سال سے اوپر کی ہو گئیں اور جیے جا رہی ہیں، ابا 75 سے اوپر کے ہیں اور ہر سال ’آئی سی یو‘ پہنچ جاتے ہیں پھر بھی لوٹ آتے ہیں، ہیں جی؟ ہاں بس فرق پڑتا ہے جمال کو، جب بھی اکیلا ہوتا ہے ماں یاد آتی ہے اور آنکھیں چھلک جاتی ہیں، کہتا ہے کوروناوائرس نہ ہوتا تو کئی برس اور جی لیتیں اماں۔ اس کی والدہ کے جسم کا ہر سسٹم خراب ہو چکا تھا، پھیپھڑے تو گزشتہ کئی برسوں سے خراب تھے ہی، شوگر کی وجہ سے یہ انہیں روز انسولین لگاتا تھا، بلڈ پریشر اور دل کی مریضہ بھی تھیں اور آخری دنوں میں گردے فیل ہو جانے کی وجہ سے ڈائلیسس پر آچکی تھیں۔

’بھائی آخری دنوں میں، میں روزانہ انہیں اپنے ہاتھوں سے بستر سے اٹھاتا، گاڑی میں بٹھاتا، ایس آئی یو ٹی سے ڈائیلائسس کرواتا اور گھر لے آتا تھا، آخری دو ہفتے تو شاید میں چند منٹ سے زیادہ سویا بھی نہیں، وہ اسپتال میں ہوتی تھیں اور میں سول اسپتال کے آس پاس کی گلیاں ناپا کرتا تھا‘ جمال بتانے لگا، بقول اس کے اماں کئی برس اور جی لیتی اگر کم بخت کوروناوائرس نہ ہوتا۔ 55 سالہ ڈاکٹر سلطان خود کورونا میں مبتلا ہیں، روزانہ تیز بخار ہوتا ہے سانس لینے میں تکلیف ہے لیکن جان میرپور خاص میں اپنے گھر میں موجود 84 سالہ اللّٰہ اماں میں اٹکی ہوئی ہے، اماں کو کورونا کی وجہ سے ’ایکیوٹ ریسپائریٹری ڈسٹریس‘ تشخیص کیا گیا ہے، بقول ڈاکٹر سلطان کے اتنا بد نصیب ہوں کے اپنی ماں کے قریب بھی نہیں جا سکتا، اپنے لیے کم اور ماں کے لیے زیادہ دعائیں کرتا ہوں اللّٰہ ان کو میری بھی عمر لگا دے۔

اور مجھے وہ سات سالہ بچہ نہیں بھولتا، بقر عید کی رات مجھے اپنے بچوں کے ساتھ قربانی کے جانوروں کے قریب کھڑا دیکھا تو قریب آگیا، باتوں ہی باتوں میں کہنے لگا۔ ’ابو نے بکرا دلوایا تھا لیکن اسے ٹہلانے میرے ساتھ نہ جا سکے, کوروناوائرس نے ابو اور دادی کو ایک ساتھ ہم سے چھین لیا، اب اس بکرے کا کیا کروں میں؟‘ وہ رونے لگا اور مجھے بھی آبدیدہ کر گیا۔ ہاں لیکن کوروناوائرس سے بڈھے ہی تو مر رہےہیں، خوامخواہ ڈرا کر رکھا ہوا ہے پوری قوم کو، کسی کو کیا فرق پڑتا ہے اگر کسی کا بڈھا باپ یا ماں یہ ظالم کوروناوائرس چھین لے تو۔

اب پیٹ بھرگیا، دماغ کو سگنل دینے والا برقی چھلہ تیار

ٹیکساس.14جنوری2021: موٹاپے اور بسیار خوری کا گہرا تعلق ہے۔ اسی لیے اب پیٹ بھرے کا احساس دینے والا ایک پیوند (امپلانٹ) بنایا گیا ہے جس کی جسامت صرف ایک سینٹی میٹر ہے۔ موٹاپے کے شکار افراد گیسٹرک بائی پاس سرجری سے گزرتے ہیں جو بہت مہنگا اور تکلیف دہ عمل ہوتا ہے۔ اب تجرباتی طور پر ایک پیوند تیار کیا گیا ہے جس کی جسامت صرف ایک سینٹی میٹر ہے۔ ٹیکساس اے اینڈ ایم یونیورسٹی کے پروفیسر سونگ پارک نے چپو نما چھلہ بنایا ہے۔ لیکن یہ اعصابی اور دماغی سگنل کو پیغام بھیج کراپنا کام کرتا ہے۔ اس کا ایک سِرا لچک دار ہے جس پر بہت ہی باریک ایل ای ڈی اور کوائل نما اینٹینا لگایا گیا ہے۔ نیچے کی جانب ایک خاص چپ لگائی گئی ہے۔ اس آلے کو چلانے کے لیے بیٹری موجود نہیں کیونکہ اسے پیٹ میں رکھنے کے بعد جسم کے باہر سے  ریڈیائی امواج سے بجلی دی جاتی ہے۔

اس کا اصول بہت سادہ ہے یعنی سرجری کے ذریعے اسے پیٹ میں ایک رگ کے قریب لگایا جاتا ہے جسے ویگس نرو کہتے ہیں۔ ویگس نرو دماغ اور پیٹ سمیت کئی اعضا کے درمیان رابطے کا کام کرتا ہے۔ پیوند کو سرجری کے ذریعے ویگس نرو کے کنارے پر لگایا جاتا ہے۔ پھر جسم سے باہر ٹرانسمیٹر سگنل بھیجتا ہے اور اس کی وجہ سے پیٹ کے اندر موجود خردبینی ایل ای ڈی روشن ہوجاتی ہیں۔  ان کی روشنی اعصابی ریشے سے سفر کرکے دماغ تک جاکر یہ پیغام دیتی ہے کہ اس شخص کا پیٹ بھرچکا ہے اور یوں انسان کی بھوک ایک دم گرجاتی ہے۔ اس طرح پیوند لگوانے والا شخص کم خوراکی کا عادی ہوجاتا ہے۔

اس سے قبل بھی ویگس اعصابی مرکز کو متحرک کرکے بھوک مٹانے والے اندرونی پیوند بنائے جاتے رہے ہیں لیکن وہ پیس میکر کی طرح ہیں اور انہیں چلانے کے لیے جسم کے اندر ہی بیٹری لگانا پڑتی ہے تاہم اس نئی ایجاد میں بیٹری کا جھنجھٹ شامل نہیں اور اسے جسم سے باہر برقناطیسی شعاعوں سے چلایا جاتا ہے۔ دوسری جانب اس پیوند کی انتہائی چھوٹی جسامت بھی اسے دوسروں سے ممتاز کرتی ہے۔ فی الحال اسے چوہوں پر آزمایا گیا ہے اور اس کے بہت اچھے نتائج برآمد ہوئے ہیں ۔ اس کا تفصیلی احوال نیچر کمیونکیشن نامی جرنل میں حال ہی میں کیا گیا ہے۔

ذیابیطس سے قبل (پری ڈائبیٹیز) کی 6 اقسام دریافت

برلن.13جنوری2021: ہم جانتے ہیں کہ ذیابیطس کے کنارے پہنچنے والے افراد ’پری ڈائبیٹیز‘ کہلاتے ہیں۔ ان کی اکثریت میں جلد یا بدیر ٹائپ ٹو ذیابیطس میں مبتلا ہونے کا خطرہ بڑھ جاتا ہے اور اس کیفیت کے شکار افراد کی اکثریت شوگر کی مریض بن جاتی ہے۔ اس ضمن میں  900 افراد کا 25 سال تک مطالعہ کیا گیا ہے۔ ماہرین نے ذیابیطس سے پہلے کی کیفیت کو بہت سے بایومارکرز یعنی گلوکوز کی مقدار، جگر کی چکنائی، جسمانی چکنائی کی تقسیم، خون میں لائپڈ کی مقدار اور جینیاتی خطرات کی بنا پر دیکھا ہے۔

سائنسدانوں کے مطابق 6 ذیلی اقسام میں ٹائپ ٹو ذیابیطس کا خطرہ مختلف ہوتا ہے اور اس سے ڈاکٹروں کو قدرے مؤثر علاج میں بھی مدد مل سکے گی۔ جرمن سینٹر برائے ذیابیطس ریسرچ کے پروفیسر ہانس الرخ ایرنگ کہتے ہیں کہ ہماری تحقیق سے پہلے یہ بتانا مشکل تھا کہ پری ڈائبیٹس کے کونسے افراد آگے چل کر ٹائپ ٹو ذیابیطس میں مبتلا  ہوسکتےہیں، کن کے گردے متاثر ہوں گے یا کون ایسے ہیں جنہیں زیادہ فرق نہیں ہوگا؟ مرض کو مختلف گروہ یا کلسٹر کی صورت میں بیان کیا گیا ہے۔ موٹاپے، استحالے (میٹابولزم)، جسم میں انسولین کی فطری پیداوار، جگرپرچربی، رگوں کی موٹائی اور دیگر عوامل کی بنا پر انہیں مختلف درجوں میں رکھا گیا ہے۔ اس تحقیق سے ذیابیطس جیسے مرض کو بہتر طور پر قابو کرنے میں مدد مل سکے گی۔

دوتہائی مریضوں میں کووڈ 19 کی بعض علامات چھ ماہ بعد بھی برقرار

بیجنگ.12جنوری2021: کووڈ 19 کے تناظر میں ایک تازہ خبریہ آئی ہے کہ اس سے شفایابی کے 6 ماہ بعد بھی مرض کی کم ازکم ایک علامت یا تکلیف برقرار رہتی ہے۔ ماہرین نے اس ضمن میں بہت سے مریضوں کو ایک طویل وقت تک نوٹ کیا ہے جس میں دو تہائی افراد میں شفا یابی کے باوجود بھی کورونا علامات پائی گئی ہیں اور وہ مسلسل برقرار رہتی ہیں اور اسے ’طویل کووڈ‘ کا نام دیا گیا ہے۔ ان میں سے بعض علامات اس وقت کی ہیں جب وہ کورونا میں مبتلا ہوکر ہسپتال میں تھے اور بعض افراد میں بس ان کی شدت کم ہوئی تاہم علامات برقرار رہیں۔

اس ضمن میں چین کے شہر ووہان کے 1733 ہسپتالوں کے مریضوں کا جائزہ لیا گیا۔ بیجنگ میں چین جاپان دوستی ہسپتال سے وابستہ، امراضِ تنفس کے ماہر بِن چیاؤ نے کہا ہے کہ بعض مریض ہسپتال سے فارغ ہونے کے بعد اب بھی کووڈ 19 کی بعض علامتوں کے ساتھ زندہ ہیں۔ جن افراد کا تجربہ بہت شدید رہا ان میں اس کی علامات اب بھی زیادہ ہیں۔ سروے کے مطابق  76 فیصد مریضوں نے بتایا کہ کووڈ 19 کی ایک کیفیت ان میں نصف سال کے بعد بھی برقرارہے۔ ان میں 63 فیصد افراد نے غنودگی اور پٹھوں کی کمزوری کی شکایت کی ہے۔ 25 فیصد مریضوں نے ڈپریشن اور نیند کی کمی کی شکایت کی ہے۔

آدھے مریضوں کے ایکس رے لیے گئے تو ان کے سینے میں انفیکشن نما اثرات نظر آئے جو بیماری کے دیرینہ اور شدید اثرات کو ظاہر کرتے ہیں۔ دوسری جانب کنگز کالج لندن کے پروفیسر فرانسس ولیمز نے کہا کہ کورونا وائرس کے اثرات شاید کئی برسوں تک برقرار رہے۔ الزائیمر اور ڈیمنشیا نامی طبی جریدے میں ماہرین نے کورونا کو ’عصبی (نیورو) وائرس‘ بھی کہا ہے۔ ان کا اصرار ہے کہ کورونا وائرس الزائیمر، پارکنسن، اور دیگر دماغی نقائص کی وجہ بن سکتا ہے۔ ماہرین نے کہا ہے کہ کورونا وائرس چونکہ سونگھنے اور چکھنے کی حس کو متاثر کرتا ہے تو اس کا صاف مطلب یہ ہے کہ کہیں نہ کہیں یہ دماغ کو متاثر بھی کررہا ہے۔ لیکن ماہرین نے کہا ہے کہ مریضوں میں سانس لینے کی دقت اعصابی اور دماغی بھی ہوسکتی ہے۔

عالمی ادارہ صحت نے جموں وکشمیر پربھارت کے دعوے کے برعکس عالمی نقشے میں اس کو علیحدہ خطے کے طور پر دکھادیا

جنیوا۔10جنوری2021 (اے پی پی):عالمی ادارہ صحت نے نریندر مودی کی زیرقیادت بھارتی حکومت کے ریاست جموںوکشمیر پر دعوے کو مسترد کرتے ہوئے عالمی نقشے میں لداخ سمیت جموںوکشمیرں کو بھارت سے ایک علیحدہ خطے کے طور پر دکھایا ہے۔کشمیرمیڈیاسروس کے مطابق عالمی ادارہ صحت نے اپنی ویب سائٹ پر شائع کردہ دنیا کے نقشے میں بھارت کو نیلے رنگ میں دکھایا ہے جبکہ لداخ سمیت جموں و کشمیر کو ایک الگ خطے کے طوپر سرمئی رنگ میں دکھایا گیا ہے۔

بھارت کے انگریزی اخبار ”ٹائمز آف انڈیا“ نے نقشے پر تبصرہ کرتے ہوئے اس بات کی تصدیق کی ہے کہ لداخ سمیت جموں و کشمیر کو سرمئی رنگ میں دکھایا گیا ہے جبکہ بھارت کو نیلے رنگ میں دکھایاگیاہے۔ اکسائی چن کو بھی سرمئی رنگ میں دکھایا گیا ہے جس پر نیلے رنگ کی لکیریں ہیں۔اخبار نے لکھاکہ جموں و کشمیر اور لداخ کو ایک الگ خطے کے طورپر دکھانے کے پیچھے چین ہوسکتا ہے کیونکہ وہ عالمی ادارہ صحت کو اچھے خاصے فنڈز دیتا ہے ۔ اخبار نے اقوام متحدہ کی طرف سے جموں و کشمیر کی تسلیم شدہ متنازعہ حیثیت کو نظر اندازکرتے ہوئے عالمی ادارہ صحت کے نقشے کے اثرات کو کم ترظاہر کرنے کی کوشش کی ہے ۔

وفاقی کابینہ نےکورونا ویکسین کی خریداری کیلئے ڈیوٹی چھوٹ کی منظوری دے دی

 4اسلام آباد۔ 5جنوری2021: وزیراعظم عمران خان کی زیر صدارت وفاقی کابینہ کا اجلاس ہوا جس میں اہم فیصلے کیے گئے۔اجلاس میں وفاقی کابینہ نے  کورونا ویکسن کو پبلک پروکیورمنٹ ریگولیٹری اتھارٹی (پیپرا)  رولز سے مستثنیٰ کرنے کی منظوری دیتے ہوئے کورونا ویکسین کو ڈیوٹی چھوٹ کی منظوری بھی دے دی۔اس حوالے سے وزیراعظم عمران خان کے معاون خصوصی صحت ڈاکٹر فیصل سلطان کے نام لکھے گئے خط میں کہا گیا ہے کہ پاکستان اسپوٹنگ ویکسین کے اولین بیچ کی ڈیمانڈ سے آگاہ کرے۔

ذرائع کے مطابق روس کی اسپوٹنک ویکسین کو اگست 2020 میں رجسٹر کیا گیا تھا، روس میں اسپوٹنک V پاکستان کو روسی کمپنی نے ویکسین کی رجسٹریشن کی پہلے بھی پیشکش کی تھی، روسی کمپنی نے گزشتہ ماہ کورونا ویکسین کی فی خوراک 26 ڈالر کی پیشکش کی تھی،اب 10ڈالر فی خوراک پیشکش کی گئی ہے۔

روس کا کرونا ویکسین ٹیکنالوجی ایک اور ملک منتقل کرنے کا فیصلہ

ماسکو۔4جنوری2021: روس کے براہ راست سرمایہ کاری فنڈ (آر ڈی آئی ایف) کے سربراہ کریل دیمتردیف نے کہا کہ روس اسپوتنک وی کرونا ویکسین کی ٹیکنالوجی یوکرین منتقل کرنے کے لیے تیار ہے۔اُن کا کہنا تھا کہ ہم ویکسین ٹیکنالوجی کو مکمل طور پر یوکرین منتقل کرنے کے لیے تیار ہیں۔ٹی وی چینل کو دیے گئے انٹرویو میں انہوں نے کہا کہ جی ہاں ہم یوکرین میں ویکسین کی تیاری اور اپنی ٹیکنالوجیز مکمل طور پر منتقل کرنے کے لیے تیار ہیں۔

اُن کا کہنا تھا کہ روسی براہ راست سرمایہ کاری فنڈ یوکرائن میں آسٹرا زینیکا اور اسپوتنک پنجم سے کرونا کے خلاف ویکسین کے مرکب سے مشترکہ ٹرائلز کرے گا جس کی تیاری مکمل ہوچکی ہے۔انہوں نے بتایا کہ ہم نے یوکرین میں مشترکہ طور پر آسٹرازینیکا اور اسپوتنگ کے بھی ٹرائلز شروع کرنے کے لیے تیار ہیں، یوکرین کے ساتھ تعاون کے سلسلے کو جاری رکھیں گے۔

سردیوں میں گاجر اور چقندر کا استعمال بہت زیادہ کریں

لائلپورسٹی۔31دسمبر2020: گاجراور چقندر کا شمار سردیوں کی بہترین غذاؤں میں ہوتا ہے، گاجر آنکھوں کے لیے بے حد مفید ہے کیوں کہ اس میں بیٹا کیروٹین ہوتا ہے۔دوسری جانب موسم سرما میں با آسانی دستیاب ہونے والا اور غذائیت سے بھرپور ’چقندر‘ بطور غذا ایک ایسا آپشن ہے جسے فائبر، فولیٹ، میگنیز، پوٹاشیم، آئرن اور وٹامن سی کا اہم ذریعہ تسلیم کیا جاتا ہے۔اگر گاجر اور چقندر کے جوس کی بات کی جائے تو غذائیت سے بھرپور گاجر کا جوس کئی مہلک امراض کو روکنے میں مددگار ثابت ہوتا ہے۔ گاجر کے جوس میں بہت زیادہ مقدار میں موجود وٹامن Aموجود ہوتا ہے جو کہ آنکھوں، جگر، جلد، ہڈیوں اور دانتوں کے لیے بہت ہی اہم ہے۔

اس کے علاوہ اس میں وٹامن سی، بی، ای، ڈی، پروٹینز، پوٹاشیم، کیلشیم، آئرن، کاپر اور بہت سے دوسرے لازمی اجزاء پائے جاتے ہیں۔چقندر کے جوس کو صحت کے متعدد فوائد سے منسلک کیا جاتا ہے۔ ان فوائد میں خون کا بہتر بہاؤ، لو بلڈپریشر اور ورزش کی کارکردگی میں اضافہ جیسے عوامل شامل ہیں جس کی وجہ اس میں موجود غیر نامیاتی نائٹریٹس ہیں۔طبی ماہرین کا کہنا ہے کہ اگر گاجر کے جوس میں تھوڑا سا چقندر اور سیب بھی شامل کر لیا جائے تو اس کے فوائد مزید بڑھ جاتے ہیں۔ جن میں سےکچھ یہ ہیں. گاجر اور چقندرکے جوس کے استعمال سے خون کے سرخ خلیوں میں اضافہ ہوتا ہے، خون پتلا ہوتا ہے اور دوران میں اعتدال آتا ہے۔ جس کی وجہ سے بلڈپریشر سے محفوظ رہا جاسکتا ہے اور انسان صحت مند رہتا ہے۔

. گاجر اور چقندر کا جوس کینسر سے بچائو کے لیے مفید ہے کیونکہ اس کے جوس کا استعمال کینسر سے متاثرہ خلیوں کی پرورش کو روکتا ہے۔ ایک خیال یہ بھی ہے کہ کینسر کے مریض اگر اس جوس کو مسلسل استعمال کریں تو یہ بیماری مکمل طور پر ختم بھی ہو سکتی ہے۔تحقیقی نتائج ثابت کرتے ہیں کہ چقندر کا جوس چند گھنٹوں کے دوران ہی بلڈپریشر میں 3-10mmHg تک کمی لاسکتا ہے۔جگر، گردوں اور لبلبہ کی حفاظت کے لیے گاجر بہترین ہے جبکہ السر کی بیماری میں بھی بہت مفید ہے۔

گاجر اور چقندر کا جوس پھیپھڑوں کو قوت بخشتا ہے اور بلڈ پریشر کو بھی کنٹرول کرتا ہے۔ اس کے علاوہ قوت مدافعت میں بھی زبردست اضافہ کرتا ہے۔گاجر اور چقندر کا جوس آنکھوں اور بینائی کے لیے تو مفید ہے ہی لیکن اس کے ساتھ ساتھ یہ آنکھوں کو روشنی اور قوت بھی بخشتا ہے، ساتھ ہی بینائی تیز کرتا ہے۔قبض کے خلاف مزاہمت کرتاہے، بدہضمی کی وجہ سے سینے میں پیدا ہونے والی جلن کو دور کرتا ہےاور جِلد کی رنگت کو نکھارنے کے لیے بہت مفید ہے۔

کورونا کیخلاف اجتماعی مدافعت پیدا ہونے میں ایک سال لگ سکتا ہے: عالمی ادارہ صحت

جنیوا۔27دسمبر2020: عالمی ادارہ صحت کی سائنس دان ڈاکٹر سومیا سوامی ناتھن نے خبردار کیا ہے کہ دنیا بھر میں اجتماعی سطح پر کورونا کے خلاف مدافعت کے پیدا ہونے کا 2021 کے آخر تک امکان نہیں۔نشریاتی ادارے سی این بی سی کے مطابق عالمی ادارہ صحت کے چیف سائنس دان ڈاکٹر سومیا سوامی ناتھن نے انٹرویو میں کورونا وائرس اور اس کے عالمی سطح پر اثرات کے حوالے سے اہم انکشافات کیے ہیں۔ڈاکٹر سومیا سوامی ناتھن کا کہنا تھا کہ کورونا ویکسینیشن کا آغاز خوش آئند ہے تاہم یہ مہلک وبا کے خلاف جنگ کے اختتام کی ابتدا ہے، ابھی ویکسین کو عالمی آبادی کے بڑے حصے کو لگنا باقی ہے اس لیے دنیا کو آئندہ 6 ماہ تک محتاط رہنا ہوگا۔

ایک سوال کے جواب میں سائنس دان کا کہنا تھا کہ آبادی کی سطح پر کورونا کے خلاف مدافعت پیدا ہونے کا امکان 2021 کے آخر تک ہے تاہم اس سے قبل ہمیں بہت احتیاط سے کام لینا ہوگا۔ سائنس دان ڈاکٹر سومیا سوامی ناتھن نے کورونا کی نئی قسم کی دریافت پر کہا کہ ابھی چند مہینے نہایت خوفناک ہوسکتے ہیں لیکن ویکسین سے روشنی کی ایک کرن ضرور نظر آئی ہے اور حالات بہتر ہونے کی امید ہے تاہم اس میں سال سے زیادہ کا عرصہ لگ سکتا ہے۔

کوروناوبا، امریکا نے بھی برطانیہ سے آنیوالوں کیلئے شرائط رکھ دیں

نیویارک۔25دسمبر2020:امریکا نے بھی برطانیہ سے آنے والے مسافروں کے لیے شرائط عائد کردیں۔غیر ملکی میڈیا کے مطابق امریکا نے برطانیہ سے پروازوں کے ذریعے آنے والے مسافروں کے لیے کورونا کا منفی ٹیسٹ لازمی قرار دے دیا۔ امریکی سینٹر فار ڈیزیز کنٹرول نے شرط عائد کی کہ برطانیہ سے امریکا آنے والے مسافروں کو روانگی سے 72 گھنٹے قبل اپنا کورونا کا ٹیسٹ کرانا ہوگا اور منفی رپورٹ دکھانے کی صورت میں ہی ان مسافروں کو امریکا میں داخلے کی اجازت دی جائے گی۔

امریکی سی ڈی سی کی جانب سے یہ فیصلہ برطانیہ میں کورونا کی تیزی سے پھیلنے والی نئی قسم سامنے آنے کے بعد کیا گیا ہے۔امریکی سی ڈی سی کی جانب سے برطانیہ سے آنے والوں کے لیے منفی ٹیسٹ کی شرط ایسے وقت میں عائد کی گئی جب گزشتہ روز ٹرمپ انتظامیہ نے کہا تھا کہ برطانیہ سے آنے والوں کے لیے ٹیسٹ کی شرط رکھنے کی کوئی منصوبہ بندی نہیں کی جارہی ہے۔امریکی سی ڈی سی کا کہنا تھاکہ برطانیہ سے آنے والے مسافر لازمی طور پر پی سی آر یا اینٹی جن ٹیسٹ کے ذریعے اپنی منفی رپورٹ دکھائیں۔سی ڈی سی کے مطابق برطانیہ میں سامنے آنے والا نیا وائرس میوٹیشن کے ذریعے تبدیل ہوتا ہے اور ابتدائی تجزیے میں یہ بات سامنے آئی ہےکہ وائرس پہلے کے مقابلے میں 70 فیصد زیادہ تیزی سے پھیل سکتا ہے۔

سینٹر فار ڈیزیز کنٹرول کا کہنا تھاکہ اگر کوئی مسافر امریکا آنے کےلیے ٹیسٹ کا انتخاب نہیں کرتا تو اسے بورڈنگ کی اجازت نہیں دی جائے گی۔برطانیہ میں کورونا کی نئی قسم سامنے آنے کے بعد دنیا کے بیشتر ممالک نے سفری پابندیاں عائد کردی ہیں اور اپنی سرحدوں کو بھی ٹریفک کے لیے بند کردیا ۔میڈیا رپورٹس کے مطابق واشنگٹن میں برطانوی سفارتخانے نے اس معاملے پر فوری طور پر کوئی رد عمل جاری نہیں کیا۔

کورونا کی نئی قسم پاکستان میں موجود نہیں: محکمہ صحت سندھ

کراچی.24دسمبر2020: محکمہ صحت سندھ نے کورونا کی نئی قسم پاکستان پہنچنے کے دعوے کی تردید کردی۔ محکمہ صحت کے ترجمان کا کہنا ہےکہ  وزیراعظم کے چیئرمین کورونا ٹاسک فورس کمیٹی برائے سائنس و ٹیکنالوجی ڈاکٹر عطاءالرحمان کا کورونا کی نئی قسم پاکستان پہنچے کادعویٰ غلط ہے۔ ترجمان نے کہا کہ ڈاکٹر عطاء الرحمان کے اس حوالے سے دعوے کی تردید کرتے ہیں کیونکہ کورونا کی برطانیہ میں سامنے آنے والی نئی قسم پاکستان میں موجود نہیں ہے۔

خیال رہےکہ ڈاکٹرعطا الرحمان نے نئے وائرس کے 70 فیصد پھیلاؤ کی بھی بات کی تھی اور ان کا کہنا تھا کہ کراچی میں بھی ہم نے برطانیہ میں دریافت ہونے والے کورونا وائرس سے ملتا جلتا وائرس دریافت کیا ہے۔ برطانوی ماہرین نے سارس کووڈ وائرس ٹو کی جینیاتی طور پر اس تبدیل شدہ شکل کو سائنس دانوں نے بی ون ون سیون کا نام دیا ہے۔ کورونا وائرس سے متعلق برطانوی سائنسدانوں کے ایڈوائزری گروپ کے مطابق وائرس کی نئی قسم دیگر کے مقابلے میں 71 فیصد زیادہ پھیلاؤ کا باعث بن سکتی ہے۔ طبی ماہرین کا یہ بھی کہنا ہے کہ یہ وائرس بچوں کو زیادہ متاثر کر سکتا ہے۔

فضائی آلودگی آپ کے گردوں کے لیے بھی خطرناک ہے: تحقیق

بیجنگ.21دسمبر2020: چینی سائنسدانوں نے دریافت کیا ہے کہ فضائی آلودگی صرف پھیپھڑوں اور دل کےلیے ہی خطرناک نہیں بلکہ یہ گردوں کی دائمی بیماری کی وجہ بھی بن سکتی ہے۔ یہ بات انہوں نے 47,000 سے زائد بالغ چینی شہریوں کی صحت سے متعلق دو سالہ اعداد و شمار کا تجزیہ کرنے کے بعد دریافت کی ہے۔ واضح رہے کہ ہوا میں معلق آلودگی کے وہ باریک ذرّات جن کی جسامت 2.5 مائیکرومیٹر یا اس سے بھی کم ہوتی ہے، انہیں ’’پی ایم 2.5‘‘ (پارٹیکیولیٹ میٹر 2.5) کہا جاتا ہے جبکہ صحت کے تناظر میں بھی انہیں تشویشناک سمجھا جاتا ہے۔

یہ ذرّات اگر ایک طرف ہمارے پھیپھڑوں میں پہنچ کر سانس کی مختلف بیماریوں کا باعث بن سکتے ہیں تو دوسری جانب یہی ذرّات کئی طرح کے امراضِ قلب کو بھی جنم دے سکتے ہیں۔ یہ ذرّات اتنے خطرناک ہیں کہ عالمی ادارہ صحت نے ’’پی ایم 2.5‘‘ کے زیادہ سے زیادہ سالانہ اوسط 10 مائیکروگرام فی مکعب میٹر کو قابلِ قبول قرار دیا ہے جبکہ یومیہ اوسط کی بلند ترین قابلِ قبول حد 25 مائیکروگرام فی مکعب میٹر مقرر کی گئی ہے۔ بیجنگ کی پیکنگ یونیورسٹی میں کیے گئے اس مطالعے میں ’’پی ایم 2.5‘‘ کی طویل مدتی فضائی موجودگی اور انسانی صحت میں تعلق کے علاوہ گردوں پر ان کے اثرات کا بطورِ خاص جائزہ لیا گیا ہے۔

اس تحقیق سے معلوم ہوا ہے کہ شہروں میں رہنے والے بالغ مردوں اور صحت مند بالغ افراد کے گردوں کو ’’پی ایم 2.5‘‘ کی طویل مدتی فضائی آلودگی سے زیادہ خطرہ ہوتا ہے۔ مطالعے کے شرکاء میں سے تقریباً 5100 افراد (10.8 فیصد) گردوں کی دائمی تکلیف میں مبتلا پائے گئے۔ علاوہ ازیں یہ بھی دریافت ہوا کہ ’’پی ایم 2.5‘‘ والی فضائی آلودگی کی مقدار صرف 10 مائیکروگرام فی مکعب میٹر بڑھنے پر بھی گردوں کی تکالیف کے خطرے میں 130 فیصد اضافہ ہوگیا۔

اس مطالعے کی بنیاد پر سائنسدانوں کا کہنا ہے کہ حکومتی پالیسی سازوں کو فضائی آلودگی کے معاملے میں بہت زیادہ سنجیدگی اختیار کرنے کی ضرورت ہے کیونکہ صحت پر اس کے نت نئے اور پہلے سے کہیں زیادہ خطرناک اثرات سامنے آتے جارہے ہیں۔ اس تحقیق کی تفصیلات ’’جرنل آف دی امریکن سوسائٹی آف نیفرولوجی‘‘ کے تازہ شمارے میں آن لائن شائع ہوئی ہیں۔

غریب ممالک تک کورونا ویکسین کی رسائی 2022 تک ممکن نہیں، تحقیق

 واشنگٹن.19دسمبر2020:: کورونا ویکسینیشن کا آغاز برطانیہ، امریکا اور سعودی عرب سمیت درجن بھر ممالک میں ہوچکا ہے تاہم ایک تحقیق میں انکشاف کیا گیا ہے کہ دنیا کی لگ بھگ ایک چوتھائی آبادی کو یہ ویکسین 2022 تک ملنے کی امید نہیں۔ طبی تحقیقی جریدے ’بی ایم جے‘ میں شائع ہونے والی امریکا کی جونز ہوپکنز بلومبرگ اسکول آف پبلک ہیلتھ  کی ایک تحقیق میں انکشاف کیا گیا ہے کہ کورونا وائرس کی ویکسین زیادہ تر امیر ممالک میں پہلے دستیاب ہوں گی اور پھر غریب ممالک کو میسر آسکیں گی اس طرح خدشہ ہے کہ ایک چوتھائی آبادی کو کورونا ویکسین تک رسائی 2022 تک بھی ممکن نہ ہو۔

اس تحقیق میں کووڈ 19 ویکسینز کے پری آرڈرز، تیاری کے مراحل، ترسیل کی مشکلات اور طبی ماہرین کی استعداد کا تجزیہ کیا گیا اور بد قسمتی میں غریب ممالک کو ان تمام ہی مشکلات کا سامنا ہے جب کہ نومبر کے وسط ہی میں خوشحال ممالک نے 13 مختلف کمپنیوں کی ویکسینز کے 7 ارب 48 کروڑ خوراکیں اپنے لیے مختص کرالیے تھے۔ اب اگر یہ تمام ویکسینز کامیاب سے لگ جاتی ہیں تو اگلا بیچ 2021 کے اختتام تک تیار ہوسکے گا جس کے لیے کمپنیاں فی ویکسین 6 ڈالر سے 96 ڈالر تک کی مالیت کی  5 ارب 96 کروڑ ڈوز تیار کرسکیں گی۔ 51 فیصد خوراکوں کو دنیا کی آبادی کے محض 14 فیصد نمائندگی کرنے والے امیر ممالک نے پہلے ہی خرید لی ہیں۔

اس طرح 85 فیصد آبادی والے غریب طبقے کے پاس امید کے سوا کچھ نہیں بچتا۔ 2022 سے قبل انہیں ویکسین ملنا مشکل نظر آتا ہے۔ اس حوالے سے اقوام متحدہ کی کورونا ویکسین کی ترسیل کی نگرانی کرنے والے والے ادارے ’ کوویکسین‘ کا کردار اہم ہوجاتا ہے جسے بہر حال عالمی دباؤ کا سامنا بھی ہوگا۔

ملک میں کورونا کے مثبت کیسز کی شرح اس وقت 7.15 فیصد ہے،این سی او سی

اسلام آباد۔12دسمبر2020 (اے پی پی):: نیشنل کمانڈ اینڈ آپریشن سینٹر (این سی او سی) کے مطابق اس وقت ملک میں کورونا کے مثبت کیسز کی شرح 7.15 فیصد ہے۔ جمعہ کے روز این سی او سی کی جانب سے جاری کردہ اعدادوشمار کے مطابق کورونا کیسزمثبت آنے کی سب سے شرح کراچی میں 18.43 فیصد دیکھی گئی ہے ، اس کے بعد میرپور 14.29 فیصد اور پشاور میں 11.68 فیصد رہی ۔پاکستان بھر میں 2 ہزار 538 کورونا مریضوں کی حالت تشویشناک ہے اور تشویشناک حالت والے مریضوں کی تعداد تیزی سے بڑھ رہی ہے۔مختلف وفاقی اکائیوں میں کورونا کے کیسز مثبت آنے کی شرح کے لحاظ سے آزاد جموں کشمیر میں 7.74 فیصد ، بلوچستان میں 12.85 فیصد،گلگت بلتستان میں 1.22 فیصد ، اسلام آباد میں 4.81 فیصد،خیبر پختونخوا میں 8.10 فیصد ، پنجاب میں 3.89 فیصد اور سندھ میں 12.27 فیصد رہی ۔

اسی طرح سے صوبوں کے مختلف شہروں میں مثبت کورونا کیسز کی شرح کے لحاظ سے پنجاب میں لاہور 5.36 فیصد، راولپنڈی ، 6.75 فیصد، فیصل آباد 4.18 فیصدملتان ، 2.57 فیصد، گوجرانوالہ 1.28 فیصد، سندھ کے شہروں جن میں کراچی 18.43 فیصد، حیدرآباد ، 6.47 فیصد رہی ۔اسی طرح سے خیبرپختونخوا کے شہروں میں یہ شرح پشاور ، 11.68 فیصد،سوات،7.25 فیصد،ایبٹ آباد ، 7.80 فیصد،بلوچستان کے شہرکوئٹہ میں 8.19 فیصدرہی ۔وفاقی دارالحکومت میں 4.81 فیصدآزاد کشمیر کے شہروں میں میرپور، 14.29 فیصد،مظفرآباد ، 8.29 فیصد۔گلگت بلتستان کے شہروں میں سے گلگت میں 2.13 فیصدشرح دیکھی گئی ۔

اسی طرح سے پوری دنیا میں ہونے والی اموات کی طرح ملک میں ہونے والی اموات کی تعداد 8 ہزار 653 ہے جو کہ پوری دنیا میں ہونے والی اموات کی 2.25 فیصدشرح کے مقابلے میں 2 فیصد ہے۔ملک میں ہونے والی اموات میں سے 71 فیصد مرد جاں بحق ہوئے اور جاں بحق ہونے والوں میں سے 76 فیصد افراد وہ تھے جن کی عمریں 50 سال سے زائد تھیں۔جاں بحق ہونے والوں میں سے 72 فیصد افراد مختلف بیماریوں میں مبتلا تھے اور جاں بحق افراد میں سے 91 فیصد ہسپتالوں میں زیر علاج تھے جبکہ 58 فیصد مریض وینٹیلیٹرز پر دوران علاج جاں بحق ہوئے۔

دنیا میںکرونا کی پہلی ویکسین لگوانے والی خاتون کی عوام سے اہم اپیل

لندن.9دسمبر2020:: برطانیہ میں کرونا ویکسین کی پہلی خوراک لینے والی 90 سالہ خاتون نے برطانوی عوام سے بڑی اپیل کردی۔ بین الاقوامی میڈیا رپورٹ کے مطابق برطانیہ نے بڑے پیمانے پر کورونا ویکسین لگانے کا باقاعدہ آغاز کر دیا ہے جس کے بعد 90 سالہ برطانوی خاتون مارگریٹ کینن ویکسین کی خوراک لینے والی دنیا کی پہلی خاتون بن گئی ہیں۔ خبررساں ادارے کی رپورٹ کے مطابق ویکسین کا ٹیکہ لگوانے والی خاتون نے عوام سے اپیل کی کہ وہ آگے بڑھیں اور ویکسین لگوائیں تاکہ ہم تباہ کن بیماری کو شکست دے سکیں۔

دلچسپ بات یہ ہے کہ مارگریٹ نے اپنی 91ویں سالگرہ سے ٹھیک ایک ہفتہ قبل ویکسین لگوائی۔ شمالی آئرلینڈ سے تعلق رکھنے والی خاتون کو فائزر اور بائیو این ٹیک کی مشترکہ جدوجہد سے تیار ہونے والی ویکسین وسطی انگلینڈ کے مقامی اسپتال میں بذریعہ انجکشن دی گئی۔ ویکسین لگوانے کی ویڈیو بھی ریکارڈ کی گئی جس کے بعد خاتون کو اسپتال سے نکلتے ہوئے بھی دیکھا جاسکتا ہے۔ مارگریٹ کا کہنا تھا کہ ’میں ویکسین لگوانے اس لیے گئی کیونکہ یہ مفت تھی اور دوسرا یہ میری زندگی کا قیمتی ترین لمحہ تھا‘۔ انہوں نے ویکسین کے حوالے سے شک و شبہات رکھنے والوں کو مخاطب کرتے ہوئے کہا کہ ’جب میں ویکسین لگوا سکتی ہوں تو آپ بھی لگوا سکتے ہیں‘۔کینن کا کہنا تھا کہ ’ہم سب کو آگے بڑھ کر خود ہی ویکسین لگوانا ہوگی تاکہ اس تباہ کن وبا کو شکست دے سکیں، میں خوراک لینے کے بعد اب اپنے گھر والوں کے ساتھ وقت گزاروں گی‘۔

روس پاکستان کو کرونا ویکسین فراہم کرنے کیلئے تیار 

اسلام آباد.7دسمبر2020:: کرونا ویکسین کے حوالے سے اچھی خبریں آنا شروع ہوگئیں، روس پاکستان کو ویکسین فراہم کرنے کے لیے تیار ہوگیا، ماسکو حکومت نے فروخت کی پیش کش کردی۔ تفصیلات کے مطابق ذرایع کا کہنا ہے کہ روس نے پاکستان کو کرونا ویکسین کے فروخت کی پیشکش کر دی، وزارت خارجہ کو پاکستان میں روسی سفارتخانے کا آفر لیٹر موصول ہوا، پاکستان کو روسی ویکسین کلینکل ریسرج اور ٹرائلز کا ڈیٹا رپورٹ بھی بھیجا گیا ہے، وزارت خارجہ نے وزارت صحت کو روسی پیشکش سے آگاہ کر دیا۔

اس حوالے سے جاری مراسلے میں کہا گیا ہے کہ سپٹنک فائیو کی کلینکل ریسرچ رپورٹ عالمی ادارے کی تیارکردہ ہے، کلینکل رپورٹ میں سپٹنک فائیو کا دیگر ویکسین سے تقابلی جائزہ شامل ہے۔ رپورٹ میں بتایا گیا کہ سپٹنک فائیو کروناویکسین روس میں مقامی طور پر تیارکردہ ہے، سپٹنک فائیو کروناویکسین 95فیصدمؤثر ہے، سپٹنک فائیو دیگر ویکسین کے مقابلے سستی اور مؤثر ہے، دیگر کے مقابلے میں اسے ذخیرہ کرنا آسان ہے۔ سپٹنک فائیو کے لیے فنڈنگ روسی ڈائریکٹ انویسٹمنٹ فنڈ نے کی۔

خیال رہے کہ روسی حکومت کی جانب سے سپٹنک فائیو ویکسین کا استعمال جاری ہے۔ روس میں سپٹنک فائیو کرونا ویکسین روسی فوجیوں کو لگائی جا رہی ہے۔ روس کی سپٹنک فائیوویکسین کو اگست 2020میں رجسٹر کیا گیا تھا۔ روس میں سپٹنک فائیوویکسین کے محدود استعمال کا آغاز نومبر میں کیا گیا تھا۔

کورونا ویکسین برطانیہ پہنچ گئی، استعمال کی اجازت

لندن۔4دسمبر2020:: میڈیسن اینڈ ہیلتھ کیئر پروڈکٹس ریگولیٹری کی منظوری کے بعد بیلجیئم پلانٹ میں تیار کردہ فائزر اور بائیو این ٹیک کورونا ویکسین برطانیہ پہنچ گئی۔ برطانوی میڈیا کے مطابق کورونا ویکیسن خوراک کی پہلی کھیپ برطانیہ پہنچ چکی ہے اور ویکسین کو منفی70درجہ حرارت میں اسٹور کیا گیا ہے۔ میڈیسن اینڈ ہیلتھ کیئر پروڈکٹس ریگولیٹری سے منظور شدہ کورونا ویکسین منگل کےدن سے لگائی جائیں گی۔ ڈپٹی چیف میڈیکل آفیسر نے جمعرات کی صبح میڈیا ٹاک میں اعلان کیا تھا کہ بیلجیم پلانٹ میں تیار کردہ کورونا ویکسین اب سے کچھ گھنٹے بعد برطانیہ لائی جائے گی۔ برطانیہ نے بڑا قدم اٹھاتے ہوئے کورونا ویکسین کے وسیع پیمانے پر استعمال کی منظوری دی تھی۔ برطانیہ دنیا کا پہلا ملک بن گیا ہے جہاں اب ویکسین وسیع پیمانے پر دستیاب ہوگی۔

امریکا کی تیار کردہ ویکسین کی ایک خوراک کی قیمت 19.50 ڈالر یعنی تین ہزار ایک سو ستائس روپے پاکستانی ہے، جس کے باعث امریکی حکومت نے فائزر کو 1 اعشاریہ 95 ارب ڈالر کا کنٹریکٹ دیا تھا۔ طبی ماہرین کا کہنا ہے کہ کرونا میں مبتلا ہونے والے افراد کےلیے ویکسین کی دو خوراک لگنا ضروری ہے۔ خیال رہے کہ اگر پاکستان نے امریکا سے ویکسین امپورٹ کی تو کرونا ویکسین کی قیمت زیادہ ہوگی لیکن اگر حکام امریکا کے تعاون سے پاکستان میں کرونا ویکسین تیار کریں تو قیمت کم ہوسکتی ہے۔ پاکستان میں بڑے پیمانے پر ویکسین کا استعمال اگلے سال کی دوسری سہہ ماہی میں ہونے کا امکان ہے جس کا مطلب یہ ہے کہ فی الحال احتیاطی تدابیر پر عمل روکنا نہیں ہے۔

غیر ملکی میڈیا کی رپورٹ کے مطابق امریکا کی تیار کردہ ویکسین کی ایک خوراک کی قیمت 19.50 ڈالر یعنی تین ہزار ایک سو ستائس روپے پاکستانی ہے، جس کے باعث امریکی حکومت نے فائزر کو 1 اعشاریہ 95 ارب ڈالر کا کنٹریکٹ دیا تھا۔ طبی ماہرین کا کہنا ہے کہ کرونا میں مبتلا ہونے والے افراد کےلیے ویکسین کی دو خوراک لگنا ضروری ہے۔ میڈیا رپورٹس میں کہا گیا ہے کہ ایک اور امریکی کمپنی موڈرنا نے اپنی ویکسین کی قیمت 25 ڈالر یعنی 4 ہزار روپے مقرر کی ہے، ان دونوں کمپنیوں کی تیار کردہ ویکسین کی قیمت امریکی شہریوں کےلیے انتہائی مناسب ہے کیونکہ امریکی زکام کی سالانہ ویکسین پر 40 ڈالر خرچ کردیتے ہیں۔

اب حکومت پاکستان کو فیصلہ کرنا ہے کہ وہ پاکستانی عوام کو کرونا ویکسین کتنے میں دستیاب کرتی ہے۔ خیال رہے کہ اگر پاکستان نے امریکا سے ویکسین امپورٹ کی تو کرونا ویکسین کی قیمت زیادہ ہوگی لیکن اگر حکام امریکا کے تعاون سے پاکستان میں کرونا ویکسین تیار کریں تو قیمت کم ہوسکتی ہے۔ پاکستان میں بڑے پیمانے پر ویکسین کا استعمال اگلے سال کی دوسری سہہ ماہی میں ہونے کا امکان ہے جس کا مطلب یہ ہے کہ فی الحال احتیاطی تدابیر پر عمل روکنا نہیں ہے۔ ماہرین کا کہنا ہے کہ کسی بھی ویکسین کی کامیابی کا دارومدار اس کے بڑے پیمانے پر استعمال پر ہوگا۔

کافی یا چائے؟ کون سا مشروب صحت کے لئے بہتر؟ قدسیہ مدثر

اسلام آباد۔3دسمبر2020:: کافی اور چائے دنیا میں سب سے زیادہ پیے جانے والے مشروب ہیں ، دونوں ہی نہایت مقبول ہیں۔ یہ آپ کے جسم میں توانائی کی سطح بڑھانے میں اہم کردار ادا کرتے ہیں۔ ان کے اندر کیفین نامی کیمیکل پایا جاتا ہے جو انسانی جسم کو متحرک رکھتا ہے۔ علاوہ ازیں ان میں اینٹی آکسیڈینٹس کی بھی وافر مقدار پائی جاتی ہے جو انسان کو مختلف بیماریوں سے محفوظ رکھتے ہیں۔ کافی اور چائے کی تاریخ بہت پرانی ہے۔کہا جاتا ہے کہ کسی ملک کا ایک بادشاہ تھا جو سیر پر نکلا۔ راستے میں ایک درخت کے نیچے آرام کے لئے بیٹھا اور گرم پانی پینے کے لئے منگوایا۔ وہاں ایک پودے کا ایک پتہ اس پانی میں گر گیا اور پانی کا رنگ تبدیل ہوگیا۔ بادشاہ نے اسے سونگھا تو خوشبو بھی بھلی معلوم ہوئی ،چکھا تو ذائقہ پسند آیا۔ بس! پھر ان پودوں کے پتوں کا استعمال شروع ہو گیا جو اصل میں چائے کے پتے تھے۔

کافی ہم تک کیسے پہنچی ؟ یہ بھی ایک دلچسپ کہانی ہے۔ کہتے ہیں کہ کالدی نامی ایک چرواہے کی بکریوں نے آس پاس لگی جھاڑیوں کے کچھ بیج کھا لیے اور دیکھتے ہی دیکھتے وجد میں آ کر کودنے لگیں۔ چرواہا بکریوں کی اس حرکت سے بڑا پریشان ہوا اور آگے بڑھ کر اس نے بھی ایک بیج چبا ڈالا اور وہ اسی کیفیت سے دوچار ہوا۔ یہ تھا کافی کا بیج جس میں سرور انگیز کیفیات پائی جاتی ہیں۔ آج بھی جب بدن میں خون کا فشار کم ہو جائے تو کافی کا ایک کپ خون کے فشار کو اوپر لانے میں مددگار ثابت ہوتا ہے۔ 15 ویں صدی میں بابا بودن نامی ایک فقیر عربستان کے ملک یمن سے کافی کے سات بیج کمر بند میں چھپا کر ہندوستان لایا۔ بابا بودن کا مسکن جنوبی ہند کا شہر میسور بنا۔ بعد ازاں یہاں چھوٹے پیمانے پر کافی کی زراعت کا آغاز کیا گیا۔

1840ء میں پہلی بار ہندوستان کے جنوبی علاقے کرناٹک میں کافی کی زراعت اور پیداوار بڑے پیمانے پر ہونے لگی، پھر جلد ہی جنوبی ہند کے دوسرے علاقے تامل ناڈو اور کیرالہ بھی اس کی لپیٹ میں آ گئے۔ 19 ویں صدی میں انگریزوں نے کافی کی زراعت کو بڑھا یا، یوںکافی تجارت کا اعلیٰ وسیلہ بن گئی۔ آج بھی کافی جنوبی ہند کے لوگوں کا محبوب مشروب ہے۔ ان کی صبح کافی کی پیالی سے ہوتی ہے اور شام بھی ،کیونکہ یہ تھکن دور کرنے کا وسیلہ ہے۔ سنہ 1870ء کے عشرے میں چائے کی مقبولیت نے کافی کی تجارت پر گہرا اثر ڈالا تاہم سرکاری امداد سے لوگوں نے کافی کی زراعت کو برقرار رکھا۔ 27 اکتوبر1957 ء کوہندوستان کے دارالحکومت دہلی میں پہلے کافی ہاؤس کا افتتاح ہوا۔ یہ لوگوںکے میل جول کی محبوب جگہ بن گئی۔ یہ کافی ہاؤس آج بھی موجود ہے۔کافی کی ایک پیالی11 فی صد وٹامن بی2، چھ فی صد وٹامن بی5، تین فیصد میگنیز اور دو فی صد میگنیشیم دیتی ہے۔ تحقیقات سے پتہ چلتا ہے کہ یہ بدن میں چربی کم کرنے میں مددگار ہے اور جگر کے لیے فائدہ مند ہے۔

بہتر مشروب
کافی اور چائے دونوں ہی انسانی صحت پر اثرانداز ہوتے ہیں لیکن ان دونوں میں سے کون سی انسانی صحت کیلئے زیادہ مفید ہے؟آئیے ! اس سوال کا جواب جانتے ہیں۔ کافی اور چائے دونوں میں کیفین نامی ایک ایسا محرک ہے جو انسان کو بیدار اور متحرک رکھتا ہے۔ 2015 ء میں ایک ریسرچ سٹڈی پتہ چلا کہ جو لوگ مناسب مقدار میں کیفین کا استعمال کرتے ہیں ان میں ذیابیطس کا خطرہ ان لوگوں کے مقابلے میں کم ہوتا ہے جو چائے یا کافی میں سے کچھ بھی استعمال نہیں کرتے۔ دیگر امراض میں بعض قلبی امراض ، دماغی امراض جیسے الزائمراور رعشہ شامل ہیں۔ آنتوں کا کینسر ، یوٹیرس کا کینسر ، اور جگر کے کینسر جیسے کینسر کے امکانات بھی اس استعمال سے کم ہوسکتے ہیں۔

ایک کپ کافی میں عام طور پر 80 سے 100 ملی گرام کیفین ہوتی ہے۔کرسٹوفر گارڈنر ، اسٹینفورڈ روک تھام ریسرچ سینٹر کے ڈائریکٹر نیوٹریشن اسٹڈیز کے مطابق ایک کپ چائے ، میں صرف 30 سے 50 ملی گرام کیفین ہوتی ہے۔ یونیورسٹی آف کیلی فورنیا ڈیوس اسکول آف میڈیسن میں عصبی سائنس کے اسسٹنٹ کلینیکل پروفیسر ، میتھیو چو ، اس دعوے کی حمایت کرتے ہوئے کہتے ہیں: ’’ کالی چائے بلیک ٹی کے مقابلے میں کافی میں دو سے تین گنا زیادہ کیفین ہوتی ہے۔‘‘ تاہم ، یہ تناسب متعدد عوامل پر منحصر ہے ، بشمول چائے کی قسم، چائے کی مقدار جو ایک کپ بنانے میں استعمال ہوتی ہے۔ پانی کا درجہ حرارت ، وقت کے دورانیے میں اضافے سے چائے کالی چائے بن جاتی ہے۔ کالی چائے، مثال کے طور پر ، 48 ملی گرام کیفین پر مشتمل ہے ، جبکہ گرین چائے میں صرف29 ملی گرام کیفین ہی شامل ہے۔ خالص ہربل چائے جیسے پودینے کی چائے اور کیمومائل(گل بادبانی) چائے میں کوئی کیفین نہیں ہوتی ہے۔ واضح رہیکہ آپ زیادہ کیفین استعمال نہ کریں۔ فوڈ اینڈ ڈرگ ایڈمنسٹریشن (ایف ڈی اے) کے مطابق ایک دن میں چار سے پانچ کپ کافی مناسب ہے۔

کیفین کی زیادتی
کیفین کی زیادتی کے باعث متلی ، اسہال ، نیند نہ آنا ، بے چینی، دل کا گھبرانا جیسی کیفیات اور انتہائی معاملے میں مرگی کے دورے بھی پڑ سکتے ہیں۔ ہر ایک فرد میںکیفین کی برداشت مختلف ہوتی ہے، لہذا یاد رکھنا ضروری ہے کہ آپ کا جسم اس پر کس طرح کا رد عمل ظاہر کرتا ہے اور اسی کے مطابق اپنے آپ کو ڈھالتا ہے۔

چائے آپ کو دیر پا توانائی فراہم کرتی ہے اور تا دیر متحرک رکھتی ہے لیکن چونکہ کافی میں چائے کے مقابلے میں زیادہ کیفین ہوتی ہے اس لئے یہ آپ کو زیادہ محظوظ کرے گی۔ اس کا سبب یہ ہے کہ چائے کافی کے برعکس ایل تھینائن (L-theanine) پر مشتمل ہے۔ یہ ایک ایساکیمیکل ہے جو کیفین کو دیر سے ہضم کرتا ہے۔ یہ بات 2008 کے ایک مختصر تحقیقی مطالعے سے پتہ چلی کہ ایل تھینائن اور کیفین کا مرکب استعمال کرنے والے شرکاء نے شعوری امتحان میں ان لوگوں کے مقابلے میں بہتر کارکردگی کا مظاہرہ کیا جنہوں نے تنہا کیفین کا استعمال کیا۔ تحقیق میں یہ نتیجہ اخذ کیا گیا ہے کہ دونوں کے امتزاج نے علمی کارکردگی اور ارتکاز دونوں کو بہتر بنایا۔ گرین چائے اور کالی چائے دونوں میں ایل تھینائن شامل ہے۔ یہ مادہ بلیک چائے میں 5.13 ملی گرام اور گرین ٹی میں 6.56 ملی گرام ہوتا ہے۔

اینٹی آکسیڈینٹس
اگرچہ کافی اور چائے دونوں میں اینٹی آکسیڈینٹس پائے جاتے ہیں لیکن کافی میں زیادہ اینٹی آکسیڈینٹ پائے جاتے ہیں۔ یہ وہ کیمیائی مرکبات ہوتے ہیں جو آپ کے بعض حالات میں کینسر یا ذیابیطس جیسے امراض کے خطرے کو کم کرسکتے ہیں۔ 2013 کے ایک مطالعے سے پتہ چلا ہے کہ کافی میں نہ صرف چائے بلکہ گرم چاکلیٹ ، اور سرخ شراب سے بھی زیادہ اینٹی آکسیڈینٹ موجود ہوتے ہیں۔ کافی میں پائے جانے والے عام اینٹی آکسیڈینٹ میں کلوروجینک ، فرولک ، کیفیئک ، اور ن کومارک ایسڈ شامل ہیں۔ کچھ ماہرین کیفین کو بھی اینٹی آکسیڈینٹ سمجھتے ہیں۔ اسی طرح سبز چائے کا ایک بڑا جزو جسے کاٹچن کہتے ہیں اینٹی آکسیڈینٹ بھی سمجھا جاتا ہے جس میں سوزش کی کمی کی خصوصیات ہیں۔ گارڈنر کا کہنا ہے کہ کافی یا چائے کی شکل میں اینٹی آکسیڈینٹ کا استعمال ممکنہ طور پر آکسیڈیٹیو انحطاط کو روک سکتا ہے ،( ایک کیمیائی رد عمل جو خلیات کو نقصان پہنچا سکتا ہے)۔

گارڈنر کا کہنا ہے:’’ اگر آپ ان کا استعمال کرتے ہیں تو ممکنہ طور پر آپ دائمی اضطراب کی بیماریوں سے بچ سکتے ہیں یا اس کا علاج کرسکتے ہیں۔‘‘ جیسے اسٹروک ، کینسر ، ذیابیطس اور دل کی بیماری۔ چائے اور کافی پیتے ہوئے اینٹی آکسیڈنٹ کے فوائد کے حصول کے لئے اعتدال پسندانہ رویہ ہی اختیار کریں کیونکہ کیفین کی زیادہ مقدار سے صحت کو خطرہ لاحق ہوسکتا ہے۔ اس لئے ایک دن میں 400 ملی گرام کیفین کافی ہے۔ چائے اور کافی میں سے کون سی چیز زیادہ مفید ہے، تاحال واضح طور پر کسی ایک کا نام لینا ممکن نہیں۔اس کا انحصار آپ کی صحت پر ہے۔ اگر آپ محظوظ ہونا چاہتے ہیں تو کافی استعمال کرسکتے ہیں کیونکہ اس میں کیفین کی زیادہ مقدار ہوتی ہے۔ ہاں ! اگر آپ کیفین کے معاملے میں زیادہ حساس واقع ہوئے ہیں تو آپ کم کیفین اور ایل تھینائن کی مقدار کی وجہ سے چائے کو ترجیح دے سکتے ہیں جس کا مطلب ہے کہ زیادہ دیر تک کے لئے توانائی کا حصول ہے۔

اسلام آباد۔02دسمبر2020:: ملک میں کورونا کی دوسری لہر کے دوران ہلاکتوں اور کیسز میں تیزی سے اضافہ ہورہا ہے اور گزشتہ 24 گھنٹوں میں ریکارڈ 75 ہلاکتیں ہوئیں جو ساڑھے چار ماہ بعد ایک روز میں سب سے زیادہ ہلاکتیں ہیں۔ پاکستان میں کورونا کے اعداد و شمار بتانے والی ویب سائٹ (covid.gov.pk)  گزشتہ 24 گھنٹوں کے دوران ملک بھر میں کورونا کے 35197 ٹیسٹ کیے گئے جن میں 2829 افراد میں کورونا وائرس کی تصدیق ہوئی جب کہ وائرس سے مزید 75 افراد انتقال کرگئے۔

پاکستان میں گزشتہ 24 گھنٹوں میں ہونے والی ہلاکتیں ساڑھے چار ماہ کے دوران ایک روز میں سب سے زیادہ ہلاکتیں ہیں۔ اس سے قبل 10 جولائی کو ایک روز میں کورونا سے 75 ہلاکتیں رپورٹ ہوئی تھیں۔ سرکاری پورٹل کے مطابق گزشتہ 24 گھنٹوں میں کورونا مثبت آنے کی شرح 8 فیصد رہی۔ پاکستان میں کورونا سے ہلاکتوں کی تعداد 8166 ہوگئی ہے اور مجموعی کیسز 4 لاکھ 3311 تک جا پہنچے ہیں جب کہ فعال کیسز کی تعداد 49780 ہے۔ اس کےعلاوہ 24 گھنٹوں کے دوران ملک بھر میں 2079 مریض کورونا سے صحتیاب بھی ہوئے ہیں۔

صوبوں کی صورتحال

 سندھ: سرکاری پورٹل کے مطابق سندھ میں کورونا کے مریضوں کی مجموعی تعداد 175642 ہوگئی ہے جب کہ 2962 افراد اب تک انتقال کرچکے ہیں۔

پنجاب: پنجاب میں کورونا کے کل مریضوں کی تعداد 120356 ہے اور 3066 افراد وائرس میں مبتلا ہوکر جان سے جاچکے ہیں۔

بلوچستان: جب کہ بلوچستان میں مریضوں کی کل تعداد 17215 اور ہلاکتیں 169 ہوچکی ہیں۔

خیبرپختونخوا: خیبرپختونخوا میں کورونا کے مریضوں کی تعداد 47701 اور 1375 ہلاکتیں ہوچکی ہیں۔

آزاد کشمیر: جب کہ آزاد کشمیر میں 6982 افراد وائرس میں مبتلا ہوچکے ہیں اور 173 افراد انتقال کرگئے۔

گلگت بلتستان: اس کے علاوہ گلگت بلتستان میں اب تک کورونا کے مریضوں کی تعداد 4667 اور 97 افراد انتقال کرچکے ہیں۔

کورونا سے بچائو کی ویکسین کے حصول کیلئے رقم مختص کردی گئی ہے، معاون خصوصی برائے صحت ڈاکٹر فیصل سلطان

اسلام آباد۔1دسمبر2020 (اے پی پی):: وزیراعظم کے معاون خصوصی برائے صحت ڈاکٹر فیصل سلطان نے کہا ہے کہ کورونا وائرس سے بچائو کی ویکسین مرحلہ وار کن لوگوں کو پہلے دینی ہے کابینہ اجلاس میں اس معاملہ سمیت تمام چیزوں کو پیش کیا گیا، ویکسین کے حصول کیلئے 150 ملین ڈالر مختص کئے گئے ہیں۔ ان خیالات کا اظہار انہوں نے پریس کانفرنس کے دوران کیا۔ انہوں نے کہا کہ ویکسین کے حصول کیلئے 150 ملین ڈالر کی رقم مختص کی گئی تھی اس کو کابینہ نے منظور کر لیا ہے۔ انہوں نے کہا کہ ویکسین کے حصول کیلئے مختلف کمپنیوں کو شارٹ لسٹ کر لیا گیا ہے اور ان کمپنیوں کے ساتھ بات چیت ہو رہی ہے۔

انہوں نے کہا کہ پہلے مرحلہ میں ویکسین ان لوگوں کو دی جائے گی جو فرنٹ لائن ہیلتھ کیئر ورکرز ہیں، وہ لوگ جن کی عمر زیادہ ہے جن کو خطرہ زیادہ ہے اس حوالے سے کابینہ کے سامنے کچھ گزارشات رکھیں جن کی منظوری کابینہ نے دیدی۔ انہوں نے کہا کہ معاملہ کو شفاف رکھنے کیلئے ہم نے درخواست کی کہ کابینہ کی چار یا پانچ رکنی کمیٹی بنا دی جائے تاکہ ہم بہترطریقے سے اس کو مکمل کر سکیں۔ انہوں نے کہا کہ ویکسین کے حصول کیلئے 150 ملین ڈالر کی رقم کی منظوری ہو گئی اگر اس میں زیادہ رقم درکارہوئی تو ہم وہ بھی سامنے رکھیں گے۔

موسم سرما کے پھلوں کے فوائد

لائلپورسٹی۔1دسمپر2020::کینو، مالٹے، فروٹر، انار، انگور، سیب، ناشپاتی، امرود اور کیلے یہ تمام وہ پھل ہیں جن کا شمار سردی کےخاص پھلوں میں ہوتا ہے، ماہرینِ غذائیت کا کہنا ہے کہ جسمانی نظام کے لیے منرلز اور وٹامنز بہت ضروری ہیں جن کو قدرتی طور پر حاصل کرنے کے لیے پھلوں کو اپنی غذا کا حصہ بنانا لازمی ہے۔ موسمی پھلوں کے استعمال سے ناصرف صحت بہتر ہوتی ہے بلکہ اس کے براہِ راست مثبت اثرات خوبصورتی پر بھی آتے ہیں جس کے نتیجے میں جِلد، ناخن اور بالوں کی صحت بھی بہتر ہوتی ہے اور خوبصورت میں اضافہ ہوتا ہے۔

کینو، ما لٹا، فروٹر: مالٹے کی کئی اقسام موجود ہیں جیسے کہ نارنجی، کینو، فروٹر اور مالٹا، ان پھلوں کے جوس کے استعمال سے دنوں میں وزن کم کرنے سمیت متحرک رہنے میں مدد ملتی ہے اور قوتِ مدافعت مضبوط ہوتی ہے۔ ہمارے ہاں عام طور سے یہ پھل ’کینو ‘ کہلاتاہے، جو صوبہ پنجاب میں سب سے زیادہ حاصل ہوتا ہے۔ پاکستان کا شمار مالٹےاور کینو پیدا کرنے والے چھٹے بڑے ملک کے طور پر ہوتا ہے۔ مالٹے اور کینو نظام ہضم کو بہتر بناتے، وزن میں کمی کرتے، وٹامن سی کی زائد مقدار کے باعث جینیاتی بوسیدگی اور عمر رسیدگی کے اثرات سے بچاتے اور آیورویدک علاج میں بلغم و کھانسی کو کم کرتے ہیں۔

انار: انار، موسم سرما کا خاص پھل ہے جو تقریباً ہر ایک کا ہی پسندیدہ ہوتا ہے۔ یہ فائبر ، پوٹاشیم ، وٹامن سی اوربی6 سےبھرپورہے۔ اس کے استعمال سے دل اور جگر کو طاقت ملتی ہے، متعدد بیماریوں جیسے کہ پھیپھڑوں، چھاتی کے سرطان، امراضِ قلب، الزائمر، ذیابیطس، موٹاپے اور جوڑوں کی سوزش میں انار مفید ثابت ہوتا ہے۔ اس کے علاوہ انار کا روزانہ استعمال رنگت بھی نکھارتا ہے۔

انگور: پاکستان میں مختلف رنگوں کے انگور پائے جاتے ہیں جن میں سرخ، جامنی، ہرے اور پیلے انگور شامل ہیں، انگور میں وٹامن اے کا خزانہ پایا جاتا ہے جبکہ انگوروں میں دیگر وٹامنز یعنی، ڈی 3، ای، سی، ڈی، بی12، بی 6 اور کے بھی پایا جاتا ہے۔ ماہرینِ غذائیت کے مطابق انگور کا استعمال دل کے امراض دور کرتا ہے اور کارکردگی بہتر بناتا ہے، اس کے علاوہ ذیابیطس، کینسر، جوڑوں کے درد، وائرل، انفیکشن اور الرجی سے بچاتا ہے۔

سیب: سیب میں موجود کاپر، پوٹاشیم اور وٹامن سی کی زائد مقدار جِلد کو قدرتی چمک، نکھار اور جسم پر نکلنے والے دھبوں کے نشان ختم کرنے میں جادوئی تاثیر رکھتی ہے۔ سرخ سیب کے علاوہ سبز سیب میں فائبر، منرلز اور وٹامنز کی کثیر مقدار پائی جاتی ہے۔ جِلد کے کینسر سے بچائو کے لیے ہرے سیب کا استعمال کینسر کے خطرے کو کم کرتا ہے۔ اس کے استعمال سے جِلد صحت مند رہتی ہے۔

ناشپاتی: ناشپاتی کا شمار سیب کے خاندان سے ہے۔ سیب کے بعد یہ سب سے بہترین پھل ہے، جسے سیب کی طرحہی کھایا جاتا ہے۔ یہ امریکا و پاکستان کا اہم پھل ہے جو سبز، زرد اور سرخ رنگوں میں پایا جاتا ہے۔ اس کے غذائی اجزا اور نشاستوں میں پروٹین 0.38گرام اور کولیسٹرول کی صفر مقدار ہے جبکہ یہ وٹامن اے، سی، ای اور کے سے بھرپور ہے۔ معدنیا ت میں کیلشیم، کاپر، آئرن، میگنیشیم، میگنیز، فاسفورس اور زنک شامل ہیں۔ ناشپاتی جلد کے لیے ہمیشہ سودمند اور نشاستوں سے بھرپور ہوتی ہے۔ اس میں وٹامن کے کی کثیر مقدار خون کو جمنے سے روکتی ہے ، ساتھ ہی بلند اور کم فشار خون کی شکایت کو دور رکھتی ہے۔

امرود: فائبر اور وٹامن اے، بی6 اور سی سے بھر پور امرود کو بھی سپر فوڈز میں شمار کیا جاتا ہے، اس پھل کا سلاد اور چاٹ بنا کر بھی استعمال کیا جاتا ہے۔ طبی ماہرین کے مطابق امرود کو غذا میں شامل کر لینے سے قبض سے نجات ملتی ہے، ٹھنڈ اور کھانسی میں افاقہ ہوتا ہے، وزن میں کمی، کینسر کے خدشات کم کرتا ہے اور ہارمونز کی افزائش میں کردار ادا کرتا ہے۔

کیلے: کیلے میں فائبر اور تین اقسام کی شکر (سکروز، فرکٹوز اور گلوکوز) پائی جاتی ہے، کیلا فوراً انرجی بحال کرنے میں کردار ادا کرتا ہے۔ ماہرینِ غذائیت کے مطابق ایک وقت میں 2 کیلے کھانے سے 90 منٹ تک انسان خود کو تر و تازہ اور توانا محسوس کرتا ہے اسی لیے یہ دنیا بھر کے ایتھلیٹس کی خوراک کا اہم حصہ ہوتا ہے۔ کیلے میں ایک مخصوص پروٹین پایا جاتا ہے جو انسان کو تھکاوٹ میں سکون پہنچاتا اور موڈ کو بہتر بناتا ہے، اسے کھانے سے نیند کی کمی کی شکایت دور ہوتی ہے۔ وٹامنز اور منرلز کے لحاظ سے کیلے میں آئرن اور پوٹاشیئم بھرپور مقدار میں پایا جاتا ہے۔

تیزی سےانسانی وزن کم کرنے والے پھل

لائلپورسٹی۔1دسمپر2020::وزن میں اضافہ کرنا نہایت آسان ہے مگر بڑھے ہوئے وزن میں کمی لانا اور اسے صحت مند طریقے سے متوازن رکھنا ایک مشکل ترین کام ہے جسے آسان بنانے کے لیے اگر مزیدار اور رنگ برنگے پھلوں کا استعمال شروع کر دیا جائے تو دنوں میں مطلوبہ نتائج حاصل کیے جا سکتے ہیں۔ طبی ماہرین کے مطابق جو افراد اپنا وزن متوازن رکھنے یا بڑھے ہوئے وزن کو کم کرنا چاہتے ہیں انہیں روزانہ کی بنیاد پر اپنی غذا میں زیادہ سے زیادہ فائبر، منرلز اور وٹامنز شامل کرنا چاہیے جبکہ کاربوہائیڈریٹس، جنک فوڈ اور میٹھے مشروبات سے پر ہیز کرنا چاہیے، اس کے ساتھ کم از کم ایک دن میں 30 منٹ کی ورزش یا چہل قدمی لازمی کرنی چاہیے۔

طبی ماہرین کے مطابق پھلوں کی یہ خاصیت ہے کہ ان میں کیلوریز کم اور وٹامنز، منرلز اور فائبر زیادہ پایا جاتا ہے، پھل ہماری صحت کے لیے نہایت ضروری بھی ہیں اور وزن میں تیزی سے کمی میں بھی کردار ادا کرتے ہیں۔ طبی ماہرین کی جانب سے  پھلوں کی ڈائیٹ کو بھی تجویز کیا جاتا ہے کیوں کہ اس سے ہمارے جسم کو مطلوب ہر طرح کی غذائیت بھی حاصل ہو جاتی ہے اور صحت مندانہ طریقے سے وزن کم جبکہ ڈائیٹنگ کے نتیجے میں ہونے والی کمزوری بھی نہیں ہوتی۔ وزن میں تیزی سے کمی  لانے کے لیے ان پھلوں کو ترجیح دیں:۔

مالٹے، کینو اور موسمی: موسم سرما کے آتے ہی مزیدار پھل مالٹوں اور کینوؤ کی بھی آمد ہو جاتی ہے جو وٹامن سی سے بھر ہوتے ہیں اور وزن میں کمی لانے سمیت خوبصورتی میں بھی اضافہ کرتے ہیں۔ مالٹوں میں موجود فائبر کولیسٹرول کی سطح میں النے کا سبب بنتا ہے، ایک تحقیق کے مطابق دو ماہ تک مالٹوں کا رس پینے سے نقصان دہ کولیسٹرول کی سطح میں اور وزن میں نمایاں کمی آتی ہے۔

کیلا: کیلے پوٹاشیئم سے بھر پور ہوتے ہیں،  کیلوں کا زیادہ استعمال وزن کو بڑھاتا ہے جبکہ روزانہ ایک یا دو کیلوں کا استعمال کر لیا جائت تو تو یہ میٹابولزم کی رفتار کو تیز کرتے ہیں اور  ورزش کی صورت میں متاثر ہونے واے پٹھوں کی بھی مرمت کرتے ہیں۔

بیریز: بیریز اینٹی آکسیڈنٹس سے بھر پور ہوتی ہیں، یہ وزن کم کرنے میں بہت زیادہ مدد دیتی ہیں، اس کے علاوہ یہ وٹامن سی سے بھی بھر پور ہوتی ہیں، اسٹرابیری جامن اور فالسہ یہ بھی بیری کی ہی اقسام میں شمار کیے جاتے ہیں، جامن فالسوں یا اسٹرابیری کا استعمال کر لیا جائے تو یہ بلیو بیریز جتنا ہی فائدہ دیں گیں۔

لیموں: لیموں کا تعلق سٹریس پھلوں کے خاندان سے ہے، لیموں وٹامن سی سے بھر پور ہوتا ہے،  لیموں میٹابالزم تیز کرنے کے ساتھ قوت مدافعت کو بھی مضبوط کرتا ہے، لیموں بیماریوں سے بچانے کے ساتھ چربی پگھلاتا ہے، موٹاپے کے شکار لوگ روزانہ ایک لیموں استعمال کریں، لیموں کو سلاد سالن پر نچوڑ کر یا لیموں پانی بنا کر استعمال کریں،  لیموں پانی میں زیادہ نمک اور چینی کا استعمال نہ کریں،  نیم گرم پانی میں لیموں کا استعمال زیادہ مفید ہوتا ہے۔

گریپ فروٹ: گریپ فروٹ یعنی سنگترہ منفرد کیمیائی خصوصیات کی بنا پر موٹاپے پر قابو پانے کے لیے بہترین پھل ہے، وٹامن سی سے بھرپور اس پھل سے انسولین کی سطح متوازن رہنے میں مدد ملتی ہے جس کے نتیجے میں جسم میں چربی کے جمع ہونے  کے عمل میں کمی آتی ہے اور جسمانی وزن بھی کم ہوتا ہے۔ سنگرے میں بہت کم کیلوریز پائی جاتی ہیں جبکہ اس میں موجود فائبر سے پیٹ کو بھرنے میں مدد ملتی ہے اور تا دیر بھوک کا احساس نہی ہوتا ہے۔ 

سیب اور ناشپاتی: سیب اور ناشپاتی دونوں میں پانی کی مقدار کافی زیادہ ہوتی ہے، چھلکوں کے ساتھ ان پھلوں کو کھانا اضافی فائبر فراہم کرتا ہے جو پیٹ کو زیادہ دیر تک بھرے رکھنے میں مدد دیتا ہے، ان کے جوس کی بجائے پھل کو کھانا زائد چربی کو جسم میں جمنے نہیں دیتا ہے۔

شکرقندی: شکرقندی ایک لذیز پھل ہے جسے ابال کر اور بھون کر کھایا جاتا ہے، اس میں بھی فائبر زیادہ اور کیلوریز کم ہوتی ہیں، شکرقندی پوٹاشیم، بیٹا کیروٹین، وٹامن سی اور فائبر سے بھی بھرپور ہوتی ہے جو موٹاپے سے نجات میں مدد دیتے ہیں۔

تربوز: تربوز ایک  ایسا پھل ہے جس میں پوٹاشیم کی مقدار کافی زیادہ ہوتی ہے جو کہ واٹر ویٹ سے نجات میں مدد دیتا ہے، عام طور پر ایک بالغ فرد کے جسمانی وزن کا 50 سے 60 فیصد حصہ پانی پر مشتمل ہوتا ہے، اس سے زیادہ مقدار کو واٹر ویٹ کہا جاتا ہے جو کہ پیٹ پھولنے اور سوجن کا باعث بن کر لوگوں کو زیادہ موٹا دکھاتا ہے، ایک امریکی تحقیق میں انکشاف کیا گیا ہے کہ تربوز کا شربت پینے سے جسمانی چربی گھلتی ہے جبکہ کولیسٹرول کی سطح میں بھی کمی آتی ہے۔

پپیتا: پپیتا موٹاپے سے نجات کے لیے بہت فائدہ مند ثابت ہوسکتا ہے، فائبر سے بھرپور ہونے کے باعث پپیتا کھانے کی عادت پیٹ کو زیادہ دیر تک بھرے رکھتی ہے جبکہ بے وقت کھانے کی خواہش سے نجات ملتی ہے، اس میں موجود اینٹی آکسیڈنٹس جسمانی وزن میں کمی لاتے ہیں جو کہ توند پر جمی چربی کو گھلانے کی راہ میں سب سے بڑی رکاوٹ ہے، یہ پھل نظام ہاضمہ بھی  بہتر بناتا ہے اور قبض کشا ہے۔

ناشپاتی امراضِ قلب کیلئے مفید؟

لائلپورسٹی۔1دسمپر2020:: ناشپاتی کا شمار اُن پھلوں میں کیا جاتا ہے جن پر لوگ خاطر خواہ توجہ نہیں دیتے، ناشپاتی ایک میٹھا پھل ہے، یہ ریشوں کا مرکز بھی ہے، یہ غذائی ریشے اور اینٹی آکسیڈینٹ سے بھرپور ہوتا ہے۔ اگر ہم ناشپاتی کے پھل کی مختصر وضاحت کریں تو یہ ایک ایسا پھل ہے جو ضروری تمام غذائی اجزاء سے مالا مال ہے۔ ماہرین ذیابیطس اور امراضِ قلب میں مبتلا افراد کو اپنی غذا میں ناشپاتی شامل کرنے کا مشورہ دیتے ہیں کیونکہ اس سے ناصرف شوگر کی سطح برقرار رہتی ہے بلکہ کولیسٹرول بھی کنٹرول میں رہتا ہے جس کے باعث امراضِ قلب کا خطرہ بھی کم ہوجاتا ہے۔ آئیے ناشپاتی کے صحت سے متعلق حیرت انگیز فوائد جاننے کی کوشش کرتے ہیں۔

ناشپاتی کے حیرت انگیز فوائد

صحتِ قلب کیلئے مفید: ناشپاتی سوڈیم اور پوٹاشیئم جیسے معدنیات سے بھرپور ہوتی ہے، یہ خون کی گردش اور دل کی صحت کو بہتر بنانے کے لیے بہت ضروری ہیں جبکہ ناشپاتی میں موجود فائبر بلڈ شوگر اور کولیسٹرول کی سطح کو نیچے لاتا ہے جس سے دل بہتر طریقے سے کام کرتا ہے۔

کینسر سے بچاتا ہے: ناشپاتی میں موجود اینٹی آکسیڈینٹ خصوصیات ہمارے جسم میں کینسر پیدا کرنے والے خلیوں کو مارنے کی صلاحیت رکھتی ہیں، وٹامن سی اور وٹامن اے کا ایک بھرپور ذریعہ ہونے کی وجہ سے ناشپاتی جسم میں آزاد ریڈیکلز کے خلاف اینٹی آکسیڈینٹ کا کام کرتی ہے۔

قوتِ مدافعت بڑھانے میں فائدہ مند: ناشپاتی وٹامن سی اور معدنیات کا ایک بھرپور ذریعہ ہے جو ایک عظیم اینٹی آکسیڈینٹ کے طور پر کام کرتے ہیں، اینٹی آکسیڈینٹ سفید خون کے خلیوں کی تیاری میں مدد کرتا ہے، جو مدافعتی نظام کے لیے اہم ہیں، یہ بالآخر آپ کے مدافعتی نظام کو مضبوط بناتا ہے اور آپ کے جسم کو موسمی بیماریوں جیسے فلو، سردی اور کھانسی وغیرہ سے محفوظ رکھتا ہے۔

وزن کم کرتا ہے: ناشپاتی آپ کے بڑھتے وزن کو کم کرنے میں ایک اہم کردار ادا کرتا ہے کیونکہ ناشپاتی کھانے سے آپ کو زیادہ دیر تک بھوک نہیں لگتی ہے، اس پھل میں موجود فائبر آپ کو قبض، پیٹ درد اور خراب نظامِ ہاضمہ جیسے مسائل سے بچانے میں معاون ثابت ہوتے ہیں۔

ہڈیوں کو مضبوط بناتا ہے: ناشپاتی میں تانبے، کیلشیئم، فاسفورس اور میگنیشیئم نمایاں مقدار میں پائے جاتے ہیں جو ہڈیوں کی صحت میں اہم کردار ادا کرتے ہیں، یہ معدنیات ہماری ہڈیوں کو مضبوط رکھنے میں اہم کردار ادا کرتی ہیں۔ آسٹیوپوروسس جیسے امراض میں مبتلا افراد کو مشورہ دیا جاتا ہے کہ وہ ناشپاتی کو اپنی خوراک میں شامل کریں کیونکہ اس سے کمزور ہونے والی ہڈیاں مضبوط ہوتی ہیں۔

کیا ’’خالص آکسیجن سے علاج‘‘ ہمیں دوبارہ جوان کرسکتا ہے؟

تل ابیب ۔30نومبر2020:: اسرائیلی سائنسدانوں نے 35 عمر رسیدہ رضاکاروں پر تجربات کے بعد دریافت کیا ہے کہ اگر خالص آکسیجن والے ماحول روزانہ کچھ وقت گزارا جائے تو جوانی واپس آسکتی ہے۔ واضح رہے کہ خالص آکسیجن والے علاج کو ’’ہائپربیرک آکسیجن تھراپی‘‘ (ایچ بی او ٹی) کہا جاتا ہے۔ یہ طریقہ 100 سال پرانا ہے جس میں ایک خاص چیمبر کے اندر خالص آکسیجن گیس بھری جاتی ہے۔ گیس کا دباؤ، عام ہوائی دباؤ کے مقابلے میں ڈھائی گنا زیادہ رکھا جاتا ہے۔ علاج کروانے والے شخص کو خالص آکسیجن والے ماحول میں کم از کم 3 منٹ سے لے کر زیادہ سے زیادہ 120 منٹ (دو گھنٹے) تک رکھا جاتا ہے۔ مذکورہ طریقے پر آکسیجن سے علاج کروانے والوں کا کہنا ہے کہ انہوں نے خود کو پہلے سے زیادہ جوان اور صحت مند محسوس کیا۔

ایسی افواہیں بھی گردش میں رہی ہیں کہ مشہور گلوکار مائیکل جیکسن نے اپنی رہائش گاہ پر ’’ایچ بی او ٹی‘‘ کا مستقل بندوبست کر رکھا تھا اور وہ روزانہ کچھ وقت اپنے ’’آکسیجن چیمبر‘‘ میں گزارا کرتے تھے۔ لیکن کیا خالص آکسیجن سے واقعی کوئی فائدہ ہوتا ہے یا پھر یہ صرف ایک وہم سے بڑھ کر کچھ نہیں؟ یہ جاننے کےلیے اسرائیلی سائنسدانوں نے بزرگ افراد کے خلیوں پر آکسیجن تھراپی کے اثرات جاننے کا فیصلہ کیا۔ مطالعے میں شریک رضاکار بزرگوں کی عمریں 64 سال یا زیادہ تھیں جبکہ انہیں 60 دنوں تک روزانہ آکسیجن تھراپی کے عمل سے گزارا گیا۔ اگرچہ ریسرچ جرنل ’’ایجنگ‘‘ کے تازہ شمارے میں آن لائن شائع ہونے والی اس رپورٹ میں یہ نہیں بتایا گیا کہ ہر رضاکار کو روزانہ کتنی دیر تک زیادہ دباؤ والی آکسیجن کے ماحول میں رکھا گیا، تاہم اتنا ضرور معلوم ہوا ہے کہ تحقیق شروع کرنے سے پہلے ہر رضاکار کے ’’مکمل خون‘‘ کا نمونہ حاصل کیا گیا۔ (’’مکمل خون‘‘ میں سرخ اور سفید خلیات کے علاوہ پلازما اور خون میں پائے جانے والے دیگر تمام اجزاء شامل ہوتے ہیں۔)

مطالعے کے دوران کسی بزرگ سے اس کا معمول تبدیل کرنے کےلیے نہیں کہا گیا۔ اس دوران 30 ویں روز، 60 ویں روز اور پھر، آکسیجن تھراپی ختم ہونے کے ایک ہفتے سے دو ہفتے بعد ان رضاکاروں سے مکمل خون کے نمونے لیے جاتے رہے۔ آکسیجن تھراپی سے پہلے اور بعد میں خون کے مختلف خلیوں کا تفصیلی مطالعہ کرنے کے بعد ماہرین کو معلوم ہوا کہ ان میں ’’بوڑھے خلیات‘‘ کی تعداد کم ہوچکی تھی جبکہ خون میں پائے جانے والے مختلف الاقسام ’’سفید خلیات‘‘ (وائٹ بلڈ سیلز) میں ٹیلومرز کی لمبائی بڑھ چکی تھی۔ بتاتے چلیں کہ ’’ٹیلومرز‘‘ (telomeres) خلیوں میں کروموسومز کے کناروں پر لمبوترے ڈھکنوں جیسے سالمات ہوتے ہیں۔ ہر بار جب کوئی خلیہ تقسیم ہوتا ہے تو ان ٹیلومرز کی لمبائی معمولی سی کم ہوجاتی ہے۔

عمر بڑھنے کے ساتھ ساتھ ٹیلومرز کی لمبائی بھی بہت کم رہ جاتی ہے اور بالآخر ایک وقت ایسا آتا ہے کہ خلیہ مزید تقسیم ہونے کے قابل نہیں رہتا۔ ایسی صورت میں یا تو خلیات بہت تیزی سے مرنے لگتے ہیں یا پھر وہ کسی نہ کسی طرح خود کو زندہ رکھتے ہوئے ’’بوڑھے خلیات‘‘ کی شکل اختیار کرلیتے ہیں۔ یعنی اس تحقیق میں رضاکاروں کے بوڑھے خلیات میں کمی اور ٹیلومرز کی لمبائی میں اضافہ، یہ دو ایسے خصوصی عوامل تھے جو یہ ثابت کرتے ہیں کہ خالص آکسیجن کے ذریعے ’’علاج‘‘ واقعتاً انسان کو دوبارہ جوان کی طرف لوٹاتا ہے۔ اس اہم دریافت کے باوجود، ابھی یہ معلوم ہونا باقی ہے کہ دیگر جسمانی افعال (فنکشنز) اور نظاموں (سسٹمز) پر آکسیجن تھراپی کا طریقہ کس حد تک کارگر ہے اور یہ کس حد تک جوانی کو واپس لا سکتا ہے۔

امریکا، کورونا ویکسین کی فراہمی11 دسمبرسے شروع ہوسکتی ہے، ڈاکٹر منصف السلاوی

نیویارک ۔29نومبر2020:: امریکا کے سربراہ برائے کورونا وائرس ویکسین پروگرام ڈاکٹر منصف السلاوی نے کہا ہے کہ امریکا میں کورونا ویکسین کی فراہمی 11 دسمبر سے شروع ہوسکتی ہے۔ ڈاکٹر منصف نے ایک انٹرویو میں کہا کہ ہر ریاست ویکسین کی تقسیم سے متعلق فیصلے خود کرے گی۔ دریں اثنا امریکی میڈیا نے کہا کہ امریکی ایف ڈی اے کی ویکسین مشاورتی کمیٹی 10 دسمبر کو ملاقات کرے گی۔

جس میں کورونا ویکسین کو ہر امریکی ریاست کی آبادی کے تناسب سے تقسیم کیا جائے گا۔ڈاکٹر منصف سلاوی کا اس حوالے سے مزید کہنا تھا کہ ہر ریاست ویکسین کی تقسیم سے متعلق فیصلے خود کرے گی۔ انھوں نے کہا کہ ریاستوں کو طبی عملے اور بزرگوں کو ویکسین پہلے دینے کی تجویز دی ہے۔

انسانیپیٹ کی چربی کم کرنے کے 8 گھریلو نسخے

لائلپورسٹی۔27نومبر2020:: ہوش ربا تیز رفتار زندگی ، فاسٹ فوڈ اور ورزش کی کمی کا نتیجہ پیٹ کی چربی کی صورت میں نکلتا ہے اور اس سے نہ صرف انسان بد ہیئت لگتا ہے بلکہ بڑھا ہوا پیٹ امراضِ قلب، بلڈ پریشر اور دیگر کئی امراض کا پیش خیمہ بھی ہوسکتا ہے۔ طبِ مشرق اور آیورویدک طریقہ علاج میں بڑھتے ہوئے پیٹ کو کم کرنے کی کئی تدابیر موجود ہیں جن پر عمل کرکے پیٹ اور سینے کو ایک حد تک ایک ہی سطح پر لایا جاسکتا ہے لیکن اس میں مستقل مزاجی اور صبر کی ضرورت ہے کیونکہ پیٹ نہ ایک ہفتے میں بڑھتا ہے اور نہ ہی ایک ہفتے میں کم کیا جاسکتا ہے۔ اس کے لیے طبِ مشرق کی یہ 8 تدابیر بہت فائدہ مند ہوسکتی ہیں۔

 دن کی ابتدا لیموں کے رس سے کریں: اپنے دن کی شروعات لیموں کے رس سے کیجئے، ایک گلاس نیم گرم پانی میں لیموں کا رس شامل کرکے چٹکی بھر نمک ڈالیے اور پی جائیے، اس کا روزانہ استعمال نہ صرف آپ کے جسمانی افعال کو بہتر رکھتا ہے بلکہ رفتہ رفتہ بڑھے پیٹ کو کم کرتا ہے۔

 سفید چاول سے اجتناب: سفید چاول کا استعمال کم کردیجئے اور اس کی جگہ بھورا چاول ذیادہ مفید رہے گا۔ اس کے علاوہ براؤن بریڈ، جو، اور دلیے وغیرہ کو اپنی غذا کا حصہ بنائیے جس سے فائبر کی کمی دور ہوگی اور دوسری جانب جرپی گھلانے میں بھی مدد ملے گی۔

 مٹھاس کو خدا حافظ: شکر اور اس سے بنی اشیا کا استعمال بند کرنا اگرچہ مشکل ہے لیکن اس سے پرہیز بہت ضروری ہے۔ یاد رہے کہ سافٹ ڈرنکس بھی انہی میں شامل ہیں جو اپنے اندر بہت چینی رکھتی ہیں۔ دوسری جانب شکر والے مشروبات میں تیل موجود ہوتا ہے جو پیٹ اور رانوں سمیت جسم میں کئی مقامات پر چربی بڑھاتا ہے۔

 پانی کا زیادہ استعمال: اگر آپ کمر کی چوڑائی کم کرنے میں سنجیدہ ہے تو زیادہ پانی پینا بھی اس کا ایک بہترین ٹوٹکا ہے، پانی خون میں شامل ہوتا ہے اور چکنائی کے سالمات کوگھلاتا ہے جب کہ زیادہ پانی پینے سے بدن کے زہریلے مرکبات خارج ہوتے رہتے ہیں۔

 نہار منہ لہسن کا استعمال: ہر صبح دیسی لہسن کا  ایک یا دو جو کھانا بہت مفید ہوتا ہے ۔ اگر لہسن کا جو چھیل کر اسے چمچے سے پیس کر کھایا جائے اورساتھ ہی اس پر لیموں کا پانی پی لیا جائے تو ایک جانب تو خون کی روانی بہتر ہوتی ہے اور دوسری جانب پیٹ کی چربی کم کرنے میں مدد ملتی ہے۔

 گوشت کھاتے رہیں: پیٹ کم کرنے کے لیے مکمل سبزی خور بننا درست نہیں کیونکہ گوشت میں موجود کچھ اہم اجزا کا متبادل بھی گوشت ہی ہے۔ مرغی اور مچھلی کا استعمال زیادہ مناسب رہے گا۔

 تازہ سبزیوں اور پھلوں کا استعمال: سبزیوں اور پھلوں کا استعمال بڑھانے سے پورے جسم کو فائدہ ہوتاہے، اسی لیے ہر موسم کی سبزی اور پھل کو اپنی خوراک کا حصہ بنایئے، ان میں موجود وٹامن ، معدنیات اور اینٹی آکسیڈنٹس آپ کو تروتازہ رکھتے ہوئے غذا کی کمی کو پورا کرتی ہے اور روغنی غذاؤں سے دور رہ کر آپ اسمارٹ رہیں گے۔

 مصالحوں کا مناسب استعمال: برصغیر پاک وہند کے مصالحے جادوئی خواص رکھتے ہیں۔ دارچینی بلڈ پریشر اور شوگر میں مفید ہے تو ہلدی اینٹی آکسیڈنٹ اجزا سے بھرپور ہے۔ کالی مرچ، دھنیا، ادرک اور میتھی کے فائدے بھی اب ڈھکے چھپے نہیں رہے ، ان سب کا مناسب استعمال آپ کے خون میں شکر کی مقدار کنٹرول میں رکھتا ہے اور موٹاپے کو بھی پرے رکھتا ہے۔

خبردار ! اپنا علاج خود کرنا خطرناک ہوسکتا ہے:حکیم نیاز احمد ڈیال

لاہور۔ 26نومبر2020:: رواج اور رجحان بدلتے رہتے ہیں، رجحانات اور معاشرتی عادات کی یہی تبدیلی کسی بھی معاشرے کی خوبصورتی کو چار چاند لگاتی ہے۔ گزشتہ چند دہائیوں میں دنیا میں ماحولیاتی ردو بدل سمیت رجحانات وعادات میں اس قدر تغیر و تبدل رو نما ہوئے ہیں کہ 30 یا40  سال قبل وفات پا جانے والے کسی فرد کو اگر دنیا میں آنے کا موقع ملے تو زیادہ امکان یہی ہے کہ وہ ڈر کر ہی بھاگ جائے گا اور وہ ماننے کو ہر گز تیار نہ ہوگا کہ یہ وہی دنیا ہے جسے وہ چھوڑ کر گیا تھا۔ چار سے آٹھ انچ کے موبائل میں زندگی کے ہر شعبہ ہر امورسے متعلقہ ہر کام اور دنیا جہان کی تمام تر سرگرمیاں سمٹ چکی ہیں، لمحوں میں دنیا کے ایک کونے سے دوسرے کی سیر آپ گھر بیٹھے کر رہے ہیں،آج ہم ترقی کے ارتقاء اور سائنسی ایجادات وسہولیات سے مزین پر آسائش زندگی سے لطف اندوز ہونے کے ساتھ ساتھ سائنسی ارتقاء کی قیمت ادا کرنے پر مجبور بھی ہیں۔

’’لا علمی ایک نعمت ہے‘‘ جیسی دولت بے بہا کھو کر ’’آگہی موت ہے‘‘ جیسے ماحول میں پرورش پا رہے ہیں۔قبل از وقت معلومات تک رسائی نے ٹینشن، ڈپریشن، سٹریس اور انگزائیٹی جیسے مسائل پیدا کرکے انسانی زندگی موت سے بھی بد تر بناکر رکھ دی ہے۔ ایک زمانہ تھا جب پورے بدن کے تمام امراض کے لیے ایک ہی طبیب دستیاب وسائل سے علاج کی سہولت مہیا کرتا تھا ، دوچار دن دوا کھانے سے مریض کی صحت بحال ہوجاتی تھی اور لوگ بغیر کسی ذہنی دبائو اور اعصابی تنائو کے اچھی صحت اور طویل عمر سے لطف اندوز ہوتے تھے۔ فی زمانہ وقت کی سائنسی کروٹ نے ، جدید طبی سہولیات اور سائنسی ادویات کی دریافتوں نے جہاں انسان کو جدید ارتقاء سے روشناس کروایا ہے  وہیں نت نئے اور ناقابل علاج امراض کی افزائش بھی روز فزوں ہے۔ یہی نہیں بلکہ کسی بھی مرض کا کوئی مریض مکمل طور پر صحت کی لذت سے آشنا نہیں ہوپارہا۔ ’’طبی ماہرین‘‘ کی شبانہ روز عرق ریزیوں کے باوجودمبینہ طورپرامراض قابو میں آنے کی بجائے افزو ں تر ہو رہے ہیں۔ موذی اور مہلک امراض کی شرح افزائش میں آئے روز اضافہ ہی دیکھنے کو ملتا ہے۔

ایک معاصر میں شائع رپورٹ کے مطابق قومی ادارہ برائے امراض قلب کے ترجمان کا کہنا ہے کہ پاکستان میں ایک اندازے کے مطابق 30 سے40 فیصد تک اموات کا سبب دل کا دورہ اور دوسرے امراض قلب بن رہے ہیں۔ ان کا یہ بھی کہنا ہے کہ 30 سال تک کی عمر کے جوان بھی امراض قلب کے سبب ہسپتالوں میں لائے جا رہے ہیں۔ منسٹری آف ہیلتھ پاکستان اور  ورلڈ ہیلتھ آرگنائزیشن کے مشترکہ کیے گئے سروے کے مطابق پاکستان میں شوگر کے مریضوں کی شرح 22  فیصد سے بڑھ کر 26.3 فیصد ہوگئی ہے۔ ان میں سے 19.2 فیصد افراد اپنے مرض سے واقف جبکہ 7.1 فیصد اپنی بیماری سے لا علم ہیں۔

پاکستان سوسائٹی آف نیورولوجی کے اعدادو شمار کے مطابق پاکستان میں کم وبیش 400 افراد روزانہ فالج کے باعث موت کے منہ میں چلے جاتے ہیں۔نوجوانوں بالخصوص خواتین میں فالج کے مرض کا اضافہ بڑی تیزی کے ساتھ دیکھنے میں آرہا ہے اور سالانہ دو فیصدی شرح مرض بڑھ رہی ہے۔گیلپ پاکستان کے حالیہ سروے کے مطابق پاکستان میں 41 فیصد تک افراد میں ہیپاٹائٹس بی اور سی پایا گیاہے اور دنیا بھر میں ہیپاٹائٹس کے مرض کے حوالے سے پاکستان دوسرے نمبر ہے۔ پاکستان ہیومن رائٹس کمیشن کی ایک رپورٹ کے مطابق پاکستان دنیا بھر میں تپ دق کے مرض کی شرح سر فہرست ہے۔

اسی طرح یونیسیف کی ایک رپورٹ میں انکشاف کیا گیا ہے کہ پاکستان میں نوزائیدہ 22 بچوں میں سے ایک بچہ پیدائش کے پہلے مہینے ہی موت کے منہ چلا جاتا ہے۔ ذہنی امراض کے حوالے سے پاکستان میڈیکل ایسوسی ایشن کے مطابق پاکستان کے مختلف شہروں میں 22 فیصد سے60 فیصد تک ڈپریشن میں مبتلا افراد پائے جاتے ہیں۔پاکستان ایسوسی ایشن فار مینٹل ہیلتھ کی حالیہ رپورٹ کے مطابق ہر چوتھے گھر میں ذہنی مریض پایا جاتا ہے۔رپورٹ میں یہ بھی بتایا گیا ہے کہ پاکستان میں ذہنی امراض کے شکار مردوں کی نسبت خواتین کی تعداد دوگناہے۔ میڈیا رپورٹس کے مطابق تھیلیسیمیا اور ایڈز کے پھیلائو میں بھی روز بروز اضافہ ہی ہورہا ہے۔

مذکورہ بالا اعدادو شمار کی رو سے روز بروز مختلف موذی اور مہلک امراض کی شرح میں اضافہ تشویشناک حد تک پریشان کن بنتا جا رہا ہے۔ سرکاری اور غیر سرکاری سطح پربڑے بڑے کارپوریٹ اور جدید طبی سہولتوں سے آراستہ ہسپتالوں ،میڈیکل سائنس کی ایجادات وتشخیصی آلات کی دریافتوں کے ہوتے ہوئے اور جدید طبی ماہرین و امراض کے سپیشلسٹ کی ہمہ وقتی خدمات کے باوجود بیماریوں کا ناقابل علاج ہوجانا ایک سوالیہ نشان بنتا جا رہا ہے۔ طبی ماہرین کے نزدیک امراض کی افزائش اور پھیلائو کی وجوہات میں سے ایک بڑی وجہ سیلف میڈیکیشن یا ٹوٹکے بازی اور سنی سنائی باتوں پر عمل کرنا بھی ہے۔ سیلف میڈیکیشن کا یہ طرز عمل صرف جڑی بوٹیوں یا گھریلو ٹوٹکوں تک محدود نہیں رہا بلکہ اب تو جدید ادویات اور قدرتی ادویات کے اشتہارات بھی بالواسطہ طور پر لوگوں میں سیلف میڈیکیشن کا رجحان پیدا کرنے کاسبب بن رہے ہیں۔ بظاہر انسانی ہمدردی اور خیر خواہی کا یہ عمل در حقیقت ایک انسان دشمن فعل ہے جو عام آدمی کے جسمانی مسائل کو مزید بڑھانے کا سبب بن رہا ہے۔

گھریلو ٹوٹکوں سے لے کر درد گردہ اور بواسیر کی عام اور بہ سہولت ملنے والی ادویات کے سوچے سمجھے اوردوا کی تاثیر کو جانے بغیر استعمال کرنے تک، قومی میڈیا پر دکھائے جانے والے جدید اور قدیم ادویات کے پرکشش اور پر اثر دعووں والے اشتہارات سے لے کرسوشل میڈیا پر نام نہاد معالجین کے شفائی اعلانات اور وعدوں تک ، یہ تمام سرگرمیاں صحت کے منافی اور علاج معالجہ کے اصولوں سے متصادم ہیں۔ قانونی طور پر اس انداز میں ادویات کے فوائد اور خواص کی تشہیر جرم اور ممنوع قرار دی گئی ہے۔ ڈیڑھ دو دہائیاں قبل پاکستان میں اندرون ملک سفر کرنے والے دیواروں پر لگے اشتہارات پڑھ پڑھ کر، منزل پر پہنچنے تک اپنے اندر کئی بیماریاں دریافت کرچکے ہوتے تھے، فی زمانہ اینڈرائیڈ پر سوشل میڈیاکا استعمال کرنے والوںکی صورت حال بھی سابقہ اشتہاری اثرات سے کچھ مختلف نہیں ہے۔

آج کل سوشل میڈیا پر بے شمار معالجین مردوں کو مریض ثابت کرنے پر تلے ہوئے ہیں اور عجیب و غریب منطقی فلسفے جھاڑتے عام پائے جاتے ہیں۔ اس سے بڑا احمقانہ ، جاہلانہ اورغیر اخلاقی طرز عمل کیا ہوسکتا ہے کہ وہ انسانی نفسیاتی کمزوری کو ٹارگٹ بناتے ہوئے یہ نام نہاد معالجین مردوں کی اکثریت کو بزعم خود جنسی مریض ثابت کرنے پر تلی ہوئی ہے۔ حالانکہ جنسی مسائل کو حل کرنے کے لیے کوئی راکٹ سائنس ہرگز مطلوب نہیں ہے بلکہ بنیادی میٹابولزم کو متحرک کرنے سے ہی دوسرے بدنی امراض کی طرز پر ہی جنسی امراض سے بھی چھٹکارا حاصل کرنے میں مدد ملتی ہے۔

ہماری اپنی اطباء برادری سے دست بستہ گزارش ہے کہ اسلاف واکابرین طب کی ناموس اور شعبہ طب کے وقار کو داغدار ہونے سے بچانے کی جتنی آج ضرورت ہے اس سے پہلے کبھی نہ تھی۔ خدارا ! ہوش کے ناخن لیں۔ایک زمانہ تھا جب طبیب کا نام اور وجود سراپا اخلاص، ہمدردی،خیر خواہی اور دانش ودانائی سمجھا جاتا تھا، ایک آج کا طبیب ہے جسے مبینہ طور ہم اپنا وجود،کردار اور دانائی منوانے کے لیے میڈیا پر مشتہر ہونا پڑ رہا ہے۔ طب میں جدید سائنسی اور تحقیقی اضافہ جات ہی طبیب کے وقار اور شعبہ طب کے معیار کو بحال کر سکتے ہیں۔ آج پوری دنیا ایک بار پھر طب اور طبیب کے فلاحی اور انسان دوست کردار کی متقاضی ہورہی ہے۔دنیا بھر میںکیمیکلز سے تیار شدہ جدید ادویات کے مبینہ سائیڈ ایفیکٹس کے پیش نظر متبادل ادویات کے نام پر طب قدیم کا استعمال فروغ پا رہا ہے۔علم دوست اور شعبہ طب سے مخلصانہ وابستہ اطباء کرام کو طب کے معیاراور طبیب کے وقار کی بحالی میں قرار واقعی کردار نبھانا چاہیے۔

حکومتی سطح پر قوانین پر عمل در آمد کروانے ،اتائیت کی روک تھام اور ادویات کے معیار کو مانیٹرکے لیے قائم ادارے، ڈرگ ریگولیٹری اتھارٹی اور محکمہ صحت کی موجودگی میں اس طرح کے خلاف قوانین اور صحت دشمن سر گرمیوں کا قومی میڈیا پر مشتہر ہوناقابل غور وفکر ہے۔ سیلف میڈیکشن کے حوالے سے جہاں قومی اداروں کو اپنا کردار بخوبی نبھانے کی ضرورت ہے وہیں ایسے تمام معالجین جن کے دعووں اور وعدوں سے عام آدمی متاثر ہوکر ان کی پیروی کرنے لگتے ہیں،انہیں اپنے طرز عمل میں تبدیلی پیدا کرنے کی اشد ضرورت ہے۔ وزارت صحت اور وزارت اطلاعات و نشریات کو چاہیے کو عوام الناس کو حفظان صحت کے اصولوں سے روشناس کروانے کے لیے مین اسٹریم میڈیا پر متوازن، متناسب غذا کے انتخاب و استعمال اور شعور صحت آگہی کے پروگرام باقاعدگی سے نشر کرے۔

ڈونلڈٹرمپ کورونا وائرس کے بحران کو سیاسی رنگ دینے سے باز رہیں، عالمی ادارہ صحت

جنیوا۔24نومبر2020 (اے پی پی)::عالمی ادارہ صحت نےکہا ہے کہ امریکی صدر ڈونلڈٹرمپ کورونا وائرس کے بحران کو سیاسی رنگ دینے سے باز رہیں۔عالمی ادارہ صحت نے ڈونلڈ ٹرمپ کی طرف سے عالمی ادارہ صحت پر چین کی طرف داری اور تعصب برتنے کے الزامات اورامداد بند کرنے کی دھمکیوں کے بعد انہیں تنقید کا نشانہ بنایا ہے۔ عالمی ادارہ صحت کےڈائریکٹر جنرل ٹیڈروس اڈھانوم گیبریوس نے امریکی صدر کے بیان کے جواب میں تین نکاتی رد عمل جاری کیا ہے۔ انہوں نے کہا کہ کورونا بحران کے خلاف قومی اور عالمی سطح پر تمام ممالک کو متحد ہونا ہوگا۔

کووڈ-19کے بحران کو سیاسی رنگ دینے سے گریز کرنا ہوگا اور اس عالمی وباء کے خلاف مخلصانہ یکجہتی کا مظاہرہ کرنا ہوگا۔انہوں نے کہا کہ عالمی لیڈروں بالخصوص چین اور امریکا کوشفافیت کا مظاہرہ کرنا ہوگا اور کسی بھی ملک کے لیے یہ مناسب نہیں کہ وہ کرونا وباء کو سیاسی رنگ دینے کی کوشش کرے۔واضح رہے کہ گزشتہ منگل کووائٹ ہائوس میں ایک پریس کانفرنس کے دوران امریکی صدر ڈونلڈ ٹرمپ نے عالمی ادارہ صحت پر چین کی طرف داری کرنے اور تعصب برتنے کا الزام عائدکرتے ہوئےدھمکی دی تھی وہ ڈبلیو ایچ او کو دی جانے والی امداد روک سکتےہیں۔

فائزر نے کورونا ویکسین کی منظوری کیلیے ایف ڈی اے کو درخواست دیدی

نیویارک۔23نومبر2020:: فائزر اور بیون ٹیک نے کورونا وائرس کی ویکسین کی منظوری کے لیے امریکی ادارے فوڈ اینڈ ڈرگ ایڈمنسٹریشن کو ہنگامی بنیادوں پر منظوری کے لیے درخواست دے دی ہے۔ عالمی خبر رساں ادارے کے مطابق امریکی دواساز کمپنی فائزر نے جرمنی کی کمپنی بیون ٹیک کے اشتراک سے کورونا ویکسین تیار کر لی ہے اور اب ویکسین کی منظوری کے لیے دوا اور غذا کے لیے دنیا میں سب سے زیادہ مستند سمجھے جانے والے ادارے ایف ڈی اے سے رجوع کرلیا ہے۔ امریکا میں دواؤں کی فروخت کے لیے فوڈ اینڈ ڈرگ ایڈمنسٹریشن سے منظوری لازمی ہے اور دنیا بھر میں بھی ایسی دواؤں کو مستند جانا جاتا ہے جنہیں ایف ڈی اے نے منظور کیا ہو۔

اگر فائزر کی ویکسین کو منظوری مل جاتی ہے تو ایف ڈی اے اپروول حاصل کرنے والی یہ پہلی کورونا ویکسین بن جائے گی۔ ادھر ایف ڈی اے حکام کا کہنا ہے کہ ویکسین کمیٹی 10 دسمبر کو اس ویکسین کی ممکنہ طور پر ہنگامی منظوری پر غور کرے گی جس کے لیے اس عمل میں شفافیت کو یقینی بنایا جائے گا تاہم ابھی یہ واضح نہیں کہ منظوری کے لیے کتنا عرصہ درکار ہوگا۔ قبل ازیں یورپی یونین کمیشن کی سربراہ ارزولا فان ڈیر لائن نے بھی آئندہ ماہ کے اختتام تک فائزر کی کورونا ویکسین کی منظوری دینے کا عندیہ ہے جب کہ وہ فائزر سے 300 ملین خوراکیں 4.65 ارب یورو کے عوض خریدنے میں بھی دلچسپی رکھتی ہیں۔

چین نے کورونا ویکسین کی رونمائی کردی

بیجنگ. 23نومبر2020:: چین نے بیجنگ ٹریڈ فیئر میں کورونا وائرس کی ویکسین کی رونمائی کردی جو اس سال کے آخر تک مارکیٹ میں دستیاب ہوگی۔ عالمی خبر رساں ادارے کے مطابق چین کے دارالحکومت میں ’’بیجنگ ٹریڈ فیئر ہفتہ‘‘ منایا جا رہا ہے جس میں مختلف کمپنیاں اپنی پروڈٖکٹس سے دنیا کو متعارف کرا رہی ہیں اور جسے دیکھنے کے لیے ہزاروں کی تعداد میں تاجروں اور عوام نے اسٹالز کا دورہ کیا۔ بیجنگ ٹریڈ فیئر کی سب سے خاص بات دو کمپنیوں سینو ویک بائیوٹیک اور سینو فارم کے اسٹال پر کورونا وائرس کی ویکسین کی رونمائی تھی۔ سال کے آخر تک تینوں ضروری ٹرائل مکمل ہوجائیں گے اور ویکسین مارکیٹ میں دستیاب ہوگی۔

کمپنی کے نمائندے کے مطابق سینو بائیوٹیک نے ویکسین کی تیاری کے لیے ایک علیحدہ فیکٹری بھی قائم کردی ہے جس میں 300 ملین ڈوزز کی ایک سال میں تیاری ممکن ہوسکے گی۔ دوسری جانب صدر ڈونلڈ ٹرمپ نے کورونا ویکسین کے اگلے ماہ تیاری کا دعویٰ کرتے ہوئے کہا ہے کہ ویکسین کی تیاری سال دو سال کی دوری پر نہیں بلکہ بہت قریب ہے، اگلے ماہ سب کو ویکسین کی تیاری مکمل ہونے کا بڑا سرپرائز ملے گا۔

ادھر ٹرمپ مخالف امریکی صدارتی امیدوار جو بائیڈن نے اس دعوے کو مضحکہ خیز قرار دیتے ہوئے کہا کہ دوا کی تیاری کے لیے تین ضروری ٹرائل مکمل ہونے سے قبل صدر ٹرمپ کا دعویٰ الیکشن مہم کا حصہ ہے۔

چین کی کورونا ویکسین نومبر میں عوام کیلیے دستیاب ہوگی

بیجنگ.23نومبر2020:: چین میں تیار ہونے والی 4 میں سے ایک کورونا ویکسین نومبر میں عوام کے لیے دستیاب ہو گی۔ عالمی خبر رساں ادارے کے مطابق چین کے ادارے ’’ سینٹر فار ڈیزز کنٹرول اینڈ پری ونٹیشن‘‘ نے دعویٰ کیا ہے کہ ان کی تیار کردہ 4 ویکسین کلینیکل ٹرئل کے آخری مرحلے میں ہیں جن میں سے کم از کم ایک رواں برس نومبر میں عوام کے لیے دستیاب ہوگی۔ رواں ماہ بیجنگ میں ہونے والے ٹریڈ فیئر میں چینی کمپنی نے کورونا ویکسین کی رونمائی بھی کی تھی۔

سی ڈی سی یعنی (Center For Disease Control and Prevention)  کی سربراہ نے سرکاری میڈیا پر اپنے انٹرویو میں بتایا کہ چین میں 4 کورونا ویکسین پر کام جاری ہے جن میں سے تین ویکسین کو جولائی میں ہی فرنٹ لائن طبی عملے پر استعمال کرنے کی اجازت مل گئی تھی جس کے حوصلہ افزا نتائج سامنے آئے ہیں۔ سی ڈی سی کی سربراہ گوائزن وو نے مزید بتایا کہ ان تینوں ویکسین میں سے ایک ٹرائل کے فیز تھری مرحلے کو بڑی کامیابی سے مکمل کر رہی ہے، ویکسین اپریل میں خود میں نے استعمال کی اور اب تک معمولی سا سائیڈ ایفیکٹ بھی سامنے نہیں آیا۔ امید ہے کہ نومبر کے آخر تک یہ ویکسین عام لوگوں کے لیے دستیاب ہو گی۔

واضح رہے کہ فوجی اور طبی عملے کے لیے ہنگامی بنیادوں پر چین کی سب سے بڑی فارما کمپنی سینوفارما اور امریکی سینو ویک بائیوٹیک نے تین ویکسن پر کام شروع کیا تھا جب کہ چوتھی ویکسین کو کانسیو بائیولوجک نے فوجیوں میں استعمال کے لیے جون میں تیار کیا تھا۔

چینی کمپنی کا اپنی کورونا ویکسین کا 10 لاکھ افراد پر کامیاب تجربے کا دعویٰ

بیجنگ. 23نومبر2020:: چین کی ادویہ ساز کمپنی سینو فارم نے دعویٰ کیا ہے کہ ان کی تیار کردہ کورونا ویکسین ہنگامی بنیادوں پر 10 لاکھ افراد کو استعمال کرائی جاچکی ہے۔ عالمی خبر رساں ادارے کے مطابق سینو فارم کے چیئرمین لی یو جنگژین نے چینی سوشل میڈیا سائٹ وی چیٹ پر اپنی پوسٹ میں انکشاف کیا ہے کہ ہماری ویکسین کو تاحال ایمرجنسی مقاصد کے تحت تجرباتی بنیادوں پر 10 لاکھ افراد پر استعمال کرایا جاچکا ہے۔

چیئرمین سینو فارم نے مزید لکھا کہ یہ ویکسین دنیا بھر میں 150 ممالک کے رضاکاروں میں تجرباتی بنیاد پر لگائی گئی جب کہ چین میں تعمیراتی ورکرز، سفارت کاروں اور طلبا کو استعمال کرائی گئی اور ان میں سے کسی کو بھی کورونا نہیں ہوا اور نہ مضر اثرات سامنے آئے۔ اس سے قبل اپنے ایک بیان میں سینوفارم کے چیئرمین لی یو جنگژین نے دعویٰ کیا تھا کہ ویکسین استعمال کرنے والے 56 ہزار افراد بیرون ملک بھی گئے اور ایئرپورٹس پر ان کے ٹیسٹ ہوئے جو سب کے سب منفی آئے، یہ ہماری بہت بڑی کامیابی ہے۔

چیئرمین سینو فارم نے مزید لکھا کہ دفاتر کے جن ملازمین کو ویکسین لگائی گئی تو جب اُن کے آفس میں کورونا وبا پھوٹی تو ان ملازمین کو کورونا نہیں ہوا۔ سینو فارم کی کورونا ویکسین کی آزمائش پاکستان سمیت 10 سے زائد ممالک میں آخری مراحلے میں داخل ہوچکا ہے۔ واضح رہے کہ چینی کمپنی سینوفارم کورونا کی دو ویکسینز کا تجربہ کرہی ہے لیکن اعداد وشمار اور کامیابی کا دعویٰ کس ویکسین کے لیے کیا جا رہا ہے اس حوالے سے خاموشی ہے اور شاید یہ رینڈم ٹرائل کی وجہ سے ہے۔

وزیر اعلیٰ پنجاب سردار عثمان احمد خان  بزدار نے انصاف میڈیسن کارڈ کا اجراء کر دیا

لاہور۔22نومبر2020:: وزیر اعلیٰ پنجاب سردار عثمان احمد خان بزدار نے انصاف میڈیسن کارڈ کا اجراء کر دیا۔ ہیپاٹائٹس، ایڈز اور ٹی بی کے مریضوں میں کارڈز تقسیم کئے گئے۔ جبکہ وزیر اعلیٰ پنجاب نے کہا ہے کہ پنجاب کے ہر شہری کو حکومتی سطح پر مفت علاج کی سہولت میسر ہو گی، پاکستان تحریک انصاف نے مدینہ کی ریاست بنانے کا جو عزم کیا ہے ہم اس کی جانب تیزی سے گامزن ہیں ۔ انصاف میڈیسن کارڈ کے اجراء کی تقریب وزیر اعلیٰ آفس میں ہوئی۔ تقریب میں وزیر صحت پنجاب ڈاکٹر یاسمین راشد اور وزیر اعلیٰ کی معاون خصوصی برائے اطلاعات ڈاکٹر فردوس عاشق اعوان بھی موجود تھیں۔

تقریب کے دوران ہیپاٹائٹس ، ایڈز اور ٹی بی کے مریضوں میں انصاف میڈیسن کارڈ تقسیم کئے گئے۔ اس موقع پر سردار عثمان بزدار کا کہنا تھا کہ انصاف میڈیسن کارڈ کے زریعہ ہیپاٹائٹس ، ایڈز اور ٹی بی کے مریضوںکو مفت ادویات کی فراہمی کاآغاز کیا جارہا ہے ۔ پہلے مرحلہ میں ایڈز کے 9,862،ہیپاٹائٹس کے 23,507اور ٹی بی کے 77,047مریضوں کو مفت ادویات فراہم کی جائیں گی اور مریضوںکی سہولت کے لئے آسان طریقہ کاربھی وضع کیا گیا ہے۔ متعلقہ تحصیل ہیڈکوارٹرز ہسپتال یا ڈسٹرکٹ ہیڈکوارٹرز ہسپتال میں اصل شناختی کارڈ کے ساتھ بائیو میٹرک تصدیق کی جائے گی اور تصدیقی عمل مکمل ہونے کے بعد انصاف میڈیسن کارڈ جاری کردیا جائے گا۔

وزیر اعلیٰ پنجاب کا کہنا تھا کہ مریض کسی بھی متعلقہ سینٹر سے مفت ادویات لے سکیں گے اور پاکستان تحریک انصاف نے مدینہ کی ریاست بنانے کا جو عزم کیا ہے ہم اس کی جانب تیزی سے گامزن ہیں اور پنجاب احساس پروگرام، صحت انصاف کارڈ اور اب انصاف میڈیسن کارڈ کااجراء اس بات کا واضح ثبوت ہے۔ ان کا کہنا تھا کہ ہسپتالوں میں ایڈز، ہیپاٹائٹس اور ٹی بی کے مریضوںکے لئے علیحدہ ، علیحدہ ڈیسک بنانے کی ہدایت کی ہے اور پنجاب کے 36اضلاع میں مجموعی طور پر ایک لاکھ74ہزار811افراد میں انصا ف میڈیسن کارڈ تقسیم کئے جائیں گے۔

ویکسین کیسے کام کرتی ہے؟

لندن۔20نومبر2020:: ویکسین بیماری کے ایجنٹس کی ہو بہو نقل کرتی ہے، اور ان کے خلاف دفاع قائم کرنے کے لیے مدافعتی نظام کو ابھارتی ہے۔ یہاں آپ کو ایسے اینی میشن دکھائی دیں گے جن میں یہ دکھایا گيا ہے کہ مدافعتی نظام کے مختلف حصے کیسے ویکسی نیشن کے ذریعے ردِ عمل کرتے ہیں اور یہ ردِ عمل کیسے مستقبل میں جسم کا کسی مخصوص بیماری سے تحفظ کرتا ہے۔ ویکسین ایک دھوکے کا کام کرتی ہے، ویکسین لگنے کے بعد جسم کا مدافعتی نظام سمجھتا ہے کہ کوئی مخصوص بیکٹیریا یا وائرس حملہ آور ہو گیا ہے، لیکن اس ویکسین سے جسم بیمار نہیں ہوتا۔

یہ خلیات (اے پی سی) جسم میں حملہ آوروں کے خلاف گھومتے رہتے ہیں، جب یہ کسی حملہ آور اینٹی جن (antigen) کو پاتے ہیں تو اسے اپنے اندر جذب کر لیتے ہیں اور انھیں توڑ کر اپنی سطح پر اس کے حصوں کو نمایاں کرتے ہیں۔ اے پی سیز اینٹی جن کو نمایاں کرتے ہوئے ان جگہوں سے گزرنے لگتے ہیں جہاں مدافعتی خلیات جمع ہوتے ہیں، جیسا کہ لمف نوڈز۔ اینٹی جن کا تدارک کرنے والے مخصوص ٹی سیلز (naive T cell) انھیں چوں کہ باہر سے آنے والے سمجھتے ہیں اس لیے فوری طور پر فعال ہو جاتے ہیں۔ ٹی ہیلپر سیلز (ایک قسم کے فعال ٹی سیلز) قریبی خلیات کو حملہ آور کی موجودگی سے خبردار کر دیتے ہیں۔

naive بی سیلز ویکسین اینٹی جن کے خلاف اس وقت رد عمل دکھاتے ہیں جب یہ جسم میں داخل ہوتے ہیں، جن اینٹی جن کو اے پی سیز نمایاں کرتے ہیں انھیں بی خلیات پہچان لیتے ہیں، ان اینٹی جنز کو بھی یہ پہچان لیتے ہیں جو جسم میں آزادانہ طور پر گھوم رہے ہوتے ہیں۔ پھر ایکٹیو بی سیلز تقسیم کے مرحلے سے گزرتے ہیں، اور ایسے مزید فعال سیلز پیدا کرتے ہیں جو ویکسین اینٹی جن سے مخصوص ہوتے ہیں۔ جیسے ہی یہ اینٹی جن پر ظاہر ہوتے ہیں ان میں سے کچھ پختہ ہو کر پلازمہ بی سیلز میں بدل جاتے ہیں اور کچھ میموری بی سیلز میں۔

ویکسین اینٹی جن کے ذریعے فعال ہونے اور فعال شدہ ٹی ہیلپر سیلز سے سگنل موصول کرنے کے بعد، کچھ خلیات پلازمہ بی خلیات میں بدل جاتے ہیں، جو کہ مدافعتی نظام کی اینٹی باڈی فیکٹری ہیں۔ پلازمہ بی سیلز ویکسین اینٹی جن کے لیے اینٹی باڈیز پیدا کرتے ہیں۔ انگریزی حرف وائی ’Y‘ کی شکل کے پروٹین جن کو اینٹی باڈیز کہا جاتا ہے، ہر سیکنڈ بڑی تعداد میں خارج ہوتے ہیں، انسانی جسم میں لاکھوں کی تعداد میں متعدد قسم کی اینٹی باڈیز موجود ہیں، جو متعدد اقسام کے اینٹی جن کے ساتھ تعامل اور ملاپ کو ممکن بناتی ہیں۔ ہر اینٹی باڈی ایک مخصوص اور ہدف شدہ اینٹی جن کے ساتھ سختی سے جڑی ہوتی ہے، ٹھیک اسی طرح جس طرح تالا اور چابی۔ یہ عمل اینٹی جن کو کسی خلیے میں داخل ہونے یا اینٹی جن کی تباہی سے روکتا ہے۔

اگر ویکسین میں بہت ہی پتلے وائرس ہوں تو ویکسین وائرس سیلز میں داخل ہو جاتے ہیں۔ جب کہ کیلر ٹی سیلز حملہ آور سیلز کو تلاش کر کے ہلاک کر دیتے ہیں۔ naive کیلر ٹی سیلز کو فعال ہونے سے پہلے ایک اینٹی جن کو نمایاں کرنے کے لیے ایک اے پی سی کی ضرورت ہوتی ہے۔ ویکسین اگر وائرس پر مشتمل ہے تو یہ ویکسین وائرس متاثرہ خلیات کو تلاش کرتے ہیں اور انھیں تباہ کر دیتے ہیں۔ ویکسین اینٹی جن کے ذریعے بڑی تعداد میں میموری سیلز پیدا کیے جاتے ہیں، اگر حقیقی جراثیم مستقبل میں جسم میں داخل ہو جاتے ہیں تو یہ میموری سیلز ان کو پہچان لیتے ہیں۔ لہٰذا جسم کا رد عمل مستحکم اور تیز تر ہوگا، حالاں کہ اس سے قبل ان کا سامنا کسی حقیقی پیتھوجن سے نہیں ہوا ہوتا۔

ویکسی نیشن کے دوران تخلیق شدہ میموری ٹی سیلز، اے پی سی کا سامنا کرتے ہیں، اور ان اینٹی جن کی پہچان کرتے ہیں جن کو وہ نمایاں کر رہے ہیں۔ میموری ٹی ہیلپر سیلز ویکسی نیشن کے عمل میں دیگر مدافعتی سیلز کو خبردار کرنے کے لیے اشارے جاری کرتے ہیں، اور رد عمل پر آمادہ کرتے ہیں۔ ویکسی نیشن مدافعتی نظام کو پیتھوجن کے ایک کم زور یا ہلاک شدہ ورژن پر مشق کرا کر اس طرح تیار کرتا ہے کہ وہ کسی مخصوص ایجنٹ کو یاد رکھ سکے، اسے کسی پیتھوجن کے خلاف ابتدائی رد عمل کہا جاتا ہے۔ میموری بی سیلز پلازمہ بی سییلز کو فعال کر کے اور ان میں تفریق پیدا کر کے ایک اینٹی کی موجودگی کے خلاف ردعمل کرتے ہیں۔

پلازمہ بی سیلز اس اینٹی جن کے خلاف مخصوص اینٹی باڈیز پیدا کرتا ہے اور خارج کرتا ہے جس نے انھیں دوبارہ فعال کیا۔تاہم ثانوی رد عمل میں پلازمہ سیلز مزید اینٹی باڈیز پیدا کرتے ہیں اور ابتدائی رد عمل سے تیز شرح پر پیدا کرتے ہیں۔ اینٹی باڈیز پیتھوجن کی سطح سے جا کر منسلک ہو جاتے ہیں، پیتھوجن اور اس کے خلاف پیدا ہونے والی اینٹی باڈیز کی اقسام کے لحاظ سے اس کے مختلف اثرات ہو سکتے ہیں، یہ پیتھوجن کو کسی سیل میں داخل ہونے سے روک سکتا ہے، یا مدافعتی نظام کے دیگر سیلز کے ذریعے خاتمہ اور ہلاک کرنے کے لیے اس کو نشان زد کر سکتا ہے۔ اگر ویکسی نیشن کے عمل میں ایک کیلر ٹی سیل رد عمل شامل ہو تو پھر اس قسم کے میموری سیلز مزاحمت کریں گے اور اینٹی جن کی زد میں آنے سے فعال ہو جائیں گے۔

کورونا ویکسینیشن پر نئے رجحانات، 73 فیصد تیار، 10 فیصد کا انکار، سروے

لندن-19نومبر2020::کورونا ویکسین کو فوری طور پر لگوانے یا نہ لگوانے کے متعلق نئے رجحانات سامنے آگئے۔ اس رجحان کا اندازہ ورلڈ اکنامک فورم کے شعبہ صحت کی دیکھ بھال اور  نامی ادارے کی جانب سے 15 ممالک کے 18526 افراد سے کئے گئے سروے میں سامنے آیا۔ اس سروے کے مطابق 73 فیصد نے اس خواہش کا اظہار کیا کہ کورونا وائرس کے خلاف وہ ویکسین لگوانا چاہتے ہیں۔ ورلڈ اکنامک فورم کے مذکورہ شعبے سے تعلق رکھنے والے ارناڈ برنرٹ کے مطابق یہ نتائج ویکسین کی افادیت اور اس وائرس کے خاتمے کیلئے لوگوں کی سوچ کو جاننے کے لیے کافی اہم ہیں۔ انہوں نے کہا کہ یہ ضروری ہے کہ حکومتیں اور نجی شعبہ ملکر نئے اقدامات کرنے کیلئے اعتماد پیدا کریں۔ جن لوگوں نے اس ویکسین کو لگانے سے انکار کیا ہے ان کا سب سے بڑا خدشہ اس کے سائیڈ ایفیکٹس سے متعلق ہے۔ جبکہ سروے میں شامل 10 فیصد کا خیال تھا کہ یہ ویکسین موثر نہیں ہوگی۔ 

دوسری جانب بیلجیئم میں ہر 6 میں سے 1 شخص کورونا ویکسین نہیں لگانا چاہتا۔ یہ بات ایک مقامی اخبار کیلئے اپسوس ہی کے کیے گئے اپنی نوعیت کے پہلے لیکن ایک مختصر سروے میں سامنے آئی ہے۔ اس سروے کے مطابق بیلجیئم کے مختلف علاقوں میں 1700 لوگوں سے اس حوالے سے سوالات کئے گئے۔ جن میں سے صرف 36 فیصد نے کورونا ویکسین لگانے کو اپنی پہلی ترجیح قراردیا۔ یعنی انکی یہ خواہش ہے کہ جیسے ہی ویکسین سامنے آئے، انہیں لگا دی جائے۔ جبکہ 47 فیصد نے کہا کہ وہ فوری طور پر ویکسین لگانے کے خواہش مند نہیں۔ اسی طرح 17 فیصد نے اسے لگوانے سے انکار کر دیا۔

سروے کے مطابق یہ ویکسین  لگوانے سے منع کرنے والوں میں مزید تفریق بھی دیکھنے میں آئی۔ 71 فیصد اس ویکسین کے ممکنہ سائیڈ ایفیکٹس کے واضح نہ ہونے کے باعث نہیں لگوانا چاہتے۔ 43 فیصد کا کہنا ہے کہ اب تک اس کے واضح ٹرائل سامنے نہیں آئے، جبکہ 30 فیصد نے اسے اس وجہ سے لگوانے سے انکار کیا کہ اس ویکسین کی تیاری میں بہت جلدی دکھائی جا رہی ہے۔ اس سروے کا ایک اور پہلو یہ بھی تھا کہ 65 سال کی عمر سے زائد افراد نے اس ویکسین کو فوری طور پر لگوانے کی خواہش ظاہر کی۔ جبکہ اس ویکسین کو فوری یا بالکل نہ لگوانے کا جواب دینے والے افراد کی عمریں 25 سے 34 سال کے درمیان تھیں۔

ارناڈ برنرٹ کے مطابق اگر چہ اس نئی تحقیق میں اعداد و شمار یہ ظاہر کر رہے ہیں کہ کوویڈ 19 کے خلاف ویکسین پر اعتماد زیادہ ہے۔ لیکن اس کے ساتھ ہی لوگوں کی بڑھتی ہوئی ہچکچاہٹ بھی اہم ہے۔ کیونکہ اگر لوگوں نے یہ قطرے پلانے سے انکار کردیا تو کوئی ویکسین کارگر ثابت نہیں ہوگی۔ یاد رہے کہ اس وقت دنیا میں کورونا ویکسین سے متعلق مختلف افواہیں گردش کر رہی ہیں۔ اسی تناظر میں یہ خدشات بھی موجود ہیں کہ یہ عوام کو ڈیجیٹلائیز کرنے کی ایک عالمی کوشش کا حصہ ہیں۔ اور جس کی ویکسین لیبارٹریز میں پہلے ہی تیار کی جا چکی ہے۔ ایک اہم بات یہ بھی ہے کہ COVID-19 سے قبل کسی اور ویکسین کی تیاری کیلئے اس طرح اور اس وسیع پیمانے پر خدشات کا اظہار نہیں کیا گیا۔

کورونا وائرس کو سیکنڈوں میں تباہ کرنے والا ماؤتھ واش

لندن-19نومبر2020:: برطانوی سائنس دانوں نے کہا ہے کہ ان کے ملک میں بنایا جانے والا ایک ماؤتھ واش ’ڈینٹائل‘ جو پودینے (منٹ) اور لونگ کے ورژن کے ساتھ بازار میں موجود ہے بہت مؤثر انداز میں کورونا وائرس کو ختم کرسکتا ہے۔ کارڈِف یونیورسٹی کے ماہرین نے کہا ہے کہ ڈینٹائل میں ایک اہم کیمیکل ’سیٹل پائریڈینیئم کلورائیڈ‘ پایا جاتا ہے۔ اگر کسی ماؤتھ واش میں اس کلورائیڈ کی 0.07 مقدار موجود ہو تو وہ کورونا وائرس کا خاتمہ کرسکتا ہے۔ اب ماہرین نے دعویٰ کیا ہے کہ ڈینٹائل سے غرارے کرنے سے صرف 30 سیکنڈ میں کورونا وائرس کا خاتمہ ہوجاتا ہے۔

اس کے تجربات گزشتہ ہفتے ایک تحقیقی جریدے میں بھی شائع ہوچکے ہیں۔ یہ ماؤتھ واش کورونا کے مریضوں پر آزمایا گیا تو اس کے بہت اچھے نتائج سامنے آئے ہیں۔ یہ آزمائش کارڈیف میں واقع یونیورسٹی ہاسپٹل آف ویلز میں کی گئی ہیں۔ اس تجربے میں مریضوں کو کئی طرح کے ماؤتھ واش دیئے گئے اور اس کے بعد ان کے تھوک کا معائنہ کیا گیا۔ لیکن ان تجربات کی مزید تفصیلات اگلے سال شائع کی جائیں گی۔ ممتاز سائنس داں پروفیسر ڈیوڈ تھامس نے یہ تحقیقات کی ہیں تاہم انہوں نے بتایا کہ مریضوں سے قبل تجربہ گاہ میں ٹیسٹ کیے گئے ہیں جس کے نتائج آنا باقی ہیں کیونکہ مریضوں پر اس کی آزمائش جاری ہے۔ اس طرح ہاتھ دھونے، ماسک پہننے اور اس پر ڈینٹائل جیسے ماؤتھ واش کی بدولت بہت سی جانوں کو بچایا جاسکے گا۔

حال ہی میں کووڈ 19 کے چنگل سے آزاد ہونے والے ایک شخص کی ویڈیو سوشل میڈیا پر وائرل ہوئی جس میں انہوں نے کہا ہے کہ وہ کورونا وائرس سے بیمار ہونے کے بعد سانس لینے سے قاصر تھے۔ سخت پریشانی اور تکلیف میں انہیں مشورہ دیا گیا کہ وہ لونگ کے 10 سے 12 دانوں کو پانی میں ابالیں اور اس کی بھاپ لیں۔ جب انہوں نے یہ عمل کیا تو صرف پانچ سے 10 منٹ بعد ہی ان کی سانس بحال ہوگئی اور اب وہ مکمل طور پر  تندرست ہیں۔

اس طرح کہا جاسکتا ہے کہ شاید لونگ میں موجود کسی کیمیکل کی وجہ سے شفا ملی ہے۔ واضح رہے کہ ڈینٹائل کمپنی کی خبر میں یہ نہیں بتایا گیا ہے کہ آیا مریضوں پر پودینے والا ماؤتھ واش آزمایا گیا یا پھر لونگ والا، یا دونوں ماؤتھ واش ہی دیئے گئے تاہم سائنس دانوں نے یہ بتایا ہے کہ اس میں اہم عنصر ’سیٹل پائریڈینیئم کلورائیڈ ہے۔ اب یہ بات واضح ہے کہ خود لونگ اور اس کے تیل میں ’سیٹل پائریڈینیئم کلورائیڈ‘ پایا جاتا ہے۔ اس لیے کورونا کے مریض جہاں دیگر بہت سی چیزوں کو آزماتے ہیں وہیں لونگ کے گرم پانی کی بھاپ کے استعمال میں کوئی ذائقہ نہیں۔

موڈرنا ویکسین: کووڈ 19 مرض کے خلاف ایک اور ویکسین کی غیرمعمولی کامیابی کا دعویٰ

میساچیوسٹس. 17 اکتوبر2020:: فائزر اور بایونٹیک کی جانب سے کووڈ 19 کی ایک نئی ویکسین کے بارے میں دعویٰ کیا گیا تھا کہ یہ کووڈ 19 کی بیماری کو 90 فیصد تک روک سکتی ہے اور اب اس سے بھی بڑھ کر موڈرنا نامی کمپنی نے اپنی نئی ویکسین کے بارے میں دعویٰ کیا ہے کہ یہ عام صحت مند انسانوں پر لگانے کے بعد انہیں کووڈ 19 سے بچانے میں 94.5 فیصد تک مؤثر ہے۔ اس طرح دسمبر تک امریکا کے پاس کووڈ 19 کے خلاف دو ویکسین آگئی ہیں جن کی کم ازکم 6 کروڑ خوراکیں اس سال کے آخر تک دستیاب ہونے کی امید ہے۔

یہ ویکسین بھی بایونٹیک کی طرح میسنجر آراین اے (ایم آر این اے) کی طرز پر کام کرتی ہے۔ اچھی بات یہ ہے کہ اسے عام فریج کے درجہ حرارت پر محفوظ کیا جاسکتا ہے۔ اس موقع پر موڈرنا کمپنی کے سربراہ اسٹیفن ہوگ نے بتایا کہ طبی آزمائش کے شرکا کو 28 دن کے وقفے سے ویکسین کی دو خوراکیں دی گئی تھیں اور بعد ازاں 100 میں سے صرف 5 افراد ہی کورونا کے شکار ہوئے یعنی اس کی افادیت 95 فیصد تک ہے۔ تاہم یہ اعدادوشمار بہت کم طبی آزمائش کو ظاہر کرتے ہیں کیونکہ اس سے قبل فائزر اور بایونٹیک ویکسین میں 40 ہزار افراد کا ڈیٹا شامل کیا گیا تھا۔

گردے کا ورم کتنا خطرناک ہے؟

دبئی -11نومبر 2020:: گردوں کے امراض کے نتیجے میں ہونے والی سوزش (سوجن) بعض اوقات اس قدر حد تک بڑھ سکتی ہے کہ جس کی وجہ سے گردہ ضائع ہونے کا خطرہ بڑھ جاتا ہے۔ عام طور پر جب بیکٹیریا گردے میں داخل ہوتا ہے تو انسان مختلف بیماریوں کا شکار ہوجاتا ہے جس کی وجہ سے پیشاب میں جلن اور مثانے کی تکلیف شروع ہوجاتی ہے۔

عرب میڈیا رپورٹ نے سیدیتی شمارے میں شائع ہونے والے ایک مضمون کا ترجمہ کر کے اسے اپنی ویب سائٹ پر شائع کیا جس کے مطابق گردوں میں ہونے والا کسی بھی قسم کا انفکیشن دونوں گردوں کو بیک وقت متاثر کرسکتا ہے لہذا اسے معمولی نہ سمجھا جائے اور فوری طبیب سے رجوع کیا جائے۔ پروفیسر ڈاکٹر احمد شعبان نے عرب میڈیا سے گفتگو کرتے ہوئے بتایا کہ گردے میں بیکٹیریا پیشاب کی نالی یا مثانے کے ذریعے گردوں میں داخل ہوکر انفکیشن پیدا کرتا ہے۔

انہوں نے بتایا کہ گردوں کو سب سے زیادہ متاثر کرنے والا بیکٹیریا کو ای کولی کے نام سے جانا جاتا ہے، یہ ایک عام قسم ہے۔ ڈاکٹر احمد شعبان نے بتایا کہ ’گردوں میں ہونے والے انفیکشن کی وجہ سے اُن پر ورم آجاتا ہے جس کی وجہ سے ناقابلِ برداشت درد محسوس ہوتا ہے، اگر ذیابیطس سے متاثرہ شخص کو گردے کی کوئی بھی بیماری ہو تو یہ اُس کے لیے بہت زیادہ خطرناک ثابت ہوسکتی ہے‘۔ انہوں نے بتایا کہ گردوں کی بیماری مردوں کے مقابلے میں خواتین کو ہونے کا امکان زیادہ ہوتا ہے۔

گردے کی سوزش کی علامات: بخار ہونا، کمر یا پشت پر شدید درد، پیشاب میں جلن، بار بار پیشاب آنا، گھبراہٹ،

مرض کی تشخیص: گردوں میں ہونے والے انفیکشن کا علاج اینٹی بائیوٹکس کے ذریعے پیشاب سے ٹیسٹ کیا جاتا ہے جس کی رپورٹ میں انفیکشن کا سبب اور بیکٹیریا کے بارے میں معلوم کیا جاتا ہے۔

 امریکا ,کرونا کے علاج کیلئے ویکسین کا متبادل سامنے آگیا

کولمبیا۔10نومبر2020:: امریکا میں وبا کے خلاف ایسا اسپرے تیار کیا جارہا ہے جسے کروناویکسین کے متبادل کے طور پر استعمال کیا جائے گا اور یہ سستی دوا بھی ثابت ہوگی۔ غیرملکی خبررساں ادارے کی رپورٹ کے مطابق امریکا کی کولمبیا یونیورسٹی میں ایک نتھنوں کا اسپرے (نیسل اسپرے) تیار کیا جارہا جو کروناویکسین کے مقابلے میں سستا ہوگا جبکہ غریب ممالک کو خریداری میں بھی آسانی پیش آئے گی، وہ افراد جو ویکسین نہیں لگانا چاہتے وہ اسپرے کا استعمال کرسکیں گے۔

رپورٹ کے مطابق اسپرے کے تجربات انسانی اور جانوروں کے پھیپھڑوں کے تھری ڈی ماڈل میں کرونا کے خلاف کامیاب ثابت ہوئے۔ یہ اسپرے کرونا کی روک تھام متاثرہ خلیے کی جھلی میں وائرل پروٹین کو بلاک کرکے کرتا ہے۔ ماہرین کا کہنا ہے کہ اس اسپرے کا اثر فوری طور پر ہوتا ہے اور 24 گھنٹے تک رہتا ہے، یہ عنقریب کم قیمت اور طویل عرصے تک چلنے والی دوا ثابت ہوگی، عوام تک اس اسپرے کی رسائی میں ابھی وقت لگے گا۔

محققین نے بتایا کہ مذکورہ اسپرے کے انسانوں پر ابھی کلینیکل ٹرائلز ہوں گے، ٹرائلز کامیاب ہوجائیں تو اس دوا کی پروڈکشن پر بھی کام ہوگا، اس وجہ سے اسپرے کو انسانوں تک پہچنے میں وقت درکار ہے۔ ماہرین نے کہا ہے کہ ہم برق رفتاری سے ٹیسٹ کررہے ہیں تاکہ اس منصوبے کو جلد مکمل کیا جاسکے، اسپرے کے ذریعے دنیا کے بیشتر حصوں میں لوگوں کو تحفظ فراہم کریں گے جہاں بڑے پیمانے پر کووڈ 19 ویکسینیشن مشکل ہوگی، اسپرے کا روزانہ استعمال کرونا سے محفوظ رکھے گا۔

اس اسپرے کو ناک پر مارنا ہوگا جس کے ذرات نتھنوں کے ذریعے خلیات تک جائیں گے، یہ کرونا سے بچانے کے لیے ہتھیار کے طور پر استعمال ہوگا، اس کے استعمال سے کرونا کے شکار افراد بھی خود کو محفوظ رکھیں گے۔ خیال رہے کہ اس طرح کے ایک اسپرے پر آسٹریلیا میں بھی کام کیا جارہا ہے جس کے نتائج جانوروں پر اب تک حوصلہ افزا رہے ہیں۔ تاہم اسپرے کی حتمی کامیابی اور ناکامی کا فیصلہ انسانوں پر استعمال سے ہی پتا چلے گا۔

نئی کورونا ویکسین کی تیاری میں ترک جوڑے کا نمایاں کردار

کولون جرمنی۔10نومبر2020:: فائزر کمپنی نے آج کووڈ 19 کے خلاف ویکسین کی انسانی آزمائش کے ابتدائی نتائج کا اعلان کیا ہے لیکن بہت کم لوگ جانتے ہیں کہ اس کی پشت پر جرمن نژاد ترک میاں بیوی کا نہایت اہم کردار ہے۔ 55 سالہ اووَر شاہین اور ان کی 53 سالہ بیوی اوزلم توریکی دونوں ہی پیشے کے لحاظ سے سائنس داں ہیں جو کینسر کی امیونوتھراپی میں بین الاقوامی شہرت رکھتے ہیں۔ نیویارک میں قائم فائزر کمپنی نے اپنے ایک بیان میں کہا ہے کہ یہ ویکسین 43 ہزار سے زائد افراد پر آزمائی گئی ہے جس میں امریکی، جرمن اور ترک شامل ہیں لیکن درحقیقت ایک اور جرمن کمپنی، بایون ٹیک نے اس اہم ویکسین میں نہایت کامیاب کردار ادا کیا ہے۔ یہ کمپنی جرمنی میں پناہ لینے والے ترک جوڑے نے قائم کی ہے۔

جرمن شہر، مینز میں قائم بایونٹیک اس لحاظ سے ایک بڑی کمپنی کے طور پر ابھر کر سامنے آئی ہے جس نے کورونا ویکسین کے لیے بڑے پیمانے میں طبی آزمائش کی ہے اور اب تک نئی ویکسین 90 فیصد مؤثر ثابت ہوئی ہے اور اس کے کوئی سائیڈ افیکٹ بھی سامنے نہیں آئے۔ اب حال یہ ہے کہ اووَرشاہین اس وقت جرمنی کے 100 امیرترین افراد میں شامل ہیں اور کمپنی کے بورڈ اراکین میں ان کی بیگم بھی شامل ہیں۔ گزشتہ سال بایون ٹیک کے اثاثے 4.6 ارب ڈالر تھی اور گزشتہ ہفتے اس کے حصص 21 ارب ڈالر تک پہنچ چکے تھے۔ یہ جوڑا کینسر کے ابھرتے ہوئے علاج یعنی امیونوتھراپی میں نمایاں مقام رکھتا ہے۔

سال 2008ء میں اس کمپنی کی بنیاد رکھی گئی تھی اور اب تک بہت ترقی کرچکی ہے لیکن اس کے باوجود اووَر انتہائی منکسر المزاج اور سادہ ہیں۔ وہ اہم کاروباری میٹنگ میں سادہ سی جینز پہن کر آتے ہیں اور سائیکل ہیلمٹ پہن کر پشت پر بیگ لٹکائے سائیکل چلاتے نظر آتے ہیں۔ اوور شاہین ڈاکٹر بننا چاہتے تھے اور وہ جرمنی کے شہر کولون کے ایک ہسپتال میں ڈاکٹر بن گئے جہاں ان کی ملاقات اوزلم سے ہوئی۔ یہ دونوں سائنسی تحقیق کے جنونی بھی ہیں اور اپنی شادی کے روز بھی جرمنی کے شہر ہومبرگ کی ایک تجربہ گاہ میں سائنسی تفتیش میں مصروف تھے۔

یہی وجہ ہے کہ انہوں نے خود جسم کے امنیاتی دفاعی نظام کو سرطان سے لڑنے پر نمایاں تحقیق کی ہے اور یوں کینسر امیونو تھراپی کی راہیں ہموار ہوئی ہیں۔ سال 2001ء میں انہوں نے گینی میڈ کے نام سے ادارے کی بنیاد رکھی جہاں کینسر سے لڑنے والی اینٹی باڈیز پر کام آگے بڑھا اور یہی تجربہ کورونا ویکسین سازی میں بھی کام آیا تاہم 2016ء میں یہ کمپنی جاپان کو تقریباً 1.4 ارب ڈالر میں فروخت کردی گئی۔ پھر دونوں نے ایک اور کمپنی بایون ٹیک کی بنیاد رکھی۔ اس مرتبہ شاہین اور اوزلم نے ایم آر این اے ( یعنی پیغام رساں ڈی این اے مالیکیول) کو سرطان سے لڑنے کے لیے استعمال کیا۔ جنوری 2020ء میں چین کے شہر ووہان میں کورونا وبا پھوٹنے کے بعد اوور شاہین نے  ایم آر این اے سے ویکسین بنانے پر کام شروع کردیا۔

’لائٹ اسپیڈ‘ نامی پروجیکٹ کے تحت بایون ٹیک نے 500 ماہرین کے اسٹاف کو تحقیق پر لگا دیا تاکہ کووڈ 19 کے خلاف مؤثر مرکبات (کمپاؤنڈز) بھی تلاش کیے جاسکیں۔ اب اس تمام کاوش کا پھل اس ویکسین کی صورت میں دنیا کے سامنے ہے۔

کورونا ویکسین، امریکا کے بعد روس کا بھی بڑا دعویٰ

واشنگٹن۔10نومبر2020:: امریکی صدر کی جانب سے کورونا ویکسین کی تیاری سے متعلق دعوے کے بعد روس نے بھی اپنی تیار کر دہ ویکسین کے حوالے سے بڑا دعویٰ کر دیا۔ روس نے بھی اپنی بنائی گئی کورونا ویکسین کے 90 فیصدسے زیادہ مؤثر ہونےکا دعویٰ کرتے ہوئے کہا کہ کورونا ویکسین اسپوتنک فائیو 90 فیصد سےزیادہ مؤثرہے۔ یہ بیان امریکی صدر کے اعلان کے کچھ دیر بعد ہی سامنے آیا ہے۔ روسی وزارت صحت کا کہنا ہے کہ ملکی سطح پر تیاری کی گئی ویکسین کے نتائج 90 فیصد سے زیادہ مثبت آئے ہیں۔

وزارت صحت کے ماتحت ایک تحقیقی انسٹی ٹیوٹ کی ڈائریکٹر اوکسانہ ڈراپکینا نے بیان میں کہا ہے کہ ہم شہریوں میں ‘اسپوتنک وی’ ویکسین کے مؤثر ہونے کی نگرانی کے ذمہ دار ہیں جنھیں یہ بڑے پیمانے پر ویکسینیشن پروگرام کے حصے کے طور پر دی گئی ہے۔ انہوں نے کہا کہ ایک اور مؤ ثر ویکسین آئی ہے جو ہر ایک کے لئے خوشخبری ہے لیکن ہمارے مشاہدات کی بنیاد پر’اسپوتنک وی’ کے نتائج بھی 90 فیصدے سے زیادہ ہیں۔

دنیا کے لیے بڑی خبر، ڈونلڈٹرمپ کا اہم اعلان

ڈونلڈٹرمپ نے ٹوئٹ میں لکھا کہ کوروناسےبچاؤکی ویکسین کی کامیابی دنیاکیلئےبڑی خبرہے، کوروناسےبچاؤکی نئی آنےوالی ویکسین کے 90 فیصد مثبت نتائج آئے۔ ساتھ ہی صدر ٹرمپ نے لکھا کہ اسٹاک مارکیٹ میں آج بہت تیزی آئی ہے۔ امریکی فارما کمپنی فائزر نے دعویٰ کیا ہے کہ اس نے کورونا ویکسین کے فیزتھری کا کامیاب تجربہ کیا ہے جس کے90فیصد مؤثر نتائج سامنے آئے ہیں۔ اس حوالے سے سی ای او امریکی فارما کمپنی فائزر البرٹ برلا کا کہنا ہے کہ آج انسانی تاریخ اور سائنس کیلئے بہت بڑا دن ہے۔فارما کمپنی فائزر کے کورونا ویکسین کے فیزتھری میں90فیصد مؤثر نتائج آئے ہیں، فائزر جرمنی کی کمپنی بائیواینٹیک کےساتھ مل کر کورونا ویکسین کی تیاری میں مصروف عمل ہے۔

واضح رہے کہ گزشتہ ماہ امریکا کی دواساز کمپنی فائزر کے سی ای اوالبرٹ برلا نے کہا تھا کہ اکتوبر کے آخر تک پتہ چل جائے گا کہ ویکسین مؤثر ہے یا نہیں اور اگر یہ مؤثر ثابت ہوتی ہے تو دسمبر تک یہ امریکہ میں تقسیم ہوسکتی ہے۔البرٹ بورلا کا کہنا تھا کہ ویکسین کا محفوظ اور مؤثر ہونا ضروری ہے، اور اس کی تیاری مستقل بنیادوں پر اعلیٰ ترین معیارات کے۔تحت ہونی چاہیے، ہم رواں ماہ کے آخر تک جان سکیں گے کہ آیا یہ ویکسین مؤثر ہے یا نہیں۔

 امریکی کورونا ویکسین کے مثبت نتائج آنا شروع

نیویارک-9نومبر2020:: امریکی فارما کمپنی فائزر نے دعویٰ کیا ہے کہ اس نے کورونا ویکسین کے فیزتھری کا کامیاب تجربہ کیا ہے جس کے90فیصد مؤثر نتائج سامنے آئے ہیں۔ اس حوالے سے سی ای او امریکی فارما کمپنی فائزر البرٹ برلا کا کہنا ہے کہ آج انسانی تاریخ اور سائنس کیلئے بہت بڑا دن ہے-غیر ملکی خبر رساں ادارے کے مطابق فارما کمپنی فائزر کے کورونا ویکسین کے فیزتھری میں90فیصد مؤثر نتائج آئے ہیں، فائزر جرمنی کی کمپنی بائیواینٹیک کےساتھ مل کر کورونا ویکسین کی تیاری میں مصروف عمل ہے۔

واضح رہے کہ گزشتہ ماہ امریکہ کی دواساز کمپنی فائزر کے سی ای اوالبرٹ برلا نے کہا تھا کہ اکتوبر کے آخر تک پتہ چل جائے گا کہ ویکسین مؤثر ہے یا نہیں اور اگر یہ مؤثر ثابت ہوتی ہے تو دسمبر تک یہ امریکہ میں تقسیم ہوسکتی ہے۔ البرٹ بورلا کا کہنا تھا کہ ویکسین کا محفوظ اور مؤثر ہونا ضروری ہے، اور اس کی تیاری مستقل بنیادوں پر اعلیٰ ترین معیارات کے۔تحت ہونی چاہیے، ہم رواں ماہ کے آخر تک جان سکیں گے کہ آیا یہ ویکسین مؤثر ہے یا نہیں۔

یاد رہے کہ امریکی ادارے ایف ڈی اے نے کہا تھا کہ بچوں میں ویکسینز کا ٹیسٹ دوا سازوں کے لیے بہت اہم مرحلہ ہوگا، چند۔ڈاکٹرز ان پر اپنے خدشات کا بھی اظہار کر چکے ہیں کہ کرونا ویکسین کے ٹیسٹ کے دوران کچھ بچوں میں خطرناک اور کمیاب۔بیماری ملٹی سسٹم انفلامیٹری سنڈروم پیدا ہوسکتی ہے۔ واضح رہے کہ جے اینڈ جے نے ستمبر کے آخر میں تیسرے مرحلے کے دوران 60 ہزار رضاکاروں پر کرونا ویکسین کا تجربہ شروع کر دیا تھا تاہم اسے رواں ماہ کے شروع میں روک دیا گیا کیوں کہ ایک رضاکار کی حالت بگڑ گئی تھی، تاہم پچھلے ہفتے اس تجربے کو پھر سے بحال کر دیا گیا ہے۔

ملک میں 24 گھنٹوں کے دوران کرونا وائرس کے 30 مریض جاں بحق

اسلام آباد۔7 نومبر2020:: ملک میں گزشتہ 24 گھنٹوں کے دوران کرونا وائرس انفیکشن کی وجہ سے مزید 30 افراد جاں بحق ہو گئے۔ نیشنل کمانڈ اینڈ آپریشن سینٹر کے مطابق ملک میں 24 گھنٹوں کے دوران مزید 1 ہزار 376 کرونا کیسز رپورٹ ہوئے، جس سے ملک میں کرونا کے مصدقہ کیسز کی تعداد 3 لاکھ 40 ہزار 251 ہو گئی ہے۔

ملک میں 24 گھنٹوں کے دوران کرونا وائرس سے مزید تیس افراد کے انتقال کے بعد پاکستان میں کرونا سے انتقال کرنے والوں کی تعداد 6 ہزار 923 ہو گئی ہے، جب کہ 830 مریضوں کی حالت تشویش ناک ہے۔ این سی او سی کا کہنا ہے کہ اس وقت پاکستان میں کرونا کے 16 ہزار 242 مریض زیر علاج ہیں، گزشتہ 24 گھنٹوں کے دوران 421 کرونا مریض صحت یاب ہوئے جس کے بعد ملک میں کرونا سے صحت یاب افراد کی تعداد 3 لاکھ 17 ہزار 86 ہوگئی۔

کرونا کی تشخیص کے لیے ملک میں 24 گھنٹوں کے دوران 35 ہزار 745 ٹیسٹ کیےگئے، مجموعی طور پر اب تک پاکستان میں 46 لاکھ 9 ہزار 513 کرونا ٹیسٹ کیے جا چکے ہیں۔ خیال رہے کہ نہایت مہلک اور نئے کرونا وائرس کو وِڈ 19 کی پہلی لہر کو پاکستان میں بہترین حکمت عملی سے قابو کیا گیا تھا، اب دوسری لہر شروع ہو چکی ہے، جسے قابو کرنے کے لیے مختلف اقدامات کیے جا رہے ہیں۔

کروناوائرس مریض کے جسم میں کیا تباہی مچاتا ہے؟ طبی تحقیق

لندن۔6 نومبر2020:: برطانیہ میں ہونے والی نئی طبی تحقیق میں بھی یہ نتائج سامنے آئے کہ کروناوائرس مریض کے پھیپھڑوں پر بری طرح اثر انداز ہوتا ہے جبکہ وبا کی چند منفرد خصوصیات بھی دریافت ہوئی ہیں۔ غیرملکی خبررساں ادارے کی رپورٹ کے مطابق برطانیہ کے کنگز کالج لندن، ٹرائیسیٹ یونیورسٹی اور انٹرنیشنل سینٹر فار جینیٹک انجنیئرنگ اینڈ بائیولوجی کی مشترکہ تحقیق میں دریافت کیا گیا کہ کرونا وائرس مریض کے جس میں پھیپھڑوں کے نظام کو بری طرح نقصان پہنچاتا ہے۔

یہ تحقیق طبی جریدے دی لانسیٹ ای بائیومیڈیسین میں شایع ہوچکی ہے۔ ریسرچ کے لیے ماہرین نے فروری اور اپریل کے دوران کرونا سے ہلاک ہونے والے 41 مریضوں کا جائزہ لیا، محققین نے ان کے پھیپھڑے، دل، جگر اور گردوں کے نمونے حاصل کیے تاکہ وائرس کے رویے کا تجزیہ کیا جاسکے۔ مشاہدے سے ثابت ہوا کہ بیشتر کیسز میں کرونا نے پھیپھڑوں کو شدید نقصان پہنچایا اور ان کے افعال میں رکاوٹ پیدا کی، ماہرین نے یہ بھی دیکھا کہ نظام تنفس کے ٹیشوز فائبروٹک مٹیریل میں تبدیل ہوگئے۔

تحقیق کے دوران 90 فیصد مریضوں میں کرونا کی دو نئی خصوصیات بھی دریافت ہوئیں۔ ایک، پھیپھڑوں کی شریانوں اور رگوں میں بلڈ کلاٹنگ بہت زیادہ دیکھی گئی جبکہ دوسری بڑے سنگل خلیات میں مختلف خلیات کا مل جانا ہے۔ ماہرین کا کہنا ہے کہ خلیات کا مل جانا وائرل اسپائیک پروٹین کی وجہ سے ہوتا ہے، کرونا مذکورہ پروٹین کو خلیے میں داخل ہونے کے لیے استعمال کرتا ہے، اسپائیک پروٹین کرونا متاثرہ خلیات کی سطح پر رہ دیگر خلیات کو ایک جگہ اکٹھا کرنے کا عمل متحرک کرتا ہے، جس سے ورم اور بلڈکلاٹس کا سامنا ہوتا ہے۔

طبی تحقیق میں یہ بھی انکشاف کیا گیا کہ نظام تنفس اور خون کی شریانوں میں موجود خلیات میں وائرل جینوم کی طویل عرصے تک موجودگی پھیپھڑوں کی ساخت میں نمایاں تبدیلیوں کا باعث بنتی ہے، اور یہ تبدیلی کئی ہفتوں یا مہینے تک جاری رہتی ہے، اسے لانگ کووڈ کی ایک وجہ بھی قرار دی گئی۔

اخروٹ صحت کے لیے انتہائی مفید قرار

اسلام آباد۔ 2نومبر2020:: تفصیلات کے مطابق طبی ماہرین کا کہنا ہے کہ اخروٹ میں موجود پروٹینز، وٹامنز، منرلز ناصرف جسم میں کولیسٹرول کو کم کرتے ہیں بلکہ بلڈ پریشر اور امراض قلب سے بچاؤ میں موثر ثابت ہوتے ہیں۔ طبی ماہرین کے مطابق اخروٹ کے استعمال سے دماغی صحت بہتر رہتی ہے، دل کے امراض سے بچاتا ہے اور ذیابیطس کا خطرہ ٹال دیتا ہے، بال، جلد اور ناخن کے لیے بے حد مفید ہے۔ دن میں پانچ اخروٹ کھانے سے جسم کو غذائیت اور وٹامنز ملنا شروع ہوجائیں گے اور ان وٹامنز کے ذریعے آپ خود کو تروتازہ محسوس کریں گے۔

اخروٹ کے ذریعے ذہنی دباؤ سے چھٹکارا پایا جاسکتا ہے چونکہ اس میں اینٹی اوکسیڈنٹ موجود ہوتے ہیں جو کہ آپ کے جسم میں موجود مختلف بیماریوں کے خلاف لڑتے ہیں جیسے دل کے امراض وغیرہ۔ علاوہ ازیں اس میں موجود اومیگا تھری فیٹی ایسیڈ کے ذریعے ذہنی دباؤ سے نجات ملتی ہے۔ اومیگا تھری فیٹی ایسڈ اور وٹامن ای سے بھرپور اخروٹ بالوں میں نمی برقرار رکھنے میں مددگار ثابت ہوتے ہیں، اس کے علاوہ ان میں کاپر کی مقدار بھی کافی ہوتی ہے جو جلد اور بالوں کے قدرتی رنگ کو برقرار رکھنے میں مدد دیتے ہیں جبکہ اس منرل کی کمی آپ کے بالوں کو قبل از وقت سفید کرسکتی ہے۔

طبی ماہرین کا کہنا ہے کہ اخروٹ کا استعمال اعتدال سے کیا جائے تو ہی فائدہ مند ہے، ان کا استعمال مختلف پکوانوں میں بھی کیا جاتا ہے، اخروٹ سے بنے پکوان بہت ہی مزیدار ہوتے ہیں، اخروٹ سے بنےکیک ،بریڈ،پڈنگ، بسکٹس،حلوہ،سیلڈز وغیرہ بہت پسند کیے جاتے ہیں۔

تنہائی اور سماجی علیحدگی سے خواتین میں ہائی بلڈ پریشر کا خطرہ زیادہ ہوتا ہے، تحقیق

برٹش کولمبیا۔31اکتوبر2020:: کینیڈا میں 28 ہزار سے زائد بالغ افراد پر کیے گئے ایک مطالعے میں انکشاف ہوا ہے کہ اکیلے پن اور سماجی علیحدگی کے احساس سے ہائی بلڈ پریشر میں مبتلا ہونے کا خطرہ، مردوں کی نسبت خواتین میں کہیں زیادہ ہوتا ہے۔ واضح رہے کہ بلند فشارِ خون یعنی ہائی بلڈ پریشر میں رگوں کے اندر خون کا دباؤ معمول سے بہت بڑھ جاتا ہے جو آگے چل کر فالج اور ہارٹ اٹیک سمیت کئی طرح کے امراضِ قلب اور اچانک موت کی وجہ بھی بن سکتا ہے۔ یونیورسٹی آف برٹش کولمبیا میں زینب حسینی کی قیادت میں کی گئی اس تحقیق میں عوامی صحت سے متعلق ایک وسیع طبّی سروے کے دوران جمع کیے گئے اعداد و شمار کا تجزیہ کیا گیا۔

مطالعے میں 45 سے 85 سال کے 28,238 افراد کا ڈیٹا کھنگالا گیا جن میں مردوں اور عورتوں کی تعداد مساوی تھی۔ ڈیٹا کے تجزیئے سے معلوم ہوا کہ غیر شادی شدہ، طلاق یافتہ یا کسی بھی دوسری صورت میں اکیلی رہنے والی ایسی خواتین جن کے سماجی رابطے 85 سے کم تھے، اور جو مہینے میں دو یا دو سے کم مرتبہ تقریبات یا میل ملاقات میں شریک ہوتی تھیں، ان میں ہائی بلڈ پریشر کا خطرہ ایسی خواتین سے زیادہ تھا جو زیادہ میل ملاپ رکھنے والی، شادی شدہ اور مختلف تقریبات میں زیادہ شریک رہنے والی تھیں۔ سماجی علیحدگی اور اکیلے پن کے ساتھ ساتھ ہائی بلڈ پریشر کا خطرہ بھی واضح طور پر بڑھتا دیکھا گیا۔ خواتین میں سماجی علیحدگی کے باعث موت کا امکان تقریباً سگریٹ نوشی جتنا ہی جان لیوا تھا۔

مردوں کا معاملہ اس کے برعکس رہا: شادی شدہ اور زیادہ سماجی رابطے رکھنے والے مردوں میں تنہائی پسند مردوں کے مقابلے میں ہائی بلڈ پریشر کا امکان زیادہ تھا۔ قبل ازیں ایک اور مطالعے میں یہ معلوم ہوا تھا کہ اکیلی اور کم سماجی رابطے رکھنے والی خواتین میں موٹاپے کا امکان، سماجی طور پر سرگرم عورتوں کے مقابلے میں زیادہ ہوتا ہے۔ تازہ تحقیق بھی اسی سلسلے کی اگلی کڑی ہے جو ریسرچ جرنل ’’ہائپرٹینشن‘‘ کے تازہ شمارے میں آن لائن شائع ہوئی ہے۔

جان بچانے والی 94 ادویات کی اضافہ شدہ قیمتیں جاری

اسلام آباد27اکتوبر2020:: ڈرگ ریگولیٹری اتھارٹی (ڈریپ) نے کابینہ کی منظوری کے بعد جان بچانے والی 94 ادویات کی اضافہ شدہ نئی قیمتوں کا نوٹی فکیشن جاری کردیا۔ 22 ستمبر کو وفاقی کابینہ نے جان بچانے والی ادویات کی قیمتوں میں اضافے کی منظوری دی تھی جس پر آج ڈریپ نے نئی قیمتوں کا نوٹی فکیشن جاری کردیا۔ نوٹی فکیشن کے مطابق جن ادویات کی قیمتوں میں اضافہ کیا گیا ہے ان میں ہائی بلڈ پریشر، کینسر، امراض قلب کی ادویات و اینٹی ریبیز ویکسین شامل ہیں۔ ایم آر پی کے حصول کے لیے دو شرائط ہوں گی۔ ان ادویات کی اضافہ شدہ قیمت 31 جون 2021ء تک منجمد رہیں گے۔ ڈرگ لیبلنگ و پیکنگ رولز 1986ء کے تحت پیکٹ کے لیبل پر ایم آر پی پرنٹ کرے گا۔

نوٹی فکیشن کے مطابق ریبیز ویکسین کی قیمت 1641 روپے، برنال کریم 30 گرام کی قیمت 35 روپے، ایپی وال 500 ملی گرام کی 100 گولیوں کی قیمت 1075 روہے، بروفین سسپنشن کی قیمت 75 روپے، ایرینیک ٹیبلٹ کی 100 گولیوں کی قیمت 382 روپے، ایرینک فورٹ ٹیبلٹ کی 100 گولیوں کی قیمت 740 روپے، ریواٹرل ٹیبلٹ 2 ملی گرام کی قیمت 282 روپے، نیوروبن ٹیبلٹ کی 100 گولیوں کی قیمت 977 روہے، گلوکو فیچ 750 ملی گرام کی 30 گولیوں کی قیمت 267 روپے، ویرلرکس ویکسین کی قیمت 2904 مقرر کردی ہے۔

دوسری جانب وزارت صحت کے ذرائع کا کہنا ہے کہ ادویات کی قیمتوں میں اضافہ ان ادویات کی قلت کی بناء پر کیا گیا۔ ذرائع وزارت صحت کے مطابق ڈرگ پالیسی 2018ء میں ان ادویات کی قیمتوں میں اضافے کی سفارش کی گئی تھی کیونکہ ان ادویات کی قیمتوں میں کئی سال سے اضافہ نہیں کیا گیا۔ قیمتوں میں اضافہ نہ ہونے سے ان ادویات کی مارکیٹ میں قلت پیدا ہوئی تھی۔ ادویات کی قلت کے باعث یہ ادویات بلیک میں مہنگے داموں فروخت ہورہی تھیں۔ بلیک مارکیٹنگ اور قلت کو روکنے کے لیے ان کی قیمتوں میں اضافے کی سفارش کی گئی تھی۔ وزارت صحت کے ذرائع کا یہ بھی کہنا ہے کہ وفاقی کابینہ نے ان ادویات کی قیمتیں مناسب اضافہ کی اجازت دی تھی جس پر اب ان ادویات کی قیمتوں میں مناسب اضافہ کیا گیا ہے۔

روسی کورونا ویکسین کے اثرات : ماہر صحت کا بڑا انکشاف

26ماسکو26اکتوبر2020:: روس کے طبی ماہرین نے اس بات کی تردید کی ہے کہ کورونا ویکسین سپوتنک وی کے کسی قسم کے مضر اثرات ہیں ان کا کہنا ہے کہ بیماری اور انفیکشن الگ الگ ہیں۔ کورونا وائرس کی خلاف مدافعت پیدا کرنے والی روسی ماہرین کی تیار کردہ ویکسین کے ابتدائی نتائج انتہائی حوصلہ افزا بتائے گئے ہیں، ویکسین کے ابتدائی نتائج نہ صرف محفوظ ہیں بلکہ وہ وائرس کے خلاف جسم کے مدافعتی نظام کو مضبوط بھی بنارہی ہے۔ اس حوالے سے گامالیہ ریسرچ انسٹی ٹیوٹ اینڈ مائیکرو بیالوجی کے سربراہ پروفیسر گنسبرگ نے میڈیا کی رپورٹس کی سختی سے تردید کردی ہے۔

ایک سوال کے جواب میں پروفیسر گنسبرگ کا کہنا تھا کہ بیمار پڑنا اور انفیکشن ہونا دو الگ الگ چیزیں ہیں، واضح رہے کہ ٹیلی وژن چینلز میں یہ دعوے کیے جارہے تھے کہ کورونا وائرس کے مریض ویکسین لینے کے باوجود لوگوں سے رابطوں کے بعد دوبارہ انفیکشن میں مبتلا ہوگئے ہیں۔ یاد رہے کہ گامالیہ ریسرچ انسٹی ٹیوٹ اینڈ مائیکرو بیالوجی کی جانب سے تیار کردہ اس سپونتک وی نامی ویکسین کو گزشتہ ماہ اگست میں وزارت صحت نے رجسٹرڈ کیا تھا، جس کے بعد یہ دنیا میں کوویڈ19 کی پہلی رجسٹرڈ ویکسین بن گئی ہے۔

روسی صدر ولادیمیر پوٹن نے ماہ اگست میں کورونا وائرس کی نئی قسم کے خلاف مدافعت پیدا کرنے والی ویکسین کی دریافت کا اعلان کیا تھا۔ یہ مدافعتی ویکسین روسی ماہرینِ حیاتیات و متعدی امراض کی زیرِ نگرنی تیار کی گئی ہے، اب اس ویکسین کے مزید نتائج حاصل کرنے کے لیے اسے مختلف مگر محدود انسانی گروپوں پر باضابطہ اسے استعمال کیا جا رہا ہے۔

کرونا کو فراڈ سمجھنے والا انفلوئنسر خود وبا کا شکار

کیف24اکتوبر2020:: دنیا میں کووڈ وبا کی موجودگی پر شک کا اظہار کرنے والے یوکرین کے فٹنس انفلوئنسر دمتری اسٹوز ہک کرونا کے باعث چل بسے۔ غیر ملکی خبر رساں ایجنسی کے مطابق تین روز قبل یوکرین سے تعلق رکھنے والے اسٹوزہک نے فوٹو شیئرنگ ویب سائٹ انسٹا گرام پر ایک پوسٹ شیئر کی تھی، جس میں انہوں نے اپنے فالوورز کو کرونا میں مبتلا ہونے کے بعد اپنی صحت کے بارے میں آگاہ کیا تھا. اسپتال کے بستر سے اپنی تصاویر شیئر کرتے ہوئے اسٹوزہک کا کہنا تھا کہ ترکی کے حالیہ سفر کے دوران ایک رات وہ سانس لینے میں دشواری کے باعث بیدار ہوئے، اگلے دن وہ کھانسی میں مبتلا ہوگئے، یوکرین واپسی پر کا کرونا وائرس کا ٹیسٹ ہوا جو مثبت آیا۔

انہوں نے اپنے انسٹا گرام پوسٹ میں کہا تھا کہ میں ان لوگوں میں سے ایک تھا جنہوں نے سوچا تھا کہ دنیا میں کرونا کا سرے سے وجود ہی نہیں ہے، اب میں خود اس کا شکار ہوا ہوں۔ اسٹوزہک نے پوسٹ کے آخر میں مزید کہا کہ ان کی حالت مستحکم ہے، ایک روز بعد اسٹوزہک کی سابقہ اہلیہ صوفیہ اسٹوزہک نے انسٹاگرام پر ان کی موت کا اعلان کیا۔ فٹنس انفلوئنسر اسٹوزہک کے انسٹا گرام پر 11 لاکھ کے قریب فالوورز ہیں جبکہ ان کی سابقہ اہلیہ صوفیہ خود بھی ایک انفلوئنسر ہیں۔

’انفلوئنسر وہ ہے جو اپنے اثرورسوخ سے پیسے کما سکتا ہے اور ان کی ایک اسپیشل پروٹیکشن یونٹ ہوتی ہے، چاہے وہ بیوٹی ہو، فیشن، کھانا پکانا، اعصابی صحت، کوئی شیف ہو، وہ اس کا استعمال کر کے اسے ایک کاروبار بنا سکتے ہیں۔

کرونا کی دوا آ گئی؟ امریکی میڈیا کا بڑا دعویٰ

واشنگٹن,24اکتوبر2020: امریکی صدارتی الیکشن کے قریب کرونا وائرس کی دوا بھی سامنے آ گئی۔ تفصیلات کے مطابق امریکی میڈیا نے دعویٰ کر دیا ہے کہ امریکا میں کرونا وائرس کی دوااینٹی وائرل دوا ریمڈیسیور (Remdesivir) آ گئی ہے، آئندہ چند روز میں دوا کرونا مریضوں پر استعمال کی جائے گی۔ امریکی میڈیا کا کہنا ہے کہ فیڈرل ڈرگ اتھارٹی نے کرونا کی پہلی دوا کی مکمل منظوری دے دی ہے، ایف ڈی اے نے اینٹی وائرل دوا ریمڈیسیور (Remdesivir) کی اسپتالوں کو سپلائی کی منظوری بھی دے دی ہے، اس سے قبل اس دوا کی ہنگامی بنیادوں پر استعمال کی منظوری دی جا چکی ہے۔

امریکی میڈیا کے مطابق ڈونلڈ ٹرمپ بھی ریمڈیسیور دوا سے صحت یاب ہوئے تھے، یہ دوا کرونا وائرس کا پہلا منظور شدہ علاج ہوگا، رواں سال اس دوا کی فروخت کا تخمینہ 2.17 ارب ڈالر لگایا گیا ہے۔ ادھر ریمڈیسیور بنانے والے کمپنی کے اسٹاک شیئرز میں 4.1 فی صد اضافہ ہو گیا ہے، امریکا میں اسپتالوں کو یہ دوا 3120 ڈالرز کی فروخت کی جائے گی۔ دعویٰ کیا جا رہا ہے کہ ریمڈیسیور سے مریض 5 روز میں صحت یاب ہو جاتا ہے۔

سٹیٹ بینک سکیم کے تحت ہسپتالوں اورطبی مراکزکو 7 ارب 84 کروڑروپے کے قرضوں کی فراہمی

اسلام آباد۔22اکتوبر2020 (اے پی پی): کورونا وائرس سے نمٹنے اورقرنطینہ سہولیات میں اضافہ کیلئے ہسپتالوں اورطبی مراکزکو قرضہ جات کی فراہمی کی سکیم کے تحت اب تک مختلف اسپتالوں اورطبی مراکزکو7 ارب 84 کروڑ 25 لاکھ40 ہزارروپے کے قرضہ جات فراہم کئے گئے۔ سٹیٹ بینک کی جانب سے جاری کردہ تفصیلات کے مطابق سکیم کے تحت15 اکتوبر 2020 تک 48 اسپتالوں اورطبی مراکز نے 11 ارب 77 کروڑ 54ہزار روپے کے قرضہ جات کیلئے درخواستیں دیں جن میں سے 40اسپتالوں اورطبی مراکز کی درخواستیں منظورکی گئی اورانہیں7 ارب 84 کروڑ 25 لاکھ40 ہزارروپے کے قرضہ جات فراہم کئے گئے۔ سٹیٹ بینک نے کورونا وائرس سے نمٹنے کیلئے ری فنانس اسکیم کے تحت اسپتالوں اور طبی مراکز کے لیے قرضے کی حد 50 کروڑ روپے مقررکی ہے۔ سٹیٹ بینک بینکوں کو یہ اسکیم بلاسود فراہم کر رہا ہے جبکہ دیگر بینک اسپتالوں یا طبی مراکز کو 3 فیصد سالانہ کی شرح سے قرضے فراہم کررہے ہیں

اب آنتوں کی پیچیدہ کولونواسکوپی روبوٹ انجام دیں گے

لندن16اکتوبر: آنتوں کے اندر کا احوال دیکھنے کے لیے اینڈواسکوپی اور کولونواسکوپی سے مدد لی جاتی ہے۔ لیکن یہ عمل بہت وقت، طلب، تکلیف دہ اور پیچیدہ ہوتا ہے۔ اب اس کام کے لیے ایک جدید ترین روبوٹ بنایا گیا ہے۔ برطانیہ کی یونیورسٹی آف لیڈز کے پیٹرو ویلداسٹری اور ان کے ساتھیوں نے ایک روبوٹ بازو بنایا ہے جو مشین لرننگ الگورتھم کے ذریعے ایک لچکدار نظام آنتوں کے اندر بھیجتا ہے اس دوران کیمرہ اندر کے مناظر دکھاتا رہتا ہے۔ فی الحال اس کی آزمائش خنزیروں اور انسان سے مشابہہ مصنوعی آنت سے کی گئی ہے۔

اس کے تفتییشی سرے پر مقناطیسی آلہ لگایا گیا ہے اور کنارے پر جدید کیمرہ بھی نصب ہے جبکہ روبوٹ کو جسم کے باہر ایک مقناطیس سے آگے بڑھایا جاتا ہے۔ یہ روبوٹ ازخود کام کرتا ہے اور اسے ایک ماہر ڈاکٹر بھی جوائے اسٹک سے چلاسکتا ہے۔ پیٹرو کے مطابق یہ عمل آسان ہے اور عین ویڈیو گیم کھیلنے جیسا ہے۔ اس کا سافٹ ویئر پیٹ کے اندر اینڈواسکوپ کی تھری ڈی محلِ وقوع اور حرکت کو یاد رکھتا ہے۔ اس وقت دنیا بھر میں جو اینڈواسکوپ استعمال ہورہی ہیں انہیں چلانا اور اس سے کام لینا بہت مشکل ہوتا ہے۔ یہی وجہ ہے کہ اس کے لیے انتہائی خاص ماہرین درکار ہوتے ہیں۔ پیٹرو کہتے ہیں کہ گیسٹرو کے ماہرین اکثر دائیں، بائیں اور اوپر نیچے کے احساس کھودیتے ہیں۔

تمام جدید طبی آلات کی طرح اس کا دل و دماغ بھی مصنوعی ذہانت (اے آئی) ہے جو آنتوں کے اندر کی تصاویر اور ویڈیو بناتا رہتا ہے۔ ہماری آنتیں اندر سے ٹیوب کی طرح لگتی ہیں۔ اس عمل میں الگورتھم ٹیوب کے درمیان میں سیاہ دائرے کو دیکھتا ہے جو ظاہر ہے اس آنت کی نالی کا راستہ ہے اور اس طرح وہ روبوٹک اینڈواسکوپ کو آگے بڑھنے کا حکم دیتا ہے۔ اس پورے نظام کو دو خنزیروں اور ایک مصنوعی آنت پر آزمایا گیا ہے جو ہو بہو انسانی آنت کی طرح ہے۔ سائنسدانوں کے مطابق مقناطیسی سے آگے بڑھنے والی اینڈواسکوپ کم تکیف دہے اور کسی مریض پر بغیر بے ہوشی کے آزمائی جاسکتی ہے۔

ناشتے میں انڈے کے استعمال کے فوائد

(October 11, 2020)

سُپر فوڈ میں شمار کیے جانے والے انڈے کو ایک مکمل غذا قرار دیا جاتا ہے جس کے استعمال کے صحت پر بے شمار فوائد مرتب ہوتے ہیں۔ غذائی ماہرین کے مطابق انڈے میں  پروٹین، آئرن، امینو ایسڈز اور اینٹی آکسیڈنٹس بھرپور مقدار میں پائے جاتے ہیں، ماہرین کے جانب سے انڈے کو روزانہ کی بنیاد پر اپنی غذا میں شامل کرنا تجویز کیا جاتا ہے۔ امریکی یونیورسٹی کنیٹیکٹ کے پروفیسر کرسٹوفر بلیسو کے مطابق روزانہ کی بنیاد پر دو انڈوں کا اپنی غزا میں استعمال کرنے سے 12 گرام پروٹین سمیت وٹامن اے، ڈی، بی، آئیوڈین اور دیگر اجزا بھی حاصل ہوتے ہیں۔

انڈہ کھانے سے وٹامنز جذب کرنے کی صلاحیت بڑھ جاتی ہے، ایک تحقیق سے حاصل ہونے والے نتائج کے مطابق سبزیوں یا سلاد کے ساتھ اگر ایک انڈہ ملا کر کھا لیا جائے تو سلاد میں موجود وٹامن ای کی مقدار بڑھ جاتی ہے اور دیگر وٹامنز اور منرلز بہتر طور پر خون میں جزب ہوتے ہیں۔ دن کی پہلی غذا یعنی ناشتے میں اگر انڈے شامل کر لیے جائیں تو اس کے صحت پر بے شمار مثبت فوائد مرتب ہوتے ہیں جن میں سے چند مندرجہ ذیل ہیں۔

بڑھاپے کے اثرات سے بچاؤ

انڈوں کے روزانہ کے استعمال سے انسان جَلد بوڑھا نہیں ہوتا، انڈہ جِلد اور آنکھوں کے گرد آنے والی جھڑیوں کو کم کرتا ہےجس کے نتیجے میں  جلد جھڑیوں سے طویل عمری تک پاک رہتی ہے۔

ہڈیوں کے لیے مفید وٹامن ڈی سے بھرپور ایک انڈے میں 20 ملی گرام فاسفورس اور 45 ملی گرام کیلشیئم پایا جاتا ہے، جو ہڈیوں اور دانتوں کو مضبوط رکھتا ہے۔ دوسری جانب وٹامن ڈی سے بھرپور ہونے کے ناطے انڈے کیلشیئم کو جسم میں بہتر طریقے سے جذب کرنے میں مدد فراہم کرتے ہیں۔

دماغ کو تحفظ

کولین پر مبنی  ’فاسفولپِڈز‘ نامی جز دماغی خلیات کے درمیان معمول کے ابلاغ کو بہتر بناتا ہے، ایک طبی تحقیق کے مطابق کولین کا حصول دماغی صحت کے لیے بہت ضروری ہے، اگر روزانہ کی بنیاد پر ناشتے میں دو انڈے کھا لیے جائیں تو انسانی جسم کو یہ جز مناسب مقدار میں حاصل ہو جاتا ہے۔ دماغ کے لیے ضروری جز کولین کینسر کا خطرہ بھی کم کرتا ہے، خصوصاً خواتین کو چھوٹی عمر سے ہی سے انڈوں کا روزانہ استعمال تجویز کیا جاتا ہے، انڈوں کے استعمال سے خواتین میں بریسٹ کینسر کا خطرہ 18 فیصد تک کم ہوجاتا ہے۔

بینائی کی بہتری میں معاون

تحقیق کے مطابق انڈے لیوٹین نامی جز سے بھرپور ہوتے ہیں، یہ جز بینائی کو درست رکھنے کا ذمہ دار ہوتا ہے جبکہ اس کی کمی آنکھوں کے ٹشوز میں تباہ کن تبدیلیاں لاتی ہے اور بینائی کو ناقابل نقصان پہنچ سکتا ہے۔

جلد، بالوں اور جگر کے لیے بہترین

سپر فوڈ انڈے میں موجود بائیوٹن، وٹامن بی 12 اور دیگر پروٹینز بالوں اور جلد کی صحت اور  خوبصورتی میں کردار ادا کرتے ہیں، اسی طرح انڈے کو غذا میں شامل کر لینے سے جگر سے زہریلے مواد کے اخراج کے عمل میں تیزی آتی ہے۔

انڈے کا استعمال امراض قلب کا خطرہ کم کرتا ہے

انڈوں سے متعلق موجود غلط فہمیوں پر کی گئی تحقیق کے نتیجے میں یہ بات سامنے آئی ہے کہ انڈوں میں موجود کولیسٹرول صحت کے لیے نقصان دہ نہیں جبکہ اس میں موجود اومیگا تھری فیٹی اسیڈز ’ٹرائی گلائیسرائیڈز‘ کی سطح میں کمی لاتا ہے جس کے سبب خون کی شریانوں سے جڑے مسائل جیسے امراض قلب وغیرہ کا خطرہ کم ہوتا ہے۔

انڈے اینٹی آکسیڈنٹس سے بھرپور ہیں

انڈےمیں موجود اینٹی آکسیڈنٹس انسانی جسم میں کولیسٹرول کی سطح کو بگڑنے نہیں دیتے جس وجہ سے امراضِ قلب کا خطرہ کم ہو جاتا ہے اور انسانی صحت میں اضافہ ہوتا ہے۔

وزن میں کمی

امریکی تحقیق کے مطابق انڈوں کے ساتھ ناشتے میں کم کیلوری والی غذا کا اگر استعمال کر لیا جائے تو جسمانی وزن میں دوگنا تیزی سے کمی آتی ہے، وزن میں کمی کے خواہشمند افراد انڈوں کو اپنی ڈائیٹ کا حصہ بنا سکتے ہیں۔

انڈے پکانے کا زیادہ فائدہ مند طریقہ کونسا ہے ؟

انڈوں کو پکانے کے متعدد طریقے ہیں، یہ غذا کھانے میں جیسے آسان لگے ویسے کی استعمال کی جا سکتی ہے جیسے کہ ہارڈ بوائل، سافٹ بوائل، آملیٹ، ہاف فرائی یا فرائی ۔ انڈہ ہمیشہ مکمل کھانا چاہیے، مکمل انڈہ کھانے پر تمام فوائد حاصل ہو تے ہیں جبکہ اگر آملیٹ کی شکل میں اس میں سبزیوں کا اضافہ بھی کر لیا جائے تو اس کے فوائد مزید بڑھ جاتے ہیں۔

انسانی ذیابیطس قابو کرنے والا ’ مقناطیسی ریموٹ کنٹرول

(October 8, 2020)

آئیووا: ٹائپ ٹو ذیابیطس قابو کرنے کے لیے ضروری ہے کہ روزانہ کی بنیاد پر خون میں شکر کی مقدار کو نوٹ کیا جائے اور انسولین کے ٹیکے لگائے جائیں۔ تاہم اب اس کیفیت کو برقی مقناطیسی میدان (الیکٹرومیگنیٹک) فیلڈ یعنی ای ایم ایف سے قابو کرنے کی کوشش کی ہے۔ یونیورسٹی آف آئیووا کے سائنسدانوں نے برقناطیسی میدان سے خون میں گلوکوز کی مقدار قابو کرنے اور جسم میں انسولین کی حساسیت بڑھانے میں اہم کامیابی حاصل کی ہیں۔ اگرچہ 2014 میں بھی برقناطیسی میدان پر کام ہوتا رہا ہے۔ اس وقت یہ چوہوں پر آزمایا گیا تھا جس میں مقناطیسی لہروں کو خلوی جھلی ( میمبرین) پر ڈال کر بعض آئن چینل کھولے گئے تھے اور خاص جین کو آن کرکے چوہوں میں شوگر کم کی گئی تھی۔

تاہم یونیورسٹی کی سنی ہوانگ اور کیلوِن کارٹر نے اسے بالکل مختلف انداز میں استعمال کیا ہے۔ انہوں نے جسم کی بجائے دماغ پر ای ایم ایف کے اثرات معلوم کئے ہیں۔ سنی ہوانگ نے بتایا کہ ہم نے ٹائپ ٹو ذیابیطس کے شکار چوہوں کو پہلے دیکھا تو ان کے خون میں شکر کی مقدار بہت زیادہ تھی لیکن جیسے ان کے دماغ پر ای ایم ایف کے اثرات ڈؑالے گئے ان کے خون میں شکر کی مقدار نارمل ہوگئی۔ اس کے علاوہ انہوں نے ہر قسم کی ای ایم ایف کے انسانوں پر اثرات بھی معلوم کئے جن میں موبائل ٹاور، ٹیلی کمیونکیشن آلات اور خود ہماری زمین بھی شامل ہے۔

’تحقیقی لٹریچر بتاتا ہے کہ کوانٹم حیاتیات کے تحت ای ایم ایف بعض جسمانی سالمات سے عمل کرتے ہیں ۔ شاید ہمارے جسم میں بعض سالمات باریک اینٹینا کی طرح برتاؤ کرتے ہوئے ای ایم ایف سے متاثر ہوتے ہیں۔ بعض سالمات آکسیڈنٹس ہوتے ہیں جن پر مقناطیسی میدان اپنا اثر دکھاتا ہے۔ اس ٹیم نے ذیابیطس کی صورت میں انسانی جسم میں  سپر آکسائیڈ نامی سالمے کا مطالعہ کیا ہے۔ سائنسدانوں نے تین اقسام کے چوہوں پر تین میں کچھ گھنٹے ای ایم ایف کو آزمایا ۔ انہوں نے دیکھا کہ جگر میں سپرآکسائیڈ سالمات میں سگنلنگ کا عمل بدلنے لگا۔ اس سے جسم میں پیچیدہ تبدیلیاں ہوئیں اور چوہوں میں خون کی سطح کم ہونے لگی اور انسولین کی جاذبیت بھی بہتر ہوئی۔

کیلون کارٹر نے اس عمل کو برقناطیسی ریموٹ کنٹرول کہا ہے جو ٹائپ ٹو ذیابیطس قابو کرسکتا ہے۔ یعنی کچھ دیر کے لیے برقی مقناطیسی میدان کو دماغ پر ڈالیں تو بلڈ گلوکوز کم ہوجاتا ہے اور انسولین کا رویہ بہتر ہوجاتا ہے۔ سائنسدانوں کے مطابق چند گھنٹوں کی ای ایم ایف کے اثرات پورے دن برقرار رہتے ہیں اور یہ خوراک ذیابیطس روکنے کے لیے کسی دوا کا کام کرتی ہے۔ اب اگلے مرحلے میں اس کی انسانوں پر آزمائش کی جائے گی۔

انسانی- سینے کے ایکسرے سے ہارٹ فیل کی پیش گوئی ممکن

(October 6, 2020)

بوسٹن: پھیپھڑوں کو دیکھ کر دل کی کیفیت کی پیش گوئی نہیں کی جاسکتی تاہم اب کمپیوٹر الگورتھم اور مشین لرننگ کی بدولت پھیپھڑوں میں جمع ہونے والے مائعات سے دل کے دورے بلکہ ہارٹ فیل کی پیشگوئی کرنا بھی ممکن ہوگیا ہے۔ ماہرین متفق ہیں کہ پھیپھڑوں میں پانی جمع ہونے سے دل پر بوجھ پڑتا ہے اور ہارٹ فیل کے خطرات بڑھ جاتے ہیں۔ میسا چیوسیٹس انسٹی ٹیوٹ آف ٹیکنالوجی (ایم آئی ٹی) کے ماہرین نے ایک مشین لرننگ سافٹ ویئر بنایا ہے جو پھیپھڑوں میں مائع جمع ہونے کی شدت کو نوٹ کرکے بہت درستی کے ساتھ فیصلہ کرتا ہے کہ اس سے دل کا دورہ پڑسکتا ہے یا نہیں۔ اسی طرح معالجین کو مرض کی شدت جاننے میں مدد مل سکتی ہے اور مریضوں کی جان بچائی جاسکتی ہے۔

ایم آئی ٹی کی کمپیوٹر سائنس اینڈ آرٹیفشل انٹیلی جنس (سی ایس اے آئی ایل) نے پہلے لاتعداد ایکس رے جمع کیے اور ان کا ڈیٹا شامل کیا گیا۔ جدید کمپیوٹنگ اور الگورتھم کی مدد سے ان کا تجزیہ کیا گیا۔ اس بنا پر سافٹ ویئر وہ تفصیلات نوٹ کرسکتا ہے جو ڈاکٹروں کی آنکھ سے اوجھل رہتی ہیں۔ اسی ٹیم نے کمپیوٹنگ قوت کی بدولت سی ٹی اسکین  سے کینسر کی تشخیص، الزائیمر کی قبل ازوقت نشاندہی اور یہاں تک کہ ای سی جی کی مدد سے بھی دل کی مزید خرابیوں سے آگاہی حاصل کی ہے۔ واضح رہے کہ عام حالات میں ڈاکٹراس کا اندازہ نہیں لگاپاتے اور جان لیوا مرض خاموشی سے اندر پلتا رہتا ہے۔

ایم آئی ٹی کی ٹیم نے تین لاکھ ایکسرے کا ڈیٹا حاصل کیا اور اس پر ڈاکٹروں کی رائے کو بھی شامل کیا۔ اس طرح مشین لرننگ ہر ایکسرے اور اس سے وابستہ کیفیت کو دیکھنے اور سمجھنے لگی اور اس کا ڈیٹا بیس بڑھتا رہا۔ اس کے بعد کمپیوٹر اس قابل ہوگیا کہ اپنے ڈیٹا کی روشنی میں کسی بھی ایکسرے کا تجزیہ کرکے رائے دے سکے۔ جب اس سے ہارٹ فیل کے بارے میں پوچھا گیا تو سافٹ ویئر نے درست ترین پیشگوئی کی جو ان مریضوں کے اگلے ڈیٹا سے سامنے آچکی تھی۔ یہاں تک کہ سافٹ ویئر نے امراضِ قلب کی شدت کی درجہ بندی بھی کرکے دکھائی۔ اس اہم پیش رفت کے بعد ہم مشین لرننگ کو نائب ڈاکٹر کہہ سکتے ہیں کیونکہ وہ دن دور نہیں جب اپنے ڈیٹا اور کمپیوٹنگ کی بدولت سافٹ ویئر ڈاکٹروں کو اپنی رائے دے سکیں گے۔

ورونا وائرس کے دوران معمر افراد کی بہتر دیکھ بھال کے لیے کوششیں کی جائیں، عالمی ادارہ صحت

(October 1, 2020)

لاگوس(اے پی پی): عالمی ادارہ صحت نے زور دیا ہے کہ کورونا وائرس کی وبا کے دوران معمر افراد کی بہتر دیکھ بھال اور صحت کی سہولیات کی فراہمی میں بہتری کے لیے کوششیں کی جائیں۔ ذرائع ابلاغ کے مطابق افریقہ کے لیے عالمی ادارہ صحت کی علاقائی ڈائریکٹر متشیدیسو موئیٹی نے بزرگوں کے بین الاقوامی دن کے موقع پر اپنے وڈیو پیغام میں کہا کہ کورونا وائرس کے دوران خطے کے بزرگ افراد کو مزید محبت، صحت اور دیگر سہولیات اور ان کی ضروریات کو پورا کرنے کی ضرورت ہے۔

اور کورونا وائرس کے باعث تحریکوں، اجتماعات پر پابندی اور سماجی فاصلوں سے معمر افراد مزیدتنہائی کا شکار ہو گئے ہیں لیکن ان سے فون پر بات چیت اور مدد سے ان کی تنہا ئی کودور کیا جاسکتا ہے۔ انہوں نے کہا کہ افریقہ میں بزرگ افراد کے لیے سب سے بڑا چیلنج ان کی دیکھ بھال کے جامع طویل المدتی نظام کا کمزور ہونا، سماجی تحفظ کی سکیموں کی کمی اور پالیسی مداخل کا دائرہ کار تشکیل دینے کے لیے ناکافی ڈیٹا ہے اور 2025تک افریقہ میں معمر افراد کی تعداد67 ملین تک پہنچنے کا امکان ہے لہذا ان مسائل پر بہترین اور مناسب انداز میں قابو پانے کی ضرورت ہے۔

کورونا وائرس کی روایتی چینی دوا کی پاکستان میں طبّی آزمائشوں کا آغاز

(September 30, 2020)

کراچی: جامعہ کراچی کے ڈاکٹر پنجوانی مرکز برائے سالماتی طب و ادویاتی تحقیق (پی سی ایم ڈی) میں انڈس ہاسپٹل کے تعاون سے ناول کورونا وائرس کے خلاف مؤثر چینی دوا کی طبّی آزمائشوں (کلینیکل ٹرائلز) کا آغاز ہوگیا ہے۔ یہ بات بین الاقوامی مرکز برائے کیمیائی و حیاتیاتی علوم (آئی سی سی بی ایس) کے سربراہ ڈاکٹر اقبال چوہدری نے ایک اجلاس کے دوران بتائی۔ تفصیلات کے مطابق ’’پی سی ایم ڈی‘‘ کے ذیلی ادارے، سینٹر فار بایو ایکوی ویلنس اسٹڈیز اینڈ کلینیکل ریسرچ (سی بی ایس سی آر) میں ’’جنہوا کنجن گرینولس‘‘ نامی یہ روایتی چینی دوا آئندہ پانچ سے دس دنوں کے دوران کووِڈ 19 کے ایسے 300 پاکستانی مریضوں پر آزمائی جائے گی جو اس وائرس سے معتدل طور پر متاثر ہیں۔ یعنی ان میں یہ بیماری موجود تو ہے لیکن بہت شدید کیفیت میں نہیں۔

واضح رہے کہ بایو ایکوی ویلنس میں عام طور پر قدیم اور روایتی ادویہ کے اثرات پر جدید سائنسی اصولوں کے مطابق تحقیق کرکے یہ معلوم کیا جاتا ہے کہ آیا یہ ادویہ آج کے دور کی ایلوپیتھک دواؤں جیسے اثرات رکھتی ہیں یا نہیں۔مذکورہ چینی دوا مختلف قدرتی جڑی بوٹیوں سے تیار کی جاتی ہے۔ یہ سیکڑوں سال سے استعمال ہورہی ہے جسے حالیہ عالمی وبا کا باعث بننے والے ناول کورونا وائرس کے خلاف بھی بڑے پیمانے پر مفید پایا گیا۔ تاہم اس پر جدید طبّی تقاضوں اور عالمی ادارہ صحت (ڈبلیو ایچ او) کی وضع کردہ گائیڈ لائنز کی مطابقت میں تحقیق ہونا باقی تھی۔

ڈاکٹر اقبال چوہدری نے اجلاس کو بتایا کہ یہ طبّی آزمائشیں ’’نیشنل بایو ایتھکس کمیٹی‘‘ اور ’’ڈرگ ریگولیٹری اتھارٹی آف پاکستان‘‘ (ڈریپ) کی منظوری سے شروع کی جارہی ہے۔ انہوں نے واضح کیا کہ سینٹر فار بایو ایکوی ویلنس، جامعہ کراچی دراصل ’’ڈریپ‘‘ کے جاری کردہ ایک لائسنس کے تحت ملکی اور غیر ملکی مارکیٹ کو کلینیکل ٹرائلز (طبّی آزمائشوں) کی سہولت فراہم کرنے کےلیے ایک کنٹریکٹ ریسرچ انسٹی ٹیوٹ کی حیثیت سے کام کرتا ہے جو چینی اور مغربی ممالک کی ادویاتی کمپنیوں کو یہ سہولت فراہم کرتا رہا ہے۔

اس اجلاس میں سینٹر فار بایو ایکوی ویلنس کے سربراہ اور اس کلینیکل ٹرائل کے نگراں پروفیسر ڈاکٹر رضا شاہ کے علاوہ شیخ الجامعہ کراچی پروفیسر ڈاکٹر خالد محمود عراقی، وزیر اعظم پاکستان کی ٹاسک فورس برائے سائنس اور ٹیکنالوجی کے چیئرمین پروفیسر ڈاکٹر عطا الرحمان (ایف آر ایس)، چیئر پرسن ڈاکٹر پنجوانی میموریل ٹرسٹ محترمہ نادرہ پنجوانی اور حسین ابراہیم جمال فاؤنڈیشن کے سربراہ عزیز لطیف جمال بھی موجود تھے۔

دِل کے امراض کو دِل ہی سے شکست دی جاسکتی ہے؟

(September 29, 2020)

عالمی ادارۂ صحت اور ورلڈ ہارٹ فاؤنڈیشن کے باہمی تعاون سے دُنیا بھر میں ہر سال آج یعنی 29 ستمبر کا دن’عالمی یومِ قلب‘ کے طور پر منایا جاتا ہے جس کا مقصد دِل کے امراض سے متعلق معلومات، روک تھام اور احتیاطی تدابیر سے شعور و آگہی عام کرنا ہے۔ رواں سال یہ دن اس لیے بھی اہمیت کا حامل ہے کہ کورونا وائرس کی وجہ سے ہمارے معمولاتِ زندگی بہت تبدیل ہو چُکے ہیں، اگرچہ کئی ممالک بشمول پاکستان میں لاک ڈاؤن ختم ہوچکا ہے مگر اس کے نتیجے میں جہاں معاشی، ذہنی، نفسیاتی اور دیگر غیر معمولی مسائل و کیفیات نے جنم لیا ہے تو وہیں جسمانی صحت بحال رکھنے کے لیے کی جانے والی سرگرمیوں مثلاً ورزش، تیز قدمی وغیرہ کے فقدان سے امراضِ قلب اور ہارٹ اٹیک کی شرح میں گزشتہ برس کی نسبت اضافہ ہوا ہے۔

عالمی ادارۂ صحت کی جانب سے جاری کردہ اعداد و شمار کے مطابق امراضِ قلب سے دُنیا بھر میں ہر سال 5 اعشاریہ 17 ملین افراد جان کی بازی ہار جاتے ہیں، نیز دُنیا بھر میں ہونے والی31 فیصد اموات کی سب سے بڑی وجہ بھی قلب کے عوارض ہی ہیں۔ دل کے عوارض لاحق ہونے کی وجوہ میں سرِ فہرست تمباکو نوشی، ذیابطیس، بُلند فشارِ خون، موٹاپا، ذہنی دباؤ، دل کی موروثی بیماریاں اور ورزش نہ کرنا شامل ہیں، ان اسباب میں اب کورونا وائرس کو بھی شمار کیا جا رہا ہے۔ یہ تمام اسباب مرد و خواتین میں امراضِ قلب کی وجہ بنتے ہیں لیکن دل کے دورے کے امکانات مردوں میں زیادہ پائے جاتے ہیں، نیز بچّے بھی عوارضِ قلب کا شکار ہوتے ہیں۔ بچوں میں پیدائشی نقص جیسے دِل میں سوراخ، وی ایس ڈی (Ventricular Septal Defect)، اے ایس ڈی(Atrial Septal Defect) اور ٹی او ایف (Tetralogy Of Fallot)، رنگ نیلا پڑجانا، دِل کا پیدائشی طور پر کمزور ہونا وغیرہ عام ہیں، ایسے بچّوں کے دِل کا آپریشن عمومی طور پر 5 سال کی عُمر تک ہو جانا چاہیے جبکہ سرجری کے بعد بلوغت تک ان کا خاص خیال رکھنا چاہیے۔

اگرچہ مردوں کی نسبت خواتین عوارضِ قلب میں کم مبتلا ہوتی ہیں، مگر ان میں سے زیادہ تر کو ریومیٹک ہارٹ ڈیزیز کی وجہ سے نوجوانی ہی میں دِل کے آپریشن کے مرحلے سے گزرنا پڑتا ہے کہ اس میں دِل کے والوز متاثر ہو جاتے ہیں پھر حاملہ خواتین میں سے جو جسمانی طور پر کمزور ہوں، اُن میں دِل کی کمزوری (Peripartum Cardiomyopathy) ایک بہت تکلیف دہ بیماری ثابت ہوتی ہے اور اس مرض کی وجہ سے دورانِ حمل اور حمل کے بعد بھی متاثرہ ماں کے دِل کے پٹّھے کمزور ہو جاتے ہیں۔

امراضِ قلب سے کیسے محفوظ رہا جائے؟

بلاشبہ دِل ہی زندگی کی ڈور سنبھالے ہوئے ہے، لہٰذا دِل کے امراض میں مبتلا افراد ڈاکٹرز کی ہدایت پر مکمل طور پر عمل کریں اور معمولی سی بھی تکلیف ہرگز نظر انداز نہ کریں۔ امراضِ قلب سے محفوظ رہنے کے لیے ضروری ہے کہ ان سے متعلق مکمل معلومات حاصل ہوں، تاکہ احتیاطی تدابیر پر عمل کیا جا سکے اور زندگی گزارنے کے بہتر رویّے اور طریقے اپنائے جاسکیں۔ موسمی پھل، سبزیاں اور سلاد آپ کے دِل کے لیے فاسٹ فوڈز اور بازاری کھانوں سے کہیں بہتر ہیں اور فارغ بیٹھ کر ڈیجیٹل ڈیوائسز کے استعمال پر وقت ضائع کرنے سے بہتر ہے کہ ورزش کریں یا پیدل چلنا شروع کر دیں۔ عارضۂ قلب کے وہ مریض، جن کی سی اے بی جی (Coronary Artery Bypass Grafting) یا دِل کی سرجری ہوئی ہو، وہ معالج کی تجویز کردہ ادویہ باقاعدگی سے استعمال کریں۔ان افراد کے لیے متوازن غذا کا استعمال اور 7 سے 8 گھنٹے سونا لازمی ہے، مصنوعی دِل کے والو یا Prosthetic Heart Valves کے مریض مہینے میں ایک بار بلڈ ٹیسٹ ضرور کروائیں۔

بچوں کی صحت پرکسی قسم کا سمجھوتہ نہیں کریں گے،سعید غنی

(September 25, 2020)

کراچی: وزیرتعلیم و محنت سندھ سعید غنی نے کہا ہے کہ ہم بچوں کی صحت پرکسی قسم کا سمجھوتہ نہیں کریں گے،28 ستمبر کو جب تمام کلاسز کا آغاز ہوگا اس وقت کے حوالے سے تمام تیاریاں مکمل کی جائیں ۔ جمعہ کو وزیرتعلیم سندھ سعید غنی شہرکے مختلف نجی اورسرکاری سکولوں کے دورے پر پہنچے اور انہوں نے ان سکول کے منتظمین کو مکمل ایس اوپیزکے نفاذ کو یقینی بنانے کی ہدایت دیتے ہوئے کہا کہ 28 ستمبر کو جب تمام کلاسز کا آغاز ہوگا۔

ا اس وقت کے حوالے سے تمام تیاریاں مکمل کی جائیں، اگر بچے زیادہ ہوں تو کلاسز کو شفٹوں یا متبادل دنوں میں لی جائیں۔سعید غنی نے کہا کہ یہ بات واضح ہے کہ ایس اوپیز کی خلاف ورزی کسی صورت برداشت نہیں کی جائے گی اور ہم بچوں کی صحت پرکسی قسم کا سمجھوتہ نہیں کریں گے۔  

سندھ حکومت نے ادویات کی قیمتوں میں اضافہ مسترد کردیا

(September 24, 2020)

کراچی: سندھ حکومت نے وفاق کے ادویات کی قیمت میں اضافے کو مسترد کردیا ہے۔ وزیر صحت سندھ ڈاکٹر عذرا پیچوہو نے ایک بیان میں کہا ہے کہ لگتا ہے وفاقی حکومت فارماسیوٹیکل کمپنیوں کے سامنے بے بس ہوگئی ہے۔

انہوں نے کہا کہ جان بچانے والی 94 ادویات کی قیمت بڑھانا عوام کے ساتھ ناانصافی ہے۔ وزیر صحت سندھ نے مزید کہا کہ زندگی بچانے والی ادویات کی قیمت پر حکومت اپنی نااہلی چھپا رہی ہے۔

ٹوٹی ہڈیاں ’اگانے والی‘ پروٹینی پٹی

(September 23 2020)

لندن:ہڈی کے بال یا سادہ فریکچر اپنے وقت پر ٹھیک ہوجاتے ہیں لیکن پیچیدہ فریکچرکے بعد ہڈی کی بحالی میں مہینے لگ جاتے ہیں۔ اب کنگز کالج لندن کے سائنسدانوں نے پروٹین اور اسٹیم سیل پر مشتمل ایک پٹی بنائی ہے جو نہ صرف ہڈی کی افزائش کرتی ہہ بلکہ مریض کو تیزی سے تندرست کرتی ہے۔ اس انقلابی طریقے سے ہڈیوں کے علاج کا ایک نیا دور شروع ہوسکے گا۔ نیچر مٹیریلز میں شائع ہونے والی ایک تحقیق کے مطابق ایک بایومٹیریل پر اسٹیم سیل اور ہڈی کے خلیات کا لیپ کیا گیا اور جب اسے ٹوٹی پھوٹٰی ہڈی پر لگایا گیا تو اس سے ہڈیاں تیزی سے ٹھیک ہونے لگیں۔

اس طرح شدید حادثوں کے بعد ہڈی کے ٹھیک نہ ہونے والے زخم بھرے جاسکیں گے بلکہ انفیکشن کا خطرہ بھی ٹل جائے گا۔ اس میں ایک خاص قسم کے حیاتیاتی مادے (بایومٹیریل) کو پروٹین سے ڈھانپا گیا ۔ یہ پروٹین پورے جسم کی افزائش اور مرمت کے لئے استعمال ہوتا ہے۔ تجربات سے معلوم ہوا کہ یہ ہڈیوں کی قدرتی افزائش کو تیزترکردیتا ہے۔ اس موقع پر اسٹیم سیل (خلیاتِ ساق) بھی اہم کردار ادا کرتے ہیں اور یوں مرمتی عمل تیز ہوجاتا ہے۔ مریض کو دیر تک ہسپتال میں نہیں رکنا پڑے گا جبکہ بالخصوص بوڑھے لوگوں کو اس سے بہت فائدہ ہوگا۔

فی الحال ہڈیوں کی مرمت کے لئے مصنوعی پیوند یا عطیہ کندگان کی بافتیں (ٹشوز) لگائی جاتی ہے۔ اس عمل میں ٹوٹ پھوٹ کو ٹھیک کرنے کے لئے کسی دوسرے کی ہڈی کے خلیات لگانے پڑتے ہیں۔ یہ عمل کبھی کامیاب ہوتا ہے تو کبھی خاطر خواہ نتائج نہیں ملتے۔ اگرچہ خلیات سے ٹوٹی ہڈی کی بحالی کا تصور بہت پرانا ہے لیکن کئی صورتوں میں یا تو خلیات مرجاتے ہیں یا پھر طویل صحتیابی میں کوئی کردار ادا نہیں کرپاتے ۔ لیکن ہڈی نما پٹی لگانے سے پروٹٰین اور اضافی اسٹیم سیل پوری ہڈی میں سرایت کرجاتے ہیں اور یہ عمل تیز تر ہونے لگتا ہے۔

کنگز کالج میں ڈاکٹر شکری حبیب اور ان کے ساتھیوں نے یہ پٹی تیار کی ہے جو بطورِ خاص فریکچر پر عمل کرتے ہوئے صحتمند حصوں پر اثر نہیں ڈالتی۔ تجربہ گاہ میں آزمائش کے دوران اس ٹیکنالوجی نے صرف ایک ہفتے میں اسٹیم سیل کو ہڈی نما ٹشو میں بدل دیا۔ پھر اسے فریکچر والی جگہ پر لگایا گیا۔ فی الحال اسے بعض جانوروں پر آزمایا گیا ہے اور اگلے مرحلے میں انسانی آزمائش شروع ہوگی۔

ہلدی سے گٹھیا کا درد بھی کم ہوجاتا ہے، تحقیق

(September 20 2020)

 میلبورن: آسٹریلیا میں 70 افراد پر کی گئی ایک تحقیق سے معلوم ہوا ہے کہ ہلدی کے استعمال سے گٹھیا کے باعث جوڑوں میں ہونے والا درد بھی کم ہوجاتا ہے۔ یہ تمام افراد گٹھیا کی وجہ سے گھٹنوں کے درد میں مبتلا تھے۔ تحقیق کے دوران معلوم ہوا کہ ہلدی سے گٹھیا کے مریضوں کو درد کم کرنے والی مروجہ دواؤں کے مقابلے میں بھی زیادہ فائدہ پہنچتا ہے۔ یونیورسٹی آف تسمانیہ، آسٹریلیا میں اس تحقیق کے نگراں، ڈاکٹر بینی اینتونی نے ان نتائج کو اہم لیکن توقعات کے مطابق قرار دیتے ہوئے کہا ہے کہ گٹھیا کا درد کم کرنے میں ہلدی کو آزمایا جاسکتا ہے کیونکہ یہ باورچی خانے میں عام استعمال ہوتی ہے۔

واضح رہے کہ ہلدی کو صدیوں سے جسم کی اندرونی تکالیف اور انفیکشنز ختم کرنے کےلیے دودھ میں ملا کر عام استعمال کیا جارہا ہے جبکہ یہ اکثر روایتی مشرقی کھانوں کا جزوِ لازم بھی ہے۔ تحقیق کے دوران 70 میں سے 36 مریضوں کو ہلدی کے گاڑھے عرق (ایبسٹریکٹ) سے بھرے ہوئے دو کیپسول روزانہ کھلائے گئے جبکہ باقی 34 مریضوں کو ویسے ہی نظر آنے والے دو کیپسول روزانہ دیئے گئے مگر ان میں ہلدی کے عرق کی جگہ کوئی اور بے ضرر چیز بھری گئی تھی۔ یہ مطالعہ 12 ہفتوں تک جاری رہا۔ جن مریضوں نے ہلدی کے ’’اصلی عرق‘‘ والے کیپسول کھائے تھے، ان کے گھٹنوں میں گٹھیا سے ہونے والا درد نمایاں طور پر کم ہوگیا تھا جبکہ دوسرے گروپ سے تعلق رکھنے والے مریضوں میں گھٹنوں کے درد کی حالت جوں کی توں رہی۔

ماہرین کے مشاہدے میں یہ بات بطورِ خاص آئی کہ ہلدی کے عرق سے گٹھیا کے درد میں ہونے والا افاقہ، بازار میں اسی مقصد کےلیے دستیاب دواؤں کے مقابلے میں زیادہ رہا۔ البتہ ہلدی کے استعمال سے گھٹنے کے جوڑ اور ہڈی پر سوجن میں کوئی تبدیلی دیکھنے میں نہیں آئی۔آن لائن ریسرچ جرنل ’’اینلز آف انٹرنل میڈیسن‘‘ کے تازہ شمارے میں شائع ہونے والی اس تحقیق کے اختتام پر ماہرین نے اس بارے میں زیادہ بڑے مطالعے کی ضرورت پر زور دیا ہے تاکہ جوڑوں کے درد میں ہلدی کی افادیت کا تعین بالکل درست طور پر کیا جاسکے۔

دماغی صحت بہتر بنانے کیلئے سفید چنے مفید قرار

(September 19, 2020)

 فیصل آباد: سستے، مزیدار چنے ایسی غذا ہے جسے خوراک میں شامل کرکے غذائیت حاصل کر سکتے ہیں۔ سلاد اور گھر میں تیار کیے گئے مسالے دار چنے ہوں یا پین کیکس میں چنے کے آٹے کا استعمال، یہ وٹامن اور نباتاتی پروٹین سے بھرپور غذا ہیں۔ جسم میں فولاد کی کمی سے لوگ اینیمیا کا شکار ہو جاتے ہیں لیکن چنے کو اپنی غذا میں شامل کرنے سے اس عارضے سے بچا جا سکتا ہے۔ زیادہ تر وہ خواتین اینیمیا کا شکار ہوتی ہیں جن کی خوراک میں بنیادی غذا شامل نہیں ہوتی۔ یہ عارضہ ان میں کمزوری اور تھکن کا سبب بنتا ہے۔چنے کی خاص بات یہ ہے کہ اس میں چولین جیسا اہم نیوٹریشن ہوتا ہے جو جگر کو فعال اور دماغ کو صحت مند رکھتا ہے۔ یاداشت، سیکھنے کے عمل اور مزاج میں اس کا بڑا اہم کردار ہے۔

چنے میں ریشے کی کثیر مقدار اسے نظام ہضم کیلئے مفید بناتی ہے ۔ یہ ریشہ آنتوں کی صحت اور مضبوطی کے لیے اہم ہے۔ یہ حل پذیر ریشے جسم کے لیے ضروری اور فائدہ مند بیکٹیریا کی تعداد بڑھاتے ہیں اور ان سے کولن کینسر کا خطرہ بھی کافی حد تک کم ہو جاتا ہے۔امریکی ذیابطیس ایسوسی ایشن کے مطابق چنے ذیابطیس کے مریضوں کے لیے بہت مفید ہیں۔ ایک تحقیق میں یہ بات سامنے آئی ہے کہ روزانہ 30 گرام چنے کھانے سے ذیابطیس کی ٹائپ ون میں مبتلا مریضوں میں جلن اورسوجن کو کم کرتا ہے جبکہ ایک اور تحقیق کے مطابق فائبر سے بھرپور غذا کھانے سے جسم میں گلوکوز کی سطح برقراررہتی ہے اور ذیابطیس کی ٹائپ ٹو کا خطرہ کافی حد تک کم ہو جاتا ہے۔

چنے اینٹی آکسیڈنٹ اجزا سے بھرپور ہوتے ہیں جو کینسر سے بچاؤ کے لیے بہت اہم ہیں۔ چنوں میں موجود فائٹو کیمیکلز کینسر کے خلاف تحفظ فراہم کرتے ہیں۔ یہ فائٹو کیمیکلز " سیپوننز" کہلاتے ہیں جیو سرطانی خلیات کی افزائش اور انہیں جسم میں پھیلنے سے روکتے ہیں۔ چنوں میں موجود ایک اور معدنی جز " سیلینیم " معدے کے کینسر کے سبب بننے والے جسمانی مرکبات کو غیر موثر بنانے میں اہم کردار ادا کرتا ہے۔

چین کی کورونا ویکسین نومبر میں عوام کیلیے دستیاب ہوگی

(September 15, 2020)

 بیجنگ: چین میں تیار ہونے والی 4 میں سے ایک کورونا ویکسین نومبر میں عوام کے لیے دستیاب ہو گی۔ عالمی خبر رساں ادارے کے مطابق چین کے ادارے ’’ سینٹر فار ڈیزز کنٹرول اینڈ پری ونٹیشن‘‘ نے دعویٰ کیا ہے کہ ان کی تیار کردہ 4 ویکسین کلینیکل ٹرئل کے آخری مرحلے میں ہیں جن میں سے کم از کم ایک رواں برس نومبر میں عوام کے لیے دستیاب ہوگی۔ رواں ماہ بیجنگ میں ہونے والے ٹریڈ فیئر میں چینی کمپنی نے کورونا ویکسین کی رونمائی بھی کی تھی۔ سی ڈی سی یعنی (Center For Disease Control and Prevention)  کی سربراہ نے سرکاری میڈیا پر اپنے انٹرویو میں بتایا کہ چین میں 4 کورونا ویکسین پر کام جاری ہے جن میں سے تین ویکسین کو جولائی میں ہی فرنٹ لائن طبی عملے پر استعمال کرنے کی اجازت مل گئی تھی جس کے حوصلہ افزا نتائج سامنے آئے ہیں۔

سی ڈی سی کی سربراہ گوائزن وو نے مزید بتایا کہ ان تینوں ویکسین میں سے ایک ٹرائل کے فیز تھری مرحلے کو بڑی کامیابی سے مکمل کر رہی ہے، ویکسین اپریل میں خود میں نے استعمال کی اور اب تک معمولی سا سائیڈ ایفیکٹ بھی سامنے نہیں آیا۔ امید ہے کہ نومبر کے آخر تک یہ ویکسین عام لوگوں کے لیے دستیاب ہو گی۔ واضح رہے کہ فوجی اور طبی عملے کے لیے ہنگامی بنیادوں پر چین کی سب سے بڑی فارما کمپنی سینوفارما اور امریکی سینو ویک بائیوٹیک نے تین ویکسن پر کام شروع کیا تھا جب کہ چوتھی ویکسین کو کانسیو بائیولوجک نے فوجیوں میں استعمال کے لیے جون میں تیار کیا تھا۔

سبز روشنی میں بیٹھ کر آدھے سر کے درد سے چھٹکارا

(September 12, 2020)

 3 ایر ی زونا: سال پہلے یونیورسٹی آف ایر ی زونا کے سائنسدانوں نے چوہوں پر ابتدائی مطالعات میں یہ دریافت کیا تھا کہ سبز روشنی میں بیٹھنے سے آدھے سر کے درد کی شدت میں کمی ہوتی ہے۔ انہی سائنسدانوں نے یہی تجربات انسانوں پر کئے ہیں جو کامیاب رہے ہیں، ڈاکٹر محب ابراہیم نے مطالعہ کے اختتام پر جب تجزیہ کیا تو پتا چلا کہ ان مریضوں میں مائیگرین کے باعث شدید درد کے واقعات میں 60فیصد تک کمی ہوگئی تھی، مائیگرین میں درد کی شدت بھی صرف 40 فیصد رہ گئی تھی جبکہ درد کی مدت بھی کم رہ گئی تھی۔

ڈاکٹر محب ابراہیم اور ان کے ساتھیوں نے مائیگرین کے 29 مریضوں کا علاج سبز روشنی سے کیا اور حیرت انگیز نتائج دیکھ کر خود بھی حیران  ہوگئے۔ریسرچ جرنل ’سیفال ایلجیا‘ کے تازہ شمارے میں آن لائن شائع ہونے والے تحقیق کے نتائج سے پتہ چلتا ہے کہ سبز روشنی سے علاج کے کوئی منفی اثرات سامنے نہیں آئے۔

کورونا ویکسین: آکسفورڈ یونیورسٹی نے حتمی ٹرائل عارضی طور روک دیے

(September 9, 2020)

لندن : ایک کثیر القومی دوا ساز کمپنی اور آکسفورڈ یونیورسٹی کی جانب سے تیار کردہ کورونا وائرس ویکسین کے حتمی ٹرائل ایک رضاکار میں ناموافق ری ایکشن کے بعد روک دیے گئے۔ تحقیق کار یہ جاننے کی کوشش کررہے ہیں کہ کہیں یہ ویکسین کے ضمنی اثرات تو نہیں۔ استرا زینکا نامی برطانوی اور سوئیڈش ملٹی نیشنل فارماسیوٹیکل کمپنی نے گزشتہ روز ایک بیان میں کہا کہ ان کا اس حوالے سے یہ تسلیم شدہ طریقہ کار ہے کہ جب اس قسم کی نتائج آئیں تو سیفٹی ڈیٹا کا تجزیہ کرنے کے لیے ویکسینیشن کے ٹرائل کو عارضی طور پر روک دیا جائے۔

 تاہم کمپنی نے اس ضمنی منفی اثرات کے حوالے سے کچھ نہیں بتایا اور اس پر صرف اتنا بتایا کہ اس شخص کو تجرباتی طور پر ویکسین دیا گیا تھا اسے کوئی نامعلوم بیماری بیماری لاحق ہوگئی ہے۔

ترکی اور چین میں یہ معاملہ اوسط پر رہا جبکہ جنوبی افریقہ میں، جو اپنے پڑوسی ممالک سے زیادہ خوشحال بھی ہے، عمر کم اور ناگہانی اموات کی شرح زیادہ تھی جبکہ وہاں ایک دوسرے کی مدد کرنے کا جذبہ سب سے کم دیکھا گیا۔

اس تحقیق میں یہ بھی واضح کیا گیا ہے کہ ایک دوسرے کی مدد کرنے کا مطلب صرف مالی امداد نہیں بلکہ اس میں ایک دوسرے کا خیال رکھنے، حال چال پوچھتے رہنے اور چھوٹے چھوٹے کاموں میں ہاتھ بٹانے جیسے چھوٹے چھوٹے اقدامات بھی بڑی اہمیت رکھتے ہیں۔

ضرورت مندوں کی مدد کرنے سے عمر بڑھتی ہے، تحقیق

(September 7, 2020)

برلن:جرمنی، ہالینڈ اور امریکا کے ماہرین نے 34 ممالک میں مشترکہ تحقیق کرنے کے بعد دریافت کیا ہے کہ جو لوگ ضرورت مندوں کی مدد کرتے رہتے ہیں وہ نہ صرف لمبی عمر پاتے ہیں بلکہ ان کی عمومی صحت بھی بہتر رہتی ہے۔

اس تحقیق میں انسانی صحت اور عمر کا انسانی رویّوں کے ساتھ تعلق معلوم کرنے کی کوشش کی گئی تھی۔ ایک دوسرے کی مدد یا تعاونِ باہمی کا رویہ کوئی عجیب و غریب نہیں بلکہ یہ چیونٹیوں سے لے کر ہاتھیوں تک میں پایا جاتا ہے۔ یعنی ہم کہہ سکتے ہیں کہ ایک دوسرے کی مدد کرنے کا جذبہ ہماری فطرت میں شامل ہے۔

البتہ، یہ ماہرین جاننا چاہتے تھے کہ انسانی معاشروں میں، جہاں آپس میں تعاون سے زیادہ مقابلے کا رجحان ہے، یہ طرزِ عمل کس نوعیت کا ہے اور اس سے انفرادی سطح پر کیا فائدہ پہنچتا ہے۔اس مقصد کےلیے انہوں نے مختلف ممالک میں ضرورت مندوں کی مدد اور تعاونِ باہمی کے بارے میں کیے گئے مطالعات اور تحقیقات کو کھنگالنا شروع کیا۔ طویل تحقیق کے بعد واضح نتائج ان کے سامنے تھے:

’’اس سے کوئی فرق نہیں پڑتا کہ آپ غریب ہیں یا امیر، لیکن اگر آپ ضرورت مندوں کی مدد کرنے کا مزاج رکھتے ہیں تو ممکنہ طور پر آپ کی عمر طویل ہوگی جبکہ صحت اچھی رہنے کا امکان بھی روشن ہے۔ جاپان اور فرانس میں امدادِ باہمی کی شرح سب سے زیادہ دیکھی گئی لیکن ساتھ ہی ساتھ عمومی صحت اور عمر بھی زیادہ مشاہدے میں آئی۔

دیر، باغ،غذر، ہنزہ، خارمنگ، خاران، بدین اور راجن پور میں مجموعی طور پر 33 نشوونما مراکز قائم کئے جارہے ہیں، اگست کے آخر تک یہ تمام 33 نشوونما مراکز قائم کر دئیے جائیں گے۔

حکومت کا ماؤں کو بچے کی پیدائش سے 2 سال تک وظیفہ دینے کا فیصلہ

(September 5, 2020)

وزیراعظم عمراں خان اسٹنٹنگ سے نومولود بچوں کو محفوظ بنانے کیلئے احساس نشونماء پروگرام کااجراء کریں گے۔

معاون خصوصی ڈاکٹر ثانیہ نشتر کے مطابق پاکستان میں 40 فیصد بچے غذائی قلت اور دیگر وجوہات کی بناء پر اسٹنٹنگ کا شکار ہیں، حکومت نے اسٹنٹنگ سے بچوں کو محفوظ بنانے کیلئے نشونماء پروگرام تیار کرلی ہے، احساس نشو نما پروگرام کے پہلے مرحلے کا اجراء کل کیا جارہا ہے، وزیراعظم عمراں خان کل خیبر پختونخوا کے قبائلی ضلع خیبر میں قائم نشوونما مرکز کا افتتاح کرکے پروگرام کا باقاعدہ اجراء کریں گے۔

ڈاکٹر ثانیہ نشتر نے بتایا کہ نشو نما پروگرام کے پہلے مرحلے کے لئے ساڑھے 8 ارب روپے کا بجٹ مختص کیا گیا ہے،  پہلے مرحلے میں ملک بھر کے 9 اضلاع کے کل 2 لاکھ 21 ہزار مستحق حاملہ و دودھ پلانے والی ماؤں کو صحت مند غذا کے لئے  2 سال تک کی کم عمر بچیوں کو سہہ ماہی بنیادوں پر 2000 روپے جب کہ بچوں کے لئے 1500 روپے وظیفے دیئے جائیں گے۔

معاون خصوصی کے مطابق پروگرام کے پہلےمرحلے میں ملک بھر کے 9 اضلاع خیبر، اپر

صاف جِلد

بھنڈی میں قدرتی اینٹی آکسیڈنٹ پائے جانے کے سبب جِلد متعدد بیماریوں سے محفوظ رہتی ہے اور جِلد پر جُھریوں کے آنے کا عمل بھی آہستہ ہو جاتا ہے ۔

حاملہ خواتین کے لیے بہتر غذا

طبی ماہرین کے مطابق حاملہ خواتین کو بھنڈی کا زیادہ سے زیادہ استعمال کرنا چاہیے، اس کے استعمال سے وٹامن بی9 کی مطلوبہ مقدار حاصل ہوتی ہے اور جسے عام زبان میں فولیٹ بھی کہا جاتا ہے ، فولیٹ نوازئیدہ بچے میں دماغ بنانے اور اس کی کارکردگی کو بہتر بنانے میں مدد فراہم کرتا ہے ۔

قوت مدافعت بڑھاتا ہے

بھنڈی میں وٹامن سی کی بھر پور مقدار میں پایا جاتا ہے، وٹامن سی کے استعمال سے انسانی جسم میں بیماریوں سے لڑنے والے نظام ’امیون سسٹم‘ یعنی قوت مدافعت کو مضبوط بننے میں مدد ملتی ہے جس سے انسانی جسم کا موسمی اور وائرل انفیکشن سے بچنا ممکن ہو جاتا ہے ۔

بھنڈی ذیابطیس سے بچا سکتی ہے؟

(September 3, 2020)

 ماہرین غذائیت کے مطابق بھنڈی سُپر فوڈز یعنی غذائیت سے بھر پور سبزیوں میں شمار کی جاتی ہے ، آسانی سے دستیاب بھنڈی سبزی کو ایک خاص حیثیت حاصل ہے۔

 بھنڈی کو کئی طرح سے پکا کر کھایا جاتا ہے، اس کو تل کر بطور اسنیک بھی استعمال کیا جاتا ہے، بھنڈی کے بے شمار فوائد ہیں جنہیں جان کر جو افراد اسے کھانا پسند نہیں کرتے وہ بھی بھنڈی کو اپنی غذا میں شامل کرنے پر مجبور ہو جائیں گے ۔

ماہرین غذائیت کے مطابق بھنڈی میں وٹامن سی، ای، کے، اے، فائبر، پوٹاشیم اور قدرتی طور پر اینٹی آکسیڈنٹ جز پائے جاتے ہیں جس کے استعمال سے مندرجہ ذیل طبی فوائد حاصل ہوتے ہیں

وزن میں کمی کا سبب بنتی ہے

وزن میں کمی کے خواہشمند افراد کے لیے بھنڈی کا غذا میں استعمال مفید ثابت ہوتا ہے ، غذائیت سے بھر پور بھنڈی مطلوبہ وٹامنز اور منرلز فراہم کر کے کمزوری اور ڈائٹنگ کے اثرات چہرے پر آنے سے روکتی ہے، بھنڈی کے استعمال سے بار بار بھوک محسوس نہیں ہوتی۔

شوگر متوازن سطح پر رکھنے میں مدد فراہم کرتی ہے

بھنڈی میں ’گلائسیمک انڈیکس ‘ کی سطح کم پائی جاتی ہے، جس کے سبب خون میں گلوکوز کی سطح کو برقرار رہنے میں مدد ملتی ہے ، بھنڈی میں ایک میریسیٹن‘ نامی جز بھی پایا جاتا ہے جس کے نتیجے میں انسانی جسم میں موجود پٹھے آسانی سے شوگر کو جذب کر لیتے ہیں، اس طرح سے خون میں موجود شوگر لیول کو متوازن رہنے میں مدد ملتی ہے ۔

دل کی صحت برقرار رکھتی ہے

خون میں کولیسٹرول لیول بڑھ جانے سے دل کے عارضے کے خدشات بھی بڑھ جاتے ہیں ، فائبر سے بھرپر بھنڈی خون میں شوگر سمیت کولیسٹرول کی سطح برقرار رکھنے میں بھی مدد فراہم کرتی ہے ۔

بھنڈی میں ’پولی فینول کمپاؤنڈ‘ بھی پایا جاتا ہے جو شریانوں میں مضر صحت کولیسٹرول کو جمنے سے روکتا ہے۔

بھنڈی کا استعال کینسر سے بچاتا ہے

جرنل بائیو ٹیکنالوجی لیٹرز میں شائع ہونے والی ایک روپورٹ کے مطابق بھنڈی کا استعمال 65فیصد تک چھاتی کے سرطان کو بننے سے روکتا ہے جبکہ بھنڈی میں ’ انسلوبل فائبر ‘ پائے جانے کے سبب نظام ہاضمہ بھی درست رہتا ہے جس کے نتیجے میں آنتوں کے کینسر کے خدشات میں بھی کمی آتی ہے ۔

کے ساتھ  فائبر کی بھی مقدار موجود ہوتی ہے جو کہ قبض سے بچانے میں معاون ہے۔

کھجور  کو اپنی غذا میں شامل کر لینے سے آئرن کی سطح  بڑھتی ہے اور بار بار بھوک لگنے کی عادت سے چھٹکارہ ملتا ہے، ماہرین کھجور کو انسانی صحت کے لیے طاقت کا ذریعہ قرار دیتے ہیں ، روزانہ کی ب بنید پر دن میں 3 کھجوڑیں لازمی کھانی چاہیے ۔

تازہ پھل

لال انار ہیموگلوبن کی سطح بڑھانے میں مددگار پھل ہے، وٹامن سی کی موجودگی  سے انار مجموعی صحت کے لیے نہایت مفید پھل ہے ۔۔

تربوز نہ صرف جسم میں پانی کی کمی پوری ک کے ڈیہائیڈریشن سے بچاتا ہے جبکہ ہیموگلوبن کی سطح بھی بڑھاتا ہے۔

گوشت 

کلیجی فائبر، پروٹین، منرلز، وٹامنز اور آئرن سے بھرپور ہوتی ہے، اس کا مناسب مقدار میں استعمال  کر کے خون کی کمی کو چند دنوں میں پورا کیا جا سکتا ہے۔

چنے بھی آئرن سے بھر پور غذا ہے، چنوں کو روشزانہ کی بنیاد پر اپنی غزا میں مختلف طریقوں سے بنا کر شامل کیا جا سکتا ہے ، چنے  پروٹین سے بھر ہیں اسی لیے ہیموگلوبن کی مقدار بڑھانے کے لیے بہترین ہے۔

دالوں کا استعمال 

دالیں بھی آئرن سے بھرپور غذاؤں میں شامل ہوتی ہیں، دالوں کے استعمال سے فائبر کی مقدار بھی حاصل ہوتی ہے ، فائبر جسم میں موجود منفی کولیسٹرول لیول کی سطح میں  کمی لاتا ہے، دل اور گردوں کی کارکاردگی کو بڑھاتا ہے۔

آئرن کی کمی دور کرنے والی بہترین غذائیں

(September 1, 2020)

آئرن کی کمی کو انیمیا بھی کہا جاتا ہے، جسم میں خون کے سرخ خلیات کی کمی کے باعث  پورے جسمانی اعضا تک  آکسیجن کی ترسیل متاثر ہوتی ہے جس کے سبب انسان صحت سے متعلق کئی مشکلات کا شکار ہو جاتا ہے ۔

طبی ماہرین کے مطابق سرخ خلیات یعنی آئرن انسانی جسم میں آکسیجن کے ترسیل کا کام کرتے ہیں، سرخ خلیات کی کمی کے نتیجے میں آئرن یعنی خون کی کمی کی شکایت سامنے آتی ہے، آئرن کی کمی کو سائنسی اصطلاح میں ہیمو گلوبن کی کمی بھی کہا جاتا ہے،  ہیموگلوبن وہ جز ہے جو خون کو سرخ رنگ دیتا ہے اور  جسم کے مختلف اعضا میں آکسیجن پہنچانے کا کام کرتا ہے ۔

آئرن کی کمی کے باعث انسانی مجموعی صحت پر منفی اثرت مرتب ہوتے ہیں ، آئرن کی کمی کے سبب متعدد مشکلات کا سامنا کرنا پڑتا ہے جن میں جسم میں مستقل تھکاوٹ اور کمزوری کے ساتھ دماغی کارکردگی کا متاثر ہونا بھی شامل ہے ۔

طبی و غذائی ماہرین کے مطابق جسم کو خون کی کمی سے بچانے کے لیے ضروری ہے کہ ہیموگلوبن کی سطح کو مناسب حد تک برقرار رکھاجائے۔

ماہرین کا کہنا ہے کہ ہیموگلوبن کی کمی سے بچنے کے لیے آئرن سے بھرپور غذاؤں کا استعمال ناگزیر ہے، آئرن کی کمی غذاؤں اور سپلیمنٹس کے ذریعے پوری کی جا سکتی ہے جس کے نتیجے میں ہیموگلوبن کی پیداوار ، خون کے سرخ خلیات  کی افزائش ممکن ہوتی ہے۔

ماہرین کی جانب سے تجویز کردہ آئرن کی کمی پوری کرنے والی صحت بخش غذائیں مندرجہ ذیل ہیں ۔

سبزیاں

ٹماٹر کا استعمال آئرن سے بھرپور ہونے کے ساتھ جسم کو وٹامن سی بھی فراہم کرتا ہے، وٹامن سی  آئرن کو جسم میں جذب ہونے میں مدد فراہم کرتا ہے۔

پالک آئرن سے بھرپور سبزی ہے، اسے غذا میں شامل کرنے سے جسم میں تیزی سے خون بننے لگتا ہے۔ پالک کی اسموتھی بنا کر پینے سے متعدد مثبت فوائد حاصل ہوتے ہیں۔

خشک میوہ جات 

کشمش آئرن سے بھرپور خشک میوہ ہے جسے آسانی سے دیگر غذاؤں یعنی دلیہ، دہی یا کسی بھی میٹھی چیز میں شامل کرکے کھایا جاسکتا ہے، کشمش کھانے سے منہ کا ذائقہ ہی بہتر ہوتا ہے اور یہ دانٹوں کی صحت کے لیے بھی مفید ہے

ماہرین کے مطابق ذیابیطس کے مریضوں کو یہ میوہ زیادہ کھانے سے گریز کرنا چاہیے۔

خون کی افزائش بڑھانے کے لیے  خوبانی بہترین میوہ خشک ہے جس میں آئرن اور وٹامن سی

براعظم افریقہ پولیو سے پاک ہو گیا، ڈبلیو ایچ او

(August 30, 2020)

جنیوا: (اے پی پی) عالمی ادارہ صحت (ڈبلیو ایچ او) نے براعظم افریقہ کو پولیو سے پاک قرار دے دیا ہے۔ ڈبلیو ایچ او کے مطابق نائیجیریا سمیت تمام افریقی ممالک میں گزشتہ چار برسوں سے پولیو کا کوئی کیس سامنے نہیں آیا۔

عالمی ادارہ صحت نے اسے ان ممالک کی تاریخی کامیابی قرار دیا ہے۔ پولیو کا وائرس بازو¿ں اور پیروں کو مستقل طور پر مفلوج کر سکتا ہے تاہم بچوں کو پولیو کے قطرے پلانے سے انہیں اس مرض سے بچایا جا سکتا ہے۔ پچاس کی دہائی میں اس کی ویکسین آنے سے پہلے یہ بیماری پوری دنیا میں موجود تھی۔

وزیرِ اعظم نے اجلاس سے خطاب کرتے ہوئے کورونا کی بہتر صورتحال پر این سی او سی، میڈیکل کے شعبے سے وابستہ افراد، قانون نافذ کرنے والے اداروں ، صوبائی حکومتوں اور دیگر تمام متعلقین کو مبارکباد دی اور کہا کہ موثر کوارڈینیشن اور جامع حکمت عملی کی بدولت کورونا کے خلاف کامیابی نصیب ہوئی۔

انہوں نے مزید کہا کہ حکومتی کاوشوں اور حکمت عملی کی بدولت کورونا کے پھیلاو¿ کو روکا گیا ہے تاہم ابھی خطرہ موجود ہے جس کے لئے پوری قوم کا تعاون درکار ہے۔ محرم الحرام کے دوران کورونا کے پھیلاو¿ کو روکنے کے ضمن میں وزیرِ اعظم نے ماسک و دیگر احتیاطی تدابیر اختیار کرنے کی ضرورت پر خاص طور پر زور دیا۔ محرم الحرام کے دوران تعاون پر وزیرِ اعظم نے علمائے کرام ، ذاکرین اور مذہبی رہنماو¿ں کی جانب سے تعاون پر خصوصی شکریہ ادا کرتے ہوئے کہا کہ مذہبی رہنماو¿ں نے کورونا کے خلاف جنگ میں جس تعاون کا مظاہرہ کیا ہے وہ لائق تحسین ہے۔

وزیرِ اعظم نے وزیرِ اعلیٰ سندھ سے کراچی کے حالات پر خصوصی طور پر بات کرتے ہوئے کہا کہ کراچی میں ہونے والی تباہی اور اس کے نتیجے میں عوام کو درپیش مسائل کے حل کے سلسلے میں وفاقی حکومت صوبائی حکومت سے ہر ممکن تعاون کرے گی اور اس ضمن میں تمام وفاقی اداروں کو ہدایات جاری کر دی گئی ہیں کہ وہ ریلیف سرگرمیوں میں صوبائی حکومت کے ساتھ بھرپور تعاون کریں۔ وزیرِ اعظم نے کہا کہ کراچی کے مسائل کے حل کے لئے طویل المدتی پلان تشکیل دیا جا رہا ہے۔ وہ آئندہ چند روز میں خود کراچی جائیں گے اور حالات کا جائزہ لیں گے۔

سکولوں میں تعلیمی سرگرمیاں بحال کرنے کے حوالے سے بات کرتے ہوئے وزیر اعظم نے ہدایت کی کہ اس ضمن میں صوبائی حکومتوں ، سکولوں کی انتظامیہ اور دیگر متعلقین کی مشاورت سے تمام انتظامات کو حتمی شکل دی جائے تاکہ 15ستمبر کو سکولوں میں تعلیمی سرگرمیوں کی بحالی کے حوالے سے سات ستمبر کے اجلاس میں حتمی فیصلہ لیا جا سکے۔ اجلاس میں کورونا کی بہتر صورتحال کو مدنظر رکھتے ہوئے اندرون ملک ہوائی سفر کے حوالے سے ہیلتھ پروٹوکولز کا جائزہ لینے کا فیصلہ کیا گیا۔

وزیراعظم عمران خان کی زیرصدارت نیشنل کوارڈینیشن کمیٹی برائے کوویڈ 19 کا اجلاس

(August 29, 2020)

اسلام آباد: (اے پی پی) وزیراعظم عمران خان نے کہا ہے کہ حکومتی کوششوں اور حکمت عملی کی بدولت کورونا کے پھیلاﺅ کو روکا گیا ہے، خطرہ ابھی موجود ہے جس سے نمٹنے کے لئے پوری قوم کا تعاون درکار ہے، محرم الحرام میں احتیاطی تدابیر اختیار کرنے کی ضرورت ہے، کراچی میں ہونے والی تباہی اور عوام کے مسائل کے حل کے لئے وفاقی حکومت صوبائی حکومت سے مکمل تعاون کرے گی، سکولوں میں تعلیمی سرگرمیوں کی بحالی کے حوالے سے صوبائی حکومتوں سکولوں کی انتظامیہ اور دیگر متعلقین کی مشاورت سے تمام انتظامات کو حتمی شکل دی جائے۔

انہوں نے ان خیالات کا اظہار جمعہ کو یہاں نیشنل کوارڈینیشن کمیٹی برائے کوویڈ 19 کے اجلاس کی صدارت کرتے ہوئے کیا۔ اجلاس میں وفاقی وزیر برائے منصوبہ بندیاسد عمر، وفاقی وزیر برائے تعلیم و پیشہ ورانہ تربیت شفقت محمود، وفاقی وزیر برائے ہوا بازی غلام سرور خان، وفاقی وزیر اقتصادی امور مخدوم خسرو بختیار، وفاقی وزیر برائے صنعت و پیداوار محمد حماد اظہر، وفاقی وزیر برائے غذائی تحفظ و تحقیق سید فخر امام، وزیراعظم کے مشیر برائے خزانہڈاکٹر عبدالحفیظ شیخ، وزیراعظم کے مشیر برائے تجارت عبدالرزاق داو¿د، وزیراعظم کی معاون خصوصی برائے سماجی بہبود و تخفیف غربت ڈاکٹر ثانیہ نشتر، وزیراعظم کے مشیر برائے صحت ڈاکٹر فیصل سلطان ، وزیراعظم کے معاون خصوصی برائے اطلاعات و نشریات لیفٹیننٹ جنرل (ر) عاصم سلیم باجوہ، وزیراعظم کے معاون خصوصی برائے قومی سلامتی ڈاکٹر معید یوسف، چئیرمین این ڈی ایم اے اور دیگر سینئر افسران نے شرکت کی جبکہ وزیراعظم آزاد جموں و کشمیر راجہ فاروق حیدر خان اور صوبائی وزرائے اعلیٰ نے ویڈیو لنک کے ذریعے اجلاس میں شرکت کی۔

اجلاس میں محرم الحرام کے دوران کورونا کے پھیلاو¿ کو موثر طریقے سے روکنے کے لئے اقدامات، سکولوں میں تعلیمی سرگرمیوں کی بحالی، ٹیسٹنگ، ٹریکنگ اور کوارنٹین اسٹرٹیجی پر عملدرآمد، مختلف شعبوں خصوصاً سیاحت کے حوالے سے ٹیسٹنگ کی حکمت عملی، مائیکرو سمارٹ لاک ڈاو¿ن اور ہوائی شعبے کے حوالے سے موجودہ حالات کو مد نظر رکھتے ہوئے حکمت عملی پر تفصیلی بریفنگ دی گئی۔ وزیر برائے منصوبہ بندی اسد عمر نے اجلاس کو کورونا کے پھیلاو¿ کی مجموعی صورتحال کے بارے میں تفصیلی طور پر بریفنگ دی۔ اس حوالے سے انہوں نے عالمی اور علاقائی ممالک اور پاکستان کی صورتحال کا تقابلی جائزہ پیش کیا۔ اجلاس کو بتایا گیا کہ کورونا سے بچاو¿ کے خلاف حکومت پاکستان کی جانب سے اختیار کی جانے والی حکمت عملی کو عالمی سطح پر سراہا جا رہا ہے۔

اللہ تعالی کے فضل و کرم اور حکومتی حکمت عملی کی بدولت پاکستان میں بیرونی دنیا اور خصوصاً ہمسایہ ممالک کی نسبت کورونا کے حوالے سے حالات میں واضح بہتری پائی جاتی ہے۔ اجلاس کو بتایا گیا کہ موثر اقدامات کی بدولت کورونا پازیٹیویٹی میں خاطر خواہ کمی واقع ہوئی ہے۔ اجلاس کو محرم الحرام کے دوران مجالس اور جلوسوں کے حوالے سے اختیار کی جانے والی حکمت عملی اور ایس اوپیز پر عمل درآمد پر بریف کیا گیا۔ اجلاس میں بہتر حالات کے پیش نظر سکولوں میں تعلیمی سرگرمیوں کی بحالی کے حوالے سے روڈ میپ، سکولوں میں حفاظتی انتظامات اور ایس او پیز کے حوالے سے تفصیلی تبادلہ خیال کیا گیا۔

نتائج ابھی آنے باقی ہیں۔ لیکن یہ پلازمہ تھراپی کسی بھی طرح کیموتھراپی اور ریڈیو تھراپی کی جگہ نہیں لے سکتی بلکہ اسے سرطانی خلیات کو ختم کرنے کے لیے استعمال کیا جاسکتا ہے۔

یہ ٹیکنالوجی جلد، چھاتی، گردن اور سر، مثانے اور جگر کے کینسر میں استعمال کی جاسکتی ہے۔ گزشتہ برس امریکی ایف ڈی اے نے 20 مریضوں پر اس کے تجربات بھی کئے ہیں جن کے نتائج ابھی آنے باقی ہیں۔ لیکن یہ پلازمہ تھراپی کسی بھی طرح کیموتھراپی اور ریڈیو تھراپی کی جگہ نہیں لے سکتی بلکہ اسے سرطانی خلیات کو ختم کرنے کے لیے استعمال کیا جاسکتا ہے۔

یہ ٹیکنالوجی جلد، چھاتی، گردن اور سر، مثانے اور جگر کے کینسر میں استعمال کی جاسکتی ہے۔ گزشتہ برس امریکی ایف ڈی اے نے 20 مریضوں پر اس کے تجربات بھی کئے ہیں جن کے نتائج ابھی آنے باقی ہیں۔

لیکن یہ پلازمہ تھراپی کسی بھی طرح کیموتھراپی اور ریڈیو تھراپی کی جگہ نہیں لے سکتی بلکہ اسے سرطانی خلیات کو ختم کرنے کے لیے استعمال کیا جاسکتا ہے۔

جراحی کے بعد باقی ماندہ سرطانی خلیات کو تباہ کرنے والا پلازمہ پین

(August 28, 2020)

واشنگٹن: دنیا بھر میں کئی طرح کے کینسر ذدہ حصوں کو نکالنے کی جراحی کے لاتعداد عمل روزانہ ہی ہوتے ہیں۔ لیکن ہرطرح کی احتیاط کے باوجود بعض ٹشو اور خلیات باقی بچ جاتے ہیں اور انہیں ختم کرنا ضروری ہوتا ہے۔

اگر انہیں ختم نہ کیا جائے تو مرض دوبارہ سر اٹھاسکتا ہے۔ صرف برطانیہ میں ہی پانچ میں سے ایک خاتون چھاتی کے سرطان کے خاتمے کی دوبارہ شکار ہوجاتی ہے کیونکہ کینسر کے باقی رہ جانے والے خلیات دوبارہ مرض کو پیدا کردیتے ہیں۔

لیکن اب ایک پلازمہ پین بنایا گیا ہے جو بہت مؤثر انداز میں آپریشن کے بعد سرطان کے خلیات کو تباہ کردیتا ہے۔ جدید ٹیکنالوجی کی بدولت یہ پین نما شے مختلف شدت کی پلازمہ شعاعیں خارج کرتی ہے۔

اس ایجاد کا پورا نام ’کینیڈی ہیلیوس کولڈ پلازما سسٹم‘ ہے جس میں برقی طور پر چارج شدہ گیس جسم پر ڈالی جاتی ہے اور وہ رسولیوں کی باقیات کو ختم کردیتی ہے، جب پین کو کینسر خلیات کا پتا چلتا ہے تو یہ فری ریڈیکلز جیسے زہریلے سالمات خارج کرتے ہیں جس سے سرطانی خلیات تباہ ہوجاتے ہیں جبکہ صحت مند خلیات برقرار رہتے ہیں۔ کینسر خلیات میں بھی فری ریڈیکلز پائے جاتے ہیں جن کے بارے میں کہا جاتا ہے کہ وہ بیماری کو بڑھاوا دیتے ہیں۔

چھاتی کا سرطان ہو یا کسی اور مقام کا اس کی وجہ بننے والی ٹھوس رسولی کو سرجری سے نکالا جاتا ہے۔ اس عمل میں اطراف کے بعض صحتمند ٹشوز بھی نکالے جاتے ہیں لیکن اس کے باوجود ماہرین کو خدشہ رہتا ہے کہ بعض سرطانی خلیات رہ گئے ہیں۔

واشنگٹن میں طبی آزمائش سے گزرنے والا پلازما پین سے انتہائی گرم کی بجائے ٹھنڈی یا کولڈ پلازمہ خارج ہوتی ہے۔ جو صرف 35 سے 40 درجہ سینٹی گریڈ تک گرم ہوتی ہے۔ بعض جانوروں پر تجربات سے دیکھا گیا کہ صرف دو منٹ کی پلازمہ تھراپی سے سرطانی خلیات کی بڑی مقدار ختم ہوگئی۔ 2011 میں بھی ایسے تجربات کئے گئے تھے جس میں سرد پلازمہ کے مختصر مدتی جھماکوں سے سرطانی خلیات بہت کامیابی سے تباہ کئے گئے تھے۔

یہ ٹیکنالوجی جلد، چھاتی، گردن اور سر، مثانے اور جگر کے کینسر میں استعمال کی جاسکتی ہے۔ گزشتہ برس امریکی ایف ڈی اے نے 20 مریضوں پر اس کے تجربات بھی کئے ہیں جن کے

انہوں نے بتایا کہ اگرچہ تحقیق میں قبل از وقت اموات پر توجہ دی گئی تھی، مگر صحت مند وزن کو برقرار رکھنا متعدد دائمی امراض جیسے بلڈ پریشر، ذیابیطس، امراض قلب اور کینسر کا خطرہ کم کرتا ہے۔

موٹاپا قبل از وقت موت کا سبب بھی بن سکتا ہے 

(August 27, 2020)

بوسٹن: امریکا میں ہونے والی ایک نئی طبی تحقیق میں یہ انکشاف کیا گیا ہے کہ جوانی اور درمیانی عمر میں زیادہ جسمانی وزن کسی فرد کی جلد موت کا خطرہ بڑھانے کا باعث بنتا ہے۔ بوسٹن یونیورسٹی اسکول آف میڈیسین کی تحقیق میں دریافت کیا گیا کہ جن افراد کا جسمانی وزن نوجوانی میں زیادہ اور درمیانی عمر میں موٹاپے کے درجے تک پہنچ جاتا ہے، ان میں جلد موت کا خطرہ کم وزن کے حامل افراد کے مقابلے میں بہت زیادہ ہے۔

طبی جریدے جاما نیٹ ورک اوپن میں شائع تحقیق کے مطابق امریکا میں 12 فیصد سے زائد افراد کا قبل از اموات اور موٹاپے کے درمیان تعلق موجود ہے۔ تحقیق کے دوران امریکا میں ایک غذائی سروے کے دوران 1998 سے 2015 تک شامل ہونے والے 24 ہزار سے زائد افراد کے ڈیٹا کو استعمال کیا گیا۔ ان افراد کی عمریں 40 سے 74 سال کے درمیان تھیں اور ڈیٹا میں ان رضاکاروں کے 25 سال کی عمر ، 10 سال قبل اور 10 سال بعد کے جسمانی وزن کو شامل کیا گیا تھا۔

محققین کا کہنا تھا کہ نتائج سے عندیہ ملتا ہے کہ لوگوں کی صحت کو بہتر بنانے کے لیے موٹاپے کی روک تھام پر توجہ دی جانی چاہئے خصوصاً کم عمری میں۔ تحقیق کے دوران محققین نے دریافت کیا کہ جن افراد کا جسمانی وزن 25 سال کی عمر سے لے کر درمیانی عمر تک بہت زیادہ ہوتا ہے، ان میں جلد موت کا خطرہ دیگر کے مقابلے میں زیادہ ہوتا ہے۔

میں صرف چھ ہزار کیسز رپورٹ ہوئے جو کہ ماضی کی نسبت سب سے کم ہیں۔ نیشنل کمانڈ اینڈآپریشن سینٹر(این سی او سی) کی جانب سے محرم الحرام میں کورونا کے دوبارہ پھیلاؤ کا انتباہ جاری کیا گیا ہے۔

حکام کا کہنا ہے کہ  محرم الحرام کے دوران کورونا وائرس کے خلاف موثر اقدامات کے ذریعے عوام کے تحفظ اور فلاح وبہبود کو یقینی بنایا جائے گا۔

پاکستان: کورونا وائرس کے کیسز کا گراف مسلسل نیچے ،591 نئے کیسز اور4 اموات

(August 26, 2020)

 اسلام آباد: پاکستان میں کورونا وائرس کے591 نئے کیسز اور4 اموات ریکارڈ ہوئی ہیں۔

نیشنل کمانڈ اینڈ کنٹرول سینٹر کی جانب سے جاری تازہ اعدادوشمار کے مطابق ملک میں کورونا وائرس کے ایکٹیو کیسزکی صرف10 ہزار 694 رہ گئی ہے۔ این سی او سی کے مطابق گزشتہ24گھنٹوں کے دوران 24 ہزار 956 افراد کے کورونا ٹیسٹ کیے گئے ہیں اور مجموعی طور پر کیے گئے ٹیسٹوں کی تعداد 24 لاکھ 39 ہزار858 ہو گئی ہے۔

ملک بھر میں کورونا سےمجموعی اموات کی تعداد 6 ہزار235 ہوگئی ہے اور 2 لاکھ 75 ہزار 836 افراد کورونا سے صحت یاب ہوئے۔ پاکستان میں کورونا وائرس سے مجموعی طور پر2 لاکھ92ہزار 765 افراد متاثر ہوئے۔ سندھ ایک لاکھ 27 ہزار 965  کورونا کیسزکے ساتھ سرفہرست ہے جب کہ پنجاب 96 ہزار178 افراد متاثر ہوئے ہیں۔ خیبرپختونخوا35 ہزار720، اسلام آباد 15 ہزار493 اور بلوچستان میں 12 ہزار507 کیسز رپورٹ ہوئے ہیں۔ آزاد کشمیر 2 ہزار 245 اور گلگت میں میں کورونا کیسز کی تعداد 2 ہزار 657 ہے۔

کورونا وائرس کے باعث پنجاب میں 2 ہزار188 اور سندھ میں 2 ہزار358 اموات ہوئی ہیں۔ خیبر پختونخوا ایک ہزار248، اسلام آباد 175، بلوچستان 141، ‏گلگت بلتستان64 اور آزاد کشمیر میں کورونا سے اموات کی تعداد 61 ہے۔ ملک میں 132 ٹیسٹنگ لیبارٹریز کام کر رہی ہیں اور متعدد شہروں میں ٹریس، ٹیسٹ اورقرنطینہ حکمت عملی موثر طریقے سے کام رہی ہے۔

حکومت کے مطابق پاکستان میں کورونا وائرس کے کیسز کا گراف مسلسل نیچے آرہا ہے، لیکن خطرہ ابھی ٹلا نہیں ہے۔ پاکستان میں کورونا کا پہلا کیس 26 فروری کو رجسٹرڈ ہوا اور ایک ہزاراموات 21 مئی تک ہوئیں۔ وزارت صحت کا کہنا ہے کہ کیسز میں اضافے کی رفتار کافی سست ہوچکی ہے لیکن پھر بھی احتیاط کی ضرورت ہے۔

پاکستان میں کورونا وائرس کے اثرات تیزی سے کم  ہو رہے ہیں اور اگست کے پہلے دس روز 

ماہرین نے ایک کیپسول میں ڈیڑھ ملی میٹر کے 30 ہزار خلیاتِ شامل کئے اور انہیں چوہوں کے متاثرہ دل میں لگایا۔ جن چوہوں میں اسٹیم سیل لگائے گئے ان کے دل کی بہتری ڈھائی گنا زائد دیکھی گئی۔

اس کا صاف مطلب یہ ہے اگر خلیاتِ ساق دل سے نہ چپکے تب بھی وہ اپنا اہم کردار ادا کرسکتے ہیں۔ یہ تحقیق  جرنل آف بایومٹیریلز سائنس میں شائع ہوئی ہے۔

اسٹیم سیل بھرے کیپسول سے ٹوٹے ہوئے دل کی مرمت ممکن

(August 25, 2020)

نیویارک: اسٹیم سیل اپنے خواص کی بنا پر قسم کےخلیات میں ڈھلنے کی مکمل صلاحیت رکھتے ہیں۔ اب چھوٹے کیپسول میں خاص خلیاتِ ساق (اسٹیم سیل) بھر کر انہیں چوہوں میں داخل کیا گیا تو ہارٹ اٹیک سے متاثرہ دل میں بہت بہتری نوٹ کی گئی۔ دل کے شدید دورے یا ہارٹ اٹیک کےبعد دل کے پٹھوں کو شدید نقصان پہنچتا ہے ۔ اس کی تلافی کے لیے رائس یونیورسٹی کے سائنسدانوں نے اسٹیم سیل سے بھرپور چھوٹے کیپسول بنائے ہیں اور اس سے متاثرہ دل کے حصوں کی مرمت دیکھی گئی ہے۔

اگرچہ ہارٹ اٹیک کے بعد دل خود اپنی مرمت کرنے کی کوشش کرتا ہے اور دل کے پٹھوں کو پہنچنے والے نقصان کا ازالہ کرنے کی کوشش کرتا ہے۔ لیکن بعض پٹھے ناقابلِ مرمت ہوجاتے ہیں اور دل کی دھڑکن بےترتیب ہونے سے لے کر دیگر کئی مسائل جنم لیتے ہیں اور اس سے دل کے مزید دوروں کا خطرہ بڑھ جاتا ہے۔

لیکن خلیاتِ ساق کو جب دل پر رکھا جاتا ہے تو وہ بہت دیر تک وہاں نہیں رہتے۔ اس کی وجہ یہ ہے کہ دل انہیں اجنبی اجسام تصور کرتے ہوئے مسترد کردیتا ہے اور وہ دل سے اترنے لگتے ہیں۔ اس مسئلے کےحل کے لیے انہوں نے میسن کائمل اسٹیم سیلز ( ایم سی ایس) کا انتخاب کیا اور انہیں خاص قسم کے ہائیڈروج کیپسول میں بھرا گیا جسے بھوری الجی سے بنایا گیا تھا۔

مرکزی سائنسداں روی گھانٹا نے بتایا کہ توقع کے برخلاف اسٹیم سیل منتقلی کے بعد مرنے لگے اور وہ دل کا حصہ نہیں بنے لیکن ایک کام اور ہوگیا ۔ خوش قسمتی سے خلیاتِ ساق سے بعض کیمیکل خارج ہوئے جو دل کی مرمت کرنے لگے اور چوٹ کی شدت کم ہوئی۔ اسی تصور کے تحت اب یہ ممکن ہے کہ کسی طرح دل کے اوپر خلیات کو دیر تک زندہ رکھا جائے اور وہ متاثرہ دل کو صحت مند بنائے رکھیں۔

انہیں ماسک پہننے کے بعد بھی دیگر تمام احتیاطی تدابیر اختیار کرنی چاہئیں، بصورت دیگر وہ وائرس سے محفوظ نہیں رہ پائیں گے۔

فیس ماسک پہننا خطرناک

(August 22, 2020)

اسلام آباد: فیس ماسک کے بارے میں کہا جا رہا تھا کہ اسے پہننے سے انسان کے جسم میں آکسیجن کی سطح کم ہو جاتی ہے اور دیگر کچھ نقصانات بھی لاحق ہوتے ہیں۔ یہ نقصانات تو ماہرین نے گزشتہ تحقیقات میں غلط ثابت کر دیئے تاہم اب سویڈن کے وبائی امراض کے ایک ماہر نے فیس ماسک کے نقصان کے بارے میں بتا دیا ہے۔میل آن لائن کے مطابق ڈاکٹر اینڈریس ٹیگ نیل نامی ماہر کا کہنا ہے کہ فیس ماسکس کا ایک نقصان یہ ہے کہ اسے پہننے کے بعد لوگ مطمئن ہو جاتے ہیں کہ اب وائرس سے محفوظ ہوگئے اور وہ بے فکری کے ساتھ پبلک مقامات، ٹرانسپورٹ اور بھیڑ والی دیگر جگہوں پر بے

احتیاطی کرتے پھرتے ہیں، جس کے نتیجے میں وائرس تیزی سے پھیل رہا ہے۔ڈاکٹر ٹیگ نیل سویڈن میں کورونا وائرس کے خلاف مہم کے سربراہ ہیں جنہوں نے کہا ہے کہ ایسے ممالک یا علاقے جہاں لوگ فیس ماسک کی پابندی کر رہے ہیں، وہاں بھی کورونا وائرس کے پھیلنے کی شرح بہت زیادہ ہے۔ اس کا مطلب ہے کہ فیس ماسکس بے اثر ثابت ہو رہے ہیں۔انہیں پہننے کے بعد لوگ سماجی فاصلے کی پابندی اور دیگر انتہائی لازمی احتیاطی تدابیر اختیار نہیں کرتے کیونکہ وہ سمجھتے ہیں کہ ماسک پہننے سے وہ محفوظ ہو گئے ہیں۔ لوگوں کا یہ رویہ غلط ہے۔

سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔

پانی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔

پاکستان میں عالمی وبا کورونا کے فعال کیسزکی تعداد 11 ہزار 790 رہ گئی

(August 21, 2020)

اسلام آباد: این سی اوسی کے مطابق گذشتہ 24 گھنٹوں میں کورونا وبا کے 630 نئے کیسزرپورٹ مزید 10 اموات ہوئیں جس کے بعد ملک بھرمیں کورونا کیسز کی تعداد 2 لاکھ 92 ہزار588 تک جا پہنچی ہے۔ فعال کیسزکی تعداد 11 ہزار 790 ہے اور صحتیاب ہونے والے مریضوں کی تعداد دو لاکھ 73 ہزار 579 ہو گئی۔

این سی او سی کے مطابق ملک بھر میں مجموعی اموات کی تعداد 6219 ہو گئی، سندھ میں کورونا مریضوں کی تعداد ایک لاکھ 27 ہزار 381، دوسرے نمبر پر پنجاب ہے جہاں 95 ہزار 958، کے پی میں 35545، بلوچستان میں 12424 ، اسلام آباد میں 15453 ، آزاد جموں و کشمیر 2223 اور گلگت بلتستان میں 2604 افراد اس مرض سے متاثر ہوئے۔

این سی او سی کے مطابق گزشتہ 24 گھنٹوں میں 25 ہزار 613 ٹیسٹ کیے گئے،  ملک بھر میں اب تک 23 لاکھ 89 ہزار 365 ٹیسٹ ہو چکے،  اسپتالوں میں کوروناوینٹی لیٹرزکی تعداد 1920 ہے جن میں سے 141 مریض وینٹی لیٹرپر ہیں، 735 اسپتالوں میں کورونا مریضوں کے لیے سہولیات ہیں۔

کورونا وائرس کے خلاف یہ احتیاطی تدابیراختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازہ کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکربیٹھنے کے بجائے پنکھے کی ہوا میں بیٹھیں۔

فاطمہ جناح اسپتال کوئٹہ، مریض میں کانگو وائرس کی تصدیق

(August 19, 2020)

کوئٹہ: کوئٹہ کے فاطمہ جناح اسپتال میں کانگو کے شبہے میں داخل ایک مریض میں وائرس کی تصدیق ہوگئی جبکہ خاتون سمیت 2 مریضوں کو دسچارج کردیا گیا ہے۔ فاطمہ جناح چیسٹ اینڈ جنرل اسپتال کے ڈاکٹرز کے مطابق کانگو کے شکار مریض کی حالت خطرے سے باہر ہے۔

اسپتال انتظامیہ کےمطابق ایک نوجوان کو کانگو کے شبہے میں اسپتال لایا گیا، جس کے خون کے نمونوں کی رپورٹ کے مطابق اس میں وائرس کے جراثیم موجود ہیں، جس کے بعد اسے اسپتال میں داخل کرلیا گیا ہے۔  انتظامیہ کے مطابق دوسری طرف ایک خاتون اور نوجوان کی کانگو وائرس کی رپورٹ منفی آنے پر انہیں اسپتال سے ڈسچارج کردیا گیا ہے، نوجوان کا تعلق کوئٹہ جبکہ خاتون کا تعلق لورالائی سے ہے۔

اسپتال انتظامیہ کے مطابق گزشتہ 2 ہفتوں کے دوران کانگو وائرس کے 14 مشتبہ افراد کو اسپتال میں لایا گیا، جن میں 6 میں وائرس کی تصدیق ہوئی جبکہ 5 کو صحتیابی کے بعد اسپتال سے ڈسچارج کیا گیا جبکہ وائرس سے متاثرہ ایک خاتون جان کی بازی ہار گئی۔

امریکی صدر کے چھوٹے بھائی رابرٹ ٹرمپ نیویارک میں انتقال کر گئے

(August 16, 2020)

 نیویارک:  امریکا کے صدر ڈونلڈ ٹرمپ کے چھوٹے بھائی رابرٹ ٹرمپ نیویارک میں انتقال کر گئے۔ 72 سالہ رابرٹ ٹرمپ نیویارک سٹی ہسپتال میں زیرعلاج تھے، صدر ٹرمپ کی طرف سے جاری کئے گئے بیان میں کہا گیا ہے کہ وہ ان کے بھائی ہی نہیں دوست بھی تھے۔

امریکی صدر نے ان کی موت سے ایک روز پہلے ان کی عیادت بھی کی تھی، میڈیا رپورٹس کے مطابق وہ سخت علیل تھے ۔لیکن ان کی بیماری کے بارے میں پتہ نہیں چلا۔

کریں۔ ہاوررڈ یونیورسٹی کے پروفیسر کا کہنا ہے کہ مسوڑھوں کی وجہ سے جگر کے کینسر کاخطرہ 52 فیصد تک بڑھ جاتا ہے۔ تحقیقی رپورٹ میں بتایا گیا ہے کہ روزانہ دانت برش نہ کرنے کی وجہ سے مسوڑھے خراب ہوتے ہیں اور پھر اس کی وجہ سے صحت خراب ہوتی ہے۔

دانت برش نہ کرنےسے کینسرکی بیماری لاحق ہوسکتی ہے

(August 14, 2020)

واشنگٹن: طبی ماہرین کا کہنا ہے کہ روزانہ دانت برش نہ کرنے والے افراد میں منہ اور پیٹ کے کینسر لاحق ہونے کا خطرہ بڑھ جاتا ہے۔ امریکا کی ایک یونیورسٹی میں ہونے والی تحقیق میں یہ بات سامنے آئی ہے کہ روزانہ دانت برش کرنا انسانی صحت کے لیے اچھا ہےجبکہ وہ لوگ جو دانت برش نہیں کرتے اُن کے لیے کہا گیا ہے کہ وہ کینسر جیسے خطرناک مرض میں مبتلا ہوسکتے ہیں۔

ماہرین کی جانب سے ایک سروے کے بعد یہ کہا گیا ہے کہ جن لوگ نے بیس سال یا اُس سے زائد عرصے تک اپنے دانت صاف نہیں کیے وہ منہ یا پیٹ کے کینسر جیسے موذی مرض میں مبتلا ہوئے۔ ماہرین کے مطابق دانت صاف نہ کرنے کی وجہ سے مسوڑھوں کی بیماری ہوتی ہے جو منہ کے کینسر کے خطرات کو بڑھا دیتے ہے جبکہ پیٹ کا کینسر بھی اسی وجہ سے لاحق ہوتا ہے۔

امریکی یونیورسٹی کی جانب سے جاری کردہ رپورٹ میں بتایا گیا ہے کہ تحقیق میں شامل ہونے والے 52 فیصد افراد ایسے تھے جن کو مسوڑھوں کی بیماری تھی اور اُن کے کینسر سے متاثر ہونے کے خطرات زیادہ تھے۔

ماہرین نے شہریوں کو مشورہ دیا ہے کہ وہ کم از کم دن میں ایک بار اپنے دانت ضرور صاف 

عالمی ادارہ صحت ویکسین کی تیاری اور ٹرائل کے مراحل پورے کرنے کے بعد ہی کسی ویکسین کے استعمال کی اجازت دیتی ہے تاہم روس نے اپنی ویکسین کی تیاری کے لیے اب تک عالمی ادارہ صحت سے رجوع نہیں کیا ہے۔

واضح رہے کہ چین سے جنم لینے والے کورونا وائرس نے دنیا کے 188 ممالک کو اپنی لپیٹ میں لے لیا اور دنیا بھر میں 25 کروڑ سے زائد افراد کو متاثر کیا ہے جب کہ اس مہلک وائرس سے ہلاک ہونے والوں کی تعداد 7 لاکھ 31 ہزار سے زائد ہوگئی ہے۔ اس وقت کورونا وائرس کی مختلف ممالک میں 100 سے زائد ویکسین کی تیاری کا عمل جاری ہے۔

روس میں پہلی کورونا ویکسین تیار، صدر کی بیٹی کو پہلا ٹیکہ لگایا گیا

(August 12, 2020)

ماسکو: روس کے صدر میلادیمیر پوتن نے اعلان کیا ہے کہ ملک میں کورونا وائرس کی دنیا بھر میں سب سے پہلے تیار ہونے والی ویکسین تیار کرلی ہے جو ملکی محکمہ صحت کی رجسٹریشن کے بعد استعمال کے لیے دستیاب ہے۔ 

عالمی خبر رساں ادارے کے مطابق روس کے صدر میلادیمیر پوتن نے انکشاف کیا ہے کہ گمالیہ نیشنل ریسرچ سینٹر میں تیار کی گئی کورنا وائرس کی پہلے ویکسین کو ملک کے محکمہ صحت سے رجسٹریشن بھی مل گئی ہے جس کے بعد اسے ملک میں استعمال کیا جاسکے گا۔

ویکسین کی تیاری کا دعویٰ کرتے ہوئے روس کے صدر کا مزید کہنا تھا کہ ویکسین کے پہلے ٹیکے میری بیٹوں کو لگائے گئے جس سے اُن میں کورونا وائرس کے خلاف مدافعت پیدا ہوئی جب کہ دیگر رضاکاروں میں بھی ٹرائل کے مثبت نتائج سامنے آئے ہیں۔ کامیاب ٹرائل اور مقررہ معیار پر پورا اترنے کے بعد ویکسین کی رجسٹریشن کرلی گئی ہے۔

اس حوالے سے گمالیہ نیشنل ریسرچ سینٹر کے سربراہ الیگزینڈر گینٹز برگ نے بتایا کہ ویکسین ایڈینو وائرس کی بنیاد پر تیار کی گئی ہے جس میں کووڈ-19 کے مردہ مریضوں کے کورونا وائرس کے ذرات بھی شامل ہیں۔

الیگزینڈر برگ نے مزید وضاحت پیش کی کہ مردہ مریضوں کے کورونا وائرس ذرات تقسیم در تقسیم نہیں ہونے کے باعث ویکسین کے لیے انتہائی محفوظ ہیں۔ یہ ذرات کورونا وائرس کے جسم میں داخل ہونے کی صورت میں مدافعتی نظال کو فعال کردیتے ہیں۔

یاد رہے روس کی ویکسین دیگر ممالک کی اُس 6 ویکسین کی فہرست میں شامل نہیں جو عالمی ادارہ صحت کے مطابق تیسرے مرحلے کے کلینیکل ٹرائل میں داخل ہوگئی ہیں اور دنیا بھر میں ان کا ٹرائل جاری ہے۔

اس طرح اب ممکن ہے کہ اسمارٹ واچ سے جسم میں دوا کی مقدار معلوم کرنا ممکن ہے۔ لیکن اس کے لئے ورزش کرکے بہت پسینہ بہانے کی ضرورت نہیں بلکہ یہ بہت کم پسینے سے بھی برقی کیمیائی سگنل اخذ کرلیتا ہے کیونکہ اس کے سینسر کو بطورِ خاص حساس بنایا گیا ہے۔

جسم میں دوا کا پتا لگانے والی اسمارٹ واچ تیار

(August 9, 2020)

اسمارٹ واچ کو کئی طرح سے صحت و طب کے لیے استعمال کیا جاتا رہا ہے۔ اب اسمارٹ واچ کے ذریعے یہ بھی معلوم کیا جاسکتا ہے کہ بدن میں دوا کونسی اور کتنی مقدار میں موجود ہے۔ یونیورسٹی آف کیلیفورنیا لاس اینجلس میں سیموئیل اسکول آف انجینیئرنگ اور اسٹینفرڈ یونیورسٹی کے ماہرین نے کہا ہے کہ اسمارٹ واچ انسانی پسینے میں موجود کئی طرح کے کیمیکل کی شناخت کرکے فوری طور پر دوا کا اندازہ لگایا جاسکتا ہے اور اس بنیاد پر ہر مریض کو بہتر طور پر اس کے مزاج کے لحاظ سے دوا دی جاسکتی ہے۔

یہ تحقیق پروسیڈنگز آف دی نیشنل اکیڈمی آف سائنسس کے جریدے میں شائع ہوئی ہے۔ اس وقت ہم ہر مریض کو ایک ہی دوا دیتے ہیں اور اس کے مزاج اور جسمانی کیفیات کو یکسر نظرانداز کردیتے ہیں۔ ان میں مریض کی دیگر بیماریوں، وزن، عمر اور دیگر کیفیات کو نظر انداز کردیا جاتا ہے۔

یہی وجہ ہے کہ ہمارے جسم کی کیمیا مسلسل تبدیل ہوتی رہتی ہیں۔ یہی وجہ ہے کہ اس وقت مریض کے لئے مخصوص دوا کا اثر معلوم کرنے کے لئے بار بار خون کا تجزیہ کرنا پڑتا ہے۔

ماہرین نے جو اسمارٹ واچ تیار کی ہے وہ وقفے وقفے سے پسینے کی جانچ کرکے جسم میں دوا کے کیمیکل کی شناخت کرسکتی ہے۔ اس طرح مریض کے لئے دوا کی مقدار اور اس کا وقفہ معلوم کرنے میں مدد مل سکتی ہے۔ تجرباتی طور اسمارٹ واچ کے ذریعے جسم میں مشہور درد کش دوا ، ایسیٹومائنوفین کی مقدار معلوم کرنے میں کامیابی ملی ہے۔ اس کے لئے پسینے میں ہلکا سا کرنٹ دوڑایا گیا اور اس میں چھپے سالمات معلوم کئے گئے۔

 اسٹیفائیلوکوکس آریئس کے علاوہ مذکورہ مرہم ایکینوبیکٹر باؤمینیائی، اسٹینوٹروفوموناس مالٹوفولیا، اسٹینوٹروفوموناس ایپی ڈرمس، اسٹینوٹروفوموناس پایوجینیس اور ان جیسی دیگر اقسام کے جرثوموں کو بھی کامیابی سے ختم کیا۔

ماہرین کو امید ہے کہ یہ مرہم ذیابیطس میں پیروں کے زخموں (ڈائبیٹک فٹ السر) کے علاج میں بھی بہت مفید ثابت ہوگا کیونکہ یہ زخم مندمل نہیں ہوتے بلکہ اندر تک پھیلتے چلے جاتے ہیں جن کی وجہ سے متاثرہ مریض کا پیر کاٹنا پڑ جاتا ہے۔ اس کے بعد وہ مریض پانچ سال سے زیادہ عرصے تک زندہ نہیں رہ پاتا۔

ایک اور انکشاف یہ بھی ہوا کہ مرہم میں شامل اجزاء کو جب الگ الگ کرکے آزمایا گیا تو وہ جراثیم کے خاتمے میں بالکل غیر مؤثر رہے؛ اور انہوں نے صرف اسی وقت زبردست کارکردگی کا مظاہرہ کیا جب مرہم میں تمام اجزاء صحیح مقدار میں ملائے گئے۔

اس اضافی دریافت کی روشنی میں یہ خیال پختہ ہورہا ہے کہ روایتی طور پر جڑی بوٹیوں سے علاج (ہربل میڈیسن) کو سمجھنے کےلیے ہمیں اپنی سوچ کو بدلنا ہوگا۔

پیاز اور لہسن پر مشتمل 1,000 سال قدیم ٹوٹکے سے خطرناک جراثیم کا خاتمہ

(August 8, 2020)

برطانوی سائنسدانوں نے پیاز اور لہسن پر مشتمل 1,000 سال قدیم طبّی نسخہ استعمال کرتے ہوئے تجربہ گاہ میں خطرناک اور سخت جان جرثوموں کو ہلاک کرنے میں کامیابی حاصل کی ہے۔ ریسرچ جرنل ’’سائنٹفک رپورٹ‘‘ کے ایک حالیہ شمارے میں آن لائن شائع شدہ تحقیق سے معلوم ہوا ہے کہ اگر پیاز، لہسن، گائے کا صفرا (جگر کی زردی مائل رطوبت) اور وائن کو آپس میں ملا کر مرہم بنا لیا جائے تو وہ ایسے جرثوموں تک کو بہ آسانی ہلاک کرسکتا ہے جن کے خلاف جدید ترین اینٹی بایوٹکس (ضد حیوی ادویہ) بھی غیر مؤثر ہوتی چلی جارہی ہیں۔

یونیورسٹی آف واروِک، یونیورسٹی آف سینٹرل لنکاشائر اور یونیورسٹی آف نوٹنگھم کی اس مشترکہ تحقیق میں 1000 سال قدیم کتاب ’’بالڈز لیچ بُک‘‘ میں لکھے طبّی نسخوں اور ٹوٹکوں کا جائزہ لیا گیا؛ جسے قرونِ وسطی کے برطانیہ میں اوّلین طبّی درسی کتابوں میں شمار کیا جاتا ہے۔ اگرچہ اس کتاب میں شامل بہت سے نسخے اور ٹوٹکے جدید سائنسی تحقیق کی روشنی میں بے بنیاد اور غلط ثابت ہوئے ہیں لیکن ماہرین کو اسی کتاب میں سے چند نسخے ایسے بھی ملے ہیں جن میں کسی نہ کسی حد تک صداقت محسوس ہوئی۔ 2019 میں شائع ہونے والی ایک تحقیق میں یہ خیال ظاہر کیا گیا تھا کہ بالڈز لیچ بُک میں سخت جان جرثوموں (بیکٹیریا) کو ختم کرنے میں مددگار معلومات موجود ہوسکتی ہیں۔

اسی تحقیق کو آگے بڑھاتے ہوئے مذکورہ ماہرین نے ’’بالڈز آئی سالو‘‘ (Bald’s Eyesalve) کہلانے والے ایک مرہم کو نئے سرے سے بنانے کا فیصلہ کیا۔ کتاب کی عبارت میں ابہام اور گزشتہ برسوں کے دوران اس بارے میں کیے گئے ابتدائی تجربات کو مدنظر رکھتے ہوئے انہوں نے پیاز/ گندنا (پیاز کے خاندان سے تعلق رکھنے والی ایک سبزی)، لہسن، گائے کا صفرا (گائے کے جگر میں بننے والی زردی مائل رطوبت) اور وائن کے آمیزے سے 75 مختلف مرہم تیار کیے۔

ان میں سے پیاز والے 15 اور گندنا والے 15 مرہموں نے پیٹری ڈش میں رکھے گئے سخت جان جرثوموں کو ہلاک کرنے میں بہترین کارکردگی کا مظاہرہ کیا۔ واضح رہے کہ اسٹیفائیلوکوکس آریئس اور اس جیسے دوسرے کئی خطرناک جراثیم نے حالیہ برسوں کے دوران ضد حیوی ادویہ (اینٹی بایوٹکس) کے خلاف مزاحمت نہ صرف پیدا کرلی ہے بلکہ اس مزاحمت میں مسلسل اضافہ ہوتا جارہا ہے، جس کے نتیجے میں یہ دوائیں ناکارہ ہوتی جارہی ہیں۔

ابتدائی مرحلے میں تو پھر بھی کچھ نہ کچھ افاقہ ہوجاتا ہے لیکن اگر یہ بیکٹیریا ایک ساتھ جمع ہو کر باریک جھلی جیسی شکل اختیار کرلیں (جسے ’بایو فلم‘ کہتے ہیں) تو پھر اس جھلی کو توڑنے اور جرثوموں کو مارنے کےلیے اینٹی بایوٹکس کی جو مقدار درکار ہوتی ہے، وہ معمول کے مقابلے میں کم از کم 500 گنا زیادہ ہوتی ہے جو بیکٹیریا کے ساتھ ساتھ مریض کی بھی جان لے سکتی ہے۔ اسی لیے بعض مرتبہ بیکٹیریا سے شدید متاثرہ عضو کو کاٹنا پڑ جاتا ہے۔

ان تجربات کے دوران ماہرین نے دیکھا کہ پیاز/ گندنا اور لہسن والے مرہم نے بیکٹیریا کو نہ صرف انفرادی طور پر بہت خوبی سے ہلاک کیا بلکہ ان کی بایو فلمز کو بھی تباہ کرکے ختم کردیا۔ یہ ایک ایسی خاصیت ہے جو جدید ترین اینٹی بایوٹکس میں بھی موجود نہیں۔

   خواتین اور حضرات گٹھیا کے مرض میں مبتلا ہوگئے لیکن یہ بھی دیکھا گیا کہ جن خواتین و حضرات نے اپنا وزن کم کیا ان میں گٹھیا کا خطرہ بھی کم ہوگیا۔

موٹاپے اور گٹھیا کے مرض کے درمیان تعلق کا انکشاف

(August 7, 2020)

بیوسٹن: اگر مرد و خواتین جوانی اور درمیانی عمر میں موٹاپے کے شکار ہوں تو اگلے ماہ و سال میں ان میں جوڑوں کے درد اور گٹھیا (آرتھرائٹس) کا خطرہ زیادہ ہوجاتا ہے۔ ایک سروے سے معلوم ہوا ہے کہ گٹھیا کے 25 فیصد واقعات کا تعلق کسی نہ کسی طرح موٹاپے اور زائد وزن سے ہوسکتا ہے۔ یہ تحقیق بوسٹن یونیورسٹی اسکول آف پبلک ہیلتھ کے ماہرین نے کی ہے۔ ان کا اصرار ہے کہ جوانی کی فربہی اور گٹھیا یا جوڑوں کے درد کے درمیان گہرا تعلق ہوتا ہے لیکن جوانی میں موٹے افراد جب اپنا وزن معمول پر لے آئے تو اس سے یہ خطرہ ٹل گیا۔

یہ تحقیق جرنل آف آرتھرائٹس کیئر میں شائع ہوئی ہے جس میں کہا گیا ہے کہ امریکا میں گٹھیا کے 27 لاکھ  میں ایک چوتھائی لوگ وہ ہیں جن کا وزن بڑھا ہوا تھا اور وہ موٹے خواتین و افراد کی فہرست میں شامل تھے۔ بوسٹن یونیورسٹی کے نائب پروفیسر ڈاکٹر اینڈریو نے بتایا کہ ’ہماری تحقیق بتاتی ہے کہ سماجی اور معاشرتی عوامل مثلاً زائد کھانا اور موٹاپا وغیرہ کس طرح جوڑوں کے درد کو بڑھاتے ہیں اور یہ مرض گٹھیا میں تبدیل ہوکر شدید تکلیف اور معذٓوری کی وجہ بن سکتا ہے۔‘

ماہرین کا مشورہ ہے کہ فوری طور پر وزن کم کرکے زندگی کو مشکل بنانے والے مرض سے بچاجاسکتا ہے۔ اس تحقیق کے لیے ایک بڑے سروے سے ڈیٹا لیا گیا ہے۔ اس میں 40 سے 69 سال تک کے افراد شامل تھے اور ان افراد کے وزن، بی ایمآئی اور ہڈیوں اور جوڑوں کے مسائل کا جائزہ لیا گیا۔ سروے کے 10 برس میں کل 13 ہزار 669 افراد میں سے3603

پاکستان میں کورونا کے 90 فیصد مریض صحتیاب

(August 6, 2020)

اسلام آباد: پاکستان میں کورونا کے 90 فیصد مریض صحتیاب ہو گئے۔تفصیلات کے مطابق پاکستان میں کورونا وائرس کے کیسز میں اضافے کے مقابلے میں اب صحتیاب افراد کی تعداد تیزی سے بڑھ رہی ہے، سرکاری اعداد و شمار کے مطابق گزشتہ 24 گھنٹوں میں ملک میں 4 ہزار 889 مریض صحتیاب ہوئے، جس کے بعد مجموعی تعداد 2 لاکھ 54 ہزار 286 ہوگئی۔
گزشتہ 24 گھنٹوں کے دوران کووڈ۔19 کے 675 مریضوں کے ٹیسٹ مثبت آئے جبکہ 15 افراد جاں بحق ہوئے جن میں سے 13 افراد ہسپتالوں میں اور 2 افراد گھروں میں قرنطینہ کے دوران اپنی جان کی بازی ہار گئے۔

نیشنل کمانڈ اینڈ کنٹرول سینٹر کی طرف سے جاری تازہ ترین اعدادو شمار کے مطابق گزشتہ 24 گھنٹوں کے دوران 11 ہزار 915 کورونا وائرس کے ٹیسٹ کئے گئے جن میں سے سندھ میں 3 ہزار 922، پنجاب میں 5 ہزار 602، خیبرپختونخوا میں 513، اسلام آباد میں ایک ہزار 362، بلوچستان میں 235، گلگت بلتستان میں 77، آزاد کشمیر میں 204 ٹیسٹ شامل ہیں۔ اب تک ملک بھر میں کووڈ۔19 سے صحت یاب ہونے والوں کی تعداد 2 لاکھ 54 ہزار 286 ہو چکی ہے۔

آزاد کشمیر گلگت بلتستان اور بلوچستان میں کوئی بھی کووڈ۔ 19 کا کوئی مریض اس وقت وینٹیلیٹرز پر نہیں ہے جبکہ ملک بھر میں کووڈ۔19 کے مریضوںکے لئے مختص ایک ہزار859 وینٹیلیٹرز پر 165 مریض ہیں، اس وقت ملک بھر میں کووڈ۔19 کے ایکٹو کیسز کی تعداد 20 ہزار 836 ہے۔ ابھی تک ملک بھر میں کووڈ۔ 19کے مریضوں کی تعداد 2 لاکھ 81 ہزار 136 ہے جن میں سے آزاد کشمیر میں 2 ہزار 105، بلوچستان میں 11 ہزار 780، گلگت بلتستان میں 2 ہزار 218، اسلام آباد میں 15 ہزار 122، خیبرپختونخوا میں 34 ہزار 324، پنجاب میں 93 ہزار 571 اور سندھ میں ایک لاکھ 22 ہزار 16 مریض ہیں۔

ملک بھر میں کووڈ۔19 سے جاں بحق ہونے والوں کی تعداد 6 ہزار 14 ہے جن میں سے سندھ میں 2 ہزار 231 جبکہ گزشتہ 24 گھنٹوں کے دوران 4 افراد ہسپتال میں جاں بحق ہوئے جبکہ ایک مریض گھر میں قرنطینہ کے دوران جان کی بازی ہار گیا۔

روسی سائنسدانوں کا کورونا وائرس کی کمزوری تلاش کرنے کا دعویٰ

August 5, 2020

 ماسکو: روسی سائنسدانوں نے کورونا وائرس کی کمزوری تلاش کرنے کا دعویٰ کیا ہے۔اس وقت دنیابھر میں 160 سے زیادہ گروپس اور ادارے کورونا وائرس یعنی کووڈ 19 کی ویکسیین کی تیاریوں میں مصروف ہیں اور ہر گزرتے دن کے ساتھ ماہرین کورونا وائرس سے متعلق نئی سے نئی معلومات اکٹھی کر رہے ہیں۔ایسے موقع پر جب کورونا کی ویکسین کے لیے سرتوڑ کوششیں جاری ہیں، روسی سائسندانوں نے دعویٰ کیا ہے کہ انہوں نے کورونا وائرس کی ایک کمزوری بھی تلاش کر لی ہے۔

روس میں ریسرچ کے ادارے ویکٹر اسٹیٹ ریسرچ سینٹر آف وائرولوجی اینڈ بائیو ٹیکنالوجی نے دعویٰ کیا ہے کہ کمرے کے درجہ حرارت والےپانی سے کورونا وائرس کے پھیلاؤ کو درحقیقت قابو کیا جاسکتا ہے۔ رپورٹ کے مطابق معمولی درجہ حرارت کے پانی میں کورونا وائرس کے 90 فیصد زرے 24 گھنٹوں میں مر جاتے ہیں جبکہ 99.9 فیصد ذرے 72 گھنٹوں میں مرجاتے ہیں۔

سائنسدانوں نے اپنی تحقیق کی بنیاد پر کہا ہے کہ ابلا ہوا پانی کورونا وائرس کے ذروں کو فوری طور پر مار دیتا ہے۔سپتنک نیوز ایجنسی کی رپورٹ کے مطابق کلورین ملا پانی بھی کورونا وائرس کے خلاف بہت زیادہ مؤثر ہےاور اسے فوری طور پر مار دیتا ہے۔ تحقیق میں بات سامنے آئی کہ کورونا وائرس کلورین ملے پانی اور سمندری پانی میں اگرچہ کچھ دیر زندہ رہا مگر اس دوران بھی وہ پھیل نہیں سکا۔

یاد رہے کہ روس اگلے ماہ کورونا وائرس کی ویکسین کی تیاری کا آغاز کر رہا ہے ۔ روس کے گامالیا انسٹیٹیوٹ کا کہنا ہے کہ وہ اگلے ماہ کچھ ہزار ویکسین کی تیاری کا آغاز کر دے گا جسے اگلے برس کے شروع میں لاکھوں کی تعداد تک بڑھایا جائے گا۔

پاکستان میں کورونا کے حوالے سے غیر سنجیدہ رویہ باعث تشویش، تحقیق

August 2, 2020

کراچی:  آغا خان یونیورسٹی اور چائنیز یونیورسٹی آف ہانگ کانگ کی ایک مشترکہ تحقیق کے مطابق پاکستان کے رہائشی ہر 6 میں سے ایک خاندان کا یہ یقین ہے کہ وہ کووڈ-19 کے خطرے سے محفوظ ہیں خواہ وہ کوئی احتیاطی تدابیر اختیار نہ کریں۔

پاکستانی تحقیق کاروں نے مئی 2020 کے پہلے دو ہفتوں میں ایک آن لائن سروے کیا جس میں 1406 بالغ افراد نے حصہ لیا، ہانگ کانگ میں بھی اسی انداز کا ایک سروے کیا گیا اور اس کے نتائج کا پاکستان میں کیے جانے والے سروے سے موازنہ کیا گیا، کووڈ-19 حکمت عملی کے حوالے سے ہانگ کانگ کو ایک کامیاب ملک سمجھا جارہا ہے جہاں گذشتہ 6 ماہ میں صرف 2770 کیسز سامنے آئے اور 22 اموات ہوئیں،مئی 2020 میں جمع کیے جانے والے اعدادوشمار کے مطابق پاکستان میں ہر 100000 میں سے 137 افراد میں انفیکشن کی تشخیص ہوئی۔  یہ تعداد ہانگ کانگ میں 33 تھی، پاکستان میں 100000 افراد میں اموات کی شرح ہانگ کانگ کے مقابلے میں تین گنا زیادہ 21 اموات پائی گئی۔

اے کے یو کے ڈیپارٹمنٹ آف کمیونٹی ہیلتھ سائنسز کے تحقیق کاروں کے مطابق اگر پاکستان اور ہانگ کانگ میں اس عالمی وبا کے دوران خطرے کے تصورات، ذہنی دباؤ اور مقامی آبادی کے ردعمل کا موازنہ کیا جائے تو یہ جانچنے میں مدد ملے گی کہ پاکستان اس مرض کے پھیلاؤ کو روکنے کے لیے سخت حفاظتی اقدامات کرنے کیلیے تیار ہے یا نہیں، مطالعے سے معلوم ہوا کہ ہانگ کانگ کے شہریوں کے مقابلے میں پاکستانی شہریوں میں کووڈ-19 کی پیچیدگیوں کے متعلق تشویش نسبتاً کم پائی گئی اور وہ یہ محسوس کرتے تھے کہ وہ وائرس کے حملے میں محفوظ رہ پائیں گے۔

مایوسی کے شکار افراد جلد مر جاتے ہیں: تحقیق

(August 01, 2020)

کینبرا:  طبی ماہرین نے بھی ہمہ وقت مایوسی کی باتیں کرنے والے لوگوں کو خبردار کردیا۔غیرملکی خبررساں ادارے کی رپورٹ کے مطابق آسٹریلیا کے سائنسدانوں نے ہر وقت مایوسی کا شکار رہنے والے افراد کو بُری خبر سنادی، سائنس دانوں نے تین ہزار سے زائد لوگوں پر کی جانے والی تحقیق کے نتائج میں بتایا کہ مایوس رہنے والے لوگ جلدی مرجاتے ہیں۔

دوسری طرف خوشگوار زندگی کے حامل افراد پر اس کا کوئی اثر نہیں ہوتا ان کی عمر زیادہ نہیں ہوتی بلکہ اوسط سوچ کے حامل لوگوں کے برابر ہی ہوتی ہے۔ رپورٹ کے مطابق کیو آئی ایم آر برگوفر میڈیکل ریسرچ انسٹیوٹ برسبین کے سائنسدانوں کی اس تحقیق میں معلوم ہوا ہے کہ جو لوگ ہمہ وقت مایوسی کی باتیں کرتے اور شکوے شکایت کرتے ہیں انہیں دل کی بیماریوں سمیت دیگر عارضے لاحق ہوتے ہیں۔

سائنسدانوں کا کہنا ہے کہ وہ امید پرست اور اوسط سوچ رکھنے والے افراد سے دو سال جلد ہی موت کے منہ میں چلے جاتے ہیں۔ تحقیقاتی ٹیم کے سربراہ ڈاکٹر جان وائٹ فیلڈ کے مطابق ہماری تحقیق میں یہ ثابت ہوا ہے کہ قنوطیت (ناامیدی ) اور امید پرستی ایک دوسرے کی براہ راست ضد نہیں ہیں۔ قنوطیت ہماری مجموعی صحت پر انتہائی منفی اثرات مرتب کرتی ہے جبکہ امید پرستی کے کوئی منفی یا مثبت اثرات مرتب نہیں ہوتے۔

اسلام آباد ۔ (لائلپورپوسٹ)کیا قیلولہ کرنے سے انسان کی عمر میں اضافہ ہوتا ہے؟ ایک نئی تحقیق کے نتائج کے مطابق، ایسا بالکل ہوتا ہے۔ تحقیق کے مطابق، ہفتے میںایک یا دو بار قیلولہ کرنے سے فالج اور دل کے امراض کے خطرات آدھے رہ جاتے ہیں۔ تاہم، محققین کا کہنا ہے کہ روزانہ قیلولہ کرنے کے فوائد سامنے نہیں آئے۔ 

تحقیق کی مرکزی مصنفہ اور لیوزین یونیورسٹی ہاسپٹل سوئٹزرلینڈ کی محقق ڈاکٹر نیڈائن ہازل کے مطابق،’’درحقیقت، ہمیں معلوم ہوا کہ وہ لوگ جو پہلے دل کے امراض کا شکار نہیں تھے، وہ اگر روزانہ باقاعدگی سے قیلولہ کرنے لگیں تو ابتدا میں ایسے افراد میں دل کے امراض ہونے کا خطرہ نسبتاً زیادہ ہوتا ہے۔ لیکن جب ہم نے تحقیق میں شامل افراد کے سماجی آبادیاتی اعدادوشمار، لائف اسٹائل اور دل کے مسائل کے ’رِسک فیکٹرز‘ کو مدِنظر رکھا تو یہ اضافی خطرات معدوم ہونے لگے‘‘۔

اس تحقیق میں لیوزین یونیورسٹی ہاسپٹل نے3,500لوگوں کا انتخاب کیا(لوگوں کا انتخاب کرنے میں کوئی مخصوص معیار مقرر نہیں کیا گیا تھا) اور 5سال سے زائد عرصے تک ان کے دل کی صحت کا مشاہدہ کیا گیا۔ تقریباً ہر پانچ افراد میں سے تین کا کہنا تھا کہ وہ قیلولہ نہیں کرتے۔ ہر پانچ میں سے ایک شخص کا کہنا تھا کہ وہ ہفتے میں ایک یا دو مرتبہ قیلولہ کرتا ہے، جبکہ ہر پانچ میں سے مزید ایک فرد کا کہنا تھا کہ وہ ہفتے میں تین یا اس سے زائد مرتبہ قیلولہ کرتا ہے۔

باقاعدگی سے قیلولہ کرنے والوں میں بڑی عمر کے اضافی وزن کا شکار اور تمباکونوشی کرنے والے افراد شامل تھے۔ مزید برآں، مشاہدے سے یہ بات بھی سامنے آئی کہ ایسے افراد رات میں بھی زیادہ دیر سوتے ہیں (ان لوگوں کے مقابلے میں جنھوں نے بتایا کہ وہ قیلولہ نہیں کرتے) جبکہ ان کا یہ بھی کہنا تھا کہ وہ دن میں زیادہ غنودگی محسوس کرتے ہیں۔ محققین کے مطابق، ایسے افراد کو رات میں سونے کے دوران سانس رُکنے کے باعث نیند سے بار بار بیدار ہونے (Sleep Apnea)کے زیادہ خطرات کا سامنا بھی رہتا ہے۔ پانچ سال تک زیرِ مشاہدہ رہنے کے دوران، تحقیق میں شریک 155افراد کو دل کے مہلک اورغیر مہلک حادثات کا سامنا کرنا پڑا، جن میں دل کا دورہ پڑنا، فالج کا حملہ ہونا، اور دل کی شریانیں بند ہونا شامل تھا، انھیں دوبارہ کھولنے کے لیےسرجری کی ضرورت پیش آئی۔

اس تحقیق کی روشنی میں محققین اس نتیجے پر پہنچے کہ ہفتے میں ایک یا دو بار قیلولہ کرنے والے افراد میں دل کا دورہ پڑنے، فالج اور دل کے دیگر مسائل کا شکار ہونے کے خطرات 48فیصد تک کم ہوجاتے ہیں۔ روزانہ باقاعدگی سے قیلولہ کرنے کے دل کی صحت پر پڑنے والے منفی اثرات کےحوالے سے کی گئی اس تحقیق کے نتائج سے دیگر ماہرین بھی متفق نظر آتے ہیں۔ امریکن کالج آف کارڈیالوجی پیشنٹ ویب سائٹ کی ایڈیٹر اِن چیف ڈاکٹر مارٹھا گولاٹی کہتی ہیں، ’’مجھے پریشانی ہے کہ ایک شخص جسے روزانہ قیلولہ کرنے کی ضرورت پیش آتی ہے وہ رات میں اچھی نیند نہیں لے رہا۔ ایسا شخص جو ہفتے میں چھ، سات بار قیلولہ کررہا ہے، میں اس سے یہ پوچھنا چاہتی ہوں کہ کیا وہ واقعی رات میں اچھی نیند نہیں لے پارہا ہے۔ کیا آپ قیلولہ کے ذریعے اپنی نیند کی کمی پوری کررہے ہیں؟ اگر ایسا ہے تو ایسے افراد کو اپنا لائف اسٹائل فوری طور پر تبدیل کرنے کی ضرورت ہے‘‘۔

ہفتے میں ایک یا دو بار قیلولہ کرنا کس طرح دل کی صحت کے لیے فائدہ مند ہوتا ہے؟ اس حوالے سے ڈاکٹر نیڈائن ہازل مزید بیان کرتے ہوئے کہتی ہیں، ’’اس کا مکینزم اتنا سیدھا نہیں ہے۔ ہم سمجھتے ہیں کہ کبھی کبھار کا قیلولہ آپ کی رات کی نیند کی کمی کے نتیجے میں پیدا ہونے والی تھکاوٹ اور اسٹریس میں کمی کا باعث بنتا ہے، جس کے دل کی صحت پر مثبت اثرات مرتب ہوتے ہیں‘‘۔ امریکی سائنسدانوں کا کہنا ہے کہ 3سے 5سال کی عمر کے بچوں میں دوپہر کے کھانے کے بعد ایک گھنٹے کی نیند ان کی ذہنی قوت کو بڑھانے میں مددگار ثابت ہوتی ہے۔

یونیورسٹی آف میساچوسٹس ایمرہرسٹ کے محققین نے40بچوں پر تحقیق کے بعد اپنی مختصر رپورٹ میں کہا ہے کہ 3سے 5سال کے بچوں میں قیلولہ کے فوائد اگلے دن تک جاری رہتے ہیںاوردن کو ایک گھنٹے کی نیند، ابتدائی تعلیم اور یاداشت کو مستحکم کرنے میں اتنہائی اہم ہے۔ تحقیق کے نتائج کے مطابق، قیلولہ کرنے والے بچوں نے شکل و حجم کو پرکھنے کے امتحان میں عمدہ کارکردگی کا مظاہرہ کیا۔ قیلولہ کے بعد بچوں کی یاداشت میں اس دن کے مقابلے میں جب بچوں کو قیلولہ کی اجازت نہیں دی گئی تھی، 10فیصد بہتری دیکھنے میں آئی۔

’سلیپ لیبارٹری‘ میں نیند کے دوران بچوں کے ذہنی معائنے سے پتہ چلا کہ بچوں کے ذہن کے سیکھنے والے حصوں میں زیادہ سرگرمی دیکھنے میں آئی۔ تحقیقاتی ٹیم کی رہنما ریبیکا اسپنسر کے مطابق، ان کی تحقیقاتی ٹیم نے پہلی بار ایسی شہادت پیش کی ہےکہ قیلولہ بچوں کی پڑھائی اور ذہنی قوت کو بڑھانے میں مددگار ثابت ہو سکتا ہے۔ انہوں نے کہا کہ بچوں کی عمر بڑھنے کے ساتھ ساتھ ان میں قیلولہ کی عادت ختم ہو جاتی ہے لیکن کم عمر بچوں میں اس کی حوصلہ افزائی ہونی چاہیے۔

نیویارک (لائلپورپوسٹ)- عالمی ادارہ صحت نے کہا ہے کہ وہ کورونا وائرس سے نمٹنے کی عالمی سطح پر تیاریوں کا جائزہ لینے کیلئے آزادانہ اور شفاف تحقیقات کرائے گا۔

ادارے کے ڈائریکٹر جنرل Tedros Adhanom Ghebreyesus نے آج(پیر) ڈبلیو ایچ او کے ورچوئل اجلاس سے خطاب کرتے ہوئے کہا کہ تحقیقات کا مقصد مستقبل میں بھی کسی بھی ناخوشگوار صورتحال سے بچنا ہے اور باہمی تجربات سے استفادہ کرنا ہے۔

چین کے صدر شی جن پنگ اور دیگر عالمی رہنماؤں نے اس سلسلے میں عالمی ادارہ صحت کو ہر ممکن تعاون کا یقین دلایا ہے۔

ہوسٹن: اب ماہرین نے ایک ایسا الیکٹرانک امپلانٹ (پیوند) بنایا ہے جو آنکھوں کو باقاعدہ نظر انداز کرتے ہوئے بصارت کے سگنل براہِ راست دماغ تک پہنچاتا ہے۔ دماغ میں لگانے کے بعد یہ پیوند براہِ راست بینا اور نابینا افراد کو مختلف الفاظ اور جملے دکھاسکتا ہے لیکن اس کے لیے آنکھوں کی ضرورت نہیں رہے گی۔

یہ پیوند ہیوسٹن میں واقع بیلر کالج آف میڈیسن کے سائنسدانوں نے تیار کیا ہے جس کی بدولت نابینا افراد مختلف الفاظ دیکھ سکتے ہیں۔ اس کی تفصیلات جرنل سیل میں شائع ہوئی ہے۔ تفصیلات کے تحت اس میں ایک حساس کیمرہ استعمال ہوتا ہے جو منظر کو دیکھتا ہےہ اور الیکٹروڈ (برقیروں) کے تحت براہِ راست اس کی معلومات دماغ تک جاتی ہے۔ ماہرین نے اس عمل کو ’وژول پروستھیٹک‘ کا نام دیا ہے۔ جس میں اندھے پن کے شکار بہت حد تک دیکھنے کے قابل ہوجائیں گے۔ لیکن ہر انسان کے لیے اس کی منزل ابھی بہت دور ہے۔

ابتدائی درجے میں نابینا افراد مختلف اشیا کے کنارے اور الفاظ کی تفصیلات محسوس کرنے لگے تھے کیونکہ برقی سگنل کا ڈیٹا اور تفصیلات ان تک جارہی تھیں۔ کئی نابینا شرکا نے الفاظ کو اچھی طرح شناخت کرلیا ۔ اکثر رضاکاروں نے کہا کہ انہیں الفاظ روشن کناروں کی طرح دکھائی دے رہے ہیں گویا کسی نے رات کی تاریکی میں آسمان پر کچھ لکھ دیا ہے۔

اس کے تحت کوئی بھی شخص چھونے کے عمل سے الفاظ کو محسوس کرسکتا ہے۔ اسطرح نابینا افراد اپنے گھر کے افراد کے خدوخال پہچان سکیں گے۔ آزادانہ گھوم پھرسکیں گے اور ہاتھوں سے کسی شے کو چھوکر اس کی ممکنہ شکل کو براہِ راست دماغ سے دیکھ سکیں گے۔

ہاتھوں کی بصارت کو یقینی بنانے کے لیے الیکٹروڈ کو دماغ کے بصری حصے ’وژول کارٹیکس‘ میں لگائے گئے ہیں لیکن اب تک تمام حصے پر سارے الیکٹروڈز نہیں لگے ہیں۔ امید ہے کہ پیوند کے اگلے ماڈل میں مزید کچھ بہتری سامنے آسکے گی۔

ملک میں کورونا وائرس سے متاثرہ مصدقہ مریضوں کی تعداد14ہزاراناسی ہوگئی ہے۔نیشنل کمانڈ اینڈآپریشن سنٹرکے مطابق پنجاب میں پانچ ہزار 640، سندھ میں4 ہزار956، خیبرپختونخوا میں ایک ہزار984، بلوچستان میں 853، گلگت بلتستان میں320، وفاقی دارالحکومت اسلام آباد میں 261اور آزاد کشمیر میں 65 افراد میں وائرس کی تشخیص ہوئی ہے۔کورونا وائرس سیمتاثرہ اب تک 3 ہزار233مریض صحت یاب جبکہ20نئی اموات کیساتھ جاں بحق افرادکی تعداد 301 ہوگئی ہے۔

2020. All Rights Reserved. Layalpur Post Media House, Faisalabad Pakistan.